Steam xa permite retransmitir

Por: Mércores, 21 de Xaneiro de 2015, 11:00 COMENTAR

10815405-905278089482412-2025495954-o-1417557827221

A nova versión do cliente de Steam engade unha das funcionalidades máis agardadas por moitos xogadores: Steam Broadcasting.

Esta nova funcionalidade, que está tanto na versión beta do cliente como na estable, proporciona o xogador un servizo similar ó de Twitch.tv, permitindo retransmitir as nosas partidos a través da rede. A maiores diso, tamén ten un contador de frames, que sempre é útil para configurar os nosos xogos e que nos aforra ter que instalar un programa a maiores.

O LoL recibe un novo modo de xogo

Por: Mércores, 21 de Xaneiro de 2015, 10:00 COMENTAR

mmorpg_3

League of Legends, o referente en canto os xogos de tipo MOBA nestes intres, está a piques de ter un novo modo de xogo.

Este novo modo, chamado Nemesis Draft, fai que os equipos podan elexir os personaxes cos que xogará o equipo rival. Este modo está nestes intres nos servidores beta do xogo, pero en moi pouco tempo pasará a estar nos principais, e, polo tanto, ó alcance de todo o mundo.

Anúnciase Vampyr

Por: Mércores, 21 de Xaneiro de 2015, 9:00 COMENTAR

descarga (4)

O estudo creador de xogos coma Remember Me ou Life is Strange anunciaron que se atopan en medio do desenvolvemento de Vampyr, un RPG que nos conta a historia dun vampiro.

Este xogo estará ambientado a finais da Primeira Guerra Mundial e nel tomaremos o mando dun doutor que, no seu retorno ó fogar, é mordido por un vampiro, o que provoca que se converta nun deles. Deste modo, o equipo médico deste doutor tentará curalo da súa maldición, pero o xogador terá que facer fronte a unha sede de sangue cada vez maior.

Non foi publicada aínda unha data para a publicación do xogo, pero seguramente falte moito para ese intre.

Xa podemos xogar a Alchemilla

Por: Mércores, 21 de Xaneiro de 2015, 8:00 COMENTAR

Pode que a moitos non vos soe o nome Alchemilla, pero de seguro que Silent Hill si que o fai. Antes de seguir lendo, botade unha ollada a este vídeo:

Alchemilla é un mod feito para o motor Source baseado no universo Silent Hill, pero os seus creadores recalcan unha e outra vez que non é unha versión de ningún dos xogos da saga.

O xogo está baseado por completo en resolver puzles, mantendo da lexendaria saga a presión de non ter modo de defenderse dos inimigos mentras tentas atopar as solucións, o que de seguro que fará que máis de un recorde as sensacións provocadas polo xogo de Konami.

Xa que é un mod, Alchemilla require ter instalado no noso equipo a ferramenta Source SDK Single Player 2013, que está entre as que poden ser descargadas gratuitamente dende Steam, e o xogo o podemos descargar dende esta web.

O Club Nintendo bota o fecho

Por: Martes, 20 de Xaneiro de 2015, 19:16 COMENTAR

club-nintendo-e-mario

O Club Nintendo Europa comezou alá por 1989 como un servizo de atendemento ao cliente. Coas consolas de Nintendo (e, en ocasións, algúns xogos) viña un cartón para facerse socio, que só tiñas que encher e enviar (co franqueo pago!). Entón enviábanche á casa un carné de socio e… xa eras parte do clube!

Nos primeiros tempos enviábanche unha revista bimestral á casa, mais había que renovar a pertenza ao clube unha vez ao ano, mostrando que compraras produtos da Nintendo. Máis tarde, na época da Nintendo 64 (que é a que lembro eu) o clube era un chisco distinto. Funcionaba por teléfono e correo postal. Dunha banda, se quedabas atascado nun xogo podías chamar ao teléfono do Club Nintendo e axudábanche, dando previamente o número de serie do xogo para garantir que o compraras. E tamén podías pedir unha guía do xogo, que che enviaban á casa gratis. E, aínda por riba, tiñan un servizo onde enviabas cartas coas túas dúbidas e respondíanche igualmente por carta. Moi útil, aínda que non me valeu para que me dixesen como conseguir a Mew no Pokémon Azul.

Máis tarde chegaron a Game Cube e a Game Boy Advance, e o clube pasou á internet. As guías dos xogo pasaron a ser online, a axuda por correo electrónico… e en 2003 chegou a mellor novidade de todas. O Catálogo de Estrelas. Con cada xogo e consola viña un código de rexistro, que metendo na web podías trocar por estrelas. E as estrelas podíanse trocar por premios. Así conseguín eu, por exemplo, o The Legend of Zelda: Collector’s Edition para a Game Cube (como suei para conseguir as 10.000 estrelas, mi madriña!). E non só iso, aínda hai un mes conseguín o Kirby: Triple Deluxe cunha promoción do clube!

Mais chega de nostalxia. Hoxe a Nintendo anunciou que fechaba o clube. Deste modo, a partir do 1 de abril os produtos de Nintendo deixarán de traer o código para trocar por estrelas. A partir de 20 de abril xa non será posíbel trocar por estrelas os produtos dixitais descargados da eShop. E o 30 de setembro acaba todo e xa non se poderán trocar estrelas, nin darse de alta no clube, nin nada.

A parte boa? Dunha banda prometen novos premios para trocar as nosas estrelas até o 30 de setembro, incluíndo quizá algún xogo descargábel. E da outra o fin non é ben o fin, e o Club Nintendo terá como sucesor outro programa de fidelidade do que aínda non sabemos nada, e que traerá como regalo o Flipnote Studio 3DS descargábel a quen se apunte nel coa nova New Nintendo 3DS.

Continuaremos a informar cando haxa máis información.

Por fin podemos saber canto tempo temos de xogo

Por: Martes, 20 de Xaneiro de 2015, 13:00 COMENTAR

Así é amigos, por fin podemos coñecer o tempo que necesitamos para rematarnos todos os xogos da nosa libraría de Steam.

A web SteamLeft, á que podedes acceder dende aquí, mostranos, simplemente metendo o noso usuario da plataforma de Valve, coñecer o tempo necesario para tal fazaña. Hai que estar atento a que a configuración de privacidade estea coma pública ou do contrario a web non será quen de facer o cálculo, pero en caso de que non a teñamos así colocada, na propia páxina temos instruccións de como trocala.

A min sáeme un total de 2177 horas ou, o que é o mesmo, ver a serie Friends entera 25 veces , traballar 54 semanas completas ou viaxar á velocidade da luz entre o Sol e Plutón 200 veces. ¿E a vós?

Hatred entra nun reducido clube

Por: Martes, 20 de Xaneiro de 2015, 12:00 COMENTAR

s5

A ESRB, a encargada de fixar as idades recomendadas para os xogos publicados en USA, tomou a decisión de calificar ó polémico Hatred coma “Adults only”.

Deste modo, o xogo convértese no segundo en toda a historia que recibe dita calificación, sendo o primeiro en facelo Thrill Kill, para PlayStation, un xogo de 1998 que non chegou a ser publicado debido ás presións e á compra do seu desenvolvedor, Virgin Interactive por Electronic Arts. Pero iso non impediu que o xogo finalmente saira ó público, xa que extraballadores do estudo encargáronse de filtrar a versión definitiva (que xa estaba rematada cando o xogo foi cancelado trala compra da empresa) no Internet.

¿E qué supón dita calificación para Hatred? En primeiro lugar, que o xogo non sairá en ningunha das consolas, xa que Sony, Nintendo e Microsoft teñen políticas moi claras acerca dos xogos que reciben esta calificación. Ante estas novas, Destructive Creations, os estudo que desenvolveu o xogo, xa declarou que non ía ser trocado o contido, polo cal a única versión que poderemos xogar será a de PC.

NASCAR chega á nova xeración

Por: Martes, 20 de Xaneiro de 2015, 11:00 COMENTAR

maxresdefault

A NASCAR, o popular campionato de coches de “serie” en USA, que ten lugar maioritariamente en percorridos ovalados, chegará por fin á nova xeración no vindeiro 2016.

Deste modo, un estudo norteamericano (máis concretamente de Carolina do Norte), está a desenvolver o videoxogo, do que poucos datos se coñecen polo momento, básicamente o ano de publicación xa citado e que terá versións para PC, PS4 e Xbox One.

 

Total War: Attila mostra un novo vídeo

Por: Martes, 20 de Xaneiro de 2015, 10:00 COMENTAR

O vindeiro xogo da saga Total War, que estará baseado no rei dos hunos mostrou un novo trailer, no que podemos ver unha das novas características que aporta esta entrega á saga: o movemento das civilizacións.

Deste modo, un pobo poderá trocar nunha columna nómada e liscar do seu fogar ante unha amenaza, o que de seguro salvará a moitas das nosas unidades que noutros xogos da saga ían ter un destino fatal, ou permitirá facer que a nosa civilización pase a ser un exército móvil xigante, co que poder atacar dun modo non visto nunca antes na saga ós nosos inimigos.

O xogo chegará ós nosos PC o vindeiro 17 de Febreiro.

Anúnciase un novo xogo de Sid Meier

Por: Martes, 20 de Xaneiro de 2015, 9:00 COMENTAR

2K Games anunciou un novo xogo do lexendario deseñador Sid Meier, que continúa a temática do último Civilization, isto é, unha aproximación á estratexia espacial.

Polo de agora pouco se sabe do xogo máis aló do trailer ensinado e que chegará a PC, Mac e iOS na vindeira primaveira.

Project CARS mostra un novo trailer

Por: Martes, 20 de Xaneiro de 2015, 8:00 COMENTAR

Tras anunciar un retraso na súa saída ó mercado o pasado mes de Novembro e fixar como nova data de publicación o vindeiro 20 de Marzal.

Para ir preparando ós xogadores, recentemente publicaron o trailer que aparece enriba destas liñas, no que podemos ver varios dos coches que teremos posibilidade de manexar.

Temos que recordar que o xogo terá versións para PC, Xbox One, PS4 e Wii U.

Dying Light retrasa unha das súas versións

Por: Luns, 19 de Xaneiro de 2015, 11:00 COMENTAR

image_dying_light-22939-2724_0002

A versión física do xogo Dying Light sofre un retraso en Europa, pero aínda non se coñecen datas exactas.

A versión dixital do xogo de Techland chegará na mesma data que xa tiña, esto é, o 30 de Xaneiro en Europa, data que ía ser a mesma para a versión física, pero con este troco, a versión dixital mantén a súa data, pero a física sofre un retraso, do que todavía non se coñecen máis datos.