Por que Charizard é o mellor Pokémon

Por: Mércores, 23 de Outubro de 2013, 14:00 3 COMENTARIOS

Hai pouco saíron os novos Pokémon X e Y, sendo un total éxito de vendas. O fenómeno Pokémon, lonxe de desaparecer, está a tomar novos folgos. Mais unha dúbida fica no ar: cal é o mellor dos xa máis de 700 Pokémons? Pois non hai unha única resposta certa… ou si, que carallo, si que a hai, é Charizard.
Pokémon_Red_Artwork

1. Charizard é un dos 150 Pokémons orixinais da primeira xeración

Na primeira xeración están os Pokémons mellor feitos. Certo é que entre os máis novos tamén hai algún Pokémon que se salva, mais a maior parte dan noxiño. De verdade, un xelado? Unha espada? Ou mesmo un Pokémon que é literalmente un monte de lixo? Por favor…

2. Charizard é un dos Pokémons iniciais orixinais da primeira xeración

De entre os 150 Pokémons da primeira xeración, hai certos Pokémons que deixaron unha pegada máis fonda que o resto. Estes son os iniciais, os que adestramos con máis ímpeto, aqueles nos que puxemos todo o noso esforzo para lograr vencer xefes de ximnasio e membros do Alto Mando. Mais mesmo dese top 3 de mellores Pokémons, Charizard destaca sobre os demais. Porque afrontémolo, unha tartaruga obesa ou un sapo obeso cunha flor nas costas non son rivais para un dragón que cuspe lume pola boca.

3. Non hai mellor xeito de voar que montado nun Charizard

Podes voar en avión, cun jetpack ou noutro Pokémon como Pidgeot. Mais, sexamos sinceros, todos nós soñamos nalgún momento con voar montados nun Charizard.

vader_riding_charizard_colorized_by_robthedoodler-d59700s

4. Porque a mesma Pokédex se encarga de demostrar o abraiante que é

A Pokédex do Pokémon Prata di: «Respira intensas e quentes chamas que poden derreter practicamente calquera cousa. O seu alento inflixe unha dor terríbel nos seus inimigos». Penso que sobran os comentarios.

5. Mega Charizard

Coa chegada dos Pokémon X e Y e a introdución da Mega Evolución na mecánica do xogo, chegaron os novos Mega Charizard X e Mega Charizard Y. Podes non gostar da nova mecánica das mega evolucións, e mesmo podes falar mal de Mega Charizard Y, mais Mega Charizard X é un pokéorgasmo para todos os que medramos xogando a Pokémon.

Ollade que malleira lle dá Mega Charizard X a Mewtwo no anime Pokémon: Origins (o momento épico comeza no minuto 2:35).

E tu, que opinas? Estás de acordo ou, pola contra, non tes criterio ningún? Fáinolo saber comentando neste mesmo artigo, ou no Facebook e Twitter.

o bo o feo e o malo

No 2005 facíase a presentación da Xbox 360, unha consola que bebía directamente de Microsoft e disposta a desbancar a que sen dúbida ningunha era a raíña das videoconsolas, a Playstation 2. A partires dese ano comeza a actual xeración, unha longa para uns, e curta para outros, etapa na que tres consolas disputaron a morte por ser a elixida nos estantes das tendas.

Dende aquelas xa pasaron oito anos, oitos anos cheos de xogos, tanto bos como malos, oito anos na que o cara a cara estaba entre Xbox e Playstation, mentres Wii triunfaba irremediablemente sentada nunha terraza e desfrutando da súa estratexia “todo para os casual-gamers”, e en apenas dous meses chegarán, por fin, as substitutas.
Certo que a Wii U xa leva un tempo connosco, pero pódese catalogar como unha consola de nova xeración? Non. Non. Non. Así de claro e conciso.

Con este panorama comeza un novo filme, un filme que narra a historia de tres personaxes que se entrelazan entre elas, así que sentádevos, collede algo para picar e atentos, porque comeza “O bo, o feo, e o malo”.

ACTO 1: O BO

Os directivos de Sony tíñano moi claro, aínda que na última etapa de Plastation 3 parece ser que incluso se sobrepuxo á súa competidora directa, Xbox 360 (dependendo dos medios din unha cousa ou outra), sufriron moitísimo nesta actual xeración. Quizais se acomodaron vendo o éxito que levaban tendo anos atrás e vendo as pésimas ventas da primeira Xbox, mais a verdade foi que Xbox 360 mantívose líder durante todos estes anos.

Así, PS4 preséntase como unha volta ás orixes, a volta a unha consola na que sexa relativamente doado programar para ela, relativamente asequible para todos e relativamente potente como para satisfacer as ganas pixeladas de calquera persoa.

ps4 accesorios

Así se está a presentar a Playstation 4, como o heroe da xeración que está por entrar, como o triunfador. Podes ser dunha consola ou doutra, pero o que está claro é que actualmente a consola de Sony ten todas as de gañar, polo menos nos primeiros meses de vida, as reservas esgotadas confirman este feito, e despois das medidas que pretendían integrar os de Microsoft coa súa Xbox One, aínda puxeron o camiño máis recto a unha compañía que leva moitos anos neste negocio e que se soubo aproveitar moi ben da situación.

Semanas despois da presentación oficial no E3 comezaron a saberse novas noticias da máquina, que se Sony apoiaría ás compañías independentes, o mando compatíbel co PC, packs que estarían dispostos en decembro, exclusivas que tiran moito dos xogadores… mais obviamente non todo é positivo.

Os cen euros menos que custa ca Xbox One compénsano co cobro obrigatorio do online da consola, así como a carencia de accesorios na venta inicial, tal como a cámara.

Pero que pasa cos videoxogos? Que potencia terá? Obviamente aínda non podo confirmar nada, xa que estou analizando este filme só vendo o tráiler, mais polo que se puido observar (sen facer caso aos responsábeis de Sony, que obviamente din que das próximas consolas vai ser a máis potente), a potencia gráfica está servida, aínda que o salto entre PS2 e PS3 foi moito máis grande que será, de PS3 a PS4, e o mesmo acontece coas máquinas de Microsoft, porque ou son eu, ou tampouco me pareceu unha calidade gráfica tan impresionante. Si, vese mellor, como non, mais espero, e supoño, que esa potencia se deixe ver máis claramente en tempos de cargar, dinamismo de escenarios, efectos do tempo, etc.

En novembro poderemos mirar aos ollos á Playstation 4 e saber se realmente vai ser a gañadora ou non porque mentres…

ACTO 2: O FEO

Recordemos que Microsoft nesta xeración non fixo máis que tomar boas decisión, dende sacar a consola un ano antes que o seu competidor, até crear logros (que pouco despois plaxiaría Sony), dende presentar unha consola na que os desenvolvedores podían traballar de maneira máis doada, até conseguir facer multiplataforma moitas das exclusividades de Sony.

Así foi Xbox 360, para min a gañadora indiscutíbel, mais como será agora.

xbox one disco duro

Despois da nefasta presentación no E3, e non me vou meter no tema das medidas que querían tomar, senón na propia repercusión que tiveron, xa que só fixeron algo peor que tomar e presentar esas medidas, e foi baixarse os pantalóns diante do mundo e recuar.

Non me entendades mal, agradezo que deran marcha atrás porque son dos que castigo tales medidas, mais iso quitoulle toda a credibilidade que ten unha compañía coma Microsoft. Demostrou que aínda non leva demasiado tempo nesto das consolas, demostrou que non tiña unha estratexia clara marcada e isto os xogadores vímolo, e vímolo en directo.

Tampouco axudou o feísmo da consola, e moito menos axudou o prezo. Todo isto nun E3 que de seguro se voltasen atrás correxirían o 98% da presentación.

Pero como unha consola que se mantivo no podio durante oito anos, chega cunha predecesora que non sabe como gustar aos fans?
Os propios directivos falan que estaban moi adiantados ao seu tempo, a min pégame a risa, outros analistas afirman que as medidas non afectarían ao xogador, a min ségueme pegando a risa, porque o que realmente penso é que só eran medidas abusivas contra o xogador cun só fin, facer desaparecer o formato físico.

Seino, chegará un momento no que isto acontecerá, seino, dóeme, pero seino, quizais sexa demasiado romántico co pasado, por iso non me gustan este tipo de medidas, mais con este feito, como pode agora competir con PS4?

A parte de rectificar todo, seguen confiando no seu Kinect, agora unha versión mellorada, algo que NUNCA, NUNCA, me chamou a atención en absoluto. Tamén teñen unha serie de sagas que poder explotar, e obviamente o apartado técnico, que aínda que Sony presuma de máis potencia, dame a min nos fociños que estarán as dúas á par, exactamente como pasaba nesta xeración.

Está claro que aínda que non se presentase con bo pé, a Xbox One é unha consola suficientemente potente como para poñerse diante da PS4 e facerlle fronte, non teño a menor dúbida, pero o que si que está claro é que perdeu a confianza de moitos dos fieis seguidores da Xbox 360, e entre eles estou eu.

ACTO 3: O MALO

E chegamos á terceira consola que teoricamente tratan como de nova xeración, eu non, xa non a vexo como tal, de feito, xa castiguei toda a vida útil da Wii como para agora darlle oportunidade a un xoguete. Non, non me miredes así, botádelle un ollo, ide a calquera tenda e mirade os títulos que ten para xogar, mirade a quen vai dirixido esta consola, como diría Manquiña “a los hechos me remito”.

Nintendo segue no seu mundo de Casual Gamer esquecéndose por completo dos xogadores habituais, dos Hardcore Gamers. Debería botar a vista atrás e preguntarse porque hoxe en día é a compañía que é, e grazas a quén, entón quizais se acordaría algo máis de nós.

Wii U

Wii U

Nunha das tantas conferencias que deron, non recordo moi ben que directivo dixo que coa nova Wii U volverían a coller a confianza dos xogadores de toda a vida. Foi algo que soñei, crucei os dedos até que me doeron, incluso fun a unha misa para que fose verdade. Obviamente non foi así, e por moito que me quixese enganar, víase vir.

Mais aínda que o éxito da Nintendo Wii foi absoluto, non cabe a menor dúbida, parece que non está acontecendo o mesmo cos sucesora. Non consegue vender o previsto, non saca xogos, perde o apoio de desenvolvedoras…non sei que vai acontecer nun futuro, pero de ser así, a Wii U non chega a bo porto.

Eu mentres vexo a nenos de cinco anos probar a Wii U nas tendas recordo con bágoas nos ollos a época na que Nintendo mandaba no panorama, pero mandaba porque podía, porque era sublime e sacaba consolas e videoxogos a cada cal mellor. Así é a Nintendo que me gustaría ver nesta batalla, porque está claro que Wii U está a kilómetros luz do resto de compañías.

Nintendo ten que saber que non se pode alimentar só do xenio Miyamoto para realizar títulos de calidade, e a verdade, é o único que está a facer. O resto pseudoxogos infantiloides carentes de personalidade.

DESENLACE

Nun par de meses entramos nunha nova etapa, unha etapa na que seguro que veremos xogazos que revolucionarán o panorama, fracasos comerciais e éxitos, a loita está a piques de comezar.

E durante os seguintes anos poderemos responder ás seguintes cuestións, canto falta para que o formato físico desapareza? Sairán as consolas con novo erros como o Círculo da Morte ou o seu equivalente?

Non sei cal será o final deste filme, mais o que si é seguro é que o tráiler promete.

Master_System_II

Nestas datas debe facer coma uns 20 anos que conseguín que me mercaran unha Sega Mega Drive, e con ela chegou un arrinconamento da consola da man da cal entrei neste mundiño, a Sega Master System. Certo é que tal inxustiza non a cometín eu so, e o esquecemento e o non recoñecemento a este sistema é eiva común en boa parte da comunidade gamer, ben polo tempo pasado, ben porque érades moi novos para xogar a esto a finais dos 80, principios dos 90 😉

  Ler o resto da entrada »

Por fin, onte ás tres e pico da mañá e cun cuarto de hora de retraso daba comezo a conferencia que máis impacientes nos tiña a todos, a conferencia de Sony e da súa PS4.

Ler o resto da entrada »

e3-2013-ms-600x300

Por se non puidestes ver en directo a conferencia, nin seguido polo noso Twitter, aquí vos fago un breve resumo do que anunciaron os de Microsoft.

Primeiro dicir que sorprende que cumplisen coa promesa de centrarse case en exclusiva na presentación de videoxogos, pero así foi, mais antes de amosarvos os títulos comentarei os poucos aspectos alonxados dos videoxogos que se presentaron.

O punto máis importante: Data e prezo.

Cando pensabamos que nos ían deixar sen esta información, na recta final desvelaron o prezo e data de lanzamento. A Xbox One custará 499€ e sairá en novembro. A verdade, todos os rumores apuntaban a este prezo polo que non sorprende demasiado, outra cousa é se estás disposto a gastalos coas “trabas” que ten, iso é a vontade de cada un.

Outra das noticias que sorprendeu foi o lanzamento dunha nova Xbox 360 máis pequena e delgada. Non anunciaron prezo, áinda que si dixeron que estaría nas tendas dende xa. Está claro que a mensaxe foi que non abandonarán a Xbox 360 así como así, e paréceme un movemento intelixente tendo en conta a sucesora…

Tamén fixeron algunha que outra demostración con tablets e as Smartglasses, mais nada que non fose eclipsado pola presentación de videoxogos que procederei a enumerar.

Comezaron cun tráiler con gameplay do Metal Gear Solid V: The Phantom Pain, que tamén sairá en Xbox One. Aquí tedes o vídeo, como podedes comprobar dalle máis importancia á liberdade de acción.

Despois disto deron un paso atrás presentando unha serie de xogos exclusivos pero que pasaron totalmente desapercibidos. A medida que vaian chegando os vídeos e tráilers iremos amosándovos máis. Os xogos eran:

Kinect Sports Rivals creado por Rare, World of Tanks que terá unha versión para Xbox 360, Max the Curse of Brotherhood (un plataformes aparentemente infantil), Minecraft coa súa versión para Xbox One, D4 (un título do que apenas se sabe nada pero ergueu aplausos por estar realizado por Swery, creador de Deadly Premonition) e Project Spark (un título de construción que sairá para Xbox One e Windows 8).

Quizais me equivoque mais estes xogos que acabo de mencionar e que penso que a maioría son exclusivos non destacan en comparación cos grandes anuncios que se levaron a cabo e os que vou facer mención a partires de agora:

Un dos títulos que mellor sabor de boca deixou foi Rysen:Son of Rome, título desenvolvido por Crytek e que nos mete na pel dun romano. Non vou dicir nada, abonda con ver o seguinte vídeo.

Outra das sorpresas foi Sunset Overdrive, un xogo dos creadores de Ratchet and Clank no que nos sumerxe na pel dun deportista de parkour pero que á súa vez debe loitar contra todo tipo de bechos. Pinta ben.

Killer Instinct tamén se deixou ver nesta presentación (si, este era o título que rescataría RARE)

O título de condución por excelencia de Microsoft sempre foi a saga Forza e a quinta entrega anunciárona con este gameplay:

Pero se houbo un xogo que levantase expectacións nesta presentación, esa foi Dead Rising 3, e non só porque será exclusivo de Xbox One, senón porque polo que podemos ver será máis serio que as dúas entregas anteriores:

E seguimos con terceiras partes, xa que The Witcher 3 tamén foi anunciado con este vídeo:

Se recordades, no anterior evento de Microsoft houbo un xogo que marcou a todos os xogadores, Quanum Break, pois ben, como era obvio non ía faltar á cita, e non só iso, senón que chega cun tráiler prometedor:

Battlefield 4 tampouco faltou neste evento e aínda que polo que se pode ver o espectáculo intenta primar ante todo, non chega a sorprender, ou polo menos a min.

E como non, o título por excelencia de Microsoft, un novo Halo foi anunciado baixo un enigmático e prometedor tráiler até que se soubo de quen se trataba:

Para rematar a conferencia decidiron amosar o videoxogo de Respawn, baixo o nome de Titanfall, un FPS nun mundo cheo de robots xigantes que deberemos facer fronte. Tampouco destaca demasiado nin innova en ningún punto concreto:

Estes foron os títulos que máis destacaron e que debo recalcar neste pequeno resumo. Non dubidedes en botarlle un ollo. Fáltanme pequenos vídeos que se dexaron ver como de Below (un pequeno videxogo do creador de Sword e Sorcery) ou Crimson Dragon, o desaparecido xogo de dragóns, pero os que xogos que máis van dar que falar nos próximos días son os mencionados.

Unha mecánica sinxela pero aditiva, un orixinal argumento, unha moi boa banda sonora e un protagonista cun deseño entrañable e camiño de converterse en carismático, Sparky, fixeron de Push Cars un dos xogos revelación de 2011, con máis de tres millóns de descargas para dispositivos móbiles, o que nos dá idea da importancia que as novas plataformas de xogo están a coller, sendo todo usuario dun smartphone ou dunha tablet potencial xogador.

Ler o resto da entrada »

Este é o primeiro vídeo que facemos desde Memoria Pixelada. Se ten moitas visitas, faremos máis videoclips como este con outras cancións de grupos galegos. Que vos parece? Hai algunha canción en especial que vos apetecería ver feita un videoclip pixelado?

thumb1280x1280_3302693914_413b530272_o

“O mais importante nun xogo de Rol é a historia e a narrativa”.

Jakub Rokosz (CDprojekt)

Cúmplese un ano do lanzamento de Mas Effect 3, e con el, da maior polémica que poda recordar en torno a un xogo. O interese desta polémica con ampla repercusión mediática foi aínda mais aló do da propia industria, saltando aos medios xeneralistas e xerando debates en torno ao concepto de propiedade artística e os dereitos dos consumidores.

Este é o primeiro artigo dunha serie de dous nos que analizamos todos estes aspectos. Nestas primeiras letras intentei evitar no posíbel os spoilers maiores, centrándome na repercusión social e mediática, e facéndo unha reflexión crítica das prácticas (tanto narrativas, como estrictamente comerciais) que puideron motivar a polémica. Contodo, o artigo contén algúns spoilers que considerei necesarios para perfilar este “racconto”… preveño antes de sufrir agresións físicas ou que alguén decida facerme vudú.

Que se abra o telón…

Ler o resto da entrada »

Entrevista a Memoria Pixelada

Por: Mércores, 13 de Marzo de 2013, 8:32 COMENTAR

O pasado luns anunciabamos que Memoria Pixelada ía ser entrevistada pola Radio Galega no programa A Tarde.

Como é obvio todos os colaboradores non podiamos estar presentes, polo tanto Xende (Moucho Branco) e un servidor (Skaltum) achegámonos ao estudo para falar un pouquiño sobre a nosa páxina.

Cales foron os incios de Memoria Pixelada, que ofrecemos ao público, cantos colaboramos e de que foma neste proxecto e incluso tivemos tempo de comentar que tipo de videoxogos nos gustan máis a cada un e cal vai ser o futuro dos videoxogos.

Se non tivestes a ocasión de escoitarnos en directo, non vos preocupedes, aquí vos deixamos a entrevista para que non a perdades.

Mario vs Sonic

A estas alturas pensei que non facía ningunha falla dicir que Mario é mellor que Sonic, mais despois de ver como Amil GZ se quixo autoconvencer escribindo un artigo herexe contra Mario, véxome na obriga de comentar outras cinco cousiñas polas que o fontaneiro de Nintendo supera a un ourizo que corre.

Ler o resto da entrada »

mario_sonic

Todos sabemos que Sonic é mellor que Mario. É un feito. Sobra dicir nada máis. Aínda así, creo que é conveniente facer unha pequena listaxe para reafirmar a idea. Entón, aquí tendes, 5 razóns polas cales Sonic é mellor que Mario. Ler o resto da entrada »

Os 10 mellores xogos de XBOX

Por: Martes, 5 de Marzo de 2013, 14:12 COMENTAR

Original_Xbox  A primeira consola de Microsoft foi unha máquina de grande importancia histórica, e non so pola irrupción neste mercado do xigante americano, senón polas pontes que tendeu entre as consolas e o PC, contribuíndo de xeito importante a que de aí en diante fose cada vez mais normal que sagas nacidas nun formato desen o salto “ao outro lado”. Un fenómeno que ademais iría moito mais aló de Xbox e da propria Microsoft, ao achegar progresivamente dous mundos que en tempos pareceran discurrir en realidades alternativas.

 Pois ben, hoxe a lista dos 10 xogos mais destacados céntrase naquela consola, que sen acadar un grande éxito comercial no mercado europeo, sentou as bases para que a súa sucesora chegase a  ser a némese da todopoderosa PlayStation.

Déixovos coa selección deste redactor. (Non sen antes repetir o recoñecemento da subxectividade implícita en toda lista destas características.)
Ler o resto da entrada »