e3-2013-ms-600x300

Por se non puidestes ver en directo a conferencia, nin seguido polo noso Twitter, aquí vos fago un breve resumo do que anunciaron os de Microsoft.

Primeiro dicir que sorprende que cumplisen coa promesa de centrarse case en exclusiva na presentación de videoxogos, pero así foi, mais antes de amosarvos os títulos comentarei os poucos aspectos alonxados dos videoxogos que se presentaron.

O punto máis importante: Data e prezo.

Cando pensabamos que nos ían deixar sen esta información, na recta final desvelaron o prezo e data de lanzamento. A Xbox One custará 499€ e sairá en novembro. A verdade, todos os rumores apuntaban a este prezo polo que non sorprende demasiado, outra cousa é se estás disposto a gastalos coas “trabas” que ten, iso é a vontade de cada un.

Outra das noticias que sorprendeu foi o lanzamento dunha nova Xbox 360 máis pequena e delgada. Non anunciaron prezo, áinda que si dixeron que estaría nas tendas dende xa. Está claro que a mensaxe foi que non abandonarán a Xbox 360 así como así, e paréceme un movemento intelixente tendo en conta a sucesora…

Tamén fixeron algunha que outra demostración con tablets e as Smartglasses, mais nada que non fose eclipsado pola presentación de videoxogos que procederei a enumerar.

Comezaron cun tráiler con gameplay do Metal Gear Solid V: The Phantom Pain, que tamén sairá en Xbox One. Aquí tedes o vídeo, como podedes comprobar dalle máis importancia á liberdade de acción.

Despois disto deron un paso atrás presentando unha serie de xogos exclusivos pero que pasaron totalmente desapercibidos. A medida que vaian chegando os vídeos e tráilers iremos amosándovos máis. Os xogos eran:

Kinect Sports Rivals creado por Rare, World of Tanks que terá unha versión para Xbox 360, Max the Curse of Brotherhood (un plataformes aparentemente infantil), Minecraft coa súa versión para Xbox One, D4 (un título do que apenas se sabe nada pero ergueu aplausos por estar realizado por Swery, creador de Deadly Premonition) e Project Spark (un título de construción que sairá para Xbox One e Windows 8).

Quizais me equivoque mais estes xogos que acabo de mencionar e que penso que a maioría son exclusivos non destacan en comparación cos grandes anuncios que se levaron a cabo e os que vou facer mención a partires de agora:

Un dos títulos que mellor sabor de boca deixou foi Rysen:Son of Rome, título desenvolvido por Crytek e que nos mete na pel dun romano. Non vou dicir nada, abonda con ver o seguinte vídeo.

Outra das sorpresas foi Sunset Overdrive, un xogo dos creadores de Ratchet and Clank no que nos sumerxe na pel dun deportista de parkour pero que á súa vez debe loitar contra todo tipo de bechos. Pinta ben.

Killer Instinct tamén se deixou ver nesta presentación (si, este era o título que rescataría RARE)

O título de condución por excelencia de Microsoft sempre foi a saga Forza e a quinta entrega anunciárona con este gameplay:

Pero se houbo un xogo que levantase expectacións nesta presentación, esa foi Dead Rising 3, e non só porque será exclusivo de Xbox One, senón porque polo que podemos ver será máis serio que as dúas entregas anteriores:

E seguimos con terceiras partes, xa que The Witcher 3 tamén foi anunciado con este vídeo:

Se recordades, no anterior evento de Microsoft houbo un xogo que marcou a todos os xogadores, Quanum Break, pois ben, como era obvio non ía faltar á cita, e non só iso, senón que chega cun tráiler prometedor:

Battlefield 4 tampouco faltou neste evento e aínda que polo que se pode ver o espectáculo intenta primar ante todo, non chega a sorprender, ou polo menos a min.

E como non, o título por excelencia de Microsoft, un novo Halo foi anunciado baixo un enigmático e prometedor tráiler até que se soubo de quen se trataba:

Para rematar a conferencia decidiron amosar o videoxogo de Respawn, baixo o nome de Titanfall, un FPS nun mundo cheo de robots xigantes que deberemos facer fronte. Tampouco destaca demasiado nin innova en ningún punto concreto:

Estes foron os títulos que máis destacaron e que debo recalcar neste pequeno resumo. Non dubidedes en botarlle un ollo. Fáltanme pequenos vídeos que se dexaron ver como de Below (un pequeno videxogo do creador de Sword e Sorcery) ou Crimson Dragon, o desaparecido xogo de dragóns, pero os que xogos que máis van dar que falar nos próximos días son os mencionados.

Preview do E3 2013

Por: Mércores, 5 de Xuño de 2013, 10:00 COMENTAR

e3 outro

Falta unha semaniña para que de comezo o E3 deste ano e os continuos rumores sobre os posíbeis títulos que se presentarán comezan a invadir a rede. En Memoria Pixelada quixemos facer un breve repaso sobre o que agardamos desta feira e achegarvos as opinións dalgúns colaboradores mentres quentamos motores para a cobertura que vos imos ofrecer:

Ler o resto da entrada »

«No 1º de abril van os burros onde non deben ir»

Este artigo foi unha brincadeira do Día dos Enganos. Todo o que di é inventado.

 
ccultura1

A Fundación Cidade da Cultura de Galicia vén de anunciar que a presentación oficial da nova videoconsola de Sony, terá lugar na capital galega. Despois de aprobar a paralización definitiva das obras no Parlamento Galego, o conselleiro de Cultura, Anxo Lorenzo, presenta esta nova como «un pulo para demostrar a utilidade da Cidade da Cultura ante aqueles que só souberon criticala».

A pesar dos ataques da oposición, a CdC demostra unha vez máis ser todo un referente grazas a empresas como Sony.

— Anxo M. Lorenzo (@alorenzo64)

Desde Sony aínda non houbo un pronunciamento oficial, mais na web estadounidense GameSpot adiantan os motivos. Os executivos da Sony ven cada vez máis importante o mercado europeo, dado o esmagador triunfo de Nintendo no Xapón e de Microsoft nos EUA. «Que a presentación ía ser en Europa non sorprende a ninguén», comentan desde GameSpot. Mais… por que Compostela e non outra capital europea? Máis unha vez, a dita web apunta que «o Camiño de Santiago sempre foi un punto de unión para os europeos, unha metáfora perfecta para definir a súa nova política de márketing».

O novo control da PS4, presentado o 20 de febreiro no PlayStation Meeting

O novo control da PS4, presentado o 20 de febreiro no PlayStation Meeting, do que demos parte desde esta web.

Pola súa banda, A Mesa pola Normalización Lingüística xa encetou unha campaña para que Sony aproveite a conxuntura para «deixar de dar as costas á lingua e cultura de Galiza». O colectivo reclama a Sony que a interface da nova consola inclúa o galego entre as súas opcións, e que desde a empresa se promova a tradución dos xogos ao galego, «unha pexa na normalización da nosa lingua entre a mocidade».

Descoñécese aínda a data da presentación, así como os detalles da mesma, mais os rumores apuntan que será por volta de xuño. Espérase unha comunicación oficial de Sony ao longo desta semana. Pola nosa banda, desde Memoria Pixelada informaremos de todo o que vaiamos coñecendo, e tentaremos entrar en contacto con Sony para conseguir pases de prensa ao evento. Atendede ás novas que vaiamos anunciando polo Twitter.

Unha mala combinación ou…

Por: Domingo, 17 de Marzo de 2013, 18:03 COMENTAR

Se hai un clixé que se lle atribúe de sempre ao mundo dos videoxogos, e que coa actual xeración de consolas carece totalmente de sentido, é o da falta de sociabilidade e o illamento que as consolas producen a aqueles que adican o seu tempo de ocio a xogar con elas. Hoxe en día, as consolas (se contamos cunha conexión de banda ancha decente) ademais do seu uso tradicional, fornecen aos nosos salóns de accesos a catálogos de vídeo e música baixo demanda, aos vídeos do youtube ou mesmo ao canle de pago da NBA. Mais o que realmente rematou co tópico do xogador retraído foi o crecemento do xogo online e as redes sociais e plataformas que cada consola (ou mesmo algún xogo, coma os Halo e o seu Halo Waypoint) deseñaron para aproveitar este auxe.

Ler o resto da entrada »

thumb1280x1280_3302693914_413b530272_o

“O mais importante nun xogo de Rol é a historia e a narrativa”.

Jakub Rokosz (CDprojekt)

Cúmplese un ano do lanzamento de Mas Effect 3, e con el, da maior polémica que poda recordar en torno a un xogo. O interese desta polémica con ampla repercusión mediática foi aínda mais aló do da propia industria, saltando aos medios xeneralistas e xerando debates en torno ao concepto de propiedade artística e os dereitos dos consumidores.

Este é o primeiro artigo dunha serie de dous nos que analizamos todos estes aspectos. Nestas primeiras letras intentei evitar no posíbel os spoilers maiores, centrándome na repercusión social e mediática, e facéndo unha reflexión crítica das prácticas (tanto narrativas, como estrictamente comerciais) que puideron motivar a polémica. Contodo, o artigo contén algúns spoilers que considerei necesarios para perfilar este “racconto”… preveño antes de sufrir agresións físicas ou que alguén decida facerme vudú.

Que se abra o telón…

Ler o resto da entrada »

Mario vs Sonic

A estas alturas pensei que non facía ningunha falla dicir que Mario é mellor que Sonic, mais despois de ver como Amil GZ se quixo autoconvencer escribindo un artigo herexe contra Mario, véxome na obriga de comentar outras cinco cousiñas polas que o fontaneiro de Nintendo supera a un ourizo que corre.

Ler o resto da entrada »

mario_sonic

Todos sabemos que Sonic é mellor que Mario. É un feito. Sobra dicir nada máis. Aínda así, creo que é conveniente facer unha pequena listaxe para reafirmar a idea. Entón, aquí tendes, 5 razóns polas cales Sonic é mellor que Mario. Ler o resto da entrada »

Memoria Pixelada nos medios

Por: Sábado, 9 de Marzo de 2013, 20:07 1 COMENTARIO

Despois de case 4 anos de duro adestramento, Memoria Pixelada gañaba os seus últimos puntos de experiencia para subir de nivel e evolucionar. Así, o 21 de febreiro de 2012 Memoria Pixelada evolucionou en Memoria Pixelada 3.0. Unha nova aparencia, un novo logo, un novo estilo.

Desde o propio web, como é obvio, dedicamos unha nova a falar sobre esta nova etapa que comeza. Mais non fomos os únicos que se fixeron eco desta boa nova. E como os pixeleiros sómosvos xente moi ben educada, a modo de agradecemento, facemos mención a todos os medios que deron conta do noso redeseño.

E non podemos esquecernos de todos os webs que teñen ligazóns a Memoria Pixelada e de todas as persoas que nos len acotío e gustan, rechouchían e comentan os nosos artigos. Porque vós, desde o outro lado da pantalla, sodes quen dá sentido a este web.

link.coraçom

Grazas de corazón!

Os 10 mellores xogos de XBOX

Por: Martes, 5 de Marzo de 2013, 14:12 COMENTAR

Original_Xbox  A primeira consola de Microsoft foi unha máquina de grande importancia histórica, e non so pola irrupción neste mercado do xigante americano, senón polas pontes que tendeu entre as consolas e o PC, contribuíndo de xeito importante a que de aí en diante fose cada vez mais normal que sagas nacidas nun formato desen o salto “ao outro lado”. Un fenómeno que ademais iría moito mais aló de Xbox e da propria Microsoft, ao achegar progresivamente dous mundos que en tempos pareceran discurrir en realidades alternativas.

 Pois ben, hoxe a lista dos 10 xogos mais destacados céntrase naquela consola, que sen acadar un grande éxito comercial no mercado europeo, sentou as bases para que a súa sucesora chegase a  ser a némese da todopoderosa PlayStation.

Déixovos coa selección deste redactor. (Non sen antes repetir o recoñecemento da subxectividade implícita en toda lista destas características.)
Ler o resto da entrada »

pc

Como escoller videoxogos para facer unha lista cos 10 mellores dunha videoconsola xa é complicado, non digamos o que sería facelo coa enorme cantidade de títulos que hai para PC. É por isto que preferín facer a lista por sagas, no canto de títulos individuais.
Como sempre, esta é unha lista coa miña opinión persoal, polo que seguramente moitos de vós non esteades totalmente de acordo con ela. De ser así, non dubidedes en compartir con nós a que sería a vosa lista persoal coas 10 mellores sagas de videoxogos para PC. Pode que me esquecera dalgunha e hai algunha outra que me gustaría ter incluído, pero só podo escoller dez. Vamos alá:
Ler o resto da entrada »

Hackea a túa vella Game Boy cunha Raspberry Pi

Por: Xoves, 28 de Febreiro de 2013, 16:31 COMENTAR

img_20130201_1633251

En Memoria Pixelada xa vos mostramos como converter unha vella Game Boy estragada nun gamepad para Android, ou como construír dentro dela a consola portátil definitiva. Pois hoxe imos dar outra posibilidade máis, para que non vos queixedes. Hoxe imos usar unha Game Boy para crear unha carcasa para a Raspberry Pi.

Para quen non a coñeza, a Raspberry Pi é un pequeno computador do tamaño dun cartón de crédito, todo integrado nunha única placa. Ten a potencia dun smartphone e é moi moi simple. E é precisamente esa simpleza o que fai que sexa o obxecto máis amado polos amantes da programación. Se che entra a curiosidade, podes saber máis sobre ela no web oficial (en inglés).

Mais vaiamos ao tema, desde o web Hack a Day móstrannos como facer para introducir o trebello dentro da carcasa dunha Game Boy estragada. Trátase dun proxecto simple, só hai que baleirar a Game Boy e facer algún axuste na carcasa. Toda a información e imaxes está nesta páxina.

Lamentabelmente o autor deste hack tiña a pantalla da Game Boy estragada, polo que a substituiu por unha imaxe estática que colou ao cristal pola parte de dentro. Sería xenial poder ter unha Raspberry Pi dentro da Game Boy que funcionase realmente de xeito autónomo, coa súa propia pantalla e os botóns operativos, ou? Pois esa foi a idea do proxecto uXeBoy, de Daniel O’Shea, que podedes ver no vídeo a seguir.

A uXeBoy tentou facer unha campaña de crowfunding para ir adiante, mais lamentabemente non funcionou. Significa iso que debemos rendernos? Non, iso nunca!

Unha terceira persoa foi capaz de ir un paso máis alén e crear a xunción de Game Boy e Raspberry Pi definitiva: a GamePi. Un monstro portátil con 6 portos USB, unha saída HDMI, lector de cartóns de memoria SD, conexión á internet (con cable) e unha pantalla TFT a cor. Basicamente, un computador completo metido dentro dunha Game Boy Classic. Todo un soño para geeks.

Como podedes ver, construír unha GamePi é unha fazaña só apta para persoas verdadeiramente habilidosas. Tendes máis información sobre como construíla no foro oficial da Raspberry Pi (en inglés).

SupaBoy, a Super Nintendo portátil

Por: Martes, 26 de Febreiro de 2013, 12:29 COMENTAR

SNES.portátil

A SupaBoy permíteche xogar cartuchos orixinais da SNES nunha pantalla LCD de 3,5 polgadas. O seu deseño imita ao gamepad orixinal da Super Nintendo, incluíndo a cruceta os botóns frontais e os botóns laterais L e R. Tamén inclúe dous portos dianteiros que son compatíbeis cos mandos normais da SNES, e saída de audio e vídeo. Así até dous xogadores poderán xogar á SupaBoy nunha pantalla de TV.

Características:

  • Dous portos frontais de 7 pins para mandos cablados
  • Deseño imitando a un mando da SNES
  • Tamaño da pantalla (diagonal): 3,5 polgadas (8,89 cm)
  • Batería recargábel de ión litio con até 5 h de autonomía
  • Adaptador mini USB AC
  • Medidas: 8,5 x 4 x 1,5 polgadas (21,59 x 10,16 x 3,81 cm)
  • Peso: 11,5 onzas (326 g)
  • Son estéreo
  • Saída AV
  • Saída jack para auriculares
  • Control de volume axustábel
  • Funda incluída

Comprar | 79,99$ en Hyperkin.com