beyond_good_and_evil_2

Unha das secuelas mais dexesadas polos fans de Ubisoft é sen dúbida Beyond Good & Evil 2, que según as declaracións de Michel Ancel, todavía queda moito tempo antes de que podamos ver ideas sólidas en movemento. A saga comezou sendo un traballo feito por 34 persoas, algo que se fixo moi pesado e que evitou que a exploración fose moi complexa en comparación coa ideas que tiñan na cabeza. Por iso mesmo agora estase a desenvolver pasiño a pasiño para cando teñan todos os bloques organizados podelos unir e así comezar a traballar en serio e rápido no programa.

Sen embargo, algunhas premisas xa están botadas enriba da mesa, como é o caso de que o xogo contará cun enorme mundo aberto onde os usuarios poderán visitar unha cantidade inxesta de cidades repletas de actividade ademais de planetas cheos de perigos.

Aínda que omitiu dar unha data aproximada de cando poderemos ver algo de material do programa, prométenos que a partir do ano que ven poderemos observar os avances conseguidos ata o momento.

 

Mass Effect 4 vai vento en popa.

Por: Xoves, 18 de Xullo de 2013, 11:21 COMENTAR

200

Algúns dos mais importantes membros do estudio de Bioware, Ken Thain e Mike Gamble, mantiveron unha interesante conversación en Twitter onde podemos sonsacar que o desenvolvemento de Mass Effect 4 vai según o previsto.

Unha nova historia de Mass Effect e un personaje principal estiveron sometidos a estudo hoxe. Esta merda e real. Creo que os fans estarán abraiados de xogar esta historia“, declarou Thain.

Hoxe déronse importantes reunións para debatir os avances de Mass Effect. As cousas avanzan ben. E xenial estar involucrado neste universo outra vez“, dixo, pola sua parte, Gamble.

Recordemos que fai uns días Yannick Roy, o director de Bioware Montreal, fixera unhas declaracións sobre o enfoque novo da saga. O tratarse de unha nova historia cun novo protagonista, o xogo apostará por asemellarse máis os orixes da franquicia que seguir na evolución do xénero shooter como ben pasou có terceiro título, contentando así tanto os fans clásicos coma os novos xogadores que decidan incorporarse as filas deste maravilloso universo.

Anunciado o «F1 2013»

Por: Luns, 15 de Xullo de 2013, 21:00 COMENTAR

f1-2013
Codemasters anunciou oficialmente o vindeiro lanzamento do F1 2013.

Como ven sendo habitual, nesta nova entrega, incluirán todos os circuitos, coches e pilotos da tempada 2013 de Fórmula 1.
O lanzamento está previsto para este outono para PC, PlayStation 3 e Xbox 360 e haberá dúas versións: F1 2013 e F1 2013: Classic Edition.

A maior novidade é un modo de xogo denominado F1 Classics, no que os xogadores poderán competir contra coches míticos dos anos 80 como o Williams, Lotus ou Ferrari nas mans de pilotos históricos como Mario Andretti, Nigel Mansell, Emerson Fitipaldi ou Gerhard Berger, entre outros moitos, en circuitos tan coñecidos como Brands Hatch e Xerez.

Na Edición Clásica incluirán un paquete con coches dos 90, como os Williams e Ferrari e pilotos como David Coulthard, Jacques Villeneuve, Eddie Irvine ou Alain Prost, entre outros.

Para os usuarios da versión normal do xogo, os paquetes Clásicos estarán dispoñibles como DLC.

Por outra banda, Steve Hood, director creativo de Codemasters, respondeu ás preguntas dos usuarios na súa conta de Twitter. Ante a pregunta dunha versión para a Wii U, respondeu que tería que ser un xogo moi diferente para simplemente poder funcionar na Wii U.

Á pregunta dunha versión para a PS Vita respondeu que simplemente non ten sentido financieiro para a compañía e xa teñen moitas cousas que facer.

assassins-creed-black-flag-front
Ubisoft acaba de publicar un novo vídeo de 7 minutos de duración do «Assassin’s Creed IV: Black Flag» con comentarios do director creativo do videoxogo, onde podemos ver en acción ao novo protagonista, Edward, aos mandos do seu barco pirata loitando contra outros barcos, atacando fortes e como funcionan as melloras do barco para conseguir facer máis dano aos inimigos.

O lanzamento deste videoxogo está previsto para o 31 de outubro para PC, PlayStation 3, Wii U e Xbox 360 e no momento do lanzamento das novas videoconsolas PlayStation 4 e Xbox One.

zombiu
Despois dos malos resultados económicos colleitados pola exclusiva de Wii U, «ZombiU», non entra dentro dos plans da compañía crear unha nova entrega.

O mal rendemento do xogo na videoconsola da Nintendo tamén foi un dos factores que levou a cambiar o Rayman Legends dunha exclusiva a multiplataforma.

Yves Guillemot, CEO da compañía dixo recentemente:

“Debemos atopar a maneira de asegurar que a creatividade deses xogos poida chegar á maior audiencia posible.

“Agardamos que despegue. Polo momento, nós dixemos ‘imos facer ata o Nadal e ver onde estamos entón.'”

Pola súa banda, o CEO de Electronic Arts, Peter Moore tamén explicou os motivos do pouco soporte da súa compañía á Wii U.

“Estabamos con eles no seu lanzamento con catro xogos. Fou unha decepción cando ves as cifras de vendas e, como compañía, temos que ser moi prudentes onde investimos os nosos recursos.

“A falta de compromiso co online na Wii U é preocupante. É tan esencial para o que facemos e son tan poucos que non paga a pena facer funcionar os servidores. Parece unha caixa que non está en sincronía co futuro de EA, que é o que da a sensación de relación social aos nosos xogos. A Wii U parece máis unha experiencia offline agora mesmo.”

Corren malos tempos para a videoconsola de Nintendo, que parece que entrou nin círculo de autodestrución: non consegue vender consolas porque os creadores apenas fan xogos para ela e os creadores non fan xogos porque apenas se venden consolas. O peixe que se morde a cola, que se soe dicir…

michael-pachter

O polémico analista do grupo de Wedbush Morgan Securities, Michael Pachter, famoso polas actuais críticas á compañía Nintendo volve cargar contra ela dicindo que a súa consola Wii U non se pode comparar ao resto que hai no mercado:

Penso que Nintendo está na parte de abaixo dunha gran montaña, unha montaña cunha enorme costa arriba. Nintendo agardou dous anos de máis para lanzar un sistema competitivo á Xbox 360 e Playstation 3.

No momento que lanzaron Wii, que nun principio funcionou moi ben, os outros sobrepasárona.

Creo que nesta ocasión Nintendo quedará de terceira a moita distancia.

Estará no certo Pachter? Polo de momento parece que a consola de sobremesa de Nintendo non está a ter demasiado éxito, mais recordemos que Nintendo é experta en atraer a atención dos “casual gamers”.

Vós que opinades?

dragon-quest-x
Segundo confirmou a compañía nipona Square Enix recentemente, o que era unha exclusiva para Wii U, chegará tamén ao mercado dos ordenadores do Xapón.

A versión de Wii U conseguíu na súa primeira semana no mercado vender máis de 33 mil copias no mercado nipon, mellorando tamén as cifras da videoconsola de Nintendo.

Para os que dominades o idioma xaponés e tedes un equipo con potencia suficiente, está dispoñible para descargar unha versión beta nesta páxina.

O lanzamento da versión completa do videoxogo está prevista para o vindeiro 26 de setembro por uns 3.990 yens (uns 38,50 Euros). Polo de agora, nada se sabe do seu posible lanzamento no resto de mercados.

batman-arkham-origins

Como saberedes, a próxima aventura do cabaleiro escuro está en camiño, mais despois da calidade e do éxito das dúas entregas anteriores os fans non están moi convencidos deste Origins, por que? pois porque Rocksteady xa non estará detrás do xogo, e son Warner Bros Game Montreal os encargados de que Batman volva por todo o alto.

Polo de momento o que vemos nos vídeos non desgusta, mais esa incerteza segue patente nos xogadores, polo que Eric Holmes, directivo do propio estudo tivo que saír a facer unhas declaracións ao respecto:

A xente ten todo o dereito a ser cínica, pero que veñan e proben o xogo nun dos eventos a onde o levamos. Penso que tan pronto como teñan o mando na man verán que é un xogo auténtico e que emprega as mesmas mecánicas que os xogos previos da saga Arkham.

Pero despois disto continuou falando até chegar ao punto que queremos, asegurando que o título terá unha historia que enganchará e gustará a todos, sobre todo aos que sen fans do superheroe:

Ademais creo que sobre todo temos unha gran historia. Non podo contar moito sobre ela, pero o que si podo asegurar é que estou moi emocionado con ela. É unha historia moi importante no mundo de Batman e os fans, estou seguro, van desfrutar dela moito máis que calquera outra persoa.

Agora só toca agardar ao 25 de outubro a que chegue ás tendas para confirmar que isto sexa certo, e para que vaiades abrindo o apetito, déxovos o tráiler do xogo:

darksiders_by_shalizeh-d3llwsl

Nordic Games, o estudio que adquiriu recentemente os dereitos de desenvolvemento da licencia tras a bancarrota de THQ, asegura que os próximos títulos da franquicia seguirán mantendo o espírito que sempre caracterizou a saga.

De feito, as seguintes declaracións de Reinhard Pollice no medio Joystic parecen confirmalo:

Hai que saber seleccionar coidadosamente as series que se están a preparar para unha nova secuela ou entrega. Nos queremos dar ós fans aquilo que coñecen do pasado da franquicia e lles gusta, levándoo a un nivel superior. O que ti como xogador esperarías dunha secuela.

No referente a Darksiders:

Falamos dunha serie realmente grande. Sabemos que precisamos un socio para ela. Falamos con vellos membros do equipo [de desenvolvemento] e, se están libres, queremos que se involucren de algunha maneira na nova entrega. Se lles permite porque, como sabedes, algúns deles encontraron outros traballos ou están en Crytek por agora. Non esperaría un Darksiders 3 antes de dous anos.

 

zelda_wallpaper___wiiu_demo___by_andrelevydeoliveira-d47yiws

Aínda que no presente E3 non se amosou material audiovisual do novo Zelda para Wii U, o produtor da lexendaria serie de Nintendo, Eiji Aonuma, declarou durante o evento que a demo técnica que pudimos contemplar no ano pasado non se relaciona co novo proxecto, se non que están a estudar novas técnicas gráficas.

Polo tanto, nin o estilo visual caricaturesco que coñeciamos co Zelda Wind Waker nin ó fantástico épico das dúas últimas entregas serán a base para a derradeira aventura de Link.

Non obstante, prometen deixarnos abrumados co desenvolvemento dun motor gráfico completamente novo feito especificamente para o xogo que ensinará ó mundo algo nunca antes visto nin experimentado con anterioridade.

Eiji tamén estivo a falar de que este Zelda será o primeiro en recibir contenidos descargables post-venta que alongará ainda máis a profunda experiencia do programa, sempre e cando o xogo así o precise e sexa completamente necesario.

Zelda para Wii U non ten data de lanzamento e o seu estado de desenvolvemento é ainda moi prematuro, polo que  estase a supoñer que non o veremos ata ben entrados no 2014.

Resumo da conferencia de Ubisoft

Por: Martes, 11 de Xuño de 2013, 12:48 COMENTAR

UBI_4
Ubisoft empezou a súa presentación no gran evento dos videoxogos de maneira musical, co guitarrista de Alice in chains configurando o Rocksmith en “Modo sesión” para tocar un pouco, o xogo en sí quizáis non é o máis interesante (parece unha mellora do anterior xogo, un xogo musical que con pretensión de aprender a xente a toca-la guitarra), pero empezar cun pouco de rock antes dos videoxogos non ben mal, non foi tan mal comezo.

Seguiron cunha pequeña charla da presentadora sobre os obxetivos de Ubisoft (a típica charla que lle escriben os de Marketing) sazonándoa co seu “leitmotiv” da noite, os chistes malos. Olvidando a falta de gracia da presentadora,   os seguintes títulos presentados eran xa coñecidos, o novo Splinter Cell: Blacklist e o  preciosísimo Rayman Legends. No primeiro se limitaron a ensinarnos un novo trailer cinemático, mentres que co Rayman ó trailer engadíronlle algo de gameplay.


 

 

Para continuar co toque de color e humor, presentáronse outros dous novos títulos, un xogo social de estratexia e aventura centrado na idea de robuar diñeiro os adversarios e protexer o tesouro roubado, co nome de “The mighty Quest of Epic Loot”, e o esperado (polo menos por min) “South Park: The stick of Truth”. Aínda que ambos, malía o divertido dos trailers, volveuse a botar de menos algo de gameplay.


 

E aquí chegou a presentación da gran novidade pola que Ubisoft parece apostar “The Crew” (tendo en conta o tempo que lle adicaron). Un xogo de conducción tipo arcade, moi centrado no que parece que vai ser a tónica de este ano, a interconectividade entre xogadores, o mundo aberto (A coletilla máis repetida na conferencia) e a axuda de pantallas secundarias, coma tablets, así como na customización dos autos. En xeral o que mostraron non chegou a convencerme moito, pese ó bombo que lle deron.


 

Despois mostraron un trailer do que foi a sorpresa do ano pasado: “Watchdogs”, un xogo do cal a idea paréceme unha marabilla (un vixilante que se aproveita da vulnerabildiade que temos agora todos gracias a internet e os teléfonos de última xeración), pero do que só amosaron outro trailer cinemático.

Tras crear máis espectación decidiron pasar de novo ós xogos casuais coa presentación da nova entrega de “Just Dance”, un deses xogos de facer o rídiculo pretendendo bailar diante do televisor, e “Rabbit Invasion”, unha serie infantil de televisión, que vai contar con compoñenetes interactivos.

Chegou entón o momento de encauzarse de novo ó que é público obxetivo do E3, primeiro cun título que tamén todos coñecíamos, e do que non se viu nada realmente novo, de novo máis trailers cinemáticos e nada de gameplay, co cal díficil é decidir por agora se a saga parece seguir no seu descenso ou remontará frente a anterior e tediosa entrega. Tamén amosaron algo dos dous novos Trials, un para móbiles e o outro para consolas da nova xeración.

A conferencia rematou presentando cun trailer que pretendía emular o do ano pasado de Watchdogs, e que nos presentaba a nova IP de Ubisoft: The division. Un MMO con toques RPG, cunha ambientación postapocalíptica, que personalmente lembroume moito a películas coma “Soylent Green” ou “A estrada”. E deste sí, por fin ensinaron algo do xogo.

A impresión final que levo da conferencia é moi mediocre. Pese presentar algunhas novidades, a maioría do presentado que interesaba, non deixaban de ser xa coñecido e pólo tanto causou pouco impacto. E o peor preferiron trailers a a amosarnos directamente os xogos. Se tivera que quedarme con algo, quedaría con The division, é unha idea interesante, que ben levada pode dar moito de sí. e xunto con “The crew” a única novidade real que se presentou.

 

Sonic the Hedgehog para Android e iOS

Como xa anunciaban os nosos compañeiros de Código Cero, SEGA acaba de publicar o xogo de Sonic primixenio para móbiles. E por unha vez os de SEGA fixeron as cousas ben, cunha versión mellorada, e non as emulacións trapalleiras ás que estamos afeitos (o Sonic Classics Collection da DS aínda me provoca náuseas…). Así, teremos a primeira aventura do ourizo a 60 fps, formato panorámico, e con interesantes engadidos como usar a Tails ou a Knuckles. Todo isto por 2,81€ na Google Play Store e na App Store.

E as novidades móbiles non acaban aquí, senón que xa hai rumores de que están a preparar algo semellando para o Sonic the Hedgehog 2. E sumade a isto a versión mellorada do Sonic CD, que está dispoñíbel desde hai tempo por 2,80€ (Google Play, App Store). Sen dúbida, non habedes de encontrar forma mellor de rexogar estes clásicos… a non sei que teñades unha Mega Drive, claro. Todos os xogos lucen máis bonitos se se xogan na súa plataforma orixinal.

SEGA e Nintendo, do odio ao amor hai só un paso

Atrás fican os tempos de rivalidade entre segueiros e nintendeiros. Os tempos do “Genesis does what Nintendon’t”. Tempos de loitas encarnizadas entre quen defendía a supremacía do ourizo azul e quen vivía enganado pensando que un fontaneiro italiano podía ser mellor. Todo iso xa pasou. Hoxe en día Nintendo e SEGA camiñan de mans dadas pola rúa mentres ollan un para o outro con cariña romántica.

Aonde quero chegar? Pois a que SEGA e Nintendo asinaron unha colaboración pola cal sairán 3 xogos exclusivos de Sonic para as consolas de Nintendo. Isto significa que haberá 3 novos xogos do ourizo para a Wii U e/ou a 3DS que non sairán en ningunha outra plataforma.

Deses 3 xogos exclusivos de Nintendo sabemos o seguinte:

  • Dun deles non se falou nada, non se sabe que é o que estarán a argallar.
  • Outro deles, presentado no Nintendo Direct do 17 de maio, será un novo Mario & Sonic nos Xogos Olímpicos de Inverno para a Wii U. Non moita cousa…
  • E o terceiro deles será o Sonic Lost World, do que imos falar no seguinte apartado.

Sonic Lost World

Antonte no web TSSZ filtraban a nova de que SEGA rexistrara o dominio www.soniclostworld.com. E onte mesmo a propia SEGA, desde a súa páxina do Facebook, publicaba o seguinte:

Sonic.Lost.World

No Nintendo Direct que mencionamos antes, o mestre Satoru Iwata dixo que sería un “xogo de acción, plataformas e aventuras exclusivo para Wii U e 3DS” e que teríamos máis información acerca del no E3. Que podemos agardar del, un xogo bo ou un fiasco?

Continuaremos a informar.