Os 200cc chegan ao Mario Kart 8

Por: Xoves, 16 de Abril de 2015, 16:11 COMENTAR

mario-kart-8Nintendo ven de anunciar que a saga Mario Kart contará, por primeira vez, cunha nova dificultadade, os 200 centímetros cúbicos. Dende que o Super Mario Kart saiu no ano 1992 para a Super Nintendo todos os xogos da saga contaron con 3 modos (se non contamos o modo espello que apareceu por primeira vez no Mario Kart 64): 50cc, 100cc e 150cc.

Os 200cc será un novo modo para o Mario Kart 8 de Wii U. Este modo é un punto máis de dificultade que fará que as carreiras sexan máis vertixinosas, e seica teremos que frear para non saires da pista, aínda que algúns consideramos que frear nun Mario Kart é un sacrilexio. Tocará logo aprender a como conducir o kart, como xirar e como derrapar a tanta velociade para ser competitivo no online, onde tamén poderemos desfrutar desta cilindrada.

Para disfrutar desta nova difictualde teremos que agardar até o 23 de abril que estará dispoñíbel nunha actualización gratuita que poderemos desfrutar os posuidores dunha Wii U.

No seguinte vídeo podemos comparar os 150cc co novo 200cc na pista Cala Delfín.

No pasado Game Awards, Nintendo anunciou que o novo videoxogo da saga The Legend of Zelda para a súa consola de sobremesa sairía a finais do 2015. Pero agora Nintendo vén de publicar nas súas redes sociais un video de Eiji Anouma, produtor de The Legend of Zelda para a Wii U, en que explica que xa non é unha prioridade que o xogo saia no 2015, a súa prioridade agora é rematar un bo xogo, polo que é probábel que saia no 2016.

Anouma explica que están a facer un xogo cunha liberdade de exploración sen precedentes nun xogo da saga, o que fai que pensen en novas posibilidades que non tiñan contempladas desde un comezo. O produtor cre que o xogo ten un potencial enorme que mesmo excede as súas propias expectativas e queren facelo o mellor posíbel, polo que a data de lanzamento xa non é unha prioridade. A nova prioridade é facer un xogo completo.

Aos fans da saga seguro que non llesimporta demasiado o atraso e son quen de agardar polo xogo, se é para que estea ben rematado con todo o que Eiji Anouma promete.

O novo xogo de Kirby para Wii U, Kirby and the Rainbow Paintbrush (coñecido en España como Kirby y el Pincel Arcoíris), que xa están a desfrutar nos EUA desde febreiro, estaba anunciado para Europa para a segunda metade do 2015. Por fortuna para os fans da personaxe rosa de Nintendo, o videoxogo sairá á venda en Europa o 8 de maio, segundo confirmou Nintendo Europa.

Kirby y el Pincel Arcoíris

Kirby y el Pincel Arcoíris

Neste xogo do xénero plataformas temos que debuxar liñas no GamePad para poder guiar a Kirby pola fase,  e se temos wiimotes, até tres amigos poderan unirse á partida e axudar a acabar cos inemigos. Este xogo tamén será compatíbel cos amiibo de Kirby, Meta Kinght e Rei Dedede da serie de amiibos do Smash Bros, que dotarán de novos ataques ou ataques máis fortes segundo o amiibo que conectes ao videoxogo.

Cunha puntuación dun 76/100 en Metacritic, este exclusivo de Wii U, non parece un xogo imprescindíbel aínda que si que lle da un toque distinto aos plataformas que haberá que ter en conta.

Torneo Super Smash Bros Fnac

Para nós, que nos gusta xogar e probar de todo, a idea de pasar a tarde do sábado na Fnac xogando ao Super Smash Bros cun colega semella un plan perfecto para estas chuviosas tardes de inverno, un plan que por riba mellora cos agasallos que Nintendo promete por tan só inscribirse e que melloran se somos dos 27 primeiros en facelo e que se traducen nunha copia do Super Smash Bros para Wii U se saímos vitoriosos na competición.

Para inscribirse tan só tedes que pasarvos polo mostrador de gaming da tenda ou, se o preferides, enviar un mail cos vosos datos, nome, apelidos, idade e teléfono móbil a coruna@fnac.com e eles xa se poñen en contacto contigo dende a tenda para formalizar a inscrición.

Así pois agardamos vervos o sábado 7 de marzo ás 17horas no fórum de Fnac A Coruña na Praza de Lugo neste campionato do que podedes atopar máis información na propia páxina da Fnac.

MiddleearthShadowofMordor_Gollum_Screenshot

Nestes días, que vivimos as derradeiras xornadas de rebaixas, ímoslle dar una volta ós xogos que temos nas tendas a prezos que paga a pena considerar nas consolas de nova xeración.

PS4

ps4

Na nova consola de Sony temos de oferta no PSN o xogo Resogun a mitade de prezo por 6,99€

Mercar en PSN

O Tierra Media: Sombras de Mordor por 34,50€ en ShopTo

Mercar en ShopTo

E o Lara Croft e o templo de Osiris por 19,99€ de novo no PSN

Mercar en PSN

Xbox One

XboxOneMain-1200-80

En Xbox One temos o Halo The Master Chief Collection por 40,69€ en ShopTo

Mercar en ShopTo

O Alien Isolation por 33,40€ en base.com

Mercar en base.com

E o Titan Fall por 19,99€ en XtraLife

Mercar en XtraLife

WiiU

13678.wiiu-consola-negra

En WiiU tedes un xogazo como o Bayonetta 2 por 33,94€ en Amazon.es

Mercar en amazon.es

Na mesma tenda o Capitan Toad Treasure Tracker por 31,96€

Mercar en amazon.es

e podemos ver como o Super Smash Bros. comeza a baixar pouco a pouco de prezo ata porse nuns 45,99€

mercar en amazon.es

Que ofertas estades a seguir vos con mais atención?

Assetto Corsa

Xa dende o 19 de Decembro podemos desfrutar de Assetto Corsa (Consultar prezo) en Steam, este simulador de condución ten unha pinta boísima. Ademais temos a piques de sair Project Cars, outro simulador que tando ruido fixo nos últimos meses (Consultar prezo). Parece que vai ser unha dura loita entre estes dous títulos, o primeiro ten a vantaxe das fechas e o segundo a da multiplataforma en consolas.

Nembargantes o que finalmente faranos decidir entre unha e outra vai ser a xogabilidade e en gran medida o aspecto gráfico. Onte topamos cun video que parece que bota algo de luz sobre esta loita, aínda que non debemos olvidar que a versión final de Proyect Cars non estará dispoñíbel ata Marzo e o que se ve nas imaxes é preliminar. No video podemos ver o percorrido do mítico Autodromo Enzo e Dino Ferrari, ou Autódromo de Ímola, montados nun F1 Lotus 98T Renault Turbo.

Podedes xulgar vos mesmos.

 

Canle do video: AdrianF1Esp

 

BeautifunGames

O día 28 de Xaneiro vivimos a saída dún dos xogos indie español con maior éxito dos últimos anos para a portátil de Sony, a PSVita cunha novidade que a min polo menos resultoume agradábel, xa que inclúe a tradución o Galego. Isto que debería darse mais a miúdo torna a ser un feito sorprendente e que esperamos que resulte, cando menos, tan ben como esperan en Beautifun Games. Para comentar isto e outras cousas do panorama indie temos a Elías Pereiras, un dos programadores da empresa que creou Nihilumbra.


 

Boas Elías, moitas grazas por compartir a túa experiencia con nós e parabéns por este lanzamento.

Cóntanos un pouco quen es, de onde ves e que pintas nesta loucura do desenrolo de videoxogos.

Téndome criado nunha pequena vila (A Estrada), e estudado Enxeñaría Informática nunha pequena cidade (Santiago de Compostela), no meu útilmo ano de carreira decidín ir a Barcelona a facer o meu Traballo de Fin de Grao. Comecei a entrar no mundo da computación gráfica e programación de videoxogos, aproveitando as opcións que me daba a Facultade de Informática de Barcelona que non tiña en Santiago. Tiña claro que ese mundo atraíame, co que entrei nun Máster en creación de videoxogos. Aínda que esperaba máis no apartado académico, coñecín xente coas miñas afinidades, e desenrolar un proxecto relativamente grande foi moi enriquecedor. Despois desto, e como non dou ficado quedo, comecei un proxecto persoal, que foi o que me serviu para entrar en Beautifun Games uns meses despois. Dende ese momento levo traballando na nova IP Megamagic.

IMG_20140711_075700_1

 

Unha das razóns de que esta entrevista sexa nun momento tan adecuado é a saída de Nihilumbra coa tradución ó galego para PSVita. Estaba nos plans inicialmente esta tradución e expandirase as versións do xogo noutras plataformas?

Sendo unha empresa catalana, sen vinculación con Galicia ata a miña chegada, non estaba planeada ningunha tradución máis das que xa tiña, e moito menos outras linguas nacionais. Ó pouco de chegar, e vendo que o xogo estaba traducido ó catalán, sinxelamente non me pareceu unha cuestión dubidable que debía estar tamén en galego. Así que adiquei un pouco do meu tempo persoal fóra da empresa para traducilo.

Hai outra nova plataforma que recibirá o seu port inminentemente

Integrouse rapidamente na versión na que se estaba traballando nese intre, a de Wii U. Non, non o busquedes aínda na eShop, porque aínda estando rematada fai varios meses, un bug aínda non solucionado do motor Unity evítanos poder publicar esta versión. Esta versión colleuse de base para facer o port de PS Vita, e por iso xa a leva, así como a última actualización da versión de iOS. Non podo dicir nada oficial, pero hai outra nova plataforma que recibirá o seu port inminentemente (HYPE).

Se tedes unha PS Vita e non xogastes a Nihilumbra, recomendaría esta versión antes que ningunha.

Que cres que pode aportar PSVita que non viramos con anterioridade en outras plataformas.

Cando probei Nihilumbra na PS Vita quedei abraiado do ben que se adapta ó control. Parece, sen selo, un xogo totalmente pensado para ela, simplemente, é natural. Se tedes unha PS Vita e non xogastes a Nihilumbra, recomendaría esta versión antes que ningunha.

nihilumbra820-re

Nihilumbra

 

Moitos consideran a PSVita coma un morto en vida e a maioría das empresas pásana por alto salvo o sector indie e o mercado asiático. Como ves ti a situación?

É certo que fai bastante tempo que non sae un bo xogo AAA para a Vita, pero persoalmente gústame moito como dispositivo. É unha pena que se esté desaproveitando desta maneira, pero aínda así, como ben dis, o sector indie non a olvida, e pode ser a plataforma ideal para certos títulos, co que eu non a ignoraría de ningunha forma.

Se alguén mostra interese por un produto na súa lingua, e o estudio ten a oportunidade de traducilo, non debería deixar de facelo.

A nivel persoal, que che parece a inclusión do galego nas localizacións de videoxogos?

Aínda que leve vivindo case 4 anos en Barcelona, nunca perderei a morriña por certas cousas do meu orixe, e unha delas é a lingua. Independentemente de que sexa galego, catalán, euskera ou tibetano, se alguén mostra interese por un produto na súa lingua, e o estudio ten a oportunidade de traducilo, non debería deixar de facelo, porque como digo, a lingua natal é algo que sempre nos toca a fibra.

É o mundo dos videoxogos como soñaras cando te formabas?

Dado que me fun introducindo pouco a pouco nel, non me tomou de sorpresa ningún cambio que non esperase. Tanto na parte dos coñecementos, como na organizativa, fun tomando contacto durante os anos de estudo, tanto cos contidos académicos, como coas opinións de profesionais do sector, polo que xa entrei sabendo o que había. De todas formas, se miro atrás e poñome na pel do eu de fai anos, posiblemente sorprenderíame a cantidade de distintos campos que se necesitan dominar, e a carga de traballo que supoñen incluso as tarefas máis básicas. Pero isto para nada me deprime, de feito motívame a nunca baixar a garda e valorar aínda máis ó que me dedico.

Que opinas do fenómeno indie, xa tan asentado no panorama actual da industria? Cres que é un medio necesario para a renovación desta ou ‘per se’ pode xa aportar una visión de seu que cambie o entorno?

O inicio do xénero indie é baixo o meu punto de vista o mellor que lle podería ter pasado á industria dos videoxogos.

O xénero indie foi simplemente algo que tiña que ocorrer, no momento que tiña que ocorrer. Tanto o público coma os desenroladores fixéronse pouco a pouco máis esixentes, e pedían cousas que as grandes compañías non podían ofrecer. Non se podían permitir arriscarse a algo novo dado que a súa única finalidade é maximizar beneficios. A resposta a isto foi o inicio do xénero indie, que é, baixo o meu punto de vista, o mellor que lle podería ter pasado á industria dos videoxogos. Grazas a isto, podemos desenrolar cousas nas que cremos, e non só cousas que nos impoñen, creando unha variedade inimaxinable fai uns anos, axudando a elevar os videoxogos ó concepto de arte. E alégrame inmensamente a aceptación destes títulos, que permite que proliferen os estudios, e se poñan cada vez menos trabas por parte de distribuidoras e compañías grandes.

A nova IP de Beautifun Games, Megamagic

A nova IP de Beautifun Games, Megamagic

Que tedes preparado para o futuro? Seca estades a preparar un novo xogo, Megamagic, que nos podes contar del?

Aínda que pareza que só estamos facendo ports de Nihilumbra, a realidade é que estamos preparando algo moito máis grande. Todo o estudio levamos bastante tempo traballando nun novo xogo, que se chamará Megamagic. É un proxecto moito máis ambicioso que Nihilumbra, máis grande, máis complexo e máis de todo, polo que o desenrolo cun equipo moi pouco maior que o que tivo Nihilumbra é bastante esixente, e temos que dalo todo para avanzar a bo ritmo, pero estou seguro que pagará a pena cando chegue o momento.

Sobre Megamagic podo dicir que se trata dunha harmoniosa mestura de Diablo, Command & Conquer, Pokemon, Streets of Rage, e Zelda. E ata aquí podo ler!

É certo que hai moi pouco material e información publicado, pero estamos a comezar un goteo na páxina de Facebook, e pronto ensinaremos cousas definitivas do xogo. En canto a como será… aínda é confidencial, teredes que esperar a que se faga un anunciamento oficial, pero o que podo dicir é que se trata dunha harmoniosa mestura de Diablo, Command & Conquer, Pokemon, Streets of Rage, e Zelda. E ata aquí podo ler!

Tamén sabemos que tiveches proxectos persoais anteriormente, podes falarnos deles? Tes algo no que estés a traballar agora?

Os meus proxectos anteriores non foron concebidos como produtos comerciais, se non como proxectos didácticos. De feito dous deles son os proxectos finais da carreira e do máster respectivamente. Son World Air Race (Ligazón á Play Store) e Playtime Stories (Páxina Oficial).

Rob_battle

Playtime Stories

 

O terceiro trátase dun proxecto persoal, no cal aproveitei o arte de Playtime Stories para facer un xogo completamente novo. Nel, desenrolei pola miña conta todas as partes do xogo. Repito que se tratou dun proxecto didáctico, no que tentei pórme a proba para seguir aprendendo a partir do final do máster. Aínda así, é un proxecto totalmente acabado e cerrado: Run for your Lunch na Play Store

Sobre se estou traballando en algo agora, o meu principal proxecto actual é Megamagic, pero non descarto nun futuro próximo sorprender con algo realizado en horario fóra do traballo, e desvinculado de Beautifun Games.

Moitas grazas Elías, foi un pracer contar contigo. Parece que queres deixarnos con moitas ganas de probar tódolos vosos xogos e de seguro que seguiremos preto os próximos pasos de ese novo título, Megamagic.


 

Para os que queiran continuar informándose sobre Beautifun Games podedes seguir o seu Facebook, Twitter ou a súa páxina oficial. E a Elías o podedes ver na súa conta de Twitter.

Hatred entra nun reducido clube

Por: Martes, 20 de Xaneiro de 2015, 12:00 COMENTAR

s5

A ESRB, a encargada de fixar as idades recomendadas para os xogos publicados en USA, tomou a decisión de calificar ó polémico Hatred coma “Adults only”.

Deste modo, o xogo convértese no segundo en toda a historia que recibe dita calificación, sendo o primeiro en facelo Thrill Kill, para PlayStation, un xogo de 1998 que non chegou a ser publicado debido ás presións e á compra do seu desenvolvedor, Virgin Interactive por Electronic Arts. Pero iso non impediu que o xogo finalmente saira ó público, xa que extraballadores do estudo encargáronse de filtrar a versión definitiva (que xa estaba rematada cando o xogo foi cancelado trala compra da empresa) no Internet.

¿E qué supón dita calificación para Hatred? En primeiro lugar, que o xogo non sairá en ningunha das consolas, xa que Sony, Nintendo e Microsoft teñen políticas moi claras acerca dos xogos que reciben esta calificación. Ante estas novas, Destructive Creations, os estudo que desenvolveu o xogo, xa declarou que non ía ser trocado o contido, polo cal a única versión que poderemos xogar será a de PC.

Project CARS mostra un novo trailer

Por: Martes, 20 de Xaneiro de 2015, 8:00 COMENTAR

Tras anunciar un retraso na súa saída ó mercado o pasado mes de Novembro e fixar como nova data de publicación o vindeiro 20 de Marzal.

Para ir preparando ós xogadores, recentemente publicaron o trailer que aparece enriba destas liñas, no que podemos ver varios dos coches que teremos posibilidade de manexar.

Temos que recordar que o xogo terá versións para PC, Xbox One, PS4 e Wii U.

Anuncios Nintendo Direct 14/01/2015

Por: Xoves, 15 de Xaneiro de 2015, 15:15 COMENTAR

Como xa saberedes onte tivemos o primeiro Nintendo Directo do ano, un evento que como sempre vén cargado de novidades e anuncios que nos manteñen actualizados respecto ao que vai ser o futuro a corto plazo da compañía nipona. Por se non tivestedes a oportunidade de velo en directo velaquí tedes un pequeno resumo de tódalas novidades e actualizacións que se presentaron onte.

Iwata-Mario-Luigi

-Fire Emblem 3DS (nome provisional): Nova entrega deste xogo de rol estrátexico. Producido polo equipo de Intelligent Systems, cun argumento escrito por Shin Kibayashi e con Kozaki Yusuke ao mando do deseño dos novos personaxes, nesta edición tomaremos decisións e enferentarémonos a novos desafíos que farán que o mundo de fantasía vaia cambiando ao longo da historia. Aínda non hai data de lanzamento oficial.

 

-Puzzle & Dragons Z + Super Mario Bros: De gran popularidade en Xapón, ambos xogos chegarán en pack para a 3DS a Europa en maio.

 

-Pokémon Shuffle: Novo free-to-play para descargar na eShop da Nintendo 3DS a partir de febreiro. O obxectivo do xogo é unir en grupos unhas xemas ata facelas desaparecer. Contará cun sistema de vidas que se esgotarán con cada partida, e haberá que esperar a que se recarguen.

 

Os xogos de Wii poderán descargarse na Wii U: Custarán 19,99 € pero, despois  da primeira semana do seu lanzamento, terán un precio promocional de 9,99 €. En principio, estarán dispoñibles o Super Mario Galaxy 2 (14 xaneiro), Donkey Kong Country Returns (22 xaneiro) e Metroid Trilogy (29 xaneiro).

 

-Novos amiibos: Proximamente, estarán á venda Lucinda, Daraen, Wario,  Charizard e Pac-Man para o Super Smash Bros. Ademais, Nintendo desvelou unha nova colección de figuras basada nos personaxes de Mario, que contará con Mario, Luigi, Peach, Yoshi, Bowser e Toad. Serán compatibles co Mario Party 10, que chegará ao mercado o vindeiro 20 de marzo, e a figura de Toad poderá utilizarse ademais no xogo Captain Toad: Treasure Tracker a partir dese mesmo día.

 

-Splatoon: Este xogo de disparos de pintura sairá á venda en maio para Wii U. Haberá distintos tipos de armas, e as equipacións terán tamén diferentes efectos.

 

-Xenoblade Chronicles X para Wii U: Un dos RPG máis esperados no que se poderá descubrir un mundo aberto. En Xapón chegará ás tendas o 29 de abril. Nós teremos que esperar un pouco máis.

 

-Mario vs. Donkey Kong Tipping Stars: Este xogo de puzles e plataformas estará dispoñible o 20 de marzo para Wii U e 3DS na Eshop, ou a modo de códigos en tendas. Ademais, se mercas unha copia do xogo na Eshop, obterás un código para regalalo a un amigo.

 

-New Nintendo 3DS/ 3DS XL: Chegarán a Europa o 13 de febreiro. A primeira estará dispoñible en branco e negro, mentres que a versión XL será negra ou azul metálica. Contarán cun rendemento mellorado, polo que os xogos cargarán máis rápido. Dispoñerán de novos controles: ZR, ZL e panca C, que facilitarán a xogabilidade. As pantallas serán 1,2 veces máis grandes. Sairán á venda tamén bases de recarga de cor branca ou negra, e haberá 12 sets de cubertas.

 

-Nintendo Anime Channel: Unha nova boa para os amantes do anime. Con este servizo, poderemos ver en streaming Kirby, Inazuma Eleven e Pokémon. Tan só hai que descargar a aplicación gratuita na Nintendo Eshop, que estará dispoñible o 13 de febreiro.

 

-CODE NAME S.T.E.A.M.: Este xogo de estratexia sairá á venda a partir do 15 de maio. Contará con personaxes do Fire Emblem como invitados, que loitarán contra os aliens.

 

-Ace Combat Assault Horizon Legacy +: Esta edición contará con novidades, como gráficos en 3D estereotópico, controles compatibles coa New 3DS e avións inspirados na saga de Mario. Tamén será compatible cos Amiibo, que desbloquearán novos cazas como Link ou Fox. Estará dispoñible en febreiro.

 

-Monster Hunter 4: Chegará o 13 de febreiro ás tendas. Ademais, contará con edición especial da New Nintendo 3DS e a New Nintendo 3DS XL, que terá o xogo preinstalado. A demo está dispoñible para descarga dende onte, e o código necesario para xogala poderase obter a través de correo electrónico.

 

-Xenoblade Chronicles: Este remake sairá ao mercado o 2 de abril para a New Nintendo 3DS e a New Nintendo 3DS XL.

 

-Legend of Zelda: Majora’s Mask A partir do 13 de febreiro, estará dispoñible este remake da Nintendo 64. Haberá tamén unha edición especial da New Nintendo 3DS e a New Nintendo 3DS XL co xogo preinstalado.

 

-Ironfall Invasion: Este xogo de disparos está anunciado para febreiro.

 

Deixamosvos a continuación o evento por se queredes ver polo miúdo todo o falado neste artigo.

Novas da saga Bayonetta chegarán no 2015

Por: Martes, 30 de Decembro de 2014, 8:00 COMENTAR

bayonetta-2-screenshot-4-e1358827606564

Akiko Kuroda, un dos productores do xogo Bayonetta 2 declarou recentemente que o estudo comezara o desenvolvemento dun novo xogo, pero que ainda tiñan que agardar un tempo para poder falar del, pero confirmou que durante o vindeiro 2015, Bayonetta recibirá unha nova, pero non concretou nada acerca dela.

O novo Mario podería saltarse Wii U

Por: Luns, 22 de Decembro de 2014, 11:00 COMENTAR

Nunha recente entrevista, Miyamoto deixou caer que o vindeiro Mario podería publicarse nunha nova plataforma diferente a Wii U.

Miyamoto tamén confirmou que a substituta de Wii U está en desenvolvemento, ainda que sexa conceptual polo de agora, pero que polo de agora centran os seus esforzos en darlle a Wii U unha base grande de xogo.