the_swapper3

The Swapper é un xogo de plataformas e crebacabezas producido polos Fineses Facepalm Games, uns desenroladores “indies” con base en Helsinki. Foi publicado en 2013 en Steam e mais recentemente nas plataformas de Sony e na WiiU.

En The Swapper tomamos o control dunha misión de expedición. Na terra os recursos naturais esgotáronse e unha serie de postos planetarios de extracción de materias foron instalados no espazo. Unha destas estacións foi destruida, e outra, Theseus, deixou de enviar señais e parece ter problemas técnicos. O xogador dispónse a investigar os sucesos que desenvolveronse nela coa axuda dun dispositivo que lle permite realizar clons de si mesmo. Este é o noso principal recurso para resolver os crebacabezas que vánsenos a interpor para descubrir os segredos que se agochan na estación Theseus.

Os clons servirannos para resolver os distintos crebacabezas

Os clons servirannos para resolver os distintos crebacabezas

A mecánica do xogo basease en 3 elementos.

– Os portais que permitirannos teletransportarnos entre eles e movernos polo escenario.

– A recollida de orbes que é necesaria para progresar no xogo e desbloquear outros portais ou zonas da estación.

– Os clons, colocarémolos co dispositivo que porta o personaxe e poderemos xeralos en calquera posición da pantalla que este na nosa vista. Unha vez creado realizará os mesmos movementos que fagamos nos e poderemos pasar o control a calquera deles sempre que, de novo, estean na nosa vista. Existe unha serie de focos luminosos de cores que impedirannos algunha destas accións ou que destruirán os clons cando pasen preto delas.

As luces impedirán determinadas accions

As luces impedirán determinadas accions

No aspecto gráfico non veremos pixeles retro nin modelados con texturas complexas, o arte do xogo está composta de debuxos e modelos de plastilina. Isto apórtalle moita personalidade e fai que o resultado sexa moi orixinal. Na ambientación podemos ver contrastes pero polo xeral será escura e claustrofóbica o que favorece o misterio co que se intenta impregnar.

O arte dalle un aspecto orixinal ó xogo

O arte dalle un aspecto orixinal ó xogo

Sen presentar unha gran dificultade, si que haberá algún escenario que poda frustrarnos e a combinación de alturas, luces e barreras pode complicar a obtención dalgúns orbes. A historia vai avanzando de pouco en pouco coa aparición doutras persoas ou as mensaxes que podamos atopar no avance habitual. E sen ser o elemento que impúlsanos cara adiante si que mantén a nosa curiosidade.

A versión que probamos foi a de PSVita e podemos recomendala especialmente debido a que podemos xogar partidas curtas e isto adáptase ben ó estilo de xogo portátil. En canto o xogo podemos decir que foi unha aposta divertida que aporta frescura ó xénero das plataformas e que darannos varias horas de diversión. Persoalmente recoméndovos que o probedes e xulguedes vos mesmos.

Podes comprobar os prezos actuais en Otogami.
Páxina oficial.

Devolver Digital anuncia RONIN

Por: Luns, 26 de Xaneiro de 2015, 8:00 COMENTAR

Devolver Digital anunciou RONIN, un xogo creado por Tomasz Waclawek.

Este xogo, coma podemos ver no vídeo, baséase na estratexia e no sixilo, pero ca novidade de ser un xogo por turnos. Aínda non se sabe a data de publicación, pero é de supor que será neste 2015, con versións para PC, Linux e Mac.

Nova actualización de SteamOS

Por: Venres, 10 de Xaneiro de 2014, 10:00 COMENTAR

steamos
A compañía Valve ven de publicar unha nova actualización para a versión beta do seu novo sistema operativo SteamOS que mellorará o rendemento das tarxetas gráficas AMD.

Segundo a nota da actualización, esta actualización actualizará os controladores AMD Catalyst á versión 13.11 Beta 9.9.

“Esta actualización inclúe os drivers Catalyst nos nosos repositorios cunha versión pre-lanzamento. Esta versión debería arranxar o pobre rendemento nos xogos e os erros ao volver ao escritorio.

Podedes descargar a versión beta dende a súa páxina en Steam.

Xa dispoñible a beta de «SteamOS»

Por: Luns, 16 de Decembro de 2013, 16:00 COMENTAR

steamos
Valve ven de publicar a versión beta do seu sistema operativo baseado en Linux, o SteamOS

Dende a compañía afirman que esta versión beta non é apropiada para usuarios sen certos coñecementos técnicos e que non é un produto rematado, mais ofrecerá unha mellora de rendemento significativa.

Outro punto importante é que polo de agora soamente soporta certo hardware, pero están a traballar para aumentar a compatibilidade. É recomendable ler a páxina de «Preguntas e respostas de SteamOS» antes de probar a beta.

“SteamOS definitivamente non é un produto acabado preparado para un usuario non técnico.”

“Dito isto, xa podemos usalo nas nosas salas de estar. Estamos moi animados sobre o que é e o que vai ser. E cantos máis de vós o probedes e nos contedes as vosas experiencias, máis rápidamente puliremos as arestas.”

“Os usuarios non deben considerar SteamOS como o remprazo para o seu sistema operativo de escritorio. SteamOS está a ser deseñado e optimizado para unha experiencia na sala de estar.”

Podedes descargar a beta dende a súa páxina en Steam.

steam_machines
Dende o seu anuncio a finais de setembro, as «Steam Machines» preséntanse como unha boa competencia ás videoconsolas de nova xeración.

Antes de lanzalas ao mercado, a compañía Valve quixo que 300 usuarios as puxeran a proba, así que abríu un período de inscrición ata o pasado 25 de outubro.

Xa en pleno decembro, a partir de mañá, día 13 (ollo os supersticiosos…), a compañía comezará a enviar esas 300 unidades de proba aos afortunados usuarios gañadores, que recibirán na casa o pack formado por unha Steam Machine (haberá varios modelos con diferentes configuracións) e un Steam Controller. Ademáis, nestas unidades de proba irán instalados varios xogos que corren nativamente no sistema operativo SteamOS.

broken-age
Neste novo xogo de aventuras, Wood porá a voz a Shay, un dos protagonistas.

Segundo confirmou Tim Schafer esta fin de semana, o actor Elijah Wood (@woodelijah), coñecido principalmente por interpretar a Frodo nos filmes da saga «O Señor dos Aneis», ven de unirse ao reparto de actores que porán a súa voz no novo proxecto do estudo Double Fine: o «Broken Age».

Recentemente tamén confirmaron o personaxe de Curtis, o leñador será interpretado polo actor Wil Wheaton (@wilw), coñecido por interpretar o papel de Wesley Crusher na serie «Star Trek: A nova xeración» ou máis recentemente interpretándose a si mesmo como o inimigo mortal do Dr. Sheldon Cooper na serie «The Big Bang Theory».

Para os que non coñezades este videoxogo, anteriormente coñecido baixo o nome «Double Fine Adventure», en marzo de 2012 conseguíu recadar algo máis de 3,3 millóns de dólares na súa campaña na web Kickstarter.com.

Máis información na páxina oficial.

football-manager-2014

Segundo informou a creadora da saga, Sports Interactive, todos os usuarios que fixeron unha reserva do novo Football Manager 2014 nas tendas participantes (tanto dixitais como reais) xa poden acceder á versión beta do mesmo.

A nova versión contará con máis de 1.000 melloras con respecto ao seu predecesor, como a posibilidade de gardar as partidas na nube, posibilitando seguir as nosas partidas en varios ordenadores.

“Como é natural nunha versión beta, non é un produto final e aínda estamos a traballar en numerosas melloras.”

Tamén están a traballar en certos erros, como se pode ver nesta lista.

Está previsto o seu lanzamento para o vindeiro 31 de outubro para Linux, Mac e Windows. Tamén anunciaron o lanzamento da versión Football Manager Classic 2014 para PS Vita.

SMS Racing é un videoxogo indie para Linux, Windows e Mac que ten como obxectivo concienciar a xente dos perigos de usar o móbil en canto se conduce. Bota unhas partidas e poida que para a próxima o penses dúas veces antes de responder ao Whatsapp ao volante.

steamos
Fai uns días coñecíase que Valve faría tres importantes anuncios en breve. Onte fixeron o primeiro deles: SteamOS, un sistema operativo gratuíto baseado en Linux deseñado para as televisións e salóns dos nosos fogares.

Permitirá xogar na televisión a xogos do PC a través de streaming e contará con servizos de música e video.

Segundo di a compañía conseguiron notables melloras no rendemento gráfico co SteamOS e xa traballan na mellora do son.

“A medida que traballamos para levar Steam ao salón, chegamos á conclusión de que o mellor entorno para os usuarios era un sistema operativo creado ao redor do propio Steam.”

“SteamOS combina a sólida arquitectura de Linux cunha experiencia de xogo creada para unha pantalla grande. Estará dispoñible pronto como un sistema operativo libre e independente para os aparellos do salón.”

Pronto estará dispoñible para descargar na súa páxina oficial.

origin
No marco da convención de seguridade Black Hat en Amsterdam, investigadores de ReVuIn deron unha conferencia titulada: “Inseguridade EA Origin: Cando os bugs locais se volven remotos… outra vez” na que demostraron que o programa de Electronic Arts permite a un hacker explotar unha vulnerabilidade que lle permite executar “código malicioso”, sen interactuación ningunha por parte da vítima.

Dende Electronic Arts, limitáronse a comentar que os seus equipos traballan contínuamente no seu sistema de seguridade, polo que cabe agardar que pronto solucionen o problema cunha actualización.

BananaBread: FPS en Firefox 15

Por: Mércores, 5 de Setembro de 2012, 17:22 COMENTAR

Dende a fundación Mozilla seguen a traballar nas novas tecnoloxías dos exploradores e a mellor maneira de poñer a proba a WebGL (Web Graphics Library) que tiveron foi compilar en JavaScript o motor gráfico Cube 2: Sauerbraten (escrito en C++ e OpenGL) mediante Emscripten. O resultado: BananaBread: un FPS (First Person Shooter) con gráficos 3D ao que podes xogar dende a última versión do seu explorador, Mozilla Firefox 15, sen necesidades de instalar plugins adicionais.

Por agora só é unha demo, pero da boa conta das posibilidades que ofrece WebGL e o futuro que pode aportar aos xogos no navegador.

Se queredes botarlle un ollo podedes probalo aquí.

Vénse de lanzar o pack The Humble Indie Bundle #3, ou o que é o mesmo, un pack de xogos indies, en que o xogador paga o que estime oportuno, compra varios xogos e reparte os beneficios entre un par de asociacións benéficas e os programadores como el estime oportuno.

Os xogos ofrecidos nesta edición (a cuarta, xa que houbo unha edición especial non numerada) son 5 grandes xoias indies, feitas con agarimo, en que se acumulan horas de xogo e diversión. Estamos a falar de Crayon Physics Deluxe, Cogs, VVVVVV, Hammerfight e And Yet it Moves.

Como xa comentei, os cartos podedes escoller como repartilos entre os programadores e dúas asociacións benéficas que neste caso son a fundación Child’s Play e a Electronic Frontier Foundation. Unha iniciativa que a min polo menos me fai continuar tendo esperanza na humanidade.

Déixovos o vídeo de presentación e tras este toda a información do pack.

Web The Humble Indie Bundle || Web Child’s Play || Web Electronic Frontier Foundation

Edito: Esquecía comentar que son xogos para Linux, Mac e Windows, non hai escusa!