Albert-Penello

Agora parece que a Microsoft lle vai algo mellor despois de que tivese que baixar os pantalóns diante dunha comunidade gamer que non aceptaba as políticas de obrigatoriedade a conectarse cada 24 horas ou o bloqueo dos xogos de segunda man, mais, aínda hoxe, na compañía seguen sen comprender esta reacción dos xogadores.

Así o comenta Albert Penello, quen parece que está tomando o control:

Penso que co tempo a xente entenderá o que intentabamos facer, e entón veranse as reaccións. A xente estará como “Deus, quero que aquelas medidas volvan”. O problema é que penso que os xogadores tiñan na cabeza que o que íamos facer era o mal, ou algo anti-xogador.

Estivemos observando como funciona Steam e IOS, cara onde ían os consumidores e pensamos, ” Agora podemos dar unha gran experiencia dixital”. O cambio ao dixital ocorrerá antes do que os xogadores pensan.

Agora pensámolo e non deixa de sorprendernos as reaccións ao que intentabamos facer.

Con isto podemos asegurar que Microsoft non se quita da cabeza o movemento que pretendían facer e tarde ou cedo levarano a cabo. En canto tempo pensades que o formato físico desaparecerá? Parece ser que ninguén é o suficientemente romántico como para querer conservar este formato.

Hai non, que eliminando o formato físico aforraranse os cartos de creación, edición e distribución…todo colle forma.

kinect-xbox-one
Tal como aparece na páxina Xbox.com, os comandos por voz do novo Kinect, que tanto promocionou Microsoft durante a presentación da súa nova videoconsola en maio e durante a conferencia de Microsoft na E3 en xuño, só estarán dispoñibles nos idiomas de 5 dos 13 mercados nos que sairá á venda o vindeiro novembro.

Segundo a nota nº 6 ao pé da páxina, os países afortunados son Alemaña, Canadá, Estados Unidos, Francia e o Reino Unido:

6 Os comandos por voz da Xbox One non estarán dispoñibles en todos os mercados na data de lanzamento. Os comandos por voz estarán dispoñibles no lanzamento nos Estados Unidos, Reino Unido, Canadá, Francia e Alemaña.”

O resto de mercados terán que agardar por unha actualización do sistema para ser compatibles co idioma local.

kinect-xbox-one
Nunha entrevista concedida a un importante medio da industria dos videoxogos (da que non imos facer publicidade, para iso estamos nós, para informarvos… 🙂 ), Mark Whitten (@notwen), xefe de arquitectura da plataforma de Xbox One, a nova videoconsola de Microsoft poderá funcionar perfectamente sen o Kinect conectado, como ata agora parecía que ía ser.

Para os máis “conspiranoicos” a obriga de ter o Kinect conectado para poder xogar era unha simple excusa para que puideran espiarnos mentres xogabamos coa videoconsola (non creo eu que aos da CIA lles fose interesar moito verme xogando, a verdade…), pero segundo esta nova, parece que poden quedar tranquilos, pois non será necesario ter conectado o dispositivo.

“Como o online, a videoconsola funcionará sen o Kinect conectado, aínda que non poderás empregar calquer función ou experiencia que requira explícitamente o sensor.”

Parece que os de Redmond queren recuperar a confianza que moitos perderon despois do anuncio da Xbox One e as súas polémicas políticas.

xbox-720

Segundo a última filtración na web VGLeaks de varias capturas de pantalla do Kit de Desenrolo da vindeira videoconsola de Microsoft (nome en clave: “Durango”) requerirá a instalación de todos os videoxogos no disco duro, do que aínda se descoñece a capacidade, pero que segundo parece terá suficiente para un bo numero de xogos. Se ben os xogos serán distribuídos en discos BluRay, éstes servirán simplemente como método de distribución, pois non se poderá xogar directamente dende eles.

xdk1

Imaxe do instalador do kit de desenrolo.

Por outra banda, a videoconsola terá a función “Sempre acesa, sempre conectada” que permitirá a inmediata dispoñibilidade para que os xogadores non teña que agardar reiniciando a videoconsola ou instalando actualizacións, cun mínimo consumo de enerxía. Pese a esta política, similar a anunciada para a PlayStation 4, xa hai voces que critican que esa funcionalidade “sempre conectada”, só será un xeito de enmascarar un sistema antipiratería e que posiblemente sexa a que acabe co mercado de videoxogos de segunda man.

xdk5

Descrición das principais características do hardware

Segundo as imaxes tamén parece confirmarse o rumor que dicía que tería un novo sensor Kinect con maior sensibilidade.

Fonte das imaxes: VGLeaks.com

Filtrados os datos do novo sensor Kinect

Por: Venres, 22 de Febreiro de 2013, 10:00 COMENTAR

kinect
Hai uns días publicaron na web VGLeaks as características do sensor Kinect da vindeira videoconsola de Microsoft (nome en clave: Durango), da que tamén filtraron algúns datos tempo atrás.

Polo visto, todas as novas consolas incluirán este novo sensor, moito máis avanzado e con maior precisión que o seu predecesor.

Entre as novas características cabe salientar:

  • Un maior ángulo de visión: que pasa dos 57.5º horizontais e 43.5º verticais a 70º e 60º, respectivamente.
  • Calidade de vídeo: dos 640×480 píxeles a 15 fps, chegará aos 1920×1080 píxeles a 30 fps.
  • Calidade do sensor infravermello: dos 320×240 píxeles actuais aos 512×424 píxeles.
  • Latencia: baixa dos ~90ms actuais a ~60ms, co que terá unha resposta máis rápida aos nosos movementos diante do sensor.

Con todas as melloras anteriores, os rumores falan que este novo sensor permitirá recoñecer ata 6 xogadores ao mesmo tempo (claro que a ver quen ten un salón cun tamaño suficiente para 6…) e incluso será capaz de recoñecer se temos as mans abertas ou pechadas.

Máis datos na web VGLeaks


Segundo informa a compañía Electronic Arts, a demo do simulador de fútbol FIFA 13, dispoñible dende esta mesma semana, alcanzou os 2 millóns de descargas, cifra un 29 por cento superior á do seu predecesor FIFA 12.

Por outra banda tamén informou do número de reservas, que acadaron as 900.000 reservas, que supón un incremento do 37 por cento en Europa e do 62 por cento nos Estados Unidos.

O videoxogo completo estará dispoñible a partires do 27 de setembro para PC, PlayStation 3 (compatible con PlayStation Move), Xbox 360 (compatible con Kinect), Wii, ayStation 2, PlayStation Vita, PSP, Nintendo 3DS, iPhone, iPad e iPod Touch.

Microsoft vén de anunciar hoxe o lanzamento do servizo que permitirá ver máis de 40 provedores internacionais de televisión a través da súa consola, a Xbox 360.

“Este novo servizo permitirá que o usuario vexa as súas series de televisión, procurar fácilmente contidos de diversos provedores e interactuar co contido” informou o vicepresidente de comunicacións de Microsoft, Frank X. Shaw.

Estarán dispoñibles canles de provedores como Bravo, Comcast, HBO GO, Verizon, FiOS e Syfy nos Estados Unidos; BBC no Reino Unido; Telefónica en España; Rogers On Demand en Canadá; Televisa en México; ZDF en Alemania; e Mediaset en Italia. A maiores, tamén inclúe tamén eventos deportivos internacionais.
No caso de España, poderánse ver os contidos de Canal +, Movistar Imagenio, GolTV, Antena 3 e Radio Televisión Española.

Ademáis, será compatible co Kinect, polo que o usuario poderá controlar o servizo sen mandos, alén de poder compartir os contidos a través das redes sociais.

A actualización deste servizo estará dispoñible en máis de 20 países neste mesmo Nadal.

“O anuncio de hoxe constitúe un paso fundamental de cara o noso obxectivo de facer chegar ao usuario todo o entretemento que busca e que poida compartilo coas persoas que lle importan dun xeito sinxelo”, declarou o presidente da división de Entretemento interactivo de Microsoft, Don Mattrick.

Despois duns días inactivos voltamos con máis forza. E de que xeito? Pois do peor que pode ser. O seguinte tráiler é do máis ruín que vin desde hai tempo, e dígoo case a rir, porque é para rir.

O xogo que se mostra é para Kinect (primeiro punto mao) e trae o nome de Diabolical Pitch. Un shooter (por chamalo dalgunha forma) onde teremos que lanzar pelotas (pelotas é o que fai falta para mostrar este tráiler) a zombies.

E igual que pasou co Shadow of the Damned, fíxose famoso por saír da mente do irreverente Suda 51. Mais a verdade, creo que está a diminuír a calidade das súas creacións, e con este, bufff… védeo se queredes rir un pouco.