O Kirby resucitará antes do Nadal

Por: Mércores, 28 de Setembro de 2011, 12:02 COMENTAR

Por se non o sabedes, o Kirby’s Epic Yarn non me agradou, non me agradou nada, e continúa sen me agradar por moi boas críticas que vexa pola rede. Tanto me ten, porque despois de ver o tráiler do próximo Kirby que vai chegar á Wii acougo un pouco. Kirby volta ás orixes mantendo as características que fixeron famosa a bóla rosa de Nintendo.

Até aquí nada novo, mais a nova escríboa porque se acaba de adiantar o seu día de lanzamento. Se ben nun principio estaba previsto para o Nadal, agora o Kirby’s Adventure poderémolo probar o 25 de novembro.

Para que vos fagades unha idea do que será, déixovos o tráiler que se mostrou no E3.

Anunciado un redeseño da Wii

Por: Mércores, 17 de Agosto de 2011, 13:20 2 COMENTARIOS

A Nintendo está na boca de todo o mundo. E aínda que non asistiu á GamesCom, volve ser noticia co anuncio dun novo redeseño da Wii.

As modificación externas que se aprecian non son moi exaxeradas, é dicir, será algo máis pequena e pouco máis. Mais nas modificacións internas si que hai unha grande novidade: NON INCLUIRÁ RETROCOMPATIBILIDADE CON GAME CUBE.

Moi ben Nintendo, estás a levar unhas estratexias adiante que non entendo moi ben. Primeiro errades por completo coa 3DS e agora, á vosa consola máis vendida e espallada, eliminádeslle a retrocompatabilidade que tantas alegrías causou. E non só no tema dos videoxogos, senón que non poderá empregar ningún accesorio da Game Cube (tampouco os mandos).

E por se fose pouco, a Nintendo deixará de fabricar os modelos clásicos da Wii, de modo que como queirades aproveitar a retrocompatibilidade xa vos podedes ir espelindo.

Cun paquete de Kleenex ao meu carón e limpando as bágoas que me caen no teclado do computador, escribo esta análise, esta volta do Kirby, esta volta que nunca debeu chegar ás consolas… polo menos deste xeito.

Cando acendemos a Wii con este xogo dentro ben logo nos decatamos de que non será un Kirby tradicional. A historia céntranos nun mundo de fíos, onde todo está feito deste material, inclusive o noso protagonista. Aquí xa cometen o primeiro e o maior erro que puideron ter, xa que como o Kirby está composto de fíos, perde a cualidade de absorber (queeeeee?) Pois si, a característica principal do Kirby que é o poder de absorción elimínase, podendo soamente infrinxir dano ao inimigo dándolle cun especie de fío/látego. Oh, meu Deus, pero que fixeron? Isto é como se a Mario lle quitasen a capacidade de saltar polos escenarios. Non o comprendo, non.

Ler o resto da entrada »

Volveremos ver o clásico Kirby?

Por: Mércores, 8 de Xuño de 2011, 23:47 COMENTAR

Parece ser que o Wii U colpasou toda a conferencia de Nintendo, pero se nos fixamos un pouco aparecen títulos esquecidos como…tachán, Kirby.

Un novo Kirby apareceu en pantalla e parece ser que volverá á saga clásica e non ao penoso mundo dos fíos (pronto teredes o análise completo de Kirby´s Epic Yarn).

Polo que vemos no vídeo poderemos absorver de novo aos inimigos (algo que impresionantemente non acontecía no anterior), e o apartado técnico vólvese máis parecido a aquelas xoias de Game Boy. Ademais, engadide que poderemos xogar un cooperativo a catro persoas na mesma pantalla.

En fin,volvemos absorver, volvémonos transformar e incluso podemos ver a típica árbore xefe…

Volveremos ver o Kirby clásico?

A conferencia da Nintendo no E3, coñecida no Twitter polo hashtag #NintE3ndo, foi retransmitida na nosa conta (@MemoriaPixelada) a tempo real. Con todo, facemos agora un resumo cos datos máis importantes.

Zelda fai xa 25 aniños... e que ben se conserva!

25 ANIVERSARIO DE ‘THE LEGEND OF ZELDA’

A conferencia comezou cunha orquestra a interpretar temas míticos desta saga, mentres mostraban vídeos dos diferentes xogos da historia doZelda. Despois saíu Shigeru Miyamoto quen, despois de brincar un pouco coa orquestra, anunciou algunhas novidades para celebrar este aniversario:

– ‘The Legend of Zelda: Link’s Awakening‘, o mítico xogo da Game Boy, estará dispoñíbel para descargar na nova eShop da 3DS. E para como están de conmemoración, a descarga será gratuíta.
– Haberá un ‘The Legend of Zelda: Four Swords‘ descargábel para a Nintendo DSi (descoñezo se será compatíbel coa 3DS).
– Para a Wii, chegará no Natal o ‘The Legend of Zelda: Skyward Swords‘.
– E, por último, os compradores do novo ‘The Legend of Zelda: Ocarina of Time 3D‘ que sexan socios do Club Nintendo terán, de balde, o CD coa banda sonora do xogo.

NOVIDADES PARA A NINTENDO 3DS

Imaxe da N64 portát... non, perdón, da 3DS

Foron anunciados novos xogos para a Nintendo 3DS:

Super Mario Kart 3D, con carros que voan e se mergullan. Os vehículos serán totalmente personalizábeis.
Starfox 3D, con control por sensor de movemento e un modo multixogador moi interesante. Poderás ver a cara dos teus compañeiros ao xogar.
Super Mario 3D. Pouco máis hai que dicir, moi na súa liña.
Kid Icarus: Uprising. O xogo ten voces en inglés… aínda que os actores de dobraxe non pareceron moi acaídos.
Liugi’s Mansion 2, que usará todas as posibilidades da 3DS mais continuará na liña do Luigi’s Mansion da Game Cube.
– Outros títulos anunciados: Ace Combat, Tetris, Cave Story, Driver Renegade, PAC-MAN, Tekken, Metal Gear

Tamén falaron sobre a Pokédex 3D (da que xa faláramos aquí) e do Excitebike 3D. Ambos aplicativos gratuítos da eShop.

O ‘PROJECT CAFÉ’ CHAMARASE DEFINITIVAMENTE… WII U

O novo comando desenvolvido pola Nintendo

Anunciaron finalmente que a sucesora da Wii será a Wii U. O nome é un xogo de palabras, pois Wii soa como ‘we’ (nós) e U como ‘you’ (ti). Da videoconsola en si, a verdade, non falaron. Non deron datos de potencia nin nada, limitáronse a presentar o seu controlador.

O comando parece un tablet con botóns aos lados, e conta con pantalla táctil, dous sticks analóxicos, control de movemento, altofalantes, microfono e cámara. Poderás realizar videoconferencias desde el, alternar entre xogar na TV ou na propia pantalla do mando ou usalo como unha segunda pantalla. Persoalmente recordoume moito á conexión entre a Game Cube e a Game Boy Advance, pois parte da mesma premisa, mais desta volta con todos os avances tecnolóxicos actuais.

A potencia da Wii U, á vista dos vídeos que mostraron, está á altura da PS3 ou XBOX360. Entre os xogos que anunciaron están Darksiders II, Dirt, Alien Colonial Marines, Ghost Recon Online, Metro Last Night, Tekken, Ninja Gaiden 3… e o xogo que máis aplausos levou, o Batman Akhram City.

UNHA SORPRESIÑA AGRADÁBEL, O SMASH BROS.

O público tamén se emocionou cando anunciaron que estaban a desenvolver un novo Super Smash Bros., que sairá para Wii U e 3DS. Con todo, non deron datas para el.

Os clásicos sempre voltan…

“No 1 de abril van os burros onde non deben ir”

Este artigo é unha brincadeira do primeiro de abril. A capa do xogo foi sacada da versión vella do Chuza!, onde foi publicada polo seu autor, Maceirax.


Capa provisional promulgada pola LNB

A división galega de Nintendo España vén de anunciar a o primeiro videoxogo dedicado ao noso deporte popular: A Billarda. Así é, un acordo entre a Liga Nacional de Billarda e a compañía nipona fará posíbel que para este verán teñamos o primeiro xogo integramente galego para unha videoconsola doméstica.

