Tráiler de Another World para Playstation 3

Por: Xoves, 24 de Xuño de 2010

Xa teño falado deste esperadísimo título , pero agora volve ser nova, xa que os xeniais Level 5 anunciaron que tamén aparecería unha versión de este precioso xogo na consola de sobremesa de Sony.

Para os que non saibades nada deste xogo, só mencionar que está creado por unha das grandes compañías actuais como é Level 5, e que nos sumerxirá nun mundo precioso, cheo de cor, de amor, de vida … qué pode saír mal?.Non debe fallar nada.

Se non credes as miñas palabras observade o tráiler, o cal trae unha parte in-game, e decídeme se non vos trasmite unha certa sensación de calma e felicidade:

Tamén comentaron que esta nova versión para a Playstation 3 non será exactamente igual á de Nintendo DS.

Para rematar, decir que a versión portábel estará dispoñíbel o 9 de decembro en Xapón ( só espero que non se demoren demasiado en traelo a occidente) e que a versión de sobremesa non poderemos desfrutar dela ata 2011.

Toca esperar por un xogo que levo pensando nel dende que anunciaron o primeiro tráiler. E penso que non é para menos.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario