DayZ chega a Steam

Por: Mércores, 18 de Decembro de 2013, 10:00 COMENTAR

tumblr_mg9f2js9xp1rd90z0o14_1280

Por fin chegou o día. Aló polo 2012 apareceu un mod multixogador para o aclamado simulador de guerra Arma II chamado DayZ. Dito mod colocábanos no medio dun mapa inmenso cun único obxectivo: sobrevivir.

Si, sobrevivir, tiñamos que recoller auga para poder beber, comida para poder comer, recuperar partes de vehiculos para poder montalos e utilizalos para desprazarnos…e todo isto en medio de, como non, unha invasión zombie. Persoalmente boteille unhas cantas horas e moitas risas, as anécdotas que obtías de xogar un único día a ese xogo daban para escribir un libro, xa que ó ser a liberdade absoluta, moi pronto dábaste conta de que o verdadeiro problema non eran os zombies, senón os outros xogadores que pululaban polo mapa. Que si, que o mapa era enorme, pero sempre te atopabas con xogadores en moitos dos sitios, xa sexa cazando a outros humanos nos bordes dun encoro para roubarlles as súas posesións cando foran a buscar auga, campamentos camuflados en medio dun monte ou simplemente ir andando e atoparte con outras persoas no medio da nada e acordar unha alianza temporal para poder saír vivos desas cidades nas que unha ou dúas persoas tiñan poucas opcións de saír se non iban cargados ata o tope. A frase “Anyone friendly in Cherno?” xa forma parte de calquera persoa que probara DayZ no seu momento.

Tralo éxito acarreado por dito mod, non se tardou en confirmar o desenvolvemento dunha versión independente do xogo, que pasaría a ser chamada “DayZ Standalone”. Dita versión acaba de entrar en Steam mediante acceso temprán, o que implica que será unha versión alpha, con moitos bugs, pero que lle será moi práctica aos desenvolvedores para detectar e corrixir os erros que a xente encontre e lles notifique. A versión beta espérase para finais de 2014.

Xa dispoñible a beta de «SteamOS»

Por: Luns, 16 de Decembro de 2013, 16:00 COMENTAR

steamos
Valve ven de publicar a versión beta do seu sistema operativo baseado en Linux, o SteamOS

Dende a compañía afirman que esta versión beta non é apropiada para usuarios sen certos coñecementos técnicos e que non é un produto rematado, mais ofrecerá unha mellora de rendemento significativa.

Outro punto importante é que polo de agora soamente soporta certo hardware, pero están a traballar para aumentar a compatibilidade. É recomendable ler a páxina de «Preguntas e respostas de SteamOS» antes de probar a beta.

“SteamOS definitivamente non é un produto acabado preparado para un usuario non técnico.”

“Dito isto, xa podemos usalo nas nosas salas de estar. Estamos moi animados sobre o que é e o que vai ser. E cantos máis de vós o probedes e nos contedes as vosas experiencias, máis rápidamente puliremos as arestas.”

“Os usuarios non deben considerar SteamOS como o remprazo para o seu sistema operativo de escritorio. SteamOS está a ser deseñado e optimizado para unha experiencia na sala de estar.”

Podedes descargar a beta dende a súa páxina en Steam.

steam_machines
Dende o seu anuncio a finais de setembro, as «Steam Machines» preséntanse como unha boa competencia ás videoconsolas de nova xeración.

Antes de lanzalas ao mercado, a compañía Valve quixo que 300 usuarios as puxeran a proba, así que abríu un período de inscrición ata o pasado 25 de outubro.

Xa en pleno decembro, a partir de mañá, día 13 (ollo os supersticiosos…), a compañía comezará a enviar esas 300 unidades de proba aos afortunados usuarios gañadores, que recibirán na casa o pack formado por unha Steam Machine (haberá varios modelos con diferentes configuracións) e un Steam Controller. Ademáis, nestas unidades de proba irán instalados varios xogos que corren nativamente no sistema operativo SteamOS.

ffviii
Xa está dispoñible para descarga dixital este videoxogo do ano 1999 a través da plataforma Steam a un prezo de 12,99 €.

Como novidade, o xogo inclúe dúas novas características: o “Magic Booster” que aumentará en 100 a maxia seleccionada e o minixogo “Chocobo World”, concebido orixinalmente para a PSOne PocketStation.

Máis información na ficha en Steam.

«Capcom Weekend» en Steam

Por: Venres, 11 de Outubro de 2013, 11:00 COMENTAR

steam-capcom-weekend
A plataforma dixital Valve quere celebrar o 30 aniversario da compañía xaponesa Capcom e ofrece esta fin de semana grandes descontos de ata o 75 por cento nos seus videoxogos e DLC’s.

Título: Prezo orixinal: Prezo rebaixado Desconto:
· Age of Booty™ 4,99 1,24 € (-75%)
· Bionic Commando 9,99 2,49 € (-75%)
· Bionic Commando: Rearmed 8,99 2,24 € (-75%)
· Capcom Action Hits Bundle 162,99€ 54,99 € (-66%)
· Capcom Fighter Bundle 62,99 19,99 € (-68%)
· Cherry Tree High Comedy Club 7,99 3,99 € (-50%)
· Dark Void™ 9,99 2,49 € (-75%)
· Dark Void™ Zero 3,99 0,99 € (-75%)
· Dead Rising® 2 18,99 9,49 € (-50%)
· Dead Rising 2: Off the Record 27,99 13,99 € (-50%)
· Devil May Cry® 3 Special Edition 19,99 4,99 € (-75%)
· Devil May Cry 4 19,99 4,99 € (-75%)
· DmC Devil May Cry 39,99€ 19,99 € (-50%)
· Ether Vapor Remaster 7,99 3,99 € (-50%)
· eXceed Complete Pack 9,99 4,99 € (-50%)
· eXceed – Gun Bullet Children 2,99 1,49 € (-50%)
· eXceed 2nd – Vampire REX 5,99 2,99 € (-50%)
· eXceed 3rd – Jade Penetrate Black Package 5,99 2,99 € (-50%)
· Fairy Bloom Freesia 7,99 3,99 € (-50%)
· Flock! 4,99 2,49 € (-50%)
· Lost Planet: Extreme Condition Colonies Edition 14,99 3,74 € (-75%)
· Lost Planet 2 19,99 4,99 € (-75%)
· LOST PLANET® 3 39,99€ 23,99 € (-40%)
· Onimusha™ 3: Demon Siege 19,99 4,99 € (-75%)
· Remember Me 39,99€ 19,99 € (-50%)
· Resident Evil™ 5 19,99 4,99 € (-75%)
· Resident Evil 6 / Biohazard 6 29,99€ 14,99 € (-50%)
· Resident Evil: Operation Raccoon City 27,99 9,51 € (-66%)
· Resident Evil Revelations / Biohazard Revelations UE 39,99€ 19,99 € (-50%)
· Satazius 5,99 2,99 € (-50%)
· Street Fighter X Tekken 27,99 13,99 € (-50%)
· Super Street Fighter® IV Arcade Edition 19,99 4,99 € (-75%)

Máis información na páxina de Steam.

steam_machines
Recentemente, a compañía Valve anunciaba o lanzamento dunha liña propia de PC’s, as Steam Machines. Nese mesmo anuncio tamén confirmaba que 300 usuarios poderían probar os prototipos antes de que saian á venda.

Hoxe coñecemos as especificacións que terá o hardware desas máquinas. Hai que ter en conta que non todas incorporarán o mesmo hardware e podemos ver que haberá varias configuracións diferentes:

  • GPU: Nvidia Titan | Nvidia GTX780 | Nvidia GTX760 | Nvidia GTX660
  • CPU: Intel i7 4770 | Intel i5 4570 | Intel i3
  • RAM: 16 GB DDR3-1600 MHz (CPU) | 3 GB DDR5 (GPU)
  • Almacenamento: 1 TB / 8 GB Híbrido SSHD
  • Alimentación: Fonte interna de 450W
  • Dimensións: 30 x 32 x 7,5 cm. (aprox.)

Serán totalmente actualizables e o usuario poderá reemprazar calquer peza por unha do seu gusto. Segundo as declaracións da propia compañía:

“Para ser exactos, este deseño non está pensado para todos os millóns de usuarios de Steam, aínda que pode ser a máquina ideal para unha importante porcentaxe de usuarios que a mercarían, eses que queren ter un alto rendemento no salón da súa casa. Outros moitos optan por máquinas deseñadas máis coidadosamente, deseñadas para custar menos, ser máis pequenas, silenciosas e haberá Steam Machines que cumpran esas descricións.”

Está previsto que as Steam Machines saian á venda durante o vindeiro ano 2014.

Actualización 1.2 de Terraria

Por: Mércores, 2 de Outubro de 2013, 18:00 COMENTAR

terraria
Xa podedes descargar a agardada nova versión 1.2 do coñecido Terraria, na súa versión para PC en Steam. Polo de agora non hai ningunha nova sobre as versións para Android e iOS

Ademáis de arranxar certos erros das versións anteriores, esta nova actualización inclúe 1000 obxectos, 100 inimigos, 15 mascotas, 4 novos tipos de madeira e 4 novos xefes finais, entre outras cousas.

Podedes botarlle un ollo aos principais cambios desta nova versión neste documento.

dead-island-riptide
Grazas á compañía Deep Silver, só durante esta fin de semana, poderedes descargar e xogar de balde en Steam ao «Dead Island: Riptide», segunda entrega do xogo de zombies, Dead Island. O período de proba remata o domingo ás 10 da noite.

Se o probades e vos gusta, deberiades saber que mercándoo antes de que remate ese prazo, teredes un desconto do 66%, polo que o teredes por apenas 13,59 €. Así mesmo, os dous DLC’s, «Fashion Victim» e «Survivor Pack» teñen o mesmo desconto e podedes conseguir os dous por 2,36 €.

Se xa tedes instalado o Steam no voso ordenador, podedes descargalo premendo na seguinte imaxe:
dead_island_riptide_free_weekend

Requisitos de sistema:

Mínimo:

  • SO: Windows® XP, Vista ou 7
  • Procesador: Core2Duo® 2,66 GHz
  • Memoria: 1 GB de RAM
  • Disco duro: 7,0 GB libres
  • Tarxeta gráfica: ATI® 2600XT 512 VRAM ou GeForce® 8600GT
  • DirectX®:: 9.0c

Recomendados:

  • SO: Windows® 7
  • Procesador: Core2Duo® 2,66 GHz
  • Memoria: 4 GB de RAM
  • Disco duro: 7,0 GB libres
  • Tarxeta gráfica: Nvidia® GeForce® 9600 (1 GB)
  • DirectX®:: 9.0c

Máis información na páxina de Steam.

steam-controller
Despois de presentar SteamOS e Steam Machines, hoxe chegaba o turno da terceira e última presentación de Valve: o Steam Controller.

steam_controller_bindings

Segundo afirman, este novo controlador será compatible con todo o catálogo de Steam, incluso aqueles que non foron deseñados para estes dispositivos.

En lugar dos típicos “sticks”, conta con dous “trackpads”, unha pantalla táctil, ademáis duns cantos botóns.

steam_controller_parts

Máis información na páxina oficial.

Segundo anuncio de Valve: SteamMachines

Por: Xoves, 26 de Setembro de 2013, 10:00 COMENTAR

steam_machines
Hai dous días, a compañía Valve anunciaba o seu sistema operativo SteamOS.

Onte facían o segundo dos tres anuncios que teñen programados: SteamMachines.

Nunha estratexia para conquistar os salóns das nosas casas, Valve vai lanzar varios modelos de PC’s, todos funcionando co seu SteamOS, por suposto. Está previsto que cheguen ao mercado durante o 2014.

Pero antes do seu lanzamento oficial, queren que 300 dos seus usuarios proben esas máquinas para comprobar que todo funciona ben.

Se queres participar nesta proba, estes son os requisitos:

REQUISITOS PARA PARTICIPAR NA BETA:

Antes do 25 de outubro, inicia sesión en Steam e visita a túa páxina de logros para comprobar que podes participar na beta.

  1. Únete ao Steam Universe community group.
  2. Acepta os Termos e condicións da Steam Hardware Beta.
  3. Fai 10 amigos en Steam (se aínda non os fixeches).
  4. Crea un perfil público na Comunidade Steam (se aínda non o fixeches).
  5. Xoga cun mando a un xogo no modo Big Picture.

Máis información na páxina oficial.

O seguinte anuncio, nunhas 33 horas, tal como marca o contador. Que nos anunciaran desta vez?

steamos
Fai uns días coñecíase que Valve faría tres importantes anuncios en breve. Onte fixeron o primeiro deles: SteamOS, un sistema operativo gratuíto baseado en Linux deseñado para as televisións e salóns dos nosos fogares.

Permitirá xogar na televisión a xogos do PC a través de streaming e contará con servizos de música e video.

Segundo di a compañía conseguiron notables melloras no rendemento gráfico co SteamOS e xa traballan na mellora do son.

“A medida que traballamos para levar Steam ao salón, chegamos á conclusión de que o mellor entorno para os usuarios era un sistema operativo creado ao redor do propio Steam.”

“SteamOS combina a sólida arquitectura de Linux cunha experiencia de xogo creada para unha pantalla grande. Estará dispoñible pronto como un sistema operativo libre e independente para os aparellos do salón.”

Pronto estará dispoñible para descargar na súa páxina oficial.

lost-planet-3-logo
Capcom anunciou os incentivos que terán as reservas do «Lost Planet 3» na súa versión para PC.

Dispoñible para reservar en Steam por 39,99 €, os usuarios recibirán as seguintes recompensas dependendo da cantidade de reservas totais:

Recompensa 1: (XA DESBLOQUEADA!!)

    lost-planet-3-reward-1

  • Freedom Fighter’s Pack: 5 personaxes e dúas melloras do equipo, dispoñible no lanzamento.

Recompensa 2:

    lost-planet-3-reward-2.1

  • Punisher Pack: 3 armas de longo alcance e 2 melloras de equipo.
  • lost-planet-3-reward-2

  • Assault Pack: 3 armas de curto alcance e 2 melloras de equipo

Recompensa 3:

    lost-planet-3-reward-3

  • Unha copia gratuita do «Lost Planet: Extreme Condition».
  • A free copy of «Bionic Commando ReArmed».
  • (Se xa mercaches un destes xogos, terás a posibilidade de regalarllo a un amigo).

Cada novo nivel de recompensa desbloqueado incluirá as recompensas do nivel anterior.

O lanzamento está previsto para o vindeiro 30 de agosto para PC, PlayStation 3 e Xbox 360