O proxecto recibiu o nome de LNB Live, aínda que segundo filtracións da LNB todo indica que o nome definitivo será Wii-llarda. O xogo será desenvolvido pola compañía galega Gato Salvaje e contará co apoio económico de Galicola, Eroski e as tres universidades públicas galegas (USC, Uvigo e UdC).

Mais as sorpresas non acaban aquí, xa que o xogo será pioneiro na promoción do binormativismo da lingua galega, xa que a interface estará completamente en galego segundo a norma da RAG e en galego reintegrado segundo a norma da AGAL.

Só nos resta agardar ao verán para poder usar o wii-mote como palán. Avante palanadoras!

Análise de New Super Mario Bros Wii

Por: Luns, 3 de Xaneiro de 2011, 12:28 COMENTAR

Con retraso propóñome analizar un dos xogos estrela da consola de sobremesa de Nintendo, o New Super Mario Bros.
Basicamente este xogo pretende ser unha imitación do xogo que xa saira un ano antes para a Nintendo DS, e desta maneira recuperan as dúas dimensións que fixeron famoso ao fontaneiro máis famoso do panorama.
Así repetimos estratexia de diversión, é dicir, controlaremos a Mario nuns escenarios en scroll lateral sorteando as máis diferentes plataformas que atopamos ao longo dos oito mundos (mais un que se desbloquea ao final), tentando coller as tres moedas escondidas ao longo destes escenarios (creo que esta descrición sobraba, porque a estas alturas o que non coñeza a temática dos xogos de Super Mario é que vive metido nunha cova a escuras).
Pero a gran novidade deste videoxogo é que poderemos pasar todo o título acompañado de unha, dúas ou tres persoas, e qué conleva isto?, pois que a diversión aumenta de forma enfermiza. Catro persoas colaborando entre elas para sortear as trampas que nos atopamos é espectacular, e así aumentamos o reto do xogo, porque temos que ter tino de non entorpecernos nós mesmo, e aínda que pareza unha tontería, resulta do máis acolledor tres persoas saltando de nube en nube nunha superficie tan estreita e sen caer.
Tamén engadiron outra novidade, como é a posibilidade de rodearnos nunha burbulla cada vez que nos vexamos nun apuro grande con só premer o botón A, e deste xeito comezaremos a flotar polo escenario ata que algún do resto dos compañeiros nos salve tocándonos, pero moito coidado con este feito, porque se todos os xogadores están en burbulla o xogo remátase. Pero isto fai que a dificultade aínda sexa máis feble, e tendo en conta que os títulos de Mario non son precisamente moi complexos de pasar, non axuda demasiado esta atípica burbulla.

Pero seguindo falando de novidades, desta volta Mario trae novos poderes, como a gorra hélice, que nos permite facer saltos moi altos, o traxe de pingüín ou o poder do xeo, que nos permitirá conxelar aos nosos inimigos. Tamén debemos engadir algún detalle na xogabilidade, como a utilización de accesorios co movemento do mando, que obsequian maior variedade a un título que lle sobra publicidade (aínda que Nintendo non repara en gastos no seu márketing).
Pero xa abonda de tantas loubanzas cara este New Super Mario Bros Wii, porque aínda que a diversión predomina ante calquera outro apartado que poida describir, existen unha serie de factores que deberían correxir para posteriores títulos.
O primeiro deles e o máis grave para min é a enorme facilidade coa que se atopan todas as moedas. Entendo que Nintendo queira facer un título accesíbel para calquera usuario, pero poderían buscar solucións, como por exemplo, aumentar outras dúas ou tres moedas moito máis escondidas no escenario, que houbese que rebuscalas, non se atopasen a simple vista…Deste xeito tamén aumentarían a duración do xogo, porque debo dicir que pasei o xogo ao 100% en relativamente moi pouco tempo.

E a estas alturas tamén deberían coidar un chisco máis o apartado gráfico, porque é un apartado moi, moi xustiño para tratarse dun Mario, e se non levase este nome, dubido moito que nos olvidaramos desta deixadez tan rápidamente.
Con respecto á música non a vou criticar, porque escolle ás melodías que xa fixeron famoso a Mario e sempre trae unhas lembranzas moi saudábeis, pero sería moi arriscado non facer tanto copia e pega nestas cancións?
Parece que estou deixando a Mario nun estatus moi baixo pero non é así, Mario ten a xogabilidade e a diversión por enriba de todo, e é algo que entendo e comparto, porque realmente é un dos xogos máis divertidos que vos podedes atopar no catálogo da Wii, pero simplemente poño o meu gran de area para mellorar aínda máis a súa experiencia, xa que aos casual gamers abonda con poñerlle publicidades chorras na televisión, pero aos hardcore queremos sempre un pouco máis, e isto é a forma de evolucionar.
Aínda así, é un xogo completamente obrigatorio para calquera que teña na súa posesión unha Wii, lanzádevos a el e desfrutade de Mario… de novo

Worms Battle Island

Por: Martes, 21 de Decembro de 2010, 16:03 COMENTAR

Sen dúbida algunha, os Worms foron un dos xogos máis divertidos que podías atopar na SNES ou na Playstation, no entanto, os diferentes intentos de Team-17 por intentar adaptalos os novos tempos nunca tiveron un bo resultado. “Worms 3D”, “Una Gusanodisea espacial” e outro sen fin de títulos, tentaron recuperar a gloria perdida que no daba voltado. Agora, tócalle o turno a Worms Battle Island tentar recuperar ese título perdido.

O primeiro que nos fai dar conta de que non vai ser posible é o seu apartado gráfico. A única forma de describilo é anacrónico, os gráficos de este xogo son dignos dunha Playstation ou unha Nintendo 64 máis que dunha consola de esta xeración. Se ben son correctos, aprécianse claramente un desfase  para correr nunha nova consola e unha ausencia de progresión bastante evidente.

A música e os sons seguen na mesma liña cos gráficos, divertidas, amenas e unhas voces cheas de frases de pánico e gritos de alarma que son para partirse; pero, outra vez, nada que non viramos nas anteriores entregas.

Canto á xogabilidade, aí é onde este xogo non ten rival. É divertido a raiar, sobre todo se xogamos con algún amigo, cousa que dende xa podemos facer de maneira online, que era unha das grandes carencias de “Una gusanodisea espacial”. A pesar diso, o modo para 1 xogador faise pouco variado, e bótase de menos alguns modos máis.

Así pois, é un xogo dificil de recomendar ou descartar, xa que, se xogas con amigos e estas familiarizado coa mecánica, terás asegurado horas de diversión, máis se buscas un xogo novedoso o para xogar ti só, podes esquecelo xa que posiblemente acabaras canso nuns poucos días, e máis, se xa xogaches as versión anteriores.

Just Dance 2

Por: Xoves, 16 de Decembro de 2010, 13:29 COMENTAR

Just Dance foi uns dos títulos revelación da wii do ano pasado. Canción pegadizas e un sinxelo modo de xogo facíalo asequible para todos os públicos e ademais, indispensable en todas as festas familiares. Agora, Ubisoft lanza unha secuela do título que tenta calar tan fondo como o seu predecesor.

Just Dance 2

A continuidade é algo que marca profundamente este título. Repite mecánico de xogo, iso é, facer uso só do wiimote para imitar os movementos de baile que uns personaxes fan na pantalla o ritmo da música.

Dentro do bloque de novidades, o que máis destaca e o xogo con varios compañeiros, xa que dende xa podemos desfrutar do modo coreografía, no que cada un de nós terá que facer diferentes movementos, dándolle algo máis de variedade e facendo as partidas moito máis amenas.

Ademais, Ubifsoft incluido unha tenda online na que poderemos mercar novas cancións para o xogo, o prezo, eso sí, un pouco caro para o meu gusto e que fará que soamente nos descarguemos aquelas que nos podian gustar moito. Ademais, bótase en falta un modo online de xogo e un modo de para un xogador, xa que, como o anterior Just Dance, carece de un modo historio ou dun modo reto. Quizais estivese mellor se se poidesen conseguir segredos ou desbloquear máis modos de xogo.

A todos aqueles que xa posúan un Just Dance, non lles recomendaria mercar esta nova edición xa que non aporta nada máis alá das cancións (e para iso tampouco son grande cousa), para todos aqueles que non teñan na súa videoteca algún arcade de baile, está é unha boa oportunidade para facerse cun dos mellores para wii.

http://www.youtube.com/watch?v=DL6wvdbz4Zs

Análise Donkey Kong Returns

Por: Martes, 14 de Decembro de 2010, 17:41 COMENTAR

Por fin, despois de moito agardar, chegou unha nova versión do simio máis famoso que hai no mundo dos videoxogos.

Donkey Kong Country Returns

Despois de percorrer un camiño cheo de éxitos na SNES, na GC e no mundo portátil, chega por fin unha versión do famoso Donkey Kong Country para as consolas de nova xeración. Estarán os novos programadores á altura de Rare?

O primeiro cambio que atopamos  é, como non podía ser doutra maneira, a nivel gráfico. Donkey e Diddy deixan atrás o mundo dos sprites e dos escenarios renderizados e dan paso a un novo mundo en 3d, moi colorido en xeral pero que nalgunhas fases peca de simplón e deixa a sensación de que podía facerse un pouco mellor. Xunglas, minas, fases nevadas ou praias tropicais en pleno atardecer son as paraxes que terán que percorrer os nosos simiescos amigos se queren chegar a bo porto.

A nivel musical este xogo continúa coa tradición da saga. A maioría das melodías resultaran familiares aos incondicionais das aventuras deste gorila, dende a música do comezo ata moita das musicas que nos acompañaran o longo de todos os niveis. As reminiscencias a xogos pasadas son inevitables. O nivel musical e óptimo, e prácticamente imposible atopar un acompañamente mellor.

E agora entramos por fin na xogabilidade, o seu auténtico punto forte. O xogo é un plataformas clásicos de saltar e avanzar para chegar o final, pero, ademais, cada nivel está pragado de segredos, xa que debemos atopar as letras necesarias para formar a palabra KONG, pezas de puzzles e moedas, que fan obrigatorio ter que volver a percorrer todos os niveis se queremos obter o 100% no xogo. Ademais, para logralo, deberemos combinar de manera axeitada as habilidades de Donkey como son golpear no chan coas palmas, rodar como unha bola; e as de Diddy , voar durante un pouco e disparar plátanos.

Como non podía ser doutra maneira nun xogo de Nintendo, podemos disfrutar desta aventura axudados por un amigo otorgándolleo o xogo unha nova dimensión xogable, pero sen dúbida bótase de menos algunha modadilade a maiores, como por exemplo no Super Mario Wii, na que poidesemos disfrutar de algún reto que non se tratase do simple cooperativo.

Como conclusión, o xogo é unha compra recomendada para todos os incondicionais das plataformas ou do mono de Nintendo. E un xogo longo, rexogable e cheo de secretos que custará moitas horas ata que lle saquemos todo o que pode dar de si. Sen dúbida algunha, esta destinado a ser unha das compras obrigatorias de Nintendo para este Nadal.

Star Wars El Poder de la Fuerza II

Por: Xoves, 25 de Novembro de 2010, 16:00 COMENTAR

Star Wars El Poder de la Fuerza II

O vindeiro dia 29 de outubro poderemos ter nas nosas mans a segunda entrega de Star Wars El Poder de la Fuerza. Continúa a viaxe de Starkiller, o aprendiz de Darth Vader, que cambiará a galaxia e dará forma a sucesos clave entre os episodios III e IV de Star Wars.

Star Wars El Poder de la Fuerza

Esta segunda entrega promete, como era de esperar, máis habilidades e máis poderosas. Un formato de videoxogo estilo God of War que gustará moito mais aos fans da galaxia.

E se non podes esperar ao día da estrea, a demo está dispoñible dende o pasado 12 de outubro para Xbox Live Arcade (Xbox360), e a partir do 13 de outubro en PlayStation Network (PlayStation3).

Máis info na páxina oficial.

Non me canso de repetir que os únicos xogos que de verdade espero para a consola de sobremesa de Nintendo son o próximo Kirby e o Donkey Kong Returns.
Sobra decir o por qué,pero que esperar de dous nomes de esta categoría?,plataformero clásicos,gráficos coloridos e simpáticos e unha diversión dificilmente igualábel por outros títulos que pretenden achegarse a esta temática.
No caso do mono acorbatado a cada tráiler que amosan,mellores e novas plataformas aparecen,cousa que me fai prever unha nova xenialidade de videoxogo.
Nunca se pode asegurar nada antes de coller o pad na man,pero mirade este novo vídeo e decídeme vós se non ten boa pinta.