Novo vídeo do «Forza 5»

Por: Luns, 28 de Outubro de 2013, 16:30 COMENTAR

fm5
Turn10 publicou un novo vídeo ingame do Forza Motorsport 5. Nesta nova entrega, podemos ver ao xogador aos mandos dun Ferrari F12 Berlinetta ao redor do mítico trazado belga de Spa-Francorchamps.

Estará dispoñible dende o 22 de novembro, en exclusiva para a Xbox One.

xbox one disco duro

Aínda que polo que parece PS4 leva certa vantaxe sobre a súa competidora Xbox One, un grupo de analistas, concretamente a firma Baird Research, consideran que a consola de Microsoft venderá máis unidades que Playstation 4 neste Nadal.

O portavoz deste grupo, Colin Sebastian sinala:

A pesar de que outras estimacións dan certa vantaxe á PS4 en Nortamérica, nós agardamos un rendemento similar e incluso superior en ventas para Xbox One para o final da ventá de lanzamento.

Colin Sebastian tamén considera que entre ambas consolas van a vender entre 5 e 6 millóns de unidades, así como o esgotamento destas na maioría dos puntos de venta:

Os nosos controis en cadeas de tendas sinalan que hai unha demanda moi superior á oferta.

NBA_LIVE14

Hai anos, ademais da batalla entre os partidarios do FIFA e os do Pro, había outro enfrontamento, aínda que cuantitativamente menor nestes lares, que dividía aos usuarios: escoller entre os xogos da saga NBA Live (os de sempre) ou os “recén chegados” de NBA 2k.

Dito dilema resolveuse unilateralmente cando EA Sports, a compañía creadora de moitas outras sagas deportivas de éxito, decidíu renomear a edición que vería a luz a finais de 2010 coma NBA Elite 11, pondo fin así a unha marca iniciada no ano 94 co NBA Live 95. Mais ese cambio xa era debido a un para eles necesario cambio de estratexia, xa que unha saga posterior á súa, os NBA 2k creados primeiramente para Dreamcast no ano 99, víñalle gañando a partida nos últimos anos, tanto en calidade coma en vendas.

Portada prevista do malogrado NBA Elite 11

Portada prevista do malogrado NBA Elite 11

Ao pouco os directivos de EA Sports deberon decatarse de que a batalla estaba máis que perdida, e o novo proxecto NBA Elite 11 foi cancelado mentres se agardaban que sopraran mellores ventos, propiciados pensarían, por unha caída da calidade dos NBA 2k ao carecer de competencia. Mais foi todo o contrario, 2k Sports non se acomodou e foi mellorando o seu xogo edición tras edición, proporcionandonos nos últimos anos o que para moitos é a mellor experiencia de xogo deportivo para consolas. As versións 12 e 13 do NBA Elite/Live previstas por EA Sports tampouco chegaron a ver a luz, sendo canceladas en distintos momentos do seu desenvolvemento.nba-2k14-next-gen-graphics-xbox-one-playstation-4-hd-preview

E é agora, coa chegada da nova xeración, cando EA Sports ve a oportunidade de relanzar o seu proxecto. Na mesma data de saída das novas Xbox One e PS4 os seareiros do basket teremos de novo varias opcións entre as que escoller: a espectacularidade, os equipos de Euroleague e o apadriñamento de Lebron James do NBA 2k14 e esta renacida proposta do NBA Live 14, recuperando a denominación orixinal, que vemos neste trailer:

 

Aínda é cedo para posicionarse, pero a primeira impresión é que a loita ten toda a pinta de voltar a ser desigual.

fm5
Microsoft ven de publicar un novo vídeo, ao máis puro estilo modo “Autovista” do Forza Motorsport 4, do «Forza Motorsport 5», no que o coñecido presentador do programa Top Gear, Jeremy Clarkson (@JeremyClarkson) nos fala das súas impresións de dous dos novos superdeportivos que incluirá o xogo: o Pagani Huayra e o McLaren P1.

O «Forza Motorsport 5» será exclusivo para Xbox One e chegará ao mercado na data de lanzamento da videoconsola, o 22 de novembro. Os xogadores que reservaran a videoconsola, obterán, totalmente de balde, unha copia do Forza 5 ou do FIFA 14, segundo prefiran.

need-for-speed-rivals
Electronic Arts publicou un novo tráiler do «Need for Speed Rivals» onde podemos ver os diferentes modos de xogo cos que contaremos.

“Non hai salas de espera, todo é perfecto. Ti e mailos teus amigos poderedes compartir o mesmo xogo, a mesma carreira e a mesma persecución. Os camiños crúzanse e as experiencias únense: imaxina a túa carreira e a persecución do teu amigo xuntándose, creando un mundo onde ningún evento será igual a outro.”

“Non queres xogar con outros? Entón simplemente escolle percorrer o condado de Redview pola túa conta e superar á IA en carreiras e persecucións policiais.”

O lanzamento está previsto para o vindeiro 19 de novembro para PC, PlayStation 3 e Xbox 360, mentres que as versións para Xbox One e PlayStation 4 chegarán o 22 e 29 de novembro, respectivamente.

the-elder-scrolls-online
A compañía ZeniMax Online ven de publicar un novo vídeo do «The Elder Scrolls Online». Neste caso, o director artístico Jared Carr preséntanos as opcións de personalización dos nosos personaxes que teremos no videoxogo.

“Temos un equipo dedicado de artistas que empregaron moito tempo e enerxía en desenrolar isto para os xogadores porque entendemos o importante que é e penso que poderedes apreciar a súa dedicación cando creas un personaxe.”

O lanzamento está previsto para 2014 para Mac, PC, PlayStation 4 e Xbox One.

Assassins-Creed-IV

A próxima entrega da sobre-explotada saga Assassin´s Creed chegará o 29 deste mes a Xbox 360 e PS3 e como é normal, toca vendelo ben aos consumidores.

Pois Jean Sebastien Decant, deseñador do título comentou que superar o título ao 100% poderá levarnos unhas 80 horas, número que non está nada mal para un xogo destas características:

Completar a historia principal pode levar unhas 20 horas, e conseguir os obxectivos adicionais, unhas 60 horas máis. Sobre o tamaño do mapa non podería dicir números, mais temos tres grandes cidades, comparadas con outros xogos, son tres cidades enormes e quince localizacións únicas ao redor do mundo, ademais dun montón de illas onde podes construír edificios e cousas así. Recorrer o mapa en barco podería supoñer 15 ou 20 minutos sen parar.

Para aqueles fans da saga estas palabras son motivo de alegría, e poida que teñan Assassin´s Creed para tempo.

Facemos unhas aposta? Canto tardarán en anunciar un novo título da saga? Tic, tac, tic, tac…

watch-dogs-atraso
Nun inesperado comunicado feito onte no blogue de Ubisoft, a compañía anunciou que atrasarán o lanzamento do agardado «Watch Dogs» a vindeira primavera de 2014.

Segundo a compañía, esta demora débese ao desexo da mesma de non comprometer a calidade do xogo cun lanzamento prematuro. Durante estes meses aseguran que aproveitarán para pulir os detalles para ter unha mellor experiencia de xogo.

O comunicado completo:

“A nosa ambición dende o comezo con Watch Dogs foi ofrecer algo que encarne o que queremos ver na seguinte xeración de videoxogos. É con isto en mente que tomamos a difícil decisión de demorar o lanzamento ata a primavera de 2014.

Sabemos que moitos de vós vos preguntaredes: Por que agora? Loitamos co feito de que se ía atrasar o xogo, pero dende o comezo adoptamos a postura de que non iamos comprometer a calidade. A medida que nos achegabamos ao lanzamento e todas as pezas do crebacabezas ían encaixando no noso último empuxón antes de completalo, quedou claro que preciabamos un tempo extra para pulir e afinar cada detalle, para que puidéramos dar unha experiencia verdadeiramente inesquecible e excepcional.

Queremos aproveitar esta oportunidade para darvos as grazas a todos. Encántanos e apreciamos como respondedes na web, nos eventos, conferencias de prensa e outras oportunidades de interactuar connosco. A vosa pasión mantennos motivados.

Non podemos agardar a vervos en Chicago a vindeira primavera. Estamos seguros que ides adorar este xogo tanto como nós adoramos traballar nel.”

O lanzamento estaba previsto para o vindeiro 21 de novembro para PC, PlayStation 3, PlayStation 4, Wii U, Xbox 360 e Xbox One.

the-crew-logo
Por outra banda, tamén confirmaron atraso do lanzamento do MMO de carreiras «The Crew», previsto para comezos de 2014, a algún momento entre o segundo e terceiro trimestre do mesmo ano.

Compite contra “Stig” en Forza 5

Por: Venres, 11 de Outubro de 2013, 13:00 COMENTAR

fm5
Para os que non o coñezades, Stig é o máis que coñecido misterioso piloto do programa británico Top Gear. É o encargado de levar ao límite os novos modelos que presentan no programa.

Cando ves o programa, sempre che queda esa pregunta: “Como o faría se correse contra Stig?”. Pois ben, tal e como nos presentan no seguinte tráiler, no Forza Motorsport 5 poderemos competir contra el, ou máis ven contra “o seu curmán dixital”.

Como a entrega anterior, o Forza Motorsport 5 contará co circuíto Top Gear Test Track, así como os comentarios dos seus presentadores Jeremy Clarkson, Richard Hammond e James May.

Estará dispoñible o 22 de novembro, data de saída da Xbox One. As reservas da videoconsola, poderán optar entre unha copia deste xogo ou do FIFA 14.

«Dead Rising 3» non sairá en Alemaña

Por: Venres, 11 de Outubro de 2013, 12:00 COMENTAR

dead-rising-3
Segundo confirmou a propia Microsoft, o xogo de nova xeración Dead Rising 3 non superou as probas de calificación do organismo alemán e bloqueou o lanzamento do título no país xermano.

“Dead Rising 3 non sairá á venda en Alemaña como parte da liña de lanzamentos da Xbox One o 22 de novembro, ao non conseguir acadar unha calificación de idade polo BPjM (Bundeprüfstelle für jugendgefährende Medien), organismo regulador do software de entretemento do país.”

“Aínda que Microsoft está decepcionado con esta decisión, respetamos os puntos de vista dos revisores e retiramos o Dead Rising 3 da liña de lanzamentos da Xbox One en Alemaña. Dead Rising 3 seguirá a estar dispoñible nos outros mercados o 22 de novembro. Máis aló diso, non temos máis comentarios.”

Aínda que a organización alemana non deu detalles dos motivos, este tipo de medidas non son novas, xa que as dúas entregas anteriores da saga xa foran baneadas no seu momento.

xbox one disco duro
Ademáis da función constante de gravación dos últimos 5 minutos de xogo, un directivo de Microsoft confirmou que a videoconsola gardará automáticamente o momento no que o xogador consiga desbloquear os logros dos xogos, para poder ver máis tarde como os conseguíu e compartilo cos demáis xogadores.

“O DVR gravará automáticamente calquer Logro que desbloquees, así cada vez que aumentes o teu Gamerscore terás gardado como o conseguiches e poderás velo máis tarde.”

Os xogadores poderán revisar, recortar e cargar automáticamente os vídeos dende a propia aplicación da Xbox One.

Assassin-s-Creed-4-Black-Flag-Gets-Brand-New-Screenshots
Ubisoft ven de publicar o anuncio que emitirán nas televisións norteamericanas para promocionar a nova entrega da saga: «Assassin’s Creed IV: Black Flag».

O lanzamento está previsto para o vindeiro 1 de novembro para as videoconsolas actuais, mentres que as videoconsolas de nova xeración e PC terán que agardar ao 22 de novembro.