Gameplay de Ratchet & Clank: A Crack in Time

Por: Venres, 11 de Setembro de 2009

Fai uns anos daba o que fose por pillar un título destas características, e todos recordamos ( con añoranza atrévome a decir ), a pequena disputa que había entre os Ratchet e os Jak & Daxter. Ambos títulos dunha calidade innegábel, pero xa daquelas o conto comezaba a cambiar con cada entrega que saía ao mercado. A saga Jak innovaba con cada videoxogo que creaban, con mención especial á segunda parte ( totalmente impresionante e o mellor plataformas/aventura da Playstation 2).

Sen embargo, os Ratchet & Clank mantíñanse nun inmovilismo absoluto, todos eles xogos clónicos coa única diferenza nas súas armas e… pouco máis. O bo desta similitude entre título e título é que tamén se mantivo o espíritu de diversión que nos sorprendeu na primeira incursión de Ratchet. Pero, chega un punto… que cansa.

Pois ben, todo segue igual, o que vemos neste vídeo podería ser unha parte da segunda entrega de Ratchet ( quitando a melloría do apartado gráfico ). Nada se cambiou, incluso os gadgets son similares ou iguales na maioría dos casos ( alusión ás botas magnéticas ).

Non nego que a diversión estea presente, porque, a quén non lle gusta reventar decenas de robots cunha minibomba nuclear?, pero bótase de menos algo de innovación, un novo cambio, xa levan moitos anos explotando e creando o mesmo, de feito, cada xogo que sacan é máis unha ampliación do anterior que unha nova proposta.

Veña Insomniac, non fagades un copia e pega, arriscade e innovade. Que xa vos vai sendo horas.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario