Na pequena portábel de Nintendo os RPG atoparon un bo resgardo para camuflarse entre tanta insignificancia videoxoguil, e así, á espera dun dos xogos de rol que mellor pinta ten como é o Another World , temos que engadir outro título esperado para engrosar ( ou cebar ) o catálogo da DS, concretamente estoume a referir a “Nostalgia”.

A historia sitúanos no final do século XIX controlando a un rapaz que parte na búsqueda desesperada do seu proxenitor ( a historia non é nada orixinal ), pero a súa estética, ambientación por diferentes lugares do planeta e apartado técnico coidado pode ampliar o radio de calidade. Como guinda final, poderemos surcar os ceos coas nosas naves aumentando así a variedade e orixinalidade do título.

Como sempre, os xaponeses xa poden estar desfrutando del, e o 27 de outubro sairá en ianquilandia. Cun pouco de sorte incluso pode chegar a Europa, eu espero que si.