«Fez» acada o millón de vendas

Por: Martes, 10 de Decembro de 2013, 9:00 COMENTAR

fez
Tal como confirmou o estudo Polytron na súa páxina web, o xogo indie de plataformas xa superou a cifra do millón de vendas.

Polo de agora o xogo está dispoñible para Mac, PC e Xbox 360. Está previsto o lanzamento das versións para PlayStation 3, PlayStation 4 e PS Vita en 2014, polo que de seguro esta cifra seguirá a aumentar.

En xuño anunciaron que estaban a traballar na súa secuela, mais pouco tempo despois, o propio Phil Fish confirmaba que abandonaba o proxecto e o mundo dos videoxogos, polo que o «Fez II» foi cancelado.

dying-light
Neste novo vídeo presentado o pasado sábado durante os VGX Awards, o estudo Techland, creadores da saga «Dead Island», amósanos novas imaxes do seu novo proxecto «Dying Light» (outro de zombies…).

Podemos ver o xogo funcionando a 1080p na súa versión para PlayStation 4 e como funciona o sistema de combate e como podemos movernos pola cidade.

Está previsto o seu lanzamento para PC, PlayStation 3, PlayStation 4, Xbox 360 e Xbox One nalgún momento de 2014.

Novo tráiler de «Thief»

Por: Luns, 9 de Decembro de 2013, 17:00 COMENTAR

thief
Eidos Montreal publicou este sábado un novo tráiler do seu novo e agardado proxecto: «Thief».

O lanzamento está previsto para o 28 de febreiro para PC, PlayStation 3, PlayStation 4, Xbox 360 e Xbox One.

broken-age
Neste novo xogo de aventuras, Wood porá a voz a Shay, un dos protagonistas.

Segundo confirmou Tim Schafer esta fin de semana, o actor Elijah Wood (@woodelijah), coñecido principalmente por interpretar a Frodo nos filmes da saga «O Señor dos Aneis», ven de unirse ao reparto de actores que porán a súa voz no novo proxecto do estudo Double Fine: o «Broken Age».

Recentemente tamén confirmaron o personaxe de Curtis, o leñador será interpretado polo actor Wil Wheaton (@wilw), coñecido por interpretar o papel de Wesley Crusher na serie «Star Trek: A nova xeración» ou máis recentemente interpretándose a si mesmo como o inimigo mortal do Dr. Sheldon Cooper na serie «The Big Bang Theory».

Para os que non coñezades este videoxogo, anteriormente coñecido baixo o nome «Double Fine Adventure», en marzo de 2012 conseguíu recadar algo máis de 3,3 millóns de dólares na súa campaña na web Kickstarter.com.

Máis información na páxina oficial.

ffviii
Xa está dispoñible para descarga dixital este videoxogo do ano 1999 a través da plataforma Steam a un prezo de 12,99 €.

Como novidade, o xogo inclúe dúas novas características: o “Magic Booster” que aumentará en 100 a maxia seleccionada e o minixogo “Chocobo World”, concebido orixinalmente para a PSOne PocketStation.

Máis información na ficha en Steam.

EA abandona «FIFA Manager»

Por: Martes, 26 de Novembro de 2013, 11:00 COMENTAR

fm14
Pouco despois do lanzamento da última entrega da saga, o «FIFA Manager 14», a finais do pasado outubro, chéganos a nova de que EA Sports non ten plans de lanzar novas entregas desta saga.

Nunha carta aberta no blogue oficial do xogo, o fundador e deseñador Gerald Köhler, do estudo alemán Bright Future onde se creaba o xogo, explica a difícil decisión que tomaron:

Hoxe escríbovos para contarvos que FIFA Manager 14 será a última entrega da saga de simulación futbolística comercializada por EA Sports. Esta foi unha decisión moi dura, por iso quero tomarme o tempo de explicárvola. Isto probablemente será unha grande decepción para moitos de vós e é comprensible que vos preguntedes o porqué.

O xénero dos mánagers de fútbol con este nivel de sofisticación está moi especializado e xogase primordialmente en dous países (Inglaterra e Alemaña), onde – por riba de todo – un xogo dominou prácticamente o mercado nos últimos anos. O escaso mercado e a tendencia xeral dos xogos en liña e para dispositivos móbiles tamén foron factores contribuíntes. Ademáis, FIFA Manager chegara a unha encrucillada na que un novo motor e/ou tecnoloxía en liña sería o único xeito de lle dar un impulso á saga. Cando todos estes factores foron avaliados, levounos á decisión de dar o asubío final.

Todos nós, o equipo de Bright Future e os nosos colegas de EA Sports amamos e seguimos a amar o FIFA Manager. É un xogo que cativou moitos fans ao longo dos anos e foi o noso orgullo e alegría dende a súa primeira edición FIFA Manager 2002 (con Rudi Assauer na súa portada). Tivemos a Löw e Mourinho na portada,Felix Magath dúas veces e moitos outras estrelas alemanas e internacionais que prestaron os seus coñecementos para o xogo. Tamén tivemos a fortuna de ter unha comunidade moi dedicada. A vosa pasión e compromiso co FIFA Manager é incomparable e fixo da saga unha grande ledicia na que traballar.

Tedes a nosa máis sincera gratitude. Agardamos que continúes a xogar co FIFA Manager o maior tempo posible e que os sitios dos fans sigan a ampliar e mellorar o xogo todo o que poidan. Por todos os vosos anos de apoio e a vosa paixón polo noso xogo, dámosvos as grazas.”

battlefield 4 1
Para compensar aos xogadores polos problemas iniciais de conexión, DICE anunciou unha semana enteira na que os xogadores recibirán o dobre de experiencia. Así, dende o vindeiro 28 de novembro e ata o 5 de decembro poderedes aproveitar para mellorar o nivel do voso personaxe multixogador.

Dende o seu lanzamento, Battlefield 4 tivo moitos problemas, como inestabilidade dos servidores, partidas gardadas corruptas, perda de experiencia e caídas do xogo, como admitíu o xefe de DICE, Karl Magnus Troedsson:

“O xogo experimentou algunhas turbulencias no seu lanzamento. Mentres que algunhas plataformas soamente tiveron problemas menores, outras tiveron moitos máis problemas.”

“Resolver os problemas de lanzamento é a nosa prioridade número 1. De feito, para nós é tan serio que temos a todo o equipo traballando para estabilizar o xogo e non nos poremos a traballar noutros proxectos ata que esteamos seguros de que Battlefield 4 cumpre – e excece – as vosas expectativas.”

A maiores, o último día, 5 de decembro, os xogadores tamén recibirán como agasallo un arma especial:

“O 5 de decembro darémoslle a todos os xogadores que inicien sesión no modo multixogador de Battlefield 4 unha pistola M1911. Esta arma especial, que estaba reservada para os nosos desenvolvedores de DICE, conta cun zoom de 3 aumentos e está dispoñible para todos os rangos en Battlefield 4.”

Análise de Call of Duty: Ghosts

Por: Martes, 19 de Novembro de 2013, 16:50 COMENTAR

COD Ghosts 3

Hai dous xogos que nunca faltan nunha campaña de Nadal, un é o FIFA e outro é o Call of Duty e baixo o sobrenome de Ghosts, Infinity Ward volve poñerse detrás dun título bélico que pretende seguir sorprendendo, mais que queda nunha posición moi pouco cómoda para seguir explotando a unha saga que aínda mantendo a dose de diversión, as sorpresas son mínimas ou nulas.

O guión de Call of Duty Ghosts sitúanos nun futuro no que despois do emprego de armas nucleares lanzadas dende o propio espazo a terra non é máis que un lugar lúgubre no que os únicos superviventes do bando perdedor son considerados como pantasmas (de aí o nome) os cales conseguiron manterse con vida grazas o seu adestramento e camuflaxe en todo tipo de terreos.

O resto xa case o podedes intuír verdade? Nós encarnaremos a un destes Ghost, aínda que pouco experimentado e teremos que facer fronte ao bando inimigo en diversas situacións.

COD Ghosts 1

Un guión bastante simple e sen sorpresas argumentais no que nos intenta facer superar misións das máis variadas, e quizais o consiga, mais o que non logra é que nos metamos na pel do protagonista.
Si, dende aquel impresionante Modern Warfare a saga quixo facernos vivir momentos espectaculares nos máis recógnitos lugares, e en Call of Duty: Ghosts lévanos a localizacións bastante dispares entre si, misións baixo o mar, cidades asolagadas, control de helicópteros e incluso nos leva ao propio espazo exterior, mais o que non sabe facer é emocionarnos en cada unha desas misións.

Será porque xa non sorprende e contamos co que imos atopar? Será porque Infinity Ward non pon o empeño que debería nestas sagas porque saben que van vender exactamente o mesmo? Sexa polo que sexa non logra que o xogador se emocione avanzando no xogo.
E penso eu, será tan complexo involucrar ao xogador no título? Por que o conseguiron no Modern Warfare?

Se somos honestos teñen moito camiño andado, porque xa teñen unha xogabilidade perfecta, repite exactamente a mesma que en títulos anteriores, pero se algo funciona para que o queren cambiar. Parécenme sublimes os controis desta saga, e esta última entrega non ía ser menos, incluso en misións nas que pilotamos un helicóptero ou un tanque, o control adáptase perfectamente ao pad da consola permitíndonos reaccionar en milésimas de segundos ante calquera ataque sorpresa.

Tamén teñen a un nivel moi alto o apartado técnico, que tamén volven repetir e non destaca máis que capítulos anteriores, é máis, iso de querer plasmar un mundo destruído case por completo fai que predominen as cores escuras e contando mínimas excepcións, as paisaxes son bastante feas a verdade.

Aínda así, isto non inflúe na definición das texturas, que continúa estando a un nivel moi alto.

Así que rememoremos, teñen o control dominado, o apartado técnico tamén, só deben crear unha historia á altura cun guión medianamente traballado e unhas misións que nos adentre de verdade na historia con protagonistas máis carismáticos. É tanto pedir?

COD Ghosts 2

Pero para que van facer isto se facendo o que fixeron conseguen un xogo decente e para que enganarnos, divertido para aqueles amantes dos FPS. E para aqueles que non sexan moi amantes dos shooters en primeira persoa tampouco teñen moito problema, porque o xogo ten unha duración da historia principal case ridícula dunhas cinco ou seis horas, co único afán de rexogalo para conseguir atopar todos os ordenadores que hai escondidos polos escenarios, ou para superar o título nunha dificultade maior (se sodes veteranos da saga podédelo comezar no nivel difícil sen problema ningún).

CONCLUSIÓN

Que é Call of Duty: Ghosts?

Call of Duty: Ghosts é máis do mesmo pero un chisco peor do esperado. Intenta meternos en situacións espectaculares sen conseguir emocionarnos a través dunha historia pouco traballada. De todos os xeitos non sexamos hipócritas, persoalmente, como fan dos FPS non me aburrín durante as escasas seis horas que dura o xogo, pero tampouco me emociona en ningún punto concreto, o que deixa a Ghosts non correcto pero pouco ambicioso proxecto.

Será o momento de volver a darlle un lavado de cara a Call of Duty? Pode ser.

[puntuacion]ESTILO=Sonic|GRÁFICOS=93|SON=94|XOGABILIDADE=98|DIVERSIÓN=80|DURACIÓN=50[/puntuacion]

thief_2013_sigilo

Os Quick Time Events seguen encantando a uns (parece que cada vez menos) e sendo odiados por outros, e despois de que os fans criticasen a inclusión destes na próxima entrega de Thief, os seus responsábeis decidiron eliminalos completamente.

Na demostración do xogo do E3 dunha hora de duración só había un QTE. Porén, debido ás fortes reaccións que se produciron entre a prensa especializada e a comunidade de usuarios, foi decisión fácil acabar con eles comlpetamente.

Este novo título chegará ao longo do 2014 para PC, PS4 e Xbox One.

need-for-speed-rivals
A menos dun mes para o seu lanzamento, chéganos este novo vídeo onde nos amosan a rivalidade entre corredores e policías, que será o eixo central do xogo.

Creado polo estudo sueco Ghost Games, promete capturar “a adrenalina e intensidade da rivalidade na rúa entre pilotos e policía, nun abraiante entorno aberto.”

O lanzamento está previsto par o vindeiro 19 de novembro para PC, PlayStation 3 e Xbox 360.

As pobres vendas da entrega anterior, o Need for Speed: Most Wanted en PSVita e Wii U e a incompatibilidade desta última co motor gráfico Frostbite 3, son os principais motivos da ausencia nestas dúas plataformas da nova entrega da saga.

Por outra banda, Electronic Arts anunciou recentemente que chegou a un acordo de colaboración como asesor consultivo co piloto Ken Block (@kblock43), coñecido máis polos seus vídeos de exhibición que polos seus éxitos deportivos.

witcher3
A compañía Namco Bandai será a encargada da distribución no continente europeo do novo RPG «The Witcher 3: Wild Hunt», segundo confirmou a propia compañía.

Adam Badowski, do estudo CD Projekt RED, comentou:

“Xa traballamos con Namco Bandai anteriormente, polo que os nosos socios xa coñecen The Witcher e os ideais que temos como estudio.”

“Estamos convencidos de que entenden a nosa visión do xogo e que farán un gran traballo para que os usuarios coñezan como o mundo aberto e a gran historia do xogo farán cambiar o panorama dos RPG na vindeira xeración.”

«The Witcher 3: Wild Hunt» foi anunciado o pasado febreiro e empregarán o novo motor gráfico do estudo, o RedEngine 3. Estará dispoñible para PC, PlayStation 4 e Xbox One. Segundo o propio estudo, o mundo de The Witcher 3 será trinta veces máis grande que o do seu predecesor.

call-of-duty-ghosts

Con cada entrega de Call of Duty o hype e as polémicas surxen a miúdo, e despois de rumorearse que Call of Duty: Ghosts correrá a 1080p en Playstation 4 e a 720p en Xbox One, chéganos os requisitos mínimos de PC para correr esta nova entrega da saga de guerra máis famosa.

E preparádevos porque realmente debedes ter un ordenador potente:

Requisitos mínimos

Sistema Operativo: Windows 7 64-Bit / Windows 8 64-Bit.
CPU: Intel Core 2 Duo E8200 2.66 GHZ / AMD Phenom X3 8750 2.4 GHZ ou superior.
Memoria: 6GB RAM.
Disco Duro: 40 GB de espazo libre.
GPU: NVIDIA GeForce GTS 450 / ATI Radeon HD 5870 ou superior.
Tarxeta de sonido compatíbel con DirectX.
DirectX 11.
Conexión a Internet en Steam e para xogar ao multixogador.

Recordemos que estamos a falar dos requisitos mínimos, non dos aconsellados.

6 GB de Ram? Só sistemas operativos de 64 bits? Non controlo moito de ordenadores, pero non falamos dun ordenador verdadeiramente potente? Quizais coa chegada da nova xeración Infinity Ward queira subir o nivel do PC.