Os 10 mellores xogos de Wii

Por: Sábado, 23 de Xuño de 2012, 15:03 5 COMENTARIOS

Seguindo a mesma estela que fixen coas consolas de Sony e Microsoft agora tócalle o turno á famosa Wii de Nintendo. Deste xeito intentarei facer unha selección dos que para min son dez xogos imprescindíbeis desta consola.

Quixera matizar que quizais fose a consola que máis me custou encontrar os dez mellores, xa que Nintendo centrouse case en exclusiva aos casual-gamers e honestamente, os xogos que van dirixidos a este tipo de xogadores nunca chegan sequera ao aprobado.

De todos os xeitos existen xogos moi bos, só hai que saber buscar,aínda que como xa dixen en varias ocasións a calidade dos xogos de Nintendo case na súa totalidade resúmense en dúas palabras, Shigeru Miyamoto.

Comecemos pois co ránking:

Ler o resto da entrada »

Seguindo o fío das últimas entradas feitas polo compañeiro Skaltum coas listas dos mellores xogos para PS3 e Xbox 360, hoxe póñome sentimental lembrando a que sería a miña lista persoal cos mellores xogos que pasaron pola miña Super Nintendo e dos que algúns aínda conservo os cartuchos e outros que me prestaron e gustaríame moito chegar a conseguir algún día.

Ler o resto da entrada »

Os 10 mellores xogos da PS3

Por: Xoves, 21 de Xuño de 2012, 14:32 5 COMENTARIOS

Agora tócalle o momento á Playstation 3, polo tanto realizarei o top 10 dos mellores xogos da consola de Sony.

Como fixen anteriormente coa consola de Microsoft, intenterei mencionar aquí os dez mellores títulos do catálogo de PS3. Como sempre xa sabedes, todo opinións persoais, para gustos cores, e bla bla.

O problema recae en que moitos dos videoxogos desta xeración son multiplataforma polo que tamén se poden atopar en varias consolas, de todos os xeitos pretenderei comentar algunas das exclusividades.

Ler o resto da entrada »

Os 10 mellores xogos de XBOX 360

Por: Martes, 19 de Xuño de 2012, 17:45 2 COMENTARIOS

A partires de agora realizarei un pequeno ránking sobre os dez mellores xogos das consolas desta xeración. Comezarei mencionando os dez mellores xogos da consola de Microsoft, dez xoias que ninguén debería deixar de xogar na Xbox 360.

Pero antes de comezar a enumerar ningún título debo deixar ben claro que isto é unha opinión totalmente persoal, e que cada xogador ten as súas preferenzas, incluso haberá xente que desfrute dos Dinasty Warriors, porque claro está que ten que haber de todo neste mundo.

Dito isto comezarei coa lista de como mínimo imprescindíbeis na consola de Microsoft.

Ler o resto da entrada »

[A historia que contamos a seguir non é real. É unha lenda urbana creada por Jadusable para comprobar cal sería a reacción da xente. Podes ver como o autor foi desenvolvendo a historia neste foro (en inglés), onde conta todo o que lle vai acontecendo despois de comprar o cartucho maldito. Nós soubemos da historia grazas a NintendoPlus, quen a compartiu orixinalmente no Google+].

O curioso caso aconteceu en 2010, máis precisamente entre os días 7 e 15 de setembro. Un xogador coñecido apenas como Jadusable narrou a súa historia por medio de notas que escribiu nun foro, falando sobre un cartucho do Majora’s Mask enmeigado.

Jadusable conta que gañou unha Nintendo 64 dun amigo e saíu pola veciñanza en busca de cartuchos para a consola. Encontrou alguns á venda en bazares até que encontrou un señor de aparencia estraña cunha mesa chea de cousas á venda, que lle ofreceu de balde un cartucho sen rótulo. Só tiña escrito “Majora” con bolígrafo. O vello estraño dixo que o xogo pertencia a un rapaz que xa non moraba alí.

Cando chegou ao seu cuarto (Jadusable vivía nunha residencia de estudantes), probou o xogo e encontrou unha antiga partida gardada co nome “BEN”, que xa estaba perto da fin do xogo. Jadusable decidiu manter a partida como mostra de respecto ao último dono do cartucho e iniciou a súa propia aventura co nome de “Link”.
Ler o resto da entrada »

Xogo ZombiU, adiviñades de que vai? (Fonte: http://www.ultimocontinue.com)

Ben sei que todos vós vistes a conferencia de Nintendo desde a nosa web e que seguistes ferventemente os nosos tweets, mais mesmo así vouvos facer aquí un resumo do que foi a conferencia da Nintendo.

Sorpresas, novidades, dispositivos revolucionarios e unha mudanza no futuro dos videoxogos. Iso é, basicamente, o que non vimos nesta conferencia de Nintendo. Non vamos negar que a Wii U está ben e pode ser moi interesante, mais Nintendo non mostrou nada que non esperásemos dela. E máis aínda despois do Nintendo Direct, onde vimos xa todo o que esta nova consola tiña a mostrarnos.

Todo comezou co carismático Shigeru Miyamoto presentando un xogo co que se vía francamente ilusionado, o Pikmin 3. 4 líderes para manexar, o novo tipo de Pikmin, Rock Pikmin(Pikmin Rocha) e un sistema de xogo misturando WiiMote e WiiU GamePad.

A Wii U, como tal, pretende revolucionar o noso salón. Nintendo dixo que a consola era baseada en tres piares: Xogos, social e entretemento. No apartado xogos mostrou 23 novos xogos da Wii U, no apartado social temos o seu xa coñecido Miiverse (que significa Mii Universe) e no apartado entretemento temos Netflix, Youtube, Amazon… servizos de vídeo baixo demanda, vaia. Nada que non esperásemos dela, e realmente nada que non teñan en maior ou menos medida as súas actuais competidoras. Ah! E cada WiiU poderá soportar 2 WiiU GamePads simultaneamente, aínda que non mostraron ningún xogo onde se xogase deste xeito.

Ler o resto da entrada »

[E3] Nintendo Direct Pre E3 2012

Por: Luns, 4 de Xuño de 2012, 1:29 1 COMENTARIO

Como saberedes, Nintendo acaba de dar unha conferencia vía streaming para aquecer os motores da E3 2012. Desde o Twitter de Memoria Pixelada retransmitímola ao vivo para que puidésedes seguir todas as novidades. Aínda así, ben sabemos que moitos de vós estabades ocupados a celebrar outra caste de eventos, polo que vos traemos aquí o vídeo e os aspectos máis resaltábeis, que poderedes ver se continuades a ler…
Ler o resto da entrada »

Guía do E3 2012

Por: Xoves, 31 de Maio de 2012, 16:56 COMENTAR

Como todos saberedes no día 5 de xuño comeza o que probabelmente sexa o evento máis importante a nivel mundial na industria dos videoxogos. Estou a falar, é claro, do E3. Moitas conferencias, presentacións, novidades, revolucións… como non perder nada do que alí aconteza?

Pega a túa axenda e continúa a ler, porque vos imos preparar para todo o que vén aí!
Ler o resto da entrada »

A historia de RARE en vídeo

Por: Martes, 8 de Maio de 2012, 11:17 COMENTAR

Fai un tempo que Rareware (RARE) era unha das compañías de videxogos máis importantes do mundo dos videoxogos, pero como cambian os tempos que actualmente realizan… como dicilo sen chorar…ehhh, realizan minixogos para Kinect.

Pero non debemos quedar con isto e recordar a RARE cando verdadeiramente nos facían desfrutar de grandes obras de arte.

Recordemos que levan o selo de RARE títulos como Donkey Kong Country, Goldeneye 007 ou Banjo Tooie (para min o mellor plataformas en 3D da historia). Como vedes a compañía creada polos irmáns Stamper foi un sinónimo de calidade, de feito eran pioneiros en exprimir sempre a calidade gráfica da época.

Estes irmáns fundaron Ultimate Play the Game, empresa que venderon para crear o que foi RARE. Pouco despois uníronse á Nintendo para poñerse ao cargo de series como Donkey Kong que supuxeron un gran salto para a compañía nipona.

A partires de aquí e nos seguintes anos, personalmente até a Nintendo 64 non pararon de dar alegrías aos que desfrutamos dos bos videoxogos con títulos verdadeiramente sorprendentes, por isto mesmo agora doe que rematasen realizando pseudoxogos para Kinect.

Pero para que teñades unha idea mellor sobre esta gran compañía podedes ver este repaso da historia de RARE en cinco vídeos de dez minutos cada un. Están en inglés pero son unha gran fonte de nostalxia e son vídeos moi interesantes.

Anímovos a que lle botedes un ollo.

Ler o resto da entrada »

O deseño de videoxogos é unha actividade en crecemento continuo durante os últimos anos, non sería estraño que algúns dos lectores de Memoria Pixelada esteades a sopesar esa posibilidade. Moitos dos grupos noveis que decidiron dedicarse a desenvolver videoxogos optaron por comezaren coa aventura gráfica por ser un xénero en aparencia máis accesíbel. Hai diferentes ferramentas que simplifican moito a creación, como o AGS, o Wintermute ou o Visionaire Studio, que permiten realizar aventuras partindo de coñecementos mínimos en programación. Mais detrás de todas esas facilidades respecto a outros xéneros, é unha maneira de contar historias moi específica que precisa do estudio das súas particularidades para conseguir deseños que acaden un mínimo de calidade.

A elaboración dunha aventura é un labor multidisciplinar, algunhas partes son comúns aos demais xéneros e outras caracterizan o que nos ocupa, como o deseño de crebacabezas. Uns meses atrás rematei un documento sobre o deseño de crebacabezas na aventura, elaborado de maneira intermitente durante varios anos. Consta dunha trintena de páxinas que serven de introdución a unha disciplina tan complexa como apaixonante. A documentación é escasa e apenas existe alén da lingua inglesa, tratando sempre o tema de maneira moi superficial. Neste caso penétrase algo máis sen intencións de supoñer unha teoría completa do crebacabezas, algo que cae fóra das miñas posibilidades e que requiriría de centos de páxinas.

A aventura é un xénero que se atopa estancado, nunha época de pouca experimentación, apoiándose nunhas bases deturpadas. Se estades a pensar en deseñar outro tipo de videoxogos pero queredes iniciarvos na aventura por resultarvos máis accesíbel, o meu consello é que non o fagades, que deseñedes dende o principio os xogos que queirades facer; mais se aínda así algún de vós quere deseñar aventuras ou simplemente sente curiosidade polo medio narrativo, este documento pode resultar un útil punto de partida. O crebacabezas de aventura non ten nada que ver cos minixogos ou os enigmas de caderno de pasatempos tipo Professor Layton, aínda que a propia dexeneración da disciplina contribuíse a esvaecer un concepto de crebacabezas de seu que se tenta explorar nestas liñas. Tedes o documento dispoñíbel tanto en PDF como no formato de código aberto e universal, EPUB, adaptado para os lectores de libros electrónicos de seis pulgadas, mais co Calibre (software multiplataforma e en galego) podédelo converter de maneira moi sinxela ao formato que utilice o voso e-reader.

Pica na imaxe para descargar o documento en formato EPUB.

Pica na imaxe para descargar o documento en formato PDF.

Segundo anunciou recentemente a empresa Turn 10, en maio estará dispoñible un pack de coches da famosa marca alemana Porsche.

Dan Greenawalt, Director Creativo de Turn 10, sobre o pack de expansión: “O vindeiro paquete de expansión de Porsche para o Forza Motorsport 4 son grandes novas para os fans das carreiras e estou encantado de que fosemos capaces de traballar conxuntamente con EA para chegar a un acordo que trae unha das marcas máis icónicas do mundo do automóvil de novo a Forza 4.”

Tal e como vos informabamos anteriormente, por unha suposta intervención de Electronic Arts (propietaria dos dereitos da marca Porsche), tiveron que retirar os coches desta marca do Forza Motorsport 4.

Dentro deste DLC, incluirá 30 coches, 7 deles nunca vistos nas entregas anteriores do Forza Motorsport.
A maiores teremos dispoñibles 20 novos eventos centrados na marca, así como 10 novos logros por un total de 250 G. Tamén se engadirán novos eventos no “Modo rivais”, co que poder competir cos teus amigos ou xente de todo o mundo.

O paquete de coches estará dispoñible vindeiro para descargar o vindeiro 22 de maio por 1600 Microsoft Points.

“Agora definiremos o que é a boa ciencia ficción. A desfiguración conceptual (a idea nova, en outras palabras) debe ser autenticamente nova, ou unha nova variación sobre outra anterior, e ten que estimular o intelecto do lector; ten que invadir a súa mente e abrila á posibilidade de algo que até entón non imaxinara”
Philip K Dick

Boa ciencia ficción; que difícil de definir!. Até o mestre Philip K Dick expresouno en verbas ambiguas e pouco concretas.

Non existe, é certo, un esquema métrico para valorar a calidade das cosmoloxías que nos chegaron a través de diferentes medios (cine ou literatura, fundamentalmente) durante as últimas décadas –ou séculos-; aínda por mais que os vacilantes canons culturais de cada momento intentasen poñelas sobre unha gráfica cualitativa inmutábel que obviamente non fixo outra cousa que moverse.

Non podemos, e para min é obvio, definir grados cualitativos globais e universalmente aceptados da calidade de cada unha destas obras, pero si podemos, coma ben sinalaba o señor Dick, recoñecer a existencia de algo como é “a boa ciencia ficción”. Mais en que se concreta iso?.
Ler o resto da entrada »