Push Cars 2 de balde!

Por: Venres, 3 de Maio de 2013, 11:38 COMENTAR

push cars 2O xogo de notable participación galega para dispositivos móbiles “Push Cars 2: On Europe Streets”, e do que xa falaramos en Memoria Pixelada, poderase descargar de balde por tempo limitado. Agora xa non hai excusa para recorrer as rúas de Compostela evitando que os vehículos ecolóxicos se estraguen contra os máis contaminantes

Enlace para descarga en dispositivos iOS: http://bit.ly/10wc8Fl

Enlace para descarga en dispositivos android: http://bit.ly/Z6K6Uu

 

sonic-android

Parece ser que SEGA non sabe realizar máis Sonic, abonda con ver os fracasos de cada título que sacan ao mercado.

Mais tampouco se pode dubidar que os primeiros Sonic son excelentes xogos que marcaron a máis dun xogador, e Sega, consciente deste feito non se quere arriscar e adaptará a primeiro Sonic ás plataformas Android e ISO.

Parece ser que Sonic The Hedgehog chegará este mesmo mes a Google Play a un prezo de 2.99€, e aínda que a IOS aínda non está confirmado, todo apunta que aterrará máis ou menos ao mesmo tempo.

Porque vale máis Sonic coñecido, que malo por coñecer.

Unha mecánica sinxela pero aditiva, un orixinal argumento, unha moi boa banda sonora e un protagonista cun deseño entrañable e camiño de converterse en carismático, Sparky, fixeron de Push Cars un dos xogos revelación de 2011, con máis de tres millóns de descargas para dispositivos móbiles, o que nos dá idea da importancia que as novas plataformas de xogo están a coller, sendo todo usuario dun smartphone ou dunha tablet potencial xogador.

Ler o resto da entrada »

xcom-enemy-unknown
A compañía Firaxis anunciou que o videoxogo XCOM: Enemy Unknown, dispoñible para PC, PS3 e XBOX 360, sairá tamén para dispositivos co sistema operativo iOS. Segundo Jake Solomon, director de deseño do xogo, a versión para iOS terá todas as características da versión completa do xogo.

Ademáis, tamén se falou dun novo proxecto baseado no XCOM, aínda que non quedou claro se se tratará dunha nova entrega ou un DLC. Agardaremos por máis información próximamente.

duke-nukem-ii-cover
No 20 aniversario do clásico shooter «Duke Nukem 2», 3D Realms traballou conxuntamente con Interceptor Entertainment para crear unha versión mellorada do videoxogo para dispositivos con iOS 6.

A segunda vesión do «Duke Nukem», lanzada en 1993, foi un coñecido shooter 2D de desprazamento lateral e foi a versión previa á entrega máis coñecida da saga, o «Duke Nukem 3D», un dos máis coñecidos FPS.

A versión para iPhone/iPad terá 32 niveis de disparos en 2D, con control táctil e marcadores online.


Segundo informa a compañía Electronic Arts, a demo do simulador de fútbol FIFA 13, dispoñible dende esta mesma semana, alcanzou os 2 millóns de descargas, cifra un 29 por cento superior á do seu predecesor FIFA 12.

Por outra banda tamén informou do número de reservas, que acadaron as 900.000 reservas, que supón un incremento do 37 por cento en Europa e do 62 por cento nos Estados Unidos.

O videoxogo completo estará dispoñible a partires do 27 de setembro para PC, PlayStation 3 (compatible con PlayStation Move), Xbox 360 (compatible con Kinect), Wii, ayStation 2, PlayStation Vita, PSP, Nintendo 3DS, iPhone, iPad e iPod Touch.

ID Software está que non para e non se conforma con estar a crear un dos FPS máis esperados do momento,senón que lle sobra tempo para realizar unha versión para os “cacharriños” da Apple.

O certo é que aínda non lle puiden botar a man a esta versión (aceptamos análises e opinións dos lectores), mais polo que puiden observar é un xogo sobre carrís en que vemos un apartado técnico impecábel.

Pois ben, a nova chéganos desde a súa páxina de Facebook xa que acaba de chegar aos 100.000 “gústame” (aproximadamente como os de Memoria Pixelada), e ID SOftware para celebralo agasallará o videoxogo RAGE para iOS durante unha semana.

Daquela xa sabedes, se tendes un iPhone, iPad ou iPod Touch conectádevos no iTunes e descargade RAGE gratuitamente. E non vos descoidedes, que esta promoción dura só até o vindeiro xoves e despois non vale dicir que non iDiñeiro.

A Compañía lucense de Small Wonders, adicada ó desenvolvemento para iOS ven de lanzar o seu terceiro videoxogo, YumYumBoy, un xogo de puzzles no que encarnaremos o papel dun neno que é afeccionado da comida lixo e no que a mecánica de xogo baséase nun estilo próximo ós clásicos tipo Mario & Yoshi ou Columns, no que teremos que facer que o neno colla os alimentos para posteriormente xuntalos con outros tres ou máis do mesmo tipo para facelos desaparecer, comendo así, e superando as diversas fases (40 no modo historia e 40 puzzles) unha vez que nos atopemos fartos.

En todos os apartados o xogo loce un aspecto moi bo, tanto na parte gráfica, onde se nota o bo traballo que leva a cabo Small Wonders neste eido, como na música e sons FX , ou na xogabilidade, que fai que o xogador non poida deixar de xogar, e desexe que por exemplo o bus non chegue ó seu destino para poder seguir pasando puzzles, de feito eu levo dous días sen parar de xogar cando teño un anaquiño.

Ler o resto da entrada »

Liberan o código fonte de Canabalt

Por: Martes, 4 de Xaneiro de 2011, 12:33 COMENTAR

Canabalt é un deses xogos que cunha estratexia xogábel sinxela engancha cousa mala, e os seus desenroladores Semi Secret Software parece que traen a bondade nestas datas, porque non só recaudaron máis de 25.000 dólares para a ONG Child´s Play vendendo os seus xogos de Iphone nunha oferta de Nadal , se non que agora liberan o código fonte de Canabalt, como xa dixen anteriormente, un dos xogos flash máis entretidos.
Se queredes (e debedes), podedes descargar o xogo enteiro nesta páxina e botarvos unhas viciadas que sen dúbida o faredes.
Non deixedes pasar esta oportunidade.

Análise de Plantas vs Zombies

Por: Sábado, 18 de Decembro de 2010, 21:51 6 COMENTARIOS

Comezarei analizando o primeiro videoxogo para ipod touch/iphone neste páxina, cun título que engancha dende o primeiro instante que o probas, tanto por apartado técnico como por diversión acumulada, dito título é Plantas vs Zombies.
Con este singular título xa podemos intuír que estamos ante un xogo desenfadado que ten un só propósito, divertir.
Plantas vs Zombies é un xogo de estratexia de defensa, é dicir, teremos que impedir que os nosos inimigos cheguen a un determinado lugar. Neste caso nós colleremos o mando das plantas e deberemos impedir que os zombies entren na nosa casa. Deste xeito teremos ata cerca de cincuenta tipos de plantas diferentes, cada unha coa súa característica propia que teremos que saber distribuír ao longo do escenario para impedir que os zombies consigan o seu propósito. Por suposto existe unha limitación, as plantas necesitan raios de luz para funcionar, así que ata que non acadamos un determinado número de raios de sol (bolas amarelas que aparecen no escenario de pouco en pouco e que teremos que tocar co dedo) non poderemos empregar dita planta.

Temos plantas que disparan, que crean as súas propias bolas amarelas, que frean aos zombies,que se destrúen cando alguén pasa por enriba delas, que conxelan o tempo, etc, etc, como xa dixen, case cincuenta tipos de plantas que lle dan moitísima variedade ao tema.
Por suposto non as poderás usar todas, xa que antes de comezar cada nivel debemos facer unha selección das que nos parece que máis nos van axudar e se a isto lle engadimos que o escenario está dividido en cuadrículas, limitando así os nosos movementos, deberemos pensar moi ben que plantas vamos utilizar.
Unha vez que xa temos seleccionado todas as plantas que iremos utilizar, comeza a batalla pola supervivencia. Tan pronto comezamos, dannos a posibilidade de empregar só unha das plantas de menor rango, despois xa teremos que acumular bolas de luz para usar o resto. Os zombies comezan a avanzar cara nós e deberemos ir seleccionando planta por planta para destruílos antes de que cheguen ao fin do escenario.
Como non podía ser doutra forma, tamén existe unha gran diversidade de zombies que nos poñerán as cousas máis difíciles, existen zombies que saltan unha cuadrículas, zombies resistentes, zombies motorizados… como vedes a variedade é enorme. Esta gran variedade fai que o xogo non aburra en ningún momento, pero se vos parece que isto vai ocorrer tamén deberedes saber que existen minixogos entre fase e fase que alteran un chisco a corrente do título. Normalmente son minixogos moi sinxelos que non supoñen reto ningún, matar a zombies co dedo ou unha especie de bolos contra zombies. Pero de todas maneiras sempre se agradece que haxa este tipo de acción para que fuxa a monotonía.

Pero aquí comezamos cos problemas, xa que esta gran variedade non a souberon implementar nos escenarios, porque os só cinco tipo de escenarios que atopamos no xogo non son suficientes para un videoxogo destas características. E este detalle inflúe moi directamente na súa duración, porque tan poucos escenarios fan que non che dea tempo a desfrutar ao cen por cen do título, tanto, que pasarás o xogo sen empregar todas as plantas que tes a túa disposición. Así, a relación entre variedade de zombies e escenarios non está á altura do resto de apartados deste xogo. Ademais tampouco favorece nada o sinxelo que é o xogo. Normalmente os xogos de defensa son títulos complexos, pero neste caso case nunca te trabarás en ningunha situación, e se perdes dunha vez, abonda con facer unha mellor selección de plantas para levar a cabo a misión.
Pero deixando a un lado estes pequenos inconvenientes, hai que dicir que o xogo entre principalmente polos ollos. Os gráficos están moi coidados, pero sen dúbida o mellor de todo son as expresións dos protagonistas, tanto das plantas como dos zombies. Está claro que Plantas vs Zombies é un xogo de humor, e ver a un zombie cun caldeiro na cabeza mentras come unha pataca xigante que lle vai cambiando a expresión da cara cada vez que aumentan as súas posibilidades de ser eliminado é impagábel, asegúrovolo. E coma esta existen moias situación semellantes que faranvos rir en máis dunha ocasión.
En conclusión dicir que estamos ante un xogo que calquera que teña unha destas plataformas debería xogar, cun apartado visual moi bo, unha gran variedade de personaxes e unha capacidade de diversión espectacular.É certo que ten algún que outro erro, pero todos eles débense perdoar (en certo modo) pola calidade final deste Plantas vs Zombies.