Futuro xogo musical, Easy Piano para DS

Por: Xoves, 25 de Xuño de 2009

E continuamos coa treboada de xogos musicais, e se non vos chega con emular unha guitarra , baixo, batería, pratos de Dj e voz, agora tócalle ao piano.

Game Life é a compañía que sacará este xogo , con data de saída fixada en novembro, e virá acompañado por un periférico ( así pódenlle aumentar o prezo un pouco máis ), que presumo que será similar ao de Guitar Hero pero con forma de piano, para tentarnos facer crer que poderemos aprender a tocar este instrumento sen problema…

Easy Piano estará composto por 40 títulos clásicos, desde temas infantís ( non por favooooorrr), ata música pop, clásica e jazz, ademáis contará cun profesor virtual que nos amosará os “intrígulis” do piano,complementados con diferentes minixogos que nos farán a aprendizaxe máis doada.Como extra teremos o estudo de composición, que non hai que ser demasiado intelixente para saber de que se tratará.

En fín, outro título que se suma ao tren de vende-xogos-cutre-musicais, que tanto mal están facendo na portábel de Nintendo, e como podedes comprobar nas imaxes, nin é bonito de ver, pero como sempre, teremos que esperar para comprobar a súa diversión, e se esta é elevada (cousa que dubido moito ), poderemos perdoar esta fea interface.

easy piano easy piano 2

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario