Análise de GTA V

Por: Xoves, 7 de Novembro de 2013, 16:27 COMENTAR

gta 5 2

Por fin, despois de innumerábeis horas percorrendo a xigante cidade de “Los Santos” cheguei á fin da historia de GTA V e podo dar a miña opinión persoal sobre este xogo que tanto deu que falar. De verdade é tan bo como din os críticos? Si, e non, pero vaiamos por partes.

Primeiro comecemos pola historia, e xa dando por sentado que a violencia (moitas veces extrema) é o pan de cada día desta saga, esta quinta entrega ponnos en pantalla a tres personaxes ben diferentes, Trevor, un psicópata amante da violencia e falto dun verán que non ten reparo e aniquilar a ninguén, Michael, ex compañeiro deste, que despois dalgún cambio nas súas vidas volven a reencontrarse, e Franklin un “pandilleiro” que sen querer, vese involucrado entre estas dúas persoas.

A novidade desta entrega non recae só na historia entrelazada de tres protagonistas diferentes, senón que inflúe directamente en termos de xogabilidade, xa que poderemos cambiar entre os tres personaxes nunha mesma misión, o que nun momento parece que o transcurso das misión será máis variada, pero deixemos de ser tan benévolos con este título e preguntémonos, está ben implementada esta idea? Pois aínda que nun principio gusta moito, pronto nos decataremos que non se explota demasiado ben a posibilidade que nos ofrecen tres personaxes simultáneos, e remataremos finalizando cada misión case en exclusividade cun só protagonista. Non me entendades mal, esta idea é xenial e agradécese un puntiño de orixinalidade, mais despois de ver tanta análise de “dez” , pensaba atoparme con algo máis xenial.

Mais o que si que saben facer ben os de Rocstar é involucrar a tres personaxes nunha mesma historia, mentres consegue narrarnos a vida individual de cada un sen que perda folgos en ningún momento, incluso obrigándonos a tomar decisións que influirá no resto da historia.

gta 5 3

E con isto preguntarédesvos, entón hai que volver a xogar ao GTA V varias veces? Pois se queredes saber a variación entre algunhas das decisións entón si, aínda que dubido que non queiras darlle un descansiño, porque GTA V é abrumador en canto a posibilidades.

Esta quinta entrega é unha xoia en canto a programación, e sentiraste como unha formiguiña no medio dese mapa, porque se che parecen poucas case 70 misións principais, terás infinidade de misión secundarias, todas elas da man das personaxes secundarias máis curiosas que nos pedirán axuda nas súas aventuras paralelas, ademais que de cando en vez aparecen marcados no mapa puntiños azuis que indican situación na que algún habitante necesita a túa axuda (nós decidiremos se o axudamos ou non), a parte a cidade de “Los Santos” está viva, e poderemos xogar ao golf, ao tenis, ir ao cine e outras tantas acción que xa estaban presentes en anteriores títulos o que fai que o simple feito de camiñar por esta cidade sexa unha verdadeira gozada. Iso si, é un título para desfrutalo con tempo, hai que darlle unha posibilidade e intentar descubrir todo o que nos ofrece, porque cando penses que xa non hai máis sorpresas, alí aparecerá un detalle mínimo que che fará pensar que os desenvolvedores pensaron en todo.

Se nos centramos na historia principal que é o que nos atopamos? Pois por moito que me berren os incondicionais da saga, non me parece unha historia principal nada espectacular en canto á definición destas. Si, certo, a medida que avanzamos atopámonos con momentos verdadeiramente épicos, pero quédanse a unha proporción mínima coa cantidade de misións de recheo, por chamalas dalgunha maneira.

Explícome para que non haxa mal entendidos. Moitas veces prepararemos golpes, como atracar algún banco, etc, e para iso necesitaremos realizar mini-misións, como conseguir un coche especial, vixiar…
Pois ben, que unha misión consista en ir a un extremo da cidade para roubar un camión, collelo, e gardalo nun almacén, sen atopar absolutamente ningunha resistencia ou algo que poña en alerta a nosa pericia, pois paréceme, por esaxeralo un pouco, unha perda de tempo. E coma esta misión, o xogo está pragado delas, algo que lle resta puntos a un título que polo que se escoita, aspira ser o título da vida (nótese a ironía).

Para min, este punto foi o máis negativo que vin neste xogo, porque por moi ben que o pases camiñando pola cidade, descubrindo segredos, a historia principal é o que marca a verdadeira calidade dun xogo, e para min, GTA V é un xogo demasiado sinxelo de pasar, no que carecen os momentos espectaculares e priman misións de recheo. Podería poñer decenas de misión deste tipo no que o único que hai que facer é avanzar sen ningunha oposición cara nós, é máis, o xa clásico medidor de alarma da policía, apenas pasa das tres estrelas, só en momentos puntuais, momentos no que tampouco é demasiado complexo desfacerte desta alerta. Aquí Rockstar non estivo demasiado atenta, poñería todo o empeño en recrear esa enorme cidade e despreocupouse un pouco das misión principais?

En canto á xogabilidade pouco cambio con respecto ao predecesor, só me parece algo confuso o control dos vehículos aéreos, aínda que no cómputo xeral é excelente, coches de todo tipo, motos, camións, tractores, quads, lanchas, avións… todo canto vexamos, poderémolo conducir.

gta 5 4

Por suposto non faltan as xa míticas emisoras de GTA V, que a dicir a verdade, de todos os xogos de GTA que lle botei a man, ningunha me gustou tanto como para que me chamase a atención, supoño que farán o seu propósito, dar unha ambientación de fondo mentres conducimos polas rúas da cidade, pero de aí a dicir que a selección de cancións é boa… hai un treito, moi, moi longo.

Até aquí sabemos que é un xogo xigante, cheo de posibilidades, con misión principais moi boas, aínda que pragadas de mini-misións nas que pouco hai que facer, con tres protagonistas entrelazados e un mundo por descubrir, pero como se plasma isto todo a nivel gráfico?
Pois Rockstar volve a sorprender neste aspecto, porque a nivel técnico é unha gozada. Resulta sorprendente observar as sombras da cidade, o xogo de luces, a nitidez coa que se ve todo e o dinamismo co que se move. Aínda que non conseguiron eliminar por completo o “popping” (xeración espontánea de obxectos), agora apenas se produce. Obviamente, cun mapeado de tal magnitudes sempre se produce algún “bug”, pero non deixa de quedarse nunha anécdota, porque en termos técnico, GTA V é unha auténtica obra de arte.

E falo ata detalles de ver como a xente abre paraugas cando empeza a chover, presenzar unha persecución policial allea a nós, atoparnos a xente acampando no medio dun monte, escoitar a xente rir mentres fala…

Estes detalles fan que a cidade estea viva, e todo cun apartado gráfico sobresaínte que nos fai que avanzar pola cidade sexa aínda máis agradábel.

Como podedes comprobar, GTA V é enorme si, pero ten as súas pegas, e para min a máis grande é a pouca espectacularidade das misión principais, de todos os xeitos non deixa de ser un xogo moi divertido, perfecto para adentrarte nel tendo tempo, moito, moito tempo, mais aquí está a pregunta do millón.

Este é o mellor GTA da historia? Polo que puiden ler todos opinan que si, mais dende logo a miña opinión é contraria, porque persoalmente, GTA San Andreas cómelle as papas a GTA V en canto a diversión, e o resto que poida escoitar, “hype” sen caducar.

[puntuacion]ESTILO=Sonic|GRÁFICOS=95|SON=89|XOGABILIDADE=94|DIVERSIÓN=90|DURACIÓN=97[/puntuacion]

need-for-speed-rivals
A menos dun mes para o seu lanzamento, chéganos este novo vídeo onde nos amosan a rivalidade entre corredores e policías, que será o eixo central do xogo.

Creado polo estudo sueco Ghost Games, promete capturar “a adrenalina e intensidade da rivalidade na rúa entre pilotos e policía, nun abraiante entorno aberto.”

O lanzamento está previsto par o vindeiro 19 de novembro para PC, PlayStation 3 e Xbox 360.

As pobres vendas da entrega anterior, o Need for Speed: Most Wanted en PSVita e Wii U e a incompatibilidade desta última co motor gráfico Frostbite 3, son os principais motivos da ausencia nestas dúas plataformas da nova entrega da saga.

Por outra banda, Electronic Arts anunciou recentemente que chegou a un acordo de colaboración como asesor consultivo co piloto Ken Block (@kblock43), coñecido máis polos seus vídeos de exhibición que polos seus éxitos deportivos.

portada gta 5Segundo confirmou Take Two, dende o seu lanzamento para PlayStation 3 e Xbox 360 o pasado 17 de setembro, Grand Theft Auto V leva vendidas máis de 29 millóns de copias, superando así, as cifras de vendas totais da entrega anterior, o Grand Theft Auto IV en menos de 6 semanas no mercado.

GTA-Online
Despois dos problemas de conexión iniciais do lanzamento do GTA Online, a compañía RockStar decidíu compensar aos xogadores con este paquete de 500.000 dólares neste modo multixogador.

Estaba previsto que chegase a semana pasada, pero dende a compañía emitiron un comunicado anunciando o seu atraso ata unha data próxima.

“Por suposto que queremos asegurar que os problemas de perda de progresos son suficientemente ordeados antes de distribuír os GTA$ a todo o mundo”

“Temos uns cantos axustes e correccións que facer nunha nova actualización que chegará a vindeira semana e despois imos distribuír os cartos.”

Ademáis, tamén confirmaron que o primeiro DLC, coñecido como “Beach Bum Pack”, estará dispoñible de balde en novembro.

need-for-speed-rivals
Electronic Arts publicou un novo tráiler do «Need for Speed Rivals» onde podemos ver os diferentes modos de xogo cos que contaremos.

“Non hai salas de espera, todo é perfecto. Ti e mailos teus amigos poderedes compartir o mesmo xogo, a mesma carreira e a mesma persecución. Os camiños crúzanse e as experiencias únense: imaxina a túa carreira e a persecución do teu amigo xuntándose, creando un mundo onde ningún evento será igual a outro.”

“Non queres xogar con outros? Entón simplemente escolle percorrer o condado de Redview pola túa conta e superar á IA en carreiras e persecucións policiais.”

O lanzamento está previsto para o vindeiro 19 de novembro para PC, PlayStation 3 e Xbox 360, mentres que as versións para Xbox One e PlayStation 4 chegarán o 22 e 29 de novembro, respectivamente.

games-with-goldSegundo as cifras ofrecidas por Microsoft, dende que comezaron a campaña en xuño, os xogadores pasaron un total de 120 millóns de horas xogando aos videoxogos que a compañía regalou aos subscritores Gold do seu servizo Xbox Live, entre os que se inclúen títulos como Fable III, Dead Rising 2 ou Rainbow Six Vegas. Nesta segunda quincena de outubro, están a regalar o Halo 3.

Assassins-Creed-IV

A próxima entrega da sobre-explotada saga Assassin´s Creed chegará o 29 deste mes a Xbox 360 e PS3 e como é normal, toca vendelo ben aos consumidores.

Pois Jean Sebastien Decant, deseñador do título comentou que superar o título ao 100% poderá levarnos unhas 80 horas, número que non está nada mal para un xogo destas características:

Completar a historia principal pode levar unhas 20 horas, e conseguir os obxectivos adicionais, unhas 60 horas máis. Sobre o tamaño do mapa non podería dicir números, mais temos tres grandes cidades, comparadas con outros xogos, son tres cidades enormes e quince localizacións únicas ao redor do mundo, ademais dun montón de illas onde podes construír edificios e cousas así. Recorrer o mapa en barco podería supoñer 15 ou 20 minutos sen parar.

Para aqueles fans da saga estas palabras son motivo de alegría, e poida que teñan Assassin´s Creed para tempo.

Facemos unhas aposta? Canto tardarán en anunciar un novo título da saga? Tic, tac, tic, tac…

Lista de cancións do «Rocksmith 2014»

Por: Mércores, 16 de Outubro de 2013, 23:00 COMENTAR

rocksmith-2014

Ubisoft ven de publicar a lista oficial de cancións que incluirá o «Rocksmith 2014».

A nova entrega incluirá un total de 55 cancións orixinais de moi variados estilos. Se queremos, tamén se poderá importar calquera das 57 pistas que incluía a entrega anterior por “un módico prezo” e os DLC’s orixinais serán compatibles coa nova entrega.

Lista completa de cancións:
1. Aerosmith Walk This Way
2. Alice Cooper No More Mr. Nice Guy
3. Alice In Chains Stone
4. Arctic Monkeys R U Mine?
5. Avenged Sevenfold Bat Country
6. Bob Dylan Knockin’ On Heaven’s Door
7. Boston Peace Of Mind
8. Bush Machinehead
9. B’z ultra soul
10. Def Leppard Pour Some Sugar On Me (2012)
11. Deftones My Own Summer (Shove It)
12. Iron Maiden The Trooper
13. EarlyRise Wasteland
14. Fang Island Chompers
15. Foo Fighters Everlong
16. Gold Motel Brand New Kind Of Blue
17. Green Day X-Kid
18. Jack White Sixteen Saltines
19. JAWS Stay In
20. Joe Satriani Satch Boogie
21. Kiss Rock And Roll All Nite
22. La Sera Love That’s Gone
23. Magic Wands Black Magic
24. Mastodon Blood and Thunder
25. Minus The Bear Cold Company
26. Monster Truck Sweet Mountain River
27. Muse Knights Of Cydonia
28. Nirvana Heart Shaped Box
29. Oasis Don’t Look Back In Anger
30. Pantera Cemetery Gates
31. Paramore Now
32. PAWS Sore Tummy
33. Queen We Are The Champions
34. Radiohead Paranoid Android
35. Ramones Blitzkrieg Bop
36. Ratt Round And Round
37. Red Fang Wires
38. R.E.M. Losing My Religion
39. Rise Against Savior
40. Rush The Spirit Of Radio
41. Screaming Females Rotten Apple
42. Slayer War Ensemble
43. Splashh All I Wanna Do
44. System Of A Down Hypnotize
45. Tak Matsumoto Go Further
46. The Dear Hunter Stuck On A Wire Out On A Fence
47. The Kinks You Really Got Me
48. The Police Every Breath You Take
49. The Rolling Stones Paint It, Black
50. The Shins For A Fool
51. The Smashing Pumpkins The Chimera
52. The Who My Generation
53. Tom Petty And The Heartbreakers Mary Jane’s Last Dance
54. Weezer Say It Ain’t So
55. White Zombie Thunder Kiss ’65

O lanzamento está previsto para o vindeiro 25 de outubro para PC, PlayStation 3 e Xbox 360.

battlefield-4
Segundo os seus creadores, os xogadores da Xbox 360 terán que instalar un total de 14 GB no disco duro da súa consola para ter “a mellor experiencia posible”.

Tal e como recomenda Electronic Arts na súa páxina web, o xogo virá en 2 discos: un para a campaña en solitario e outro para o multixogador. Independentemente do disco que metamos a primeira vez, terémos que instalar 2 GB obrigatoriamente. A maiores e para mellorar o rendemento do xogo, poderemos instalar 5.8 GB máis do disco da campaña e 6.6 GB do disco do multixogador. En total, uns 14 GB de instalación.

O lanzamento está previsto para o 1 de novembro en PC, PlayStation 3 e Xbox 360.

watch-dogs-atraso
Nun inesperado comunicado feito onte no blogue de Ubisoft, a compañía anunciou que atrasarán o lanzamento do agardado «Watch Dogs» a vindeira primavera de 2014.

Segundo a compañía, esta demora débese ao desexo da mesma de non comprometer a calidade do xogo cun lanzamento prematuro. Durante estes meses aseguran que aproveitarán para pulir os detalles para ter unha mellor experiencia de xogo.

O comunicado completo:

“A nosa ambición dende o comezo con Watch Dogs foi ofrecer algo que encarne o que queremos ver na seguinte xeración de videoxogos. É con isto en mente que tomamos a difícil decisión de demorar o lanzamento ata a primavera de 2014.

Sabemos que moitos de vós vos preguntaredes: Por que agora? Loitamos co feito de que se ía atrasar o xogo, pero dende o comezo adoptamos a postura de que non iamos comprometer a calidade. A medida que nos achegabamos ao lanzamento e todas as pezas do crebacabezas ían encaixando no noso último empuxón antes de completalo, quedou claro que preciabamos un tempo extra para pulir e afinar cada detalle, para que puidéramos dar unha experiencia verdadeiramente inesquecible e excepcional.

Queremos aproveitar esta oportunidade para darvos as grazas a todos. Encántanos e apreciamos como respondedes na web, nos eventos, conferencias de prensa e outras oportunidades de interactuar connosco. A vosa pasión mantennos motivados.

Non podemos agardar a vervos en Chicago a vindeira primavera. Estamos seguros que ides adorar este xogo tanto como nós adoramos traballar nel.”

O lanzamento estaba previsto para o vindeiro 21 de novembro para PC, PlayStation 3, PlayStation 4, Wii U, Xbox 360 e Xbox One.

the-crew-logo
Por outra banda, tamén confirmaron atraso do lanzamento do MMO de carreiras «The Crew», previsto para comezos de 2014, a algún momento entre o segundo e terceiro trimestre do mesmo ano.

castlevania 2

Mentres agardamos ansiosos á segunda entrega de Castlevania: Lords of Shadow 2, Konami pon data á saída do seu pack denominado Castlevania: Lords of Shadow Collection.

A data de saída será o 7 de novembro para Xbox 360 e Playstation 3 e o pack contará con:

  • Castlevania: Lords of Shadow
  • Castlevania: Lords of Shadow Reverie e Resurrection (DLC)
  • Castlevania: Lords of Shadow Mirror of Fate HD
  • Demo de Castlevania: Lords of Shadow 2

Podedes ler a análise de Castlevania: Lords of Shadow aquí.

Retrasase o videoxogo de Rambo

Por: Mércores, 9 de Outubro de 2013, 9:19 COMENTAR

rambo-the-videogame-hope-police“Rambo the videogame”, do cal xa tíñamos falado en Memoria Pixelada, retrasase polo menos ata xaneiro de 2014. En principio tiña prevista a súa saída a finais do setembro pasado, mais Reef Entertainment non deu cumprido os prazos (ou non se atreveu a competir cos grandes xogos que ven a luz estas semanas).