10 títulos aos que xogar este 2015

Por: Mércores, 7 de Xaneiro de 2015, 12:17 5 COMENTARIOS

Todos os anos por esta data miro o calendario de lanzamentos e decido cales serán os xogos de precio elevado, deixando en certa medida Steam a un lado, nos que gastarei os meus cartos, está claro que non vai haber nin tempo nin cartos para todos os que quixera así que aquí están os meus 10 do 2015.

 

The order: 1886

Comezamos esta recopilación 100% persoal do máis agardado para este 2015 que acaba de comezar falando de un dos dous xogos exclusivos que chegaran a PS4 este ano, en concreto este chegará o 20 de febreiro. The Order: 1886 é unha aventura de acción con ambientación steampunk onde as criaturas e monstruos están á orde do día. Un apartado gráfico á altura da nova xeración e o Londres da época victoriana sumado ao esforzo de Sony porque este sexa un dos xogos do ano entrante non parecen poucos alicientes para darlle canto menos unha oportunidade a esta obra.

 

The Legend of Zelda Wii U

Co nome aínda por confirmar The Legend of Zelda para Wii U será, cando saia, o primeiro achegamento de Link como parte de The Legend of Zelda para Wii U, xa que como sabedes este xa apareceu en Hyrule Warriors. Pouco se sabe de este xogo máis aló do que puidemos ver en trailers, sabemos que saerá este ano, que será compatible cos Amiibo e que conta cun coidado no detalle nunca antes visto por parte de Nintendo, esta será sen ningunha dúbida unha das grandes apostas da gran N, se non a máis importante. O digno sucesor das aventuras de Zelda para Wii U que todos agardamos.

 

Halo 5: Guardians

O segundo xogo da Saga do Reclamador e o décimo primeiro da franquicia chegará en outono para facer as delicias dos fieis seguidores de Microsoft que de seguro levan agardando por el dende a saída da Halo The Master Chief Collection. Nesta nova entrega descubriremos a Agent Locke, un novo protagonista que será acompañado por Arbiter de Halo 2, xuntos terán que darlle sentido á desaparición de Master Chief sendo Locke a persoa asignada coa tarefa de atopalo. Unha nova etapa da saga Halo exclusiva para Xbox One e case un obligado para calquer usuario desta plataforma.

 

Uncharted 4: A thief’s end

Si, pode que o teaser que tivemos a oportunidade de ver non fora todo o realista respecto ao resultado final do xogo que veremos en PS4, pero se por iso alguén ten dúbidas de que Naughty Dog, creadores de toda a saga Uncharted e The Last of Us, non vai estar a altura nesta despedida da saga é que aínda acaba de chegar ou non sabe moi ben como funciona a escena dos videoxogos actuais. E se ás enormes espectativas que temos lle sumamos o potencial que suma esta nova xeración, da que sabemos por The Last of Us Remastered que controlan bastante ben, non podemos senón pensar nun posible goty dende xa.

 

The Witcher 3: The wild hunt

Un dos xogos que puiden ver na pasada Gamergy, e digo ver porque tan só nos puxeron un gameplay, é esta terceira entrega de The Witcher que chega cargada de novidades. Este punto final as aventuras de Geralt of Rivia será a maior de todas as aventuras, grandes áreas abertas, nada de historia lineal, combates en tempo real e un impacto tanxible das nosas decisións no transcurso do xogo. Se sodes seguidores da saga saberedes de sobra que non son poucos cambios, se nunca escoitastedes falar dela tan só botádelle un ollo e deixadevos namorar por un dos videoxogos con mellor apariencia deste 2015.

 

Batman: Arkham Knight

De novo outra serie que non pode senón mellorar coa chegada da nova xeración. Batman Arkham Knight, obra de Rocksteady como toda a serie, será máis do mesmo que tanto gustou ata agora mellorando en todos os aspectos posibles, comezando por Gotham, que será máis amplo e datallado, e seguindo pola inclusión do sempre desexado Batmobile. Máis acción coa fluidez coa que esta saga nos ten acostumados ata o momento e sumando o amplo abanico de posibilidades que o Batmobile nos dará en batalla fai deste un xogo a desexar na nosa estantería este ano.

 

No man’s sky

Se tivera que destacar un sobre o resto nesta lista chea de secuelas e segundas partes é sen dúbida No man’s sky, en primeiro lugar por non ser nada do anteriormente citado e aínda así ser capaz de captar a nosa antención dende o pasado E3. E segundo porque é complicado imaxinar un xogo onde a transición entre estar explorando en primeira persoa ou disparando no espacio sexa tan natural que custe decatarse dela. Un universo enorme onde poder atoparse con outros xugadores, explorar e descubrir novos planetas e incluso poder nomealos. Tan grande vai ser o universo que dende Hello Games aseguran que vai ser imposible exploralo todo, xusto as palabras máxicas para querer pasar horas e días ata conseguilo.

 

Bloodborne

Bloodborne é outro exclusivