Microsoft anunciou recentemente que o seu coñecido simulador de voo, Flight Simulator, aterrizará en Steam o vindeiro 18 de Decembro. Esta edición do xogo estará desenvovolvida por Dovetail Games, os creadores de Train Simulator.

 

Dying Light, un título bastante agardado polas comunidades de PS4 e Xbox One desde que fora anunciado, funcionará a 1080p e 30 fps en PS4.

Ou iso mesmo declarou o deseñador xefe do xogo a través de Ask.fm. Despois destas declaracións, un representante do estudo de desenvolvemento completounas a través do portal Gamespot, dicindo que esas eran as condicións que teñen nestes intres e as que garanten para cando o xogo vexa a luz o vindeiro 30 de Enero, o que, dada a proximidade da publicación, non da moitas esperanzas de que poidan mellorar antes da saída o mercado.

Tamén é importante resaltar que non se falou nada da versión de Xbox One, o que nunca se sabe se son boas ou malas novas.

GTA V para PC podería correr a 60 fps

Por: Luns, 15 de Decembro de 2014, 13:00 COMENTAR

Os problemas de rendemento de GTA IV en PC son de sobra coñecidos por todos, pero parece que en Rockstar non están dispostos a que o mesmo volva ocorrer no novo título da saga.

Deste modo, dende certas fontes fálase de que GTA V funcionará a 60 fps estábeis en PC, e incluso coméntase que o equipo encargado de portar Max Payne 3 a PC é o mesmo que está a traballar na conversión de GTA V.

De todos os modos, o que segue a ser un misterio son os requisitos mínimos que serán necesarios para mover o novo xogo, de modo que teremos que agardar a que sexan publicados para comprobar se a optimización permite xogar a 60 fps sen que necesitemos o PC da NASA.

White Night tamén sairá para PS4

Por: Luns, 15 de Decembro de 2014, 10:19 COMENTAR

White Night, o videoxogo de terror, acción e puzles de Osome Studios terá versión en PS4, que se sumará as xa previstas para PC e Xbox One.

Tal e como podemos ver no novo trailer, o xogo ten unha estética totalmente en branco e negro e os seus autores prometen que todo estará baseado na luz, que deberemos empregar para resolver puzles ou para evitar morrer.

Caffeine terá forma de aventura episódica

Por: Luns, 15 de Decembro de 2014, 9:10 COMENTAR

O creador do videoxogo Caffeine, Dylan Browne, declarou que o seu xogo será lanzado como unha aventura episódica de 3 capítulos que serán vendidos como unha unidade, para, deste modo, darlle aos xogadores o máis cedo posible unha versión que poidan desfrutar.

Caffeine, un xogo de terror psicolóxico baseado en quebracabezas ambientais, inicialmente ten a súa publicación prevista en versión PC (aínda que a PS4 non está descartada como plataforma) a mediados de 2015.

Bungie está a banear a xogadores

Por: Luns, 15 de Decembro de 2014, 8:00 COMENTAR

Bungie anunciou que está a facer baneos entre aqueles xogadores de Destiny que teñan a consola modificada de calquera manera.

Este feito parece que ven derivado do feito de que comezaran a aparecer queixas de xogadores trala aparición do primero DLC do xogo de que hai outros xogadores facendo trampas dendo o inicio do xogo, feito que pode ser comprobado mediante unha simple busca en Youtube.

Con este artigo iniciamos a serie que mostrará os diferentes xogos que van ser mostrados ou anunciados durante o E3 que terá lugar nas próximas datas. En primeiro lugar falaremos acerca dos xogos da distribuidora 2K Games.

A compañía Californiana en teoría presenta 3 xogos, cada un cun tema bastante diferente:

Borderlands: the pre-sequel (PC, Xbox 360, PS3)

bl_prsql10581026_ss_04

Como ben indica o seu nome, esta nova entrega da saga sitúase entre o primeiro e o segundo xogo, de modo que cubrirá os 5 anos de diferenza argumental entre os 2 xogos xa existentes. Promete o mesmo que fixeron realidade os seus predecesores, isto é, acción sen freno, personaxes carismáticos e o estilo visual característico da saga.

Inicialmente o xogo non sairá en sistemas de nova xeración, polo que é posíbel que o seu prezo non sexa tan alto como sería en caso de ir a ocupar espazo nos catálogos das consolas de nova xeración. Descoñécense moitos datos acerca desta entrega, pero o tamaño do seu escenario parece estar situado entre os tamaños das dúas entregas anteriores da saga.

 

Civilization: Beyond Earth (PC)

civilization_beyond_earth-2508497

Unha gran nova para os amantes da estratexia. Firaxis anunciou recentemente o desenvolvemento dun novo xogo da lexendaria saga de estratexia por turnos Civilization. Nesta ocasión tomaremos o mando dunha colonia espacial creada nun remoto planeta no que intentar salvar á humanidade da desaparición total. Con estes antecedentes e tendo en conta o estudo que encárgase do desenvolvemento, é imposíbel non pensar naquela obra maestra chamada Alpha Centauri, aínda que os encargados declararon unha e outra vez que os dous xogos non teñen nada en común máis aló do espazo interestelar.

 

Evolve (PC, Xbox One, PS4)

Evolve-From-The-Darkness-0013_1280x720

 

Atopámonos sen dúbida ante un dos xogos máis esperados deste ano 2014. Os creadores da coñecida saga Left 4 Dead asumiron o reto de desenvolver un multixogador online para 5 xogadores no que 4 conformarán un equipo para tentar acabar co 5º. Tendo en conta a revolución que supuxo Left 4 Dead e a súa influenza en xogos posteriores e o modo no que trocou o mundo multixogador para sempre, un únicamente pode esperar con toda a calma posíbel ata o vindeiro 21 de Outubro, data na que, en teoría, Evolve verá a luz.

the-elder-scrolls-online
Para celebrar o lanzamento ese pasado venres, 4 de abril das versións para PC e Mac do seu novo MMORPG «The Elder Scrolls: Online», a compañía Bethesda ven de publicar un novo tráiler cinematográfico.

“Estamos moi agradecidos coa abrumadora resposta con The Elder Scrolls Online.”

“Con máis de cinco millóns de xogadores rexistrados para a versión beta, está claro que un enorme número de fans queren experimentar todo o que o xogo ten que ofrecer. Non poderiamos estar máis ansiosos para poñelo nas mans de todo o mundo.”

As versións para PlayStation 4 e Xbox One están previstas para o vindeiro mes de xuño. Nestas versións para videoconsola, na videoconsola de Sony non será necesario ter unha subscrición PS Plus, mentres que na de Microsoft si será preciso ter unha subscrición Xbox Live Gold, ademáis da correspondente subscrición propia do xogo, obrigatoria en calquera das súas versións, claro.

Máis información na páxina oficial.

the-elder-scrolls-online
Neste novo vídeo de «The Elder Scrolls: Online», o director creativo, Paul Sage, o xefe de deseño de xogabilidade, Nick Konkle e o xefe de deseño da experiencia de usuario, Chris Strasz, fálannos en detalle do sistema de artesanía e ferrería do xogo.

O lanzamento está previsto para o vindeiro 4 de abril para PC, mentres que as versións para as novas videoconsolas PlayStation 4 e Xbox One está prevista para o vindeiro xuño.

Novo tráiler de «Thief»

Por: Venres, 21 de Febreiro de 2014, 10:00 COMENTAR

thief
A menos dunha semana do seu lanzamento, Square Enix publicou un novo tráiler de «Thief», creado polo estudo Eidos Montreal

O xogo estará dispoñible para PC, PlayStation 3, PlayStation 4, Xbox 360 e Xbox One dende o vindeiro 28 de febreiro.

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

titanfall
Electronic Arts comunicou a través de Twitter que a versión para Xbox 360 do seu novo shooter Titanfall sairá ao mercado dúas semanas máis tarde do previsto, o vindeiro 28 de marzo.

Segundo a mensaxe, esas dúas semanas extra serviranlle ao estudo Blueprint Games para pulir os últimos detalles.

As versións para PC e Xbox One sairán na data prevista, o 13 de marzo en Europa.