Novo tráiler de Bayoneta

Por: Venres, 10 de Abril de 2009

Sega, acaba de facer público o tráiler da última toleada de Platinum Games, e a verdade, gustoume bastante o que vin, e máis despois de ver as regulares fotos que se publicaron deste xogo.
O xogo móstranos acción sen descanso (nótase que é o creador do primeiro Devil May Cry), ademáis os parecidos con este xogo son notábeis, dende os poderes da protaginista, movementos similares, e fai unha semana anunciaron que Bayoneta tería unha dificultade que rozaría ao sadismo (o mellor non será tanto como falan, pero vendo a dificultade que acadaba o primeiro DMC, non me sorprendería nada que fose certo).
O peor é que o apartado gráfico parece bastante frouxo, pero esperemos que non a fastidien neste punto, xa que podemos estar ante un dos xogos máis divertidos e espectaculares que están por chegar.
Vos mirade e sacade as vosas propias conclusións.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario