Epic Games fala sobre Project Natal

Por: Mércores, 8 de Xullo de 2009

cliff

A día de hoxe, xa todos sabemos a que nos referimos cando mencionamos Project Natal . Uns teredes visións positivas sobre este cacharro e outros temos opnións negativas sobre a tentación insaciábel de eliminar o mando clásico dos videoxogos.

Pois agora tócalle opinar a un dos personaxes máis representativos desta última xeración, e isto foi o que mencionou Cliff Bleszinski ( creador de Gears of War ), nunha das súas charlas:

“Botarémoslle unha ollada  a Natal (non prometo nada) aínda que é probábel que Epic siga traballando coa interfaz de control clásica no futuro inmediato. Pero creo que sempre hai formas de combinar os dous sistemas e complementar un xogo clásico cos controis de Natal para facer algo inmersivo.”

Para min son palabras alentadoras (esperemos que a longo prazo os de Epic continúen creando xogos co control clásico e non se deixen enganar por modas pasaxeiras ), xa que non poño en dúbida que esta cámara sexa útil para títulos de minixogos ( como fixeron co Eye Toy), pero de aí e tentar involucrala en shooters, aventuras, etc pareceme bastante arriscado, xa que dubido ( case o aseguro ao 100% ) que esa camariña responda como nos queren facer ver nos vídeos e en todo ese “hype” que se lle está dando.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario