Actualización 1.2 de Terraria

Por: Mércores, 2 de Outubro de 2013, 18:00 COMENTAR

terraria
Xa podedes descargar a agardada nova versión 1.2 do coñecido Terraria, na súa versión para PC en Steam. Polo de agora non hai ningunha nova sobre as versións para Android e iOS

Ademáis de arranxar certos erros das versións anteriores, esta nova actualización inclúe 1000 obxectos, 100 inimigos, 15 mascotas, 4 novos tipos de madeira e 4 novos xefes finais, entre outras cousas.

Podedes botarlle un ollo aos principais cambios desta nova versión neste documento.

warcraft-film
Blizzard está a preparar, xunto a Legendary Pictures (produtora de títulos como “300”), o lanzamento dun filme baseado no World of Warcraft.

Baixo o título «Warcraft», está previsto o seu lanzamento para o vindeiro 18 de decembro de 2015, tal como podemos ler na mensaxe do seu perfil en Twitter:

Todos os rumores indican que os actores Colin Farrell (“Corrupción en Miami” (2006), “Desafío total” (2012)) e Paula Patton (“2 Guns” (2013), “Misión imposible: Protocolo fantasma” (2011)) protagonizarán a adaptación cinematográfica do videoxogo.

Aos mandos do filme estará o diretor Duncan Jones (“Código fonte” (2011)).

Valve rexistra a marca «Half-Life 3»

Por: Mércores, 2 de Outubro de 2013, 9:00 COMENTAR

half-life-3
Case unha década despois do lanzamento do Half-Life 2 e milleiros de rumores despois, a compañía Valve rexistrou o pasado 29 de setembro a marca Half-Life 3 na Oficina Europea de Marcas e Deseños, polo que poderían estar a preparar a tan agardada nova entrega da saga.

O pasado mes de novembro, o mandamáis de Valve, Gabe Newell confirmou que estaban a traballar no motor gráfico Source 2, evolución do motor Source, empregado no Half-Life 2 (2004).

Haberá que agardar acontecementos…

swtor

 O MMO de Bioware engade hoxe unha importante cantidade de novos contidos. Entre eles chéganos unha nova área de misións diarias para xogadores de nivel 55 na misteriosa paisaxe de Oricon, onde deberemos enfrontarnos a un inimigo común a república e imperio; os Dread Masters.

Chégannos tamén duas novas operacións e novas areas PvP, unha nova organización na que gañar reputación e premios para cada bando, novas armaduras, monturas e vehículos, etc. Ligadas a esta actualización hai tamén unha grande cantidade de pequenas modificacións e engadidos a cada clase que poden ser consultadas íngramente na páxina oficial.

“The Dread War” preséntanos pois novos retos e áreas cos que alongar o interese dun título que volveu achegarse aos dous millóns de xogadores dende o seu paso á formula Free to Play, e que ofrece o interesante sistema de diálogos e inclinacións morais de Bioware. Iso si, en perfecto inglés.

dead-island-riptide
Grazas á compañía Deep Silver, só durante esta fin de semana, poderedes descargar e xogar de balde en Steam ao «Dead Island: Riptide», segunda entrega do xogo de zombies, Dead Island. O período de proba remata o domingo ás 10 da noite.

Se o probades e vos gusta, deberiades saber que mercándoo antes de que remate ese prazo, teredes un desconto do 66%, polo que o teredes por apenas 13,59 €. Así mesmo, os dous DLC’s, «Fashion Victim» e «Survivor Pack» teñen o mesmo desconto e podedes conseguir os dous por 2,36 €.

Se xa tedes instalado o Steam no voso ordenador, podedes descargalo premendo na seguinte imaxe:
dead_island_riptide_free_weekend

Requisitos de sistema:

Mínimo:

  • SO: Windows® XP, Vista ou 7
  • Procesador: Core2Duo® 2,66 GHz
  • Memoria: 1 GB de RAM
  • Disco duro: 7,0 GB libres
  • Tarxeta gráfica: ATI® 2600XT 512 VRAM ou GeForce® 8600GT
  • DirectX®:: 9.0c

Recomendados:

  • SO: Windows® 7
  • Procesador: Core2Duo® 2,66 GHz
  • Memoria: 4 GB de RAM
  • Disco duro: 7,0 GB libres
  • Tarxeta gráfica: Nvidia® GeForce® 9600 (1 GB)
  • DirectX®:: 9.0c

Máis información na páxina de Steam.

steam-controller
Despois de presentar SteamOS e Steam Machines, hoxe chegaba o turno da terceira e última presentación de Valve: o Steam Controller.

steam_controller_bindings

Segundo afirman, este novo controlador será compatible con todo o catálogo de Steam, incluso aqueles que non foron deseñados para estes dispositivos.

En lugar dos típicos “sticks”, conta con dous “trackpads”, unha pantalla táctil, ademáis duns cantos botóns.

steam_controller_parts

Máis información na páxina oficial.

f1-2013_1
Codemasters publicou o anuncio para televisión do seu novo simuladorde Fórmula 1, o F1 2013.

O lanzamento está previsto para o vindeiro 1 de outubro para PC, PlayStation 3 e Xbox 360.

Segundo anuncio de Valve: SteamMachines

Por: Xoves, 26 de Setembro de 2013, 10:00 COMENTAR

steam_machines
Hai dous días, a compañía Valve anunciaba o seu sistema operativo SteamOS.

Onte facían o segundo dos tres anuncios que teñen programados: SteamMachines.

Nunha estratexia para conquistar os salóns das nosas casas, Valve vai lanzar varios modelos de PC’s, todos funcionando co seu SteamOS, por suposto. Está previsto que cheguen ao mercado durante o 2014.

Pero antes do seu lanzamento oficial, queren que 300 dos seus usuarios proben esas máquinas para comprobar que todo funciona ben.

Se queres participar nesta proba, estes son os requisitos:

REQUISITOS PARA PARTICIPAR NA BETA:

Antes do 25 de outubro, inicia sesión en Steam e visita a túa páxina de logros para comprobar que podes participar na beta.

  1. Únete ao Steam Universe community group.
  2. Acepta os Termos e condicións da Steam Hardware Beta.
  3. Fai 10 amigos en Steam (se aínda non os fixeches).
  4. Crea un perfil público na Comunidade Steam (se aínda non o fixeches).
  5. Xoga cun mando a un xogo no modo Big Picture.

Máis información na páxina oficial.

O seguinte anuncio, nunhas 33 horas, tal como marca o contador. Que nos anunciaran desta vez?

GTA V supera os 1.000 millóns de dólares

Por: Martes, 24 de Setembro de 2013, 11:00 COMENTAR

gtav
Uns días antes do seu lanzamento, coñeciamos que a produción do Grand Theft Auto V custara algo máis de 265 millóns de dólares, converténdose así no xogo máis caro da historia, superando á maioría das superproducións de Hollywood.

O día despois do seu lanzamento, a compañía Take-Two Interactive anunciou que o xogo superara os 800 millóns de dólares de recadación en todo o mundo, converténdose no xogo que máis vende no seu día de lanzamento e superando, con moito, os 500 millóns do Call of Duty: Black Ops 2, que ata agora ostentaba ese récord.

Pero as cifras non se quedan aí. Esta mesma fin de semana, a compañía anunciaba que xa superaran a simbólica cifra dos 1.000 millóns de dólares, co que parece que recuperarán, con moito, a astronómica inversión feita.

Segundo as verbas de Strauss Zelnick (@strausszelnick), CEO de Take-Two:

“Grand Theft Auto é un fenómeno cultural e RockStar Games continúa a redefinir o que se pode lograr no entretemento interactivo.”

“Todos en Take-Two estamos emocionados coa resposta inicial do Grand Theft Auto V. Unha vez máis, o equipo de RockStar Games superáronse, establecendo un novo nivel de creatividade, innovación e excelencia para a industria do entretemento.”

“Estamos moi orgullosos do logro creativo de RockStar Games e non podemos estar máis satisfeitos co seu éxito no lanzamento.”

Pronto vos traeremos a nosa análise do xogo, pois preferimos botarlle un bo vistazo a fondo antes de facer unha valoración do mesmo.

Pois parece que Ubisoft non quere deixar de exprimir a súa actual galiña de ouro, pero isto non será pasarse un pouquiño?

O que días atrás fora un rumor, hoxe a desenvolvedora confirma que Assassin´s Creed: Liberation (o título exclusivo e PS Vita) chegará a PS3, Xbox 360 e PC remasterizado en alta definición.

Segundo Ubisoft Sofia, os encargados deste “port” ás consolas maiores, non será unha simple revisión, senón que melloraron as mecánicas de combate, así como as animacións faciais e outras características xogábeis:

Revisamos as misións individualmente para ofrecer un maior rítmo e desafío. Traballamos moito no “frame rate”. O xogo irá fluído.

Polo de moemento non hai nin data, nin prezo.

O segundo título anunciado trae como nome de Assassin´s Creed: Pirates, un xogo para smartphones que aterrará no outono deste ano.

Pouco se sabe deste título, só que encarnaremos a un pirata sen moita experiencia que recorrerá os mares do Caribe en busca de tesouros. A continuación o vídeo.

En opinión persoal, nunca fun moi fan desta saga, mais incluso para aqueles fieles seguidores, non estaremos a ver demasiada sobresaturación de Assassin´s Creed?

f1-2013_1
Coincidindo coa celebración esta mesma fin de semana do GP de Italia de F1, a compañía Codemasters publicou este vídeo onde nos subimos, como non podía ser doutra forma no trazado italiano, no Ferrari F138 de Fernando Alonso para dar unha volta ao mítico Autodromo di Monza.

O lanzamento está previsto para o vindeiro 4 de outubro para PC, PlayStation 3 e Xbox 360.

rome-total-war-2
Chegou ao mercado antonte, 3 de setembro, pero numerosos erros gráficos e caídas, fixeron que Creative Assembly se puxera mans á obra para preparar un parche de actualización que solucione estes problemas.

Ademáis de arranxar os erros, tamén está previsto que modifique as rutinas da Intelixencia Artificial, que tamén recibiron moitas críticas, segundo os comentarios dos usuarios pola rede.

O comunicado completo da compañía:

Primeira actualización de Total War: ROME II Update este venres

En Creative Assembly estamos moi agradecidos pola resposta co Rome II, con centos de milleiros de xogadores desfrutando do xogo. Pero sabemos que, como en todos os lanzamentos masivos para PC, a variedade do hardware e as especificacións dos sistemas poden causar problemas a algunha xente e estamos traballando para axudarlles a ter a experiencia correcta.

Como anunciamos o mes pasado, tamén estamos a planear axustar o balance, rutinas da IA e outras características agora que temos os comentarios de milleiros de xogadores en tempo real.

O resultado é que a primeira actualización chegará este venres e coa intención de actualizar o xogo semanalmente nun futuro inmediato

A información completa do parche estará dispoñible o venres, pero arranxará erros coñecidos debidos a confitos de hardware, ademáis de numerosas melloras no rendemento.

Ademáis, calquera que experimente erros gráficos, incluíndo problemas coas texturas de baixa resolución, debería comprobar nos nosos foros de soporte en www.totalwar.com/rome2support onde hai suxerencias dos axustes que mellorarán os gráficos na maioría dos casos.

Tamén hai unha variedade de correccións suxeridas nos nosos foros de soporte. Por favor, visítaos ou envíanos un informe co teu problema directamente ao noso departamento de Atención ao Cliente para poder arranxar o problema.

Está previsto que ese novo parche se publique mañá, 6 de setembro, apenas tres días despois do seu lanzamento.