psxconsole

Celebro que polo maduro e xornalístico método do “me-lo-pido” teña recaído en min a tarefa de facer este racconto dunha máquina tan especial como foi a gris de Sony. Con independencia das preferencias individuais, tan sacrosantas e incuestionábeis para cada un, non cabe dúbida de que PSX marcou un antes e un despois na industria que para moitos aconteceu tamén no persoal. O salto aos 32 bits trouxo consigo unha apertura temática, a irrupción de novos e interesantes prantexamentos, así coma o nacemento de sagas que aínda hoxe figuran entre os titáns do mundo dos videoxogos.

Antes de comezar coa lista, (e en previsión de que alguén leve as mans á cabeza e/ou decida facerme vudú), quero lembrar que para Playstation saíron miles de xogos, moitos deles dun nivel asombroso, e que a pesar do lapidario título de este artigo non existe maneira obxectiva algúnha de catalogar todo iso segundo criterios cualitativos. Quero especificar tamén que algúns dos mellores xogos de Playstation non chegaron a ver a luz en Europa, polo que considerei que debía excluílos a propósitos desta lista (penso, por exemplo, no brillante “Chrono Cross”, que inexplicablemente nunca chegou ás nosas tendas). Por último, e antes de que cambiedes de emisora, dicer que precisamente por ese nutridísimo catálogo de xogos e pola dificuldade de selecionar só 10 títulos, hai unha vontade consciente de non repetir títulos das mesmas sagas. O porqué aparece logo unha entrega que algúns poidades considerar inferior a outras cae no antes enunciado terreo da subxectividade de todo artigo.

Esta é, logo, a selección deste redactor.

Ler o resto da entrada »

Memoria Pixelada 3.0

Por: Mércores, 20 de Febreiro de 2013, 23:55 2 COMENTARIOS

Hai hoxe case catro anos andaba a buscar pola rede algún web en galego que se dedicase exclusivamente a informar sobre o mundo dos videoxogos. Ao non obter ningún resultado positivo decidín encamiñar a miña aventura a través dun nome, Memoria Pixelada.

Non foi sinxelo. Atopábame só, nun mundo que descoñecía e pretendendo que as miñas palabras chegasen máis aló do cuarto da miña habitación.

Dende aquelas moitas cousas cambiaron, entre elas os diferentes redeseños que sufriu a páxina durante a nosa viaxe.

Recordo a primeira aparencia de Memoria Pixelada, unha “plantilla” predeterminada de blog típica, baleira, sen demasiadas aspiracións. Mais por cousa do azar dei cunha persoa que me colleu o blog e lle deu un cambio radical. Esta persoa era Marcus Fernández, webmaster de Código Cero e gran motivador para que seguise adiante coa páxina (con entrevista incluída).

Daquela Memoria Pixelada quedaba así:

Se recordades este deseño podédesvos considerar verdadeiros seguidores do web. Mais a evolución non facía máis que comezar. Comezaba abrirse un mundo que nunca imaxinei.

Gran parte de culpa ven a través do primeiro colaborador de Memoria Pixelada. AmilGZ chegou, e con el as novas formas de márketing. Deste xeito a páxina comezou a verse por todas as redes sociais, novos apartados, novas ideas.

O tempo avanzaba e sabiamos que pouco a pouco iamos fidelizando algún lector. Comezamos a ver comentarios e a nosa ligazón noutros sitios web. A ilusión apoderábase de min e do que estaba a acontecer.

Memoria Pixelada foi medrando cada vez máis, sobre todo na familia e máis colaboradores se adentraron nesta aventura pixelada.

O segundo gran redeseño da páxina veu acompañado dun novo dominio e aloxamento web. Aquí quero facer unha paréntese para dar enormes grazas a Marcos Dacosta, por ofrecernos un dominio e a posibilidade de que Memoria Pixelada se oficializase, por dicilo dalgunha maneira. E tamén a Dinahosting, que nos ofrecen unha oferta de aloxamento excepcional e apoian o noso proxecto.

Pero non queríamos obter un dominio e deixar os usuarios sen máis, eles merecían algo mellor. Para iso, Memoria Pixelada sufriu unha nova transformación. AmilGZ foi o iniciante deste novo deseño, mais pouco despois descubrimos a un nome clave e actual técnico da páxina, NetOverflow.

Os dedos máxicos de Net comezaron a realizar modificacións: versións de como quedaría mellor a páxina, máis apartados e por vez primeira vez comezamos a puntuar videoxogos, grazas a un puntuador creado por el mesmo. Como dixen, Memoria Pixelada medraba, tanto que chegamos a ser oito colaboradores cun deseño que vos será familiar:

Mais agora chegamos a un punto de inflexión en Memoria Pixelada, un terceiro redeseño completamente novo saído dos dedos de Net. E igual que unha serpe muda de pel, para que a seguinte saia con máis forza, teño o gusto de presentarvos o novo deseño de Memoria Pixelada.

Esta nova versión trae múltiplas novidades. E non só no apartado gráfico, onde temos que agradecer a Gonzalo Sardón o deseño do novo logo de Memoria Pixelada, senón a nivel profesional.

Dunha banda o apartado “Frikimaxes” desaparece para dar lugar ás Imaxes e Vídeos pixelados, onde continuaremos a colocar as imaxes e vídeos máis curiosos do mundo, pero cunha distribución moito máis cómoda para ler.

Na marxe dereita podedes observar o apartado de Mini-novas, onde veredes todas aquelas novidades que non precisan demasiada presentación. Deste xeito asegurámonos que o web nunca quede paralizado e o dinamismo sexa diario.

Tamén cómpre destacar que por vez primeira vós, todas as persoas que nos ledes, poderedes puntuar os videoxogos que analicemos. Porque tamén queremos saber a vosa opinión. Isto é grazas ao novo puntuador creado desde cero por Net, moito máis dinámico e visual para a páxina.

Porén non terminan aquí as novas, senón que redeseñamos completamente a versión móbil da páxina, cun aspecto moito máis serio e funcional, corrixindo erros anteriores e ofrecendo a posibilidade de seguir Memoria Pixelada dende calquera lugar.

Finalmente, só me resta darvos a benvida á nova Memoria Pixelada e agradecervos que nos sigades día a día. Porque vós, as persoas que nos ledes, sodes quen dá azos que o noso proxecto continúe adiante día tras día. Esperamos que vos guste.

P.S: Como calquera novo redeseño poida que exista algún pequeno erro que nós pasásemos por alto. Se vós o vistes, por favor, póndevos en contacto connosco para corrixilo o máis cedo posíbel.

Algunha vez quixeches tocar un piano de bananas? Ou xogar ao Super Mario Bros. cun control feito de plastilina? Ou mesmo usar membros da túa familia (ou seres humanos en xeral) como botóns para controlar o teu computador? Pois dúas cousas: primeiro, iso é un pouco estraño, se cadra precisabas axuda profesional; e segundo… estás de sorte!

Todo comezou cunha idea de Jay Silver, que decidiu botar man do KickStarter para financiar o proxecto (foi nese web e non noutro, non vos vaiades crowfundir). O que era unha idea tola para a que precisaba 25.000$ acabou por recadar 568.106$ e virar un proxecto serio e real. E agora, meses despois, xa está todo pronto para que poidas comprar o xenial invento por apenas 49,95$ (máis 5,95$ de gastos de envio á Galiza).

Web do produto | http://www.makeymakey.com/
Comprar | http://joylabz.myshopify.com/products/makey-makey-kit

Como trocar a batería dun cartucho da SNES

Por: Sábado, 26 de Xaneiro de 2013, 15:58 COMENTAR

Como saberedes (e se non xa volo digo eu) os cartuchos da SNES usan unha pequena batería para gardar os datos da partida. Mais claro, a SNES lanzouse na Europa hai 21 anos, e as baterías non duran eternamente. Entón… que facer se tes un xogo antigo que xa non garda a partida?

Vamos sacar o McGyver que levamos dentro! Precisamos unha batería CR2032 (destas como as dos reloxos), un desaparafusador especial para cartuchos de Nintendo, fita illante, unha coitela e, opcionalmente, unha beberaxe que acougue os teus ánimos e tempere o teu pulso.

Todas as instrucións (en inglés), con moitas imaxes, están na ligazón a seguir: http://motherboard.vice.com/blog/pictures-how-to-replace-an-snes-cartridge-save-game-battery

Todo comezou cun rapaz que queria facer un regalo de aniversario a un amigo. Como tiña certa experiencia en modificar aparellos electrónicos, pensou… por que non facer unha Game Boy que poida emular xogos de Game Boy, Game Boy Color, Game Boy Advance, Master System, NES, SNES, Neo Geo e demais consolas retro?

Si, hai pouco falamos de como tornar a túa Game Boy nun gamepad para Android, mais este rapaz vai moito máis alén. O que por fóra é unha Game Boy Classic, por dentro é unha Dingoo A330, con conexión á televisión, conexión sen fíos, porto USB, lector de mini SD e batería recargábel. Quen non querería ter un amigo que che fixese estes regalazos?

Podes ver as instrucións do proceso, con moitas fotos, na seguinte ligazón: http://casingthejoint.wordpress.com/gameboo/

Vía | Microsiervos

Transforma unha Game Boy nun gamepad para Android

Por: Venres, 11 de Xaneiro de 2013, 22:55 COMENTAR

Moitas de vós teredes pola casa unha Game Boy Classic (tamén coñecida como Game Boy Tixolo ou Game Boy Tocha). E probabelmente non funcione, ou simplemente xa estea obsoleta e non a queirades para nada. Pois… por que non transformala nun gamepad para poder xogar co teu Android?

Esa foi a idea de Chad Boughton, quen deu en facelo e describir o proceso no web Instructables. Que se precisa? Pois unha Game Boy, un Wii Mote, unha carcasa ríxida para soster o teu móbil con Android e o aplicativo Wii Controller IME ou outro semellante. Ah! E un pouco de xeitiño!

Podes ler as instrucións do proceso todo nesta ligazón: http://www.instructables.com/id/Game-Boy-Android-Gamepad/

Se hai unha saga que colleitou éxitos nesta xeración esa foi a saga Assassin´s Creed, cinco xogos para as consolas maiores e dúas para portábeis (lights) foron aclamadas polo público dende que saíu e sorprendeu aquela primeira entrega de Assassin´s Creed.

Pois ben, a excepción da última entrega de PS Vita xoguei a todos e cada un dos títulos e o meu interese por eles foi diminuíndo cada vez máis e máis até ser incapaz de chegar ao final destes últimos títulos.

O primeiro Assassin´s Creed paseino pese a todos os seus erros, o segundo recordo xogar moitas horas pero acabar aburríndome, o terceiro xogo apenas xoguei dez horas e o cuarto un tanto do mesmo, e o quinto xogo que chegou fai uns días baixo o nome de Assassin´s Creed 3 probeino un par de horas e moito me da o corpo que non o vou volver a tocar.

Pois despois de ver todas as excelentes críticas que está a recibir esta saga decidín escribir este pequeno artigo enumerando e explicando as cinco cousas que fan que non me guste a saga Assassin´s Creed.

Ler o resto da entrada »

Escoita con atención

Por: Domingo, 18 de Novembro de 2012, 19:55 COMENTAR

Por todos é ben sabido que os temas musicais en 8 e 16 bits eran en moitas ocasións composicións complexas que ven poderían ser asinadas polo mesmiño Mozart. E sen esaxerar, por grandes compositores do noso tempo. O que está claro é que estas pezas das que falo non son as típicas melodías para “pasa-lo grolo” por parte dos programadores que ben poderían darse tendo en conta o apartado visual dos xogos da época, que era primario e baixo recursos de hardware limitados. A diferenza entre os gráficos e o son era, nos mellores casos, como o do día e a noite. O malo é que esta calidade musical pasaba desapercibida ou máis ben menosprezada. Sen ir máis lonxe, aos mandos dunha NES levando a Mario polo mundo dos cogomelos, escoitabamos unha doce e harmoniosa musiquiña que acompañaba os brincos e as carreiras do fontaneiro pero que quizais non era ben comprendida en toda a súa magnitude, asemellando, se non lle prestabamos atención dabondo, sons “tintineantes” un detrás doutro sen moita complicación. E tampouco é cousa de criticar ao xogador por iso, pero si que merece que deamos outra oportunidade ao concepto que quero transmitir e vexamos un exemplo práctico. Nesta ocasión, preséntovos un vídeo no que un seguidor dos xogos clásicos  interpreta ao teclado as músicas do xogo Ice Climber, un clásico entre clásicos para a NES de Nintendo. Non o tentedes na casa a non ser que dispoñades de horas e horas para ensaiar.

 

A duración dos videoxogos como estratexia

Por: Mércores, 8 de Agosto de 2012, 13:32 2 COMENTARIOS

Moito teño pensado sobre a duración nos videoxogos, realmente debemos valorar positivamente un xogo excesivamente longo?, pois como acontece sempre depende de toda unha serie de factores que deberían ter moi en conta os seus deseñadores e que desgraciadamente pasan por alto da maneira máis doada, a monotonía.

Ler o resto da entrada »

O segundo capítulo só será dobrado ao galego se chegan ao seu obxectivo

A compañía coruñesa Gato Salvaje é a primeira empresa galega en acceder á plataforma de financiamento en masa Kirckstarter. Que é iso do financiamento en masa/microfinanciamento/crowdfunding? Un grupo desenvolvedor presenta o seu proxecto e os propios usuarios finais dese xogo son os que deciden se achegar os fondos necesarios para a súa realización. Ese grupo fixa o obxectivo económico (tamén pode establecer sub-obxectivos a maiores) e o tipo de recompensas —canto maior sexa a achega do usuario, terá acceso a maiores recompensas—, habendo un límite de tempo para cada campaña. Se non se chega a cando menos o 100% de financiamento, esas doazóns non se fan efectivas.

Para AR-K, Gato Salvaje fixou 150 mil dólares como obxectivo para poder financiar o que resta da aventura episódica, tendo a posibilidade de traducila a máis idiomas e levala a outras plataformas. A achega mínima é de 10 dólares, dando dereito á descarga dixital dos dous primeiros capítulos (dicir que actualmente só o primeiro episodio vale xa máis, 10 euros), por 20 xa teriamos dereito á descarga da serie completa (4 episodios) e por doazóns maiores comezarían os extras, banda sonora, Making of, merchandising, a posibilidade de ser un personaxe do xogo, unha viaxe… teñen un mes escaso para conseguilo.

Ler o resto da entrada »

Os 10 mellores xogos de Nintendo DS

Por: Mércores, 4 de Xullo de 2012, 14:08 2 COMENTARIOS

Continuemos co ránking dos mellores xogos das consolas actuais,como ben sabedes sempre dende a miña visión particular. Agora é o momento de pasar ás portábel de Nintendo e comezarei cunha das consolas máis vendidas desta xeración, a Nintendo DS.

Aquí os dez xogos que non debedes deixar pasar á lixeira:

Ler o resto da entrada »

Os 10 mellores xogos de PSP

Por: Xoves, 28 de Xuño de 2012, 16:49 COMENTAR

A continuación propóñovos un listado dos 10 mellores xogos para PSP, como xa é habitual, estes top 10 son moi relativos xa que pode variar moito segundo o gusto das persoas.

De todos os xeitos seleccionei algúns dos imprescindíbeis da PSP, dez UMDs que todos que tedes unha destas consolas debedes probar.
Se credes que algún xogo de PSP debe estar no listado e non o atopades non tedes máis que comentalo para compartilo co resto de usuarios.

A continuación o listado dos 10 mellores xogos para PSP

Ler o resto da entrada »