dirt
Nunha mensaxe de felicitación de Nadal aos seus seguidores, a compañía Codemasters deixou entrever a posibilidade do lanzamento dun novo videoxogo de rally da saga DiRT.

De parte de todo o equipo de DiRT, queremos desexarvos a todos un moi feliz Nadal.

Temos a sensación de que vos vai gustar o 2014.

Ademáis da mensaxe anterior, incluíron a seguinte imaxe:
dirt4-teaser

No perfil en Twitter tamén publicaron esta mensaxe:

Para os afeccionados aos rallys, coa pobre oferta de videoxogos que hai, calquer novo lanzamento é benvido.

NBA 2K14 (PC)

Por: Xoves, 9 de Xaneiro de 2014, 20:30 COMENTAR

2013-12-16_00001

O basquetbol non é doado.

Con dita frase LeBron James, a maior estrela da constelación NBA actual, avísanos do que nos espera no xogo que imos empezar nada máis arrancalo.

Esta nova versión, a derradeira da xa lexendaria franquicia de 2K Sports, gañadora de innumerables recoñecementos e capaz incluso de que ata unha empresa tan poderosa como EA decidira fai uns anos non publicar o seu simulador deportivo de basquetbol, a franquicia NBA Live, ate a imposibilidade de que fora unha competencia aceptábel para o xogo de 2K, feito que se repetiu durante case media xeración da PS3 e Xbox 360, e, polo que semella, resultando nunha nova diferenza brutal na nova xeración a favor do NBA 2K que non anticipa nada bo para a franquicia de EA.

Neste análise ímonos centrar na versión para PC do xogo, que, en teoría, correspóndese cas versións para PS3 e Xbox 360, sendo, falando de novo teóricamente, inferiores ás versións para PS4 e Xbox One.

Xogabilidade e apartado técnico

2013-12-17_00009

Atopámonos cun xogo continuista co que ven sendo en anos anteriores, algo que xa podemos notar nos primeiros intres nos que empezamos a xogar. Os xogadores teñen un peso máis acertado que en edicións anteriores, xa non se ven con tanta facilidade eses movementos dos homes grandes dignos do base máis áxil da liga e o seu peso está ben representado ó realizar movementos no poste, seguen a parecer demasiado lixeiros nalgúns momentos, sobre todo cando están a correr á contra, sendo capaces de realizar quebros propios dun xogador de 1,80 en lugar dun de 2,10.

As físicas do xogo, se exceptuamos esa sensazón de lixereza en momentos puntuais, segue a liña da saga, é dicir, unhas físicas dos xogadores entre eles moi boas, así coma unha axilidade nos movementos no poste máis realistas que en anteriores entregas. Ó mesmo tempo a pelota ten unhas físicas sobresaíntes, cunha sensazón de peso moi lograda e cos efectos e imprevisibilidade típicos da saga cando rebota contra o aro.

Unha vez máis, 2K logrou crear o peso que ten unha estrela nun equipo, de modo que sexa imposíbel gañar o campeonato sen unha delas no noso equipo, do mesmo modo que tamén recreouse acertadamente o dito popular de “o ataque gaña partidos, pero a defensa gaña campeonatos”, o cal é máis que certo neste xogo, podes ter o mellor ataque do campeonato, pero se non tes unha boa defensa vas sudar moito para gañar o campeonato, do mesmo modo que se tes a mellor defensa, pero un ataque malo, vas tamén a sudar para lograr gañar. Ó igual que no resto de apartados, no equilibrio está a maxia deste xogo.

Este equilibrio ocúpanse de rompelo as habilidades persoais, que aportan características especiais ós xogadores que as teñan, habilidades que van dende non perder unha racha de tiro cando o entrenador rival pide un tempo morto ata ser un especialista en anotar nos momentos decisivos ou lograr evitar con maior facilidade os bloqueos rivais para non deixar respirar ó rival ou ser un xogador que resta enerxía ós rivais nos contactos na zona. Os xogadores poden ter varias destas cartas xuntas, sendo as estrelas as que lóxicamente teñen un maior número delas, pero moitos xogadores de segundo ou terceiro nivel poden dar un salto de calidade ó equipo moi grande se somos quen de sacar rendemento a estas cartas de habilidade. Por exemplo, se logramos obter un xogador que teña a habilidade de ser decisivo no último cuarto e ten a carta de rompenocellos, está claro a quen temos que pasar a bola para que se xogue a canastra decisiva nun partido apretado, aínda que sexa peor xogador que outro, xa que sabemos que é menos probable que erre o tiro decisivo, pero ademáis, é posíbel que o tiro o faga totalmente só, xa que grazas á carta de partenocellos, será quen de escapar da marca do rival, aínda que sexa mellor xogador. Pero do mesmo modo, existe outracarta de habilidade que anula as cartas de habilidade do rival co que o xogador está emparexado, co cal nese caso sería mellor optar por darlle o balón a un xogador mellor aínda que sen cartas de habilidade tan determinantes. Deste modo, estas cartas dan ó xogo unha profundidade táctica moito maior, xa que obrigan a coñecer tanto ós nosos xogadores coma os rivais contra os que estarán emparexados.

2013-12-16_00009

En canto á realización en conxunto do xogo, é tan destacada coma en edicións anteriores da saga, contando cada vez máis xogadores con movementos personalizados e animacións que calcan a realidade, do mesmo modo que cada vez son mais os xogadores que teñen a sua faciana representada no xogo. Os comentarios nesta edición de PC son en inglés, pero cun nivel de calidade moi alto, ó igual que a gran variedade de efectos ou cortinillas que ofrece o xogo, de modo que realmente se ten a impresión de estar vendo un partido real de NBA, e, por suposto, contando cas personalizacións especiais para os días remarcados do calendario NBA, coma o día de Haloween por exemplo. Tamén estarán presentes outros elementos xa clásicos da saga, tales coma as animacións dos xogadores que están nos banquillos, reaccionando ante o que ocorre no campo, as mascotas ou o feito de que cando unha canastra é dubidosa, os árbitros piden a revisión e deciden se é válida ou non. E fiádevos, poucas sensacións tan boas ides sentir nun videoxogo coma cando metes a canastra gañadora sobre o asubío final e os árbitros piden a revisión e a dan por boa.

Apartado para un xogador

2013-12-16_00007

En canto os modos de xogo para un xogador, están disponibles todos os modos clásicos da franquicia: Entrenamento, partido individual, playoff, tempada, práctica, NBA blacktop (para xogar partidos callexeiros), xunto co método estrela entre os clásicos, o modo Asociación, no que tomaremos o control do director xeral dun equipo para facernos cargo dos diferentes aspectos dunha franquincia NBA e tratar de lograr a nosa dinastía, tanto tralas mesas de negociacións coma no terreo de xogo.

Aparte deste modo, temos outro dos métodos máis empregados polos xogadores, coma é o modo “Miña carreira”, no que tomaremos o control dun único xogador dende antes de que entre na NBA e teremos coma obxectivo levalo ata o salón da fama.

2013-12-16_00010

Como gran novidade desta entrega da saga, atopámonos co modo “LeBron: camiño á grandeza”, no que teremos o control de LeBron James ó longo de 7 tempadas en dous camiños que poderemos elexir: ou ben continuar no seu equipo actual, os Miami Heat, e tratar de lograr que sexa unha das grandes dinastías da historia NBA ou ben deixar este equipo e continuar o noso percorrido pola NBA ó longo de diferentes equipos, tentando gañar o maior número de aneis posíbel. É algo salientable que no primeiro caso, en caso de elexir continuar nos Miami Heat, este modo de xogo terá unha duración de 7 partidos, un por cada unha das tempadas que xogaremos, mentras que no caso de elexir deixar o equipo, enfrontarémonos a un total de 30 partidos.

Apartado multixogador

No apartado multixogador atopámonos cos clásicos modos en calquera xogo deportivo: partido individual, partido por equipos, partido personalizado e a xoia da corona, a asociación online, na que pódese dirixir un equipo do mesmo modo que se fai no modo asociación de un xogador, pero contra outras persoas en lugares de contra a máquina.

En caso de xogar multixogador no mesmo equipo, teremos a nosa disposición aparte dos equipos da NBA, ós equipos da Euroliga, un total de 14 equipos, o que permitirá xogar enfrentamentos entre os mellores equipos do vello continente e os equipos NBA. Aparte disto, un ano máis, 2K proporciona o sistema de actualización inmediata dos equipos, de modo que o que lles ocorra ós xogadores na vida real terá repercusión nos nosos equipos.

Séguese botando de menos nesta versión de PC o modo “The crew”, que, dun modo similar o que fai FIFA cos “Clubes pro”, permítenos xogar facendo equipo cos nosos amigos e utilizando os nosos xogadores personais.

Conclusións

2013-12-17_00001

Un ano máis, 2K volveuno lograr, creou o que seguramente sexa o xogo deportivo máis redondo do ano, do mesmo modo que arrasou á competencia e incluso fixo que tiveran que pedir desculpas ante a diferenza de nivel entre os xogos, polo menos na versión para a nova xeración de consolas. En PC seguramente sexa tamén o mellor xogo deportivo do ano, do mesmo modo que o leva sendo uns cantos anos, e o que únicamente a maior afición polo balonpé no vello continente priva de certo recoñecemento para o gran público.

En resumo, un ano máis un xogo sobresaínte, cos únicos manchóns da falta do modo “The crew” nesta versión PC (e calquera que o probara en anteriores entregas pode falar acerca do divertimento que produce), a falta de dobraxe a outro idioma que non sexa o inglés e a excesiva lixereza dos homes grandes nos contraataques.

[puntuacion]|GRÁFICOS=85|SON=95|XOGABILIDADE=100|DIVERSIÓN=100|MULTIXOGADOR=75[/puntuacion]

titanfall

O propio co-fundador do estudo Respawn Entertainment, Vince Zampella, respondeu en Twitter á pregunta dun usuario polo número de xogadores que soportará o modo online.

Segundo o propio Vince, este número non é por limitacións de hardware ou da rede, senón porque durante as probas lles pareceu que ofrecía o mellor balance de diversión nas partidas con personaxes controlados pola IA.

Tras as críticas por esta limitación, comentou:

O lanzamento está previsto para o vindeiro 13 de marzo para PC, Xbox 360 e Xbox One.

dayz

Nunha nova entrada no blogue de DayZ, Marek Španěl, CEO de Bohemia Interactive, confirmou que non agardan alcanzar a versión beta do xogo DayZ antes de finais deste 2014.

Polo de agora, seguen a traballar en pulir e mellorar a versión alpha e eliminar os numerosos erros. A lista de prioridades de traballo que teñen son:

  • Rendemento, estabilidade e seguridade dos servidores.
  • Animais e caza.
  • Cociña e acopio de recursos.
  • Vehículos personalizables.
  • Construccións creadas polos xogadores no entorno.
  • Interacións máis complexas co entorno e opcións de artesanía.
  • Simplificación das accións de usuario e interface.
  • Control e animacións ampliadas e melloradas para mellor fluidez.
  • Mellora no motor gráficos e físicas
  • Soporte para mods e maior flexibilidade para partidas aloxadas polos usuarios e modos de xogo.

Con máis de 875.000 copias vendidas en menos de tres semanas dende o seu lanzamento, o xogo está dispoñible en Steam, por 23,99 €

EA pecha «Warhammer Online»

Por: Venres, 20 de Decembro de 2013, 14:00 COMENTAR

warhammer-age-of-reckoning
Como xa anunciara hai tempo, Electronic Arts pechou este mércores os servidores de «Warhammer Online: Age of Reckoning» ao rematar o seu acordo de licenza con Games Workshop.

“Queremos agradecer a todos os nosos leais xogadores durante todos estes anos o seu apoio.”

Foi lanzado en setembro de 2008 e rápidamente acadou os 750.000 xogadores, pero, pese ás análises positivas da prensa especializada, só a metade deses xogadores seguían a xogar en febreiro de 2009.

Games Workshop chegou a un novo acordo coa compañía Sega para explotar o universo Warhammer con novos títulos.

Assassins-Creed-IV1
Segundo os rumores, a compañía Ubisoft podería estar a traballar en dúas novas entregas da saga «Assassin’s Creed», unha para as consolas de nova xeración (PlayStation 4 e Xbox One) e outra para as anteriores (PlayStation 3 e Xbox 360). Descoñécese como encaixarán estes lanzamentos para PC e Wii U.

Polo de agora, dende a compañía, non se pronuncian ao respecto destes rumores.

«Steam Holiday Sale 2013»

Por: Venres, 20 de Decembro de 2013, 10:00 COMENTAR

steam-holiday-sale
Xa están dispoñibles as ofertas de Nadal en Steam con descontos de ata o 80%.

Dende este mesmo xoves 19 e ata o vindeiro 3 de xaneiro haberá dous tipos de ofertas: ofertas diarias, que durarán 24 horas e ofertas flash que durarán 8 horas.

Dentro das ofertas diarias, agora mesmo podemos atopar:

Título: Prezo orixinal: Prezo rebaixado Desconto:
· Metal Gear Rising 19,99 € 13,99 € (-33%)
· Space Hulk 27,99 € 9,51 € (-66%)
· Dead Island 19,99 € 4,99 € (-75%)
· The Stanley Parable 11,99 € 7,19 € (-40%)
· BioShock Infinite 29,99 € 7,49 € (-75%)
· Dishonored 29,99 € 7,49 € (-75%)
· Monaco 10,99 € 2,19 € (-80%)
· Batman: Arkham Origins 49,99 € 24,99 € (-50%)
· Assetto Corsa 34,99 € 26,24 € (-25%)

DayZ chega a Steam

Por: Mércores, 18 de Decembro de 2013, 10:00 COMENTAR

tumblr_mg9f2js9xp1rd90z0o14_1280

Por fin chegou o día. Aló polo 2012 apareceu un mod multixogador para o aclamado simulador de guerra Arma II chamado DayZ. Dito mod colocábanos no medio dun mapa inmenso cun único obxectivo: sobrevivir.

Si, sobrevivir, tiñamos que recoller auga para poder beber, comida para poder comer, recuperar partes de vehiculos para poder montalos e utilizalos para desprazarnos…e todo isto en medio de, como non, unha invasión zombie. Persoalmente boteille unhas cantas horas e moitas risas, as anécdotas que obtías de xogar un único día a ese xogo daban para escribir un libro, xa que ó ser a liberdade absoluta, moi pronto dábaste conta de que o verdadeiro problema non eran os zombies, senón os outros xogadores que pululaban polo mapa. Que si, que o mapa era enorme, pero sempre te atopabas con xogadores en moitos dos sitios, xa sexa cazando a outros humanos nos bordes dun encoro para roubarlles as súas posesións cando foran a buscar auga, campamentos camuflados en medio dun monte ou simplemente ir andando e atoparte con outras persoas no medio da nada e acordar unha alianza temporal para poder saír vivos desas cidades nas que unha ou dúas persoas tiñan poucas opcións de saír se non iban cargados ata o tope. A frase “Anyone friendly in Cherno?” xa forma parte de calquera persoa que probara DayZ no seu momento.

Tralo éxito acarreado por dito mod, non se tardou en confirmar o desenvolvemento dunha versión independente do xogo, que pasaría a ser chamada “DayZ Standalone”. Dita versión acaba de entrar en Steam mediante acceso temprán, o que implica que será unha versión alpha, con moitos bugs, pero que lle será moi práctica aos desenvolvedores para detectar e corrixir os erros que a xente encontre e lles notifique. A versión beta espérase para finais de 2014.

steam_machines
Dende o seu anuncio a finais de setembro, as «Steam Machines» preséntanse como unha boa competencia ás videoconsolas de nova xeración.

Antes de lanzalas ao mercado, a compañía Valve quixo que 300 usuarios as puxeran a proba, así que abríu un período de inscrición ata o pasado 25 de outubro.

Xa en pleno decembro, a partir de mañá, día 13 (ollo os supersticiosos…), a compañía comezará a enviar esas 300 unidades de proba aos afortunados usuarios gañadores, que recibirán na casa o pack formado por unha Steam Machine (haberá varios modelos con diferentes configuracións) e un Steam Controller. Ademáis, nestas unidades de proba irán instalados varios xogos que corren nativamente no sistema operativo SteamOS.

the-elder-scrolls-online
A compañía Bethesda anunciou como data oficial de lanzamento do seu agardado MMORPG «The Elder Scrolls: Online» o vindeiro 4 de abril de 2014 nas súas versións para PC e Mac, mentres que nas versións para PlayStation 4 e Xbox One haberá que agardar ata xuño de 2014.

O director do xogo, Matt Firor comentou:

“A creación do xogo vai moi ben.”

“Xa completamos a maioría dos sistemas do xogo e estamos a centrarnos en facer deste Elder Scrolls o xogo que agardades: pulindo as centos e centos de horas de contido, facendo os combates máis entretidos, arranxando erros nas búsquedas e moito, moito máis.”

Sobre o lanzamento dous meses máis tarde para as consolas comentou:

“A demanda mundial de «The Elder Scrolls: Online» é extraordinariamente alta. Isto supón que necesitamos facer un lanzamento escalonado das diferentes versións do xogo e evitar a sobrecarga inicial dos servidores e asegurar unha experiencia de xogo agradable.”

“Non é só un xogo o que vamos lanzar, é un gran servizo en liña e a nosa primeira prioridade é asegurar un lanzamento estable e sen problemas para todo o mundo.”

Ademáis do anuncio da data de lanzamento, tamén publicaron este novo tráiler, no que podemos ver “centos de xogadores loitando uns contra os outros”.

blackbeards-wrath
Ubisoft ven de confirmar o lanzamento do primeiro DLC para o «Assassin’s Creed IV: Black Flag», baixo o título «Blackbeard’s Wrath», que engadirá tres novas personaxes dipoñibles para o modo multixogador:

“Blackbeard, empuñando unha espada e moi mal xenio non está para bromas. A súa reputación como temido pirata faille xustiza e os seu movementos para matar inclúen o uso da súa tremenda forza para lanzar aos seus obxectivos e facer que perdan o equilibrio para, a continuación, rápidamente rematalos cun golpe limpo.”

“Orchid é unha asasina mortal amiga dos templarios medrou na China, servindo como conselleira militar na dinastía Quing, onde perfeccionou as súas habilidades de asasina. Executa aos seus opoñentes rápida e gracilmente coa súa katana, unha extensión do seu corpo e da súa mente.”

“Jaguar Cuali, guerreiro azteca de México, chegou ao mar para loitar contra a conquista española de América Central. Un loitador que sobrevivíu á destrución da súa comunidade e xuntou forzas cunha crecente continxencia de Templarios nativos que buscaban renovar a paz e a orde. Impulsado por unha forza mística, Jaguar loita como o seu homónimo animal, atacando de xeito rápido e silencioso coa súa arma favorita: unha discreta macheta.”

Estará dispoñible a partires do vindeiro martes, 17 de decembro por 2,99 € e está incluído dentro do “pase de tempada” (19,99 €).

«Fez» acada o millón de vendas

Por: Martes, 10 de Decembro de 2013, 9:00 COMENTAR

fez
Tal como confirmou o estudo Polytron na súa páxina web, o xogo indie de plataformas xa superou a cifra do millón de vendas.

Polo de agora o xogo está dispoñible para Mac, PC e Xbox 360. Está previsto o lanzamento das versións para PlayStation 3, PlayStation 4 e PS Vita en 2014, polo que de seguro esta cifra seguirá a aumentar.

En xuño anunciaron que estaban a traballar na súa secuela, mais pouco tempo despois, o propio Phil Fish confirmaba que abandonaba o proxecto e o mundo dos videoxogos, polo que o «Fez II» foi cancelado.