Hai mellor noticia que esta para os usuarios dunha PSP?, pois por suposto que non, porque anunciouse oficialmente unha nova entrega de God of War para esta portábel, e aparece co sobrenome de Ghost of Sparta.

Polo de agora non se sabe demasiado, só que haberá novas maxias, unha duración maior que a anterior entrega e un sistema de armas mellorado. O argumento situaranos entre o God of War 1 e 2, e por se queda algún escéptico con este título, tranquilos, porque esta nova entrega volve da man de Ready at Dawn Studios colaborando con Santa Monica Studio, así que a calidade está asegurada.

Se o mellor xogo do catálogo da PSP é o propio God of War: Chains of Olympus, case estou por asegurar que cando chegue este novo capítulo, vai ocupar o segundo posto, porque conforme traballan estas persoas, creo que van ser moi capaces de superar o seu prepio xogo.

Teremos máis información no próximo E3, e xa o quero ver en movemento.

ghost-of-sparta-01

ghost-of-sparta-03

ghost-of-sparta-02

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

2 Comentarios a “Volve Kratos á PSP con God of War: Ghost of Sparta”

  1. Amse di:

    Boas!

    Haberá que ver!

    Se vai sair outro GoW pra PSP de seguro que me fago con algunha copia! Xoguei ó anterior e a verdade non sei se será o mellor xogo da PSP, pero ben podería selo!

    Grandísimo blog, encántame que exista este proxecto en galego. É perfecto, meu! Moi ben! 😀

  2. skaltum di:

    Desde logo, para mín o primeiro God of War da PSP é do melloriño que se pode atopar en todo o seu catálogo, e estou case seguro que esta segunda entrega vai igualar, se non superar a Chains of Olympus.
    É raro que Kratos defraude.

    Pois moitas grazas por pasarte por este recuncho no que pretendo falar da actualidade dos videoxogos.
    Espero verte por aquí algunha vez máis.
    Saúdos.

Deixar un comentario