WiiU_SmashBros_scrnC01_01_E3

Nintendo anunciou que o seu xogo de loita, Super Smash Bros, non recibirá actualizacións nun futuro próximo, para balancear o xogo nas versións de Wii U e 3DS. Isto, obviamente, sen contar o DLC que incluirá a Mewtwo como personaxe xogábel, que polo visto será a primeira e única proba de Nintendo coas actualizacións para o Smash Bros.

Nunha entrevista para Videogamer, Masahiro Sakurai, director do xogo, declarou:

“Entendo que os DLC poden engadir moito ao atractivo do Smash Bros., e son consciente de que a maior parte da excitación por estes xogos vén polas personaxes que aparecen nel, polo que penso que os fans poden desfrutar moito con novos DLC que manteñan a súa excitación. Porén, penso que podería haber moitas críticas dicindo que estamos a cortar o xogo para ir vendendo personaxes un por un, ou que estamos a engadr cousas que deberan estar desde o comezo.

O que podo dicir que DLC pagos é que non estamos a traballar en ningún no momento. Puxemos todos os nosos esforzos en crear o xogo real. Crear DLC implicaría un custo adicional elevado e require o envolvemento de moita xente”.

Trine: Enchanted Edition chegará a PS4 e Wii U

Por: Martes, 16 de Decembro de 2014, 13:00 COMENTAR

A versión embelecida (se iso é  posíbel) de Trine, o xogo de prataformas desenvolto por Frozenbyte, chegará a PS4  o 17 de Decembro a través de PSN cun prezo de 12.99€.

Esta versión promete unha resolución de 1080p a 60fps na máquina de Sony, mentras que para a consola de Nintendo aínda non hai datas concretas, pero dende Frozenbyte falaron de Xaneiro como data de publicación, polo que haberá que ter o ollo botado na tenda de Nintendo a partir de ano novo, que de seguro que paga a pena.

 

 

codigo wii

A pouco máis dun mes de que a feira dos videoxogos por excelencia, o E3, dea comezo, os rumores comezan a aflorar, e un dos que máis chama a atención é que Nintendo podería presentar un novo sistema.

Así aparece reflexado no código fonte da web oficial da compañía, pouco antes de que e apresurasen a borrala.

Despois da mala época que está a pasar Nintendo a ninguén nos estraña que pretendan avanzar e cambiar de estratexias, mais de aquí a presentar unha nova videoconsola hai un treito moi grande.

Mais este novo sistema pódese referir a algún que outro dispositivo que relance as súas ventas, quén sabe.

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

Este ano que recén comeza virá, coma sempre, cheo a reventar de videoxogos, tanto para as máquinas de nova xeración coma para as da antiga, coma para PC, ou, polo que todo parece indicar, xa neste mesmo ano, Steam Machines. Neste artigo vou recoller, dun modo totalmente persoal, cales son os 15 xogos que eu máis agardo deste ano 2014, ordeados alfabéticamente.

 

1 – Alien Isolation (PC, PS3, PS4, Xbox 360, Xbox One)

Data de lanzamento: 4º trimestre de 2014.

Alien-Isolation-screen

Tralo sonado fracaso acadado por Aliens: Colonial Marines, SEGA tentará recuperar o prestixio perdido con esta nova entrega da franquicia Alien, nesta ocasión realizado por un dos estudos máis importantes da actualidade, Creative Assembly, creadores da famosa saga Total War.

Polo mostrado ata agora e polo comentado polos creadores, productores e responsábeis, o xogo virará da acción da saga Alien vs. Predator e Aliens: Colonial Marines cara o xénero do survival horror, achegándose deste modo ó filme orixinal. Para rematar esta volta atrás, a protagonista do xogo será Amanda Ripley, a filla da protagonista da saga cinematográfica, Ellen Ripley.

 

2 – Among the sleep (PC)

Data de lanzamento: Primaveira de 2014.

ats_wallpaper1440_900

Aló polo 2012 un xogo comezou a chamar a atención a nivel internacional polo seu protagonista principal: un neno de dous anos. Aínda que fíxose coñecido internacionalmente a partires de ahi, xa lograra premios e financiación por parte do goberno de Noruega, o país de orixe do estudo detrás deste xogo: Krillbite. Tralo nome que acadaron, lanzaron unha campaña en Kickstarter, que logrou acadar o seu obxectivo e que garante que sexa levado a bo porto.

Como xa se indicou, o xogo ponnos no corpo dun meniño de dous anos nunha casa na que comezan a ocorrer cousas e que, debido á curta idade do protagonista, a liña que diferenza sono de realidade vai diminuíndo o seu grosor. A maiores disto, o xogo terá compatibilidade co sistema de realidade virtual Oculus Rift, o que, trala fichaxe estrela de John Carmack, garante que o seu nivel (que calquera dos que o puidemos probar no seu momento opinamos que xa era alto) acadará un nivel superior.

 

3 – AR-K: Episodio 2 (PC, iOS, Android)

Data de lanzamento: Indeterminada

AR-K_02

Non tódolos días un videoxogo galego acada o seu obxectivo nunha prataforma coma Kickstarter, pero nesta ocasión así foi. A saga AR-K, desenvolta polo estudo coruñés Gato Salvaje, acadou a cantidade que pediran para ser quen de rematar os capítulos 3 e 4 da sua aventura gráfica episódica. Para levar a bo porto o seu proxecto, subíronse a bordo o escritor Greg Rucka, un recoñecido escritor de cómic norteamericano, e tamén incorporan a Ash Sroka, a muller que puxo a voz na triloxía Mass Effect a Tali’Zorah, para converterse na de Alicia, a protagonista da saga, na versión inglesa, xa que na versión en castelán, é interpretada por unha actriz galega, María Castro. Por certo, onte acadaron os votos necesarios para entrar en Steam a través da prataforma Greenlight.

 

 4 – Day Z (PC)

Data de lanzamento: Indeterminada

NoxHw

Si, o xogo xa está dispoñible en Steam. Si, en Memoria Pixelada xa falamos acerca do acceso a dita prataforma do xogo. Si, xa leva vendidas máis de 875.000 copias. Pero segue sendo un xogo en desenvolvemento. Agora mesmo accedeu a Steam (e logrou ser o xogo máis vendido nas ofertas, pese a non estar rebaixado) a través do su sistema Early Access, que permite que xogos en desenvolvemento sexan vendidos e logren o diñeiro necesario para acadar finalizarse. Actualmente o xogo está en versión alpha e espérase que entre en beta a finales de ano.

Non hai moito que dicir acerca del que non sexa xa coñecido: iniciou a moda actual dos xogos multixogador survival en primeira persoa (Infestation: survivor stories, Rust) baseados nun escenario postapocalíptico no que teremos que estar tan atentos ós enemigos do xogo coma, sobre todo, ó resto de persoas que se atopen xogando, xa que na meirande parte das veces, convértense na verdadeira amenaza. E todo iso o lograron simplemente cun mod do Arma II, agora prometen un xogo moito máis profundo ó tratarse dun título partindo de cero. A confianza de moita xente xa a teñen, e a miña entre ela.

 

5 – Diablo 3: Reaper of souls (PC, PS4)

Data de lanzamento: 25/03/2014

diablo-iii-reaper-of-souls-logo

Trala polémica e a decepción que supuxo, en parte, Diablo III no seu lanzamento, Blizzard trae esta primeira expansión do xogo, a cal inclúe un novo tipo de personaxe, o cruzado, aparte de, como é habitual, un acto a maiores dos que trae o xogo orixinal, para continuar a historia. Moitos somos os que recordamos a diferenza entre Diablo II e Diablo II máis a expansión, dun modo que non se pode concebir o xogo sen o contido adicional, debido ós profundos trocos que provocou na xogabilidade, de modo que Blizzard merécese un pouco de confianza de cara a mellorar a experiencia xogábel de Diablo III.

 

 6 – Evolve (PC, Xbox One, PS4)

Data de lanzamento: Outono de 2014

evolve

Probablemente se digo Tutle Rock Studios non acade a vosa atención, pero se troco esas verbas por Left 4 Dead pode que xa a teña. Evolve é o novo xogo deste estudo, que será publicado por 2K Games. Ata o de agora coñécense poucos datos acerca do xogo, aparte de ser un xogo multixogador. Pero o máis significativo do coñecido ata o momento é, sen dúbida, a sua proposta de xogo, na cal un equipo de 4 xogadores ten como obxectivo cazar ó monstruo que manexa o carto xogador.

 

7 – Game of Thrones

Data de lanzamento: indeterminada

article_post_width_news-game-of-thrones-telltale-rumor

Todos aquelas persoas que probaran The Walking Dead, o xogo de Telltale, entenderán a seguinte operación: Telltale +George  RR Martin + Game of Thrones. Non fai falla decir nada máis.

 

8 – Mario Kart 8 (Wii U)

Data de lanzamento: Primavera de 2014

TM_WiiU_MarioKart8

¿Qué podemos decir de Mario Kart que non sexa coñecido? Velocidade, risas, pasar un bo rato cos amigos e manexar ós teus personaxes favoritos unha vez máis subidos en karts, todo elo aderezado polos xa coñecidos powerups da saga. Teñen a fórmula do éxito, e saben aproveitala. Ó igual que todas as anteriores entregas, un must have.

 

9 – Mirror’s Edge 2 (PC, PS4, Xbox One)

Data de lanzamento: Indeterminada.

news_photo_29555_1370371972

Corría o ano 2008 cando en Xbox 360 e PS3 apareceu un xogo moi luminoso, rápido, cun mundo colorido, baseado en correr, saltar e empregar a axilidade da protagonista para chegar ata o seguinte edificio, saltando de tellado en tellado. O seu argumento, baseado en parte na novela de George Orwell 1984, era simple, ainda que adictivo, e o escenario, moi lineal, chamaba á exploración e a tentar escalar ata onde puidéramos para poder botar un ollo á cidade dende o punto máis alto do edificio máis alto. Mirror’s Edge 2 promete precisamente o que lle faltaba ó seu predecesor: un mundo aberto. Simplemente mantendo as cualidades da primeira entrega e engadindo este novo mundo aberto, o xogo dará un salto de calidade e convertirase nun dos máis rechamantes do ano sen dúbida de ningún tipo.

 

10- Rambo: The videogame (PC, PS3, Xbox 360)

Data de lanzamento: 21/02/2014

rambo2

Moita xente non estará dacordo co feito de que elixira este xogo por diante doutros para aparecer nesta lista dos máis agardados do ano, sendo un xogo que estou seguro de que non marcará un antes e un despois en ningún aspecto, e que seguramente estea cheo de erros. Pero pensade en que é de esperar que podamos facer cousas como estas. ¿Seguides pensando que o xogo non vai ser entretido? Eu non teño dúbida de ningún tipo, máis ainda tendo en conta que o xogo consistirá en superar esceas dos 3 primeiros filmes da saga.

 

11 – South Park: the stick of truth (PC, PS3, Xbox 360)

Data de lanzamento: 06/03/2014

South-Park-The-Stick-of-Truth-sí-será-lanzado-en-2013

Moitos medramos vendo na televisión ós polémicos debuxos South Park. Agora chegan cun dos xogos máis agardados do ano 2013, que tivo que ser desprazado a 2014 debido ós problemas económicos do seu distribuidor THQ. O xogo prometía no seu momento, e continúa prometendo agora mesmo, un xogo de rol no cal os creadores da serie teñen responsabilidade na elaboración do guión, cos personaxes míticos da serie (agardamos, coma non podía ser doutro modo, a morte de Kenny), será algo que moitos non queremos deixar pasar.

O xogo comeza xa antes do seu lanzamento a xerar a polémica esperada, xa que a Australia chegará unha versión censurada do mesmo. E seguramente non sexa o derradeiro mercado no que sofran recortes.

 

12 – Star Citizen (PC)

Data de lanzamento: Indeterminada

ObitalStation01

 

Atopámonos ante o xogo que ten o record de financiación a través de crowdfunding: ata o momento acadou un total de 37 millóns de dólares. A financiación arrancou coma un foguete en canto fíxose público que Chris Roberts, o creador da lexendaria saga Wing Commander, retornaba ó mundo dos videoxogos. E como era de esperar, retorna co que mellor sabe facer: un simulador de combate espacial. Ainda que nesta ocasión, o xogo vai moito máis alá dun xogo de simulación de combate, xa que trátase dun MMO cun mundo persistente e ca posibilidade de incluir mods. Como exemplo do interese que está a provocar, recentemente abriuse o sistema para crear clans, e en 12 horas creáronse máis de 4900 asociacións para xogar xuntos. O xogo ten toda a pinta de ser un dos máis importantes do próximo lustro, e apunta a ser unha dura competencia para o actual líder deste tipo de xogos, o World of Warcraft.

 

13 – The Walking Dead: Season Two (PC, PS3, Xbox 360, Vita, iOS)

Data de lanzamento: 17/12/2013

WDS2_KeyArt_1920x1080_NoLogo_large_verge_medium_landscape

Estamos ante a secuela dun dos xogos máis sorprendentes dos derradeiros anos, e que supuso a consagración do seu estudo creador, Telltale, e que confirma o troco da aventura gráfica clásica, con puzles cunha dificultade elevada a un novo modelo de aventura gráfica, centrada ó 100% na historia e nos personaxes. Precisamente un dos personaxes desta primeira entrega da saga é a protagonista desta segunda parte, a nena Clementine, seguramente a personaxe favorita da meirande parte dos que xogaron esa primeira parte.

O xogo é certo que foi publicado en Decembro de 2013, pero é unha aventura episódica que terá todos os seus episodios excepto ese primeiro publicados en 2014. E se continúa ca calidade do seu predecesor, non descarto para nada que estea pelexando de novo polo GOTY.

 

14 – The Witcher 3: Wild Hunt (PC, PS4, Xbox One)

Data de publicación: Indeterminada.

420

Máximo favorito ó GOTY 2014, e ainda non se viron máis que unhas poucas imaxes e algún vídeo. Non fai falla máis. Se The Witcher 2 foi un dos mellores xogos da xeración pasada, esta terceira parte da saga apunta a mellorar ó seu predecesor, incluindo a principal carenza do xogo anterior, a falta dun mundo totalmente aberto no que poder perderse.

É de esperar que, do mesmo modo que o seu predecesor, marque un hito no tocante ó aspecto técnico (CD Projekt Red descartou realizar o xogo para PS3 e Xbox 360 pola imposibilidade de que funcionara neses sistemas), a nivel historia é de supor tamén que será tan sobresaínte como o Assassins of Kings e, sobre todo, contará cun dos, se non o mellor, personaxe da xeración anterior, o lobo branco, Geralt de Rivia.

Agardaremos impacientes a publicación da data definitiva de saída ó mercado, porque de seguro valerá a pena a espera e ata o derradeiro céntimo que custe.

 

15 – Uncharted 4 (PS4)

Data de publicación: Indeterminada

2498622-nathan_drake

 

Se na posición 14 falábamos dun dos mellores personaxes da xeración, neste derradeiro xogo estamos a falar doutro dos grandes, Nathan Drake, o protagonista da saga Uncharted.

O desenvolvemento desta cuarta entrega da saga, a primeira nas consolas de nova xeración leva rumoreándose dende inicios de 2013, pero leve un ano en desenvolvemento o xogo ou non, unha cousa está clara: será, ó igual que todos os anteriores xogos da saga e o derradeiro xogo dos seus creadores, Naughty Dog, técnicamente rompedor no momento da sua saída. O fixeron co Uncharted 2, superando todo o visto ata entonces en PS3, o melloraron un pouquiño máis en Uncharted 3 (ainda que como xogo é peor que o 2, técnicamente é lixeiramente superior) e remataron de romper con todo co The Last of Us, marcando un tope técnico en PS3 que seguramente non sexa superado. Esta cuarta entrega será peliculeira, palomiteira totalmente, de consumo lixeiro, ó igual cas 3 anteriores, pero seguro que igual de entretida e adictiva.

nintendo-logo

Nintendo, esa gran compañía que na súa época de ouro cautivou a milleiros de persoas que non dubidou en abandonalos para centrarse exclusivamente nos casual gamers.

No seu primeiro tramo nesta estratexia foille xenial, mais agora está a sufrir as consecuencias da falta de innovación, así o confirma a propia compañía sacando os números de ventas tanto nas consolas como nos videoxogos.

Tanto o hardware como o software están moi lonxe dos seus obxectivos iniciais, adiantanto que sufrirá perdas de 336 millóns de dólares por non vender o suficiente nas súas consolas.

Concretamente agardan que neste tempo vende apenas 2.8 millóns de Wii U, fronta as 9 millóns que prevían, e 13.5 millóns de 3DS fronte ás 18 millóns de unidades que debían.

Se falamos dos videoxogos un tanto do mesmo, nin na consola de sobremesa nin na portábel conseguen acadar os obxectivos establecidos deixando á compañía con enormes perdas neste ano fiscal.

Cal será a decisión de Nintendo para solucionar isto? Continuar así?

Assassins-Creed-IV1
Segundo os rumores, a compañía Ubisoft podería estar a traballar en dúas novas entregas da saga «Assassin’s Creed», unha para as consolas de nova xeración (PlayStation 4 e Xbox One) e outra para as anteriores (PlayStation 3 e Xbox 360). Descoñécese como encaixarán estes lanzamentos para PC e Wii U.

Polo de agora, dende a compañía, non se pronuncian ao respecto destes rumores.

Novo tráiler do «Mario Kart 8»

Por: Xoves, 19 de Decembro de 2013, 12:00 COMENTAR

mario-kart-8
A compañía Nintendo ven de publicar un novo tráiler do «Mario Kart 8».

Neste novo vídeo podemos ver os novos circuítos nun aeroporto, no deserto e polas nubes. Tamén podemos ver que inclúen a Rosalina e as versións “bebés” de varios personaxes.

O lanzamento en exclusiva para a Wii U está previsto para a primavera de 2014.

iwata

Nintendo é un espíritu libre e non lle preocupa en absoluto a inminente chegada das novas consolas de nova xeración, é máis, presidente de Nintendo, Satoru Iwata, asegurou que isto non fai máis que fortalecer a industria do videoxogo.

E postos a dicir verdades, aclarou que o público a quen van dirixidos as consolas de Sony e Microsoft é diferente ao que vai dirixido Wii U.

Outras compañías lanzarán novas consolas en Occidente, mais creo que están enfocadas a un público máis dedicado. Neste sentido, aínda que a competición se poñerá quente e haberá artículos nos medio con títulos como ” a guerra das consolas”, preguntámonos se realmente o público destas plataformas será o mesmo que o noso.

Os nosos xogos dispoñíbeis para finais de anos, como Super Mario 3D World, Wii Party U, Mario & Sonic nos xogos Olímpicos de invero en Sochi 2014, Wii Sports Club ou Wii Fit, están dirixidos ao emprego familiar, e aqueles que mercaron a Wii e están interesados no que ofrece Wii U. O que é lixeiramente diferente a onde apuntan outras compañías.

Estas son as palabras de Iwata, deixando claro que non queren saber nada dos xogadores de toda a vida e seguen planificando crear para os casual gammers.

Aínda que despois de dicir estas palabras, quizais por arrepentimento, quizais por calmar aos hardcore gammers, tamén rematou dicindo:

Wii U comezará a recibir títulos harcore a partires do ano que ven.

Bo intento Iwata, bo intento…

watch-dogs-atraso
Nun inesperado comunicado feito onte no blogue de Ubisoft, a compañía anunciou que atrasarán o lanzamento do agardado «Watch Dogs» a vindeira primavera de 2014.

Segundo a compañía, esta demora débese ao desexo da mesma de non comprometer a calidade do xogo cun lanzamento prematuro. Durante estes meses aseguran que aproveitarán para pulir os detalles para ter unha mellor experiencia de xogo.

O comunicado completo:

“A nosa ambición dende o comezo con Watch Dogs foi ofrecer algo que encarne o que queremos ver na seguinte xeración de videoxogos. É con isto en mente que tomamos a difícil decisión de demorar o lanzamento ata a primavera de 2014.

Sabemos que moitos de vós vos preguntaredes: Por que agora? Loitamos co feito de que se ía atrasar o xogo, pero dende o comezo adoptamos a postura de que non iamos comprometer a calidade. A medida que nos achegabamos ao lanzamento e todas as pezas do crebacabezas ían encaixando no noso último empuxón antes de completalo, quedou claro que preciabamos un tempo extra para pulir e afinar cada detalle, para que puidéramos dar unha experiencia verdadeiramente inesquecible e excepcional.

Queremos aproveitar esta oportunidade para darvos as grazas a todos. Encántanos e apreciamos como respondedes na web, nos eventos, conferencias de prensa e outras oportunidades de interactuar connosco. A vosa pasión mantennos motivados.

Non podemos agardar a vervos en Chicago a vindeira primavera. Estamos seguros que ides adorar este xogo tanto como nós adoramos traballar nel.”

O lanzamento estaba previsto para o vindeiro 21 de novembro para PC, PlayStation 3, PlayStation 4, Wii U, Xbox 360 e Xbox One.

the-crew-logo
Por outra banda, tamén confirmaron atraso do lanzamento do MMO de carreiras «The Crew», previsto para comezos de 2014, a algún momento entre o segundo e terceiro trimestre do mesmo ano.

super mario 3d world

Miyamoto, esa persoa que mantén a Nintendo a flote, fixo unhas declaracións sobre o que será o seu próximo proxecto, o Super Mario 3D World para Wii U.

Como saberedes, existen varias clases de persoas amantes dos xogos de Mario, os que prefiren as 3D e os que prefiren as 2D, pois ben, Shigeru Miyamoto amosouse positivo no seu último traballo e asegurou que está pensado para gustar a ambos bandos:

Cos xogos de Mario tes os títulos en 2D de desprazamento lateral, e os xogos como Mario Galaxy, que son en 3D. A xente tende a preferir un deles por enriba do outro.

O que intentamos facer con Super Mario 3D Land de Nintendo EDS e o que estamos tratando de facer con Super Mario ED World de Wii U é crear un tipo de Mario tridimensional a medio camiño entre ambos estilos.

Isto intentámolo realizar mediante o tipo de control, de tal xeito que permita a ambos xogadores desfrutar de verdade con este Mario.

Aínda sendo fan incondicional de Mario, non credes que se está sobrexplotando demasiado a saga con xogos que poderían dar moito máis de si? Porque dende logo sacan tantos Marios que xa non chama a atención a ninguén, cousa que por outro lado non estraña sendo case todos semi-clónicos.

De todos os xeitos Super Mario 3D World sairá o 29 de novembro.

pack wii u

Está claro que as consolas que van estar no punto de mira dos xogadores para este Nadal van ser a PS4 e a Xbox One, mais para facernos saber que Nintendo aínda está no mercado, a compañía xaponesa anunciou que lanzará tres packs na campaña navideña para intentar facer despegar a súa consola.

O primeiro que será lanzado chamarase pack Premium de Mario & Luigi, que sairá o 8 de novembro e inclue a consola negra cunha memoria interna de 32 GB e un disco con dous xogos: New Super Mario Bros e New Super Luigi U.

O 15 de novembro sairá á venta un pack máis básico que traerá consigo a Wii U cunha memoria interna de 8 GB, o Wii U Gamepad e o mando de Wii plus, a barra sensora de movemento e os xogos Wii Party U e Nintendo Land.

Por último lanzarase un pack básico de Wii U con Just Dance 2014 e Nintendo Land, que sairá o 22 de novembro.