Aí, aí,… edición especial de Aliens vs Predator

Por: Sábado, 12 de Decembro de 2009

edicion coleccionista AvP

Vale, se xa os xogos en si son demasiado caros, as edicións especiais levan o primeiro premio, pero é que de vez en cando hai que fixarse no que che traen estas novas edicións, porque se molan tanto como a de Alien vs Predator case vale o pene a pena.

Este xogo xa está causando bastante tolemia en todos os lugares que chega os seus tráilers, imaxes, informacións, etc, poque a verdade é que ten unha pinta única, pero despois de saber que sairá o próximo 19 de febreiro e que na súa edición especial traerá unha cría de Alien, xa está todo dito e xa me da igual o resto das características desta nova edición.

Si, tamén traerá a típica caixa metálica, unha insignia da corporación do filme,unha postal e un código para descargar o futuro DLC, pero isto todo queda a un segundo plano coa recreación perfecta da cría de Alien.

Imaxinádevos o que debe molar ter un alien colgado do teito da habitación. Demasiado friki?, o mellor si, pero esta figura ten que adornar en calquera lado.

E cada vez que vexo a foto, gústame máis.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario