Nova batería de Guitar Hero

Por: Xoves, 16 de Xullo de 2009

A quinta parte de Guitar Hero estará acompañada por un novo periférico para simular a batería. Como se pode apreciar, o deseño é prácticamente idéntico á anterior versión, coa única diferenza presente nos platillos, que nesta ocasión serán completos ( non como o tercio de platillo da anterior batería).

Aínda que o que realmente habería que preguntarse é si a calidade ( e precisión ) será tan mala como o anterior periférico,( e non me fagades recordar a miña tráxica historia cun destos packs de Guitar Hero), xa que os golpes non estaban plasmados ao 100% ( nin sequiera ao 60%), os parches fallaban ao pouco tempo e se te atrevías a aumentar a súa sensibilidade cun cable que tiñas que pedir, desestabilizábanse todos os parches e víaste sumerxido nun caos irremediábel.

¿Estaremos ante uns plásticos inútiles en forma de batería?¿Sentirémonos tan enganados como a anterior ocasión?¿Volverán aproveitarse do tirón de Guitar Hero para meternos outro irrisorio periférico?

Moito me temo que…

batería GH5

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario