Wanted : Weapons of Fate

Por: Xoves, 7 de Maio de 2009

Despois de acusar á película Wanted, como un dos mellores filmes de acción do pasado ano, e quedar máis tranquilo cun pato, decidín catar a súa versión de consolas, e algo mantívose intacto: a espectacularidade.
En serio, ninguén cun pouco de sentido ten esperanzas en que un xogo basado nunha película sexa bo nin entretido, e desta volta non tiven máis remedio que tragarme as miñas propias palabras.
O argumento do videoxogo trasládese xusto despois da película, e colleremos o control de Wesley ( o principal protagonista da cinta) e do seu pai ( este controlarémolo a modo de flash-backs para ir desentramando toda a historia), de feito o argumento é un dos puntos fortes do videoxogo, enlazando todo perfectamente e cun final insospeitado.
Cando estemos manexando a algún destes personaxes, poderemos facer todas as virguerías que fan na película dende os clásicos tiros curvados ata as misións francotirador, pero o mellor non é que se poida facer, o mellor é o simple que é facer todas estas acrobacias, asique podesdes estar seguros que aos poucos segundos estaredes saltando por enriba de mesas, acribillando inimigos cubertos por escudos…
Pero como dixen ao inicio, a espectaculariedade rebosa por todos os recantos, con momentos no que todo se relantiza e o único que temos que facer é disparar aos inimigos mentres presenciamos os rápidos movementos do protagonista, escapar dun avión en plena caída ( e sen paracaídas ), pelexas corpo a corpo a modo de QTE,etc.
Falando do apartado gráfico temos que dividir o xogo, xa que atopámonos con interiores regulares e bastante lisos xunto cuns exteriores moito máis elaborados e acompañados duns efectos luminosos impresionantes. Esta descompensación pódese perdoar, pero o que non se pode perdoar, e ninguén debería, é a súa duración. O xogo non chega nin as catro horas, e eso a primeira vez que xogas e non coñeces nada, se o pasas de segunda, en dúas horas remátalo. Máis cun videoxogo para unha “demo”, podédesme crer, a duración é esaxeradamente curta.
Aínda con todo isto, o xogo ten un factor moi importante ao seu favor, consegue divertir e non aburre nada.
Sí, os gráficos poderían ser mellores. Sí, o que se trata e de disparar a todo canto se mova. Sí, a duración é case inexistente.
Pero recoñezo que o pasei de marabilla mentres o xoguei, e o final, isto é do que se trata.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

2 Comentarios a “Wanted : Weapons of Fate”

  1. Marcus di:

    Si, o xogo é tan divertido coma curto. A min o final pilloume totalmente por sorpresa (pensaba que aínda ía pola metade do xogo).
    Do que non gustei nada é de que os desenvolvedores aseguraban que o xogo collía cousas non só da película, senón tamén do cómic, e non atopei nin rastro diso.

  2. skaltum di:

    Teño que recoñecer que non lin ningún cómic de Wanted, polo que non pode dicir se está ben ou mal plasmado. O que sí me gustou moito foi a maneira de enlazar pasado con futuro para ir ofrecéndoche o argumento, ademáis da aparición de Morgan Freeman en determinadas partes,igual que na versión cinemática.
    Pena que non aparecese Angelina ……

Deixar un comentario