Análise de Dead Space 2

Por: Luns, 28 de Febreiro de 2011, 9:18 COMENTAR

Visceral Games consagrouse fai uns anos con Dead Space, un xogo de terror que nos poñía na pel dun inxeñeiro espacial e que se tiña que afrontar a unha nova estirpe de seres chamados Necromorfos. Estos Necromorfos estaban formados por diferentes partes do corpo das súas vítimas, e a única forma de acabar con eles era amputándolle as extremidades.

Nesta segunda entrega volvemos nun plantexamento similar.

Isaac Clarke esperta pouco despois do acontecido na primeira parte atopándose nunha extraña estación espacial. Alí, comeza a sufrir visións e non tardamos demasiado en recibir a visita dos mencionados Necromorfos.

Así comeza a historia nesta segunda entrega, unha aventura só para maiores de idade e non propensos a asustarse, xa que os escuros e tétricos corredores, adornado cun apartado gráfico de luxo e un son espectacular farán que saltedes do sillón, pero vaiamos pouco a pouco.

Ler o resto da entrada »

Este mércores, Sergio Prieto, un dos fundadores (xunto a Javier Vara e Javier Vilar) da compañía galega Gato Salvaje, foi entrevistado no programa Nexus 6 de Radio Obradoiro, permitíndonos coñecer mellor a actualidade do desenrolo de Sexo, mentiras e traballos de clase, o primeiro capítulo da aventura episódica AR-K da que xa falabamos aquí.

A decisión de comezar no mundo dos videoxogos cunha aventura gráfica debeuse en gran medida ao orzamento dispoñíbel (aínda que Sergio é un grande afeccionado ao xénero), capital aportado por eles mesmos (non hai subvencións polo medio). Aínda que, dende logo, unha aventura non é algo de barato desenrolo, si precisa dunha menor inversión respecto a outros xéneros do videoxogo. Ademais, hai xa antecedentes de que o formato episódico funciona para esta disciplina (cando menos economicamente), podendo financiar en parte coas propias vendas desta primeira entrega o desenrolo dos seguintes episodios. Loxicamente, e aínda que a compra anticipada (5,95 €) suporanos un aforro en vindeiros episodios (ademais de darnos acceso a gorentosos extras), o lanzamento do resto de capítulos estará condicionado pola acollida de Sexo, mentiras e traballos de clase (por iso non se pode mercar aínda a serie completa, que constará dun total de cinco entregas). As súas previsións, para cubrir custes e pouco máis, sitúanse en 20000 descargas a nivel mundial (oxalá as acaden). O xogo sairá dobrado ao galego e ao español, tendo tamén tradución (entendo que só textos), para o mercado alemán (moi potente no que a aventura se refire) e o anglosaxón. A aventura será levada tamén aos dispositivos portábeis, quedando a súa saída para sistemas operativos Linux a expensas da demanda.

A integración da dobraxe (xa gravada) deste primeiro episodio é o derradeiro paso previo que resta antes do lanzamento. O xogo conta con voces moi coñecidas no noso país, sendo María Castro (á que coñecemos en Pratos combinados) quen dará vida a Alicia, a protagonista, acompañada de Antonio Durán “Morris”, Miguel Pernas, Andrés Bellas, Nacho Castaño, Roberto Reboiro, Santiago Fernández e Dani Lema; non podemos falar do resultado, porén, a escolla semella francamente boa.

Aínda que se marcaran o nove do mes que agoniza como data de saída do xogo, todas as situacións que dificilmente se poden prever sendo primíparos atrasarán algunhas semanas a súa saída. Precisamente pola novidade das circunstancias ás que se enfrontan, non poden aínda precisar unha data, pero esperan telo listo para a descarga ao longo do mes de marzo. O que si é inminente, é a saída dunha demo xogábel, carta de presentación obrigada para unha compañía novel. Durante a vindeira semana deberiamos poder dar os primeiros pasos con Alicia na nosa computadora.

As etapas vanse queimando e a saída da primeira aventura comercial galega está á volta da esquina, dende Memoria Pixelada seguiremos de preto as novidades, ansiosos por botármoslle o dente ao xogo.

O famoseo do tráiler de Dead Island

Por: Martes, 22 de Febreiro de 2011, 14:57 COMENTAR

Dead Island é un xogo que ninguén daba un peso por el, incluso se considerou cancelado aí atrás, pero como é un márketing? que dende que sacaron fai uns días o seu espectacular tráiler o xogo está en boca de todos.

Por se aínda non tivestes a oportunidade de desfrutar do sanguinario tráiler, déixovolo aquí:

Pois despois de sacar este tráiler á luz o xogo comezou a recorrer os canles de toda a rede, tanto que incluso a industria do cine lle quere botar man.

Concretamente o productor Sean Daniel (A momia,Chacal,Blanco Humano…), que xa está buscando un bo quión para a película.

De todos é sabido que destes filmes non se pode esperar nada bo,porque moito me da a min que este productor veu algo realmente xenial como é este tráiler, e pretende imitalo.

Conseguirao?,sairá finalmente este filme á luz?, persoalmente non me emociona nada.

The Abbey (Alcachofa Soft, 2008)

Por: Sábado, 19 de Febreiro de 2011, 5:54 1 COMENTARIO

A toledana Alcachofa Soft procurou en The Abbey a súa opera magna, dende case o inicio da súa traxectoria tiñan esta aventura no maxín. Anos de xogos de baixo presuposto reunindo recursos e experiencia para poder realizar The Abbey deixaron unha aventura que supón un escenario ideal para pór de manifesto case que todos os males que aflixen o xénero.

Cos evidentes influxos da obra de Umberto Eco e especialmente a súa adaptación (non autorizada) ao videoxogo por Paco Menéndez, A abadía do crime (1987), conta a historia dun mosteiro onde se veñen a producir estrañas mortes entre os monxes. Frei Leonardo de Toledo chega á abadía en compaña do seu novizo, Bruno, coa misión de aclarar o enigma. Orixinal, non si?

Ler o resto da entrada »

Aínda que o tentou con vehemencia, Paco Menéndez nunca conseguiu que o seu xogo levase o título d’O nome da rosa. Esta adaptación non autorizada da novela de Umberto Eco supón un dos títulos cumio da coñecida como Idade de ouro do soft español.

Menéndez non tiña a intención de facer unha aventura gráfica, foi o tempo o que tentou atoparlle acomodo nun xénero ao que non pertence. A historia parte do diario de Adso, que durante a súa etapa de novizo (s. XIV) viaxara xunto ao seu mestre, Frei Guillerme de Occam, á abadía de… onde se acababa de producir unha morte en misteriosas circunstancias (non sería a derradeira). O abade, temendo que o crime fose cometido por un dos seus monxes, encoméndanos a misión de atopar ao responsábel.

Ler o resto da entrada »

Akkad Estudios é unha compañía amateur galega de aventuras gráficas, esta semana vén de sacar o seu cuarto traballo: Quiero una Identidad, pechando unha historia proxectada como triloxía, que arrancou en 2007 coa saída de Quiero Morir. Ao igual que nas tres aventuras precedentes, para a súa programación utilizaron a ferramenta AGS (Adventure Game Studio), software desenvolvido por Chris Jones dende 1997, sendo na actualidade o máis utilizado polos deseñadores amateurs (hai incluso unhas cantas aventuras comerciais feitas en AGS, Wadjet Eye Games é o maior expoñente).

Max V-2000 é un androide particular, o profesor Polansk, o seu creador (pai), dotouno de alma. Pero o vindeiro eslavón na evolución robótica, co paso do tempo chegou a poder sentir unicamente dor. Os males que aflixían á súa ánima conduciron ao noso metálico heroe a unha insostíbel situación, a procura de Polansk para que lle dese morte era a única saída. Durante os dous xogos, as desventuras do V-2000 vense salpicadas polo alzamento robótico, sendo el un estraño en ambos bandos.

Ler o resto da entrada »

Lembrádesvos de Back to the Future? Está de volta, en forma de… aventura gráfica. “Aventura gráfica?, mi madriña!, aínda existe ese xénero?”

Telltale Games, empresa californiana que leva un lustro a axitar o mundo da aventura, é a encargada de devolver a vida á afamada saga cinematográfica dos oitenta. Despois de vinte anos, a adquisición da licenza por Telltale espertou o interese dos nostálxicos fans. Como xa sucedera coa exitosa Indiana Jones and the Fate of Atlantis (onde tamén traballara Stemmle, un dos deseñadores da presente aventura), o serial conta unha nova historia, seguindo cronoloxicamente á triloxía da gran pantalla.

Ler o resto da entrada »

AR-K, unha aventura gráfica feita por galegos

Por: Mércores, 9 de Febreiro de 2011, 16:55 7 COMENTARIOS

Na man de tres coruñeses sae hoxe o primeiro capítulo do que será unha serie chamada AR-K. Este primeiro xogo trae o nome de “Sexo,mentiras e traballos” e ven sendo unha aventura gráfica tentando semellarse ás xoias dos 80 e 90, que viñan na man de desenroladoras tan prestixiosas como Lucas Arts ou Serra.

Para sorpresa e agradecemento meu, o título estará dispoñíbel en galego entre outros idiomas e sumerxeranos nunha aventura futurista no cal parece que todas as necesidades xa están cubertas. Certo día, a nosa protagonista chamada Alicia espertará resacosa e comecerá a dubidar do sistema establecido.

Aparentemente a trama destaca pola intriga e polo humor, e a ambientación será similar ao do cine negro.

O xogo púxese hoxe á venta a 5,95 euros e está pensado para PC. Aínda así, están barallando a posibilidade de sacar versións para Linux,Mac e Ipod. Podédelo descargar na súa páxina web.

Eu aínda non o probei, pero é agradábel ver que hai xente que saca proxectos na nosa língua, e agora se conseguen que o título divirta, xa non hai motivo para non xogalos.

Duke Nukem Forever, por fin???

Por: Martes, 1 de Febreiro de 2011, 15:45 COMENTAR

Duke Nukem Forever

Pois si, fai uns días que 2K Games e GearBox Software anunciaron o lanzamento da continuación da mítica saga ‘Duke Nukem’ que chegará ás tendas (será desta???) o vindeiro día 3 de maio en Estados Unidos e o 6 de maio no resto do mundo. Estará dispoñible para PC, PlayStation 3 e Xbox 360.

Despois de 15 anos dende a saída do mítico ‘Duke Nukem 3D’ (1996), inumerables cambios de datas e ata de compañía, parece ser que será o vindeiro día 6 de maio cando por fin poderemos volver a desfrutar desta máis que coñecida saga de videoxogos.

Duke Nukem Forever

Páxina oficial

Por agora pouco se sabe do xogo, xa que soamente publicaron un pequeno trailer con algunha imaxe “ingame”, mais agardamos que pouco a pouco, segundo se vaia achegando a data de saída, se vexa algunha cousa máis.

Aquí tedes o trailer oficial:

A ver se esta vez é a definitiva e non temos que sufrir outro atraso para poder desfrutar de novo con este videoxogo.

Como anécdota, dicir que o 6 de maio xusto se cumpren 2 anos dende que 3D Realms anunciara a cancelación do proxecto por problemas de financiación, o que lle ocasionou algunhas disputas legais con Take-Two (propietaria dos dereitos de distribución da franquicia). Finalmente, outorgóuselle o traballo a GearBox Software.

Galeoke

Por: Martes, 25 de Xaneiro de 2011, 1:27 COMENTAR

Galeoke é un xogo de PC do tipo SingStar, mais totalmente en galego e con temas galegos. Ben, para sermos exactos é apenas unha versión do xogo de software libre Ultrastar Deluxe traducida ao galego.

Mais a novidade non radica en traducir software libre, senón nas cancións que ofrece. Chegando a un acordo con diferentes selos ofrécenos un total de 16 cancións galegas (e algunha máis descargábel) polo “módico” prezo de 20€. En troca, podemos escoitar cancións tan famosas como… O Nordés d’Os Diplomáticos de Montealto? Galicia Canibal d’Os Resentidos? E 14 máis aínda menos coñecidas? E tendo en conta que entre elas está Como os caranguejos, de Projecto Mourente, que é publicada baixo unha licenza Creative Commons

Non sei, cando escoitei falar do proxecto, hai tempo xa, era diferente. O seu obxectivo era coller música con licenza Creative Commons (como a do vídeo de Youtube de acima) e ofrecela, xunto co programa traducido ao galego, gratis na súa web. E esa idea ilusionoume, pois grupos galegos que emiten con ese tipo de licenza hai abondo (Ataque Escampe, Guezos, Sacha na Horta…). E, aínda que ese proxecto orixinal fose vendido en formato físico, podería valer sobre 10€, e entón… quen se resistiría a compralo?

Enfin, apesar de todo é unha boa compra xa que é o único karaoke deste estilo na nosa lingua. Se o queres comprar podes visitar algún dos puntos de venda. Para máis información visita a súa web: http://galeoke.com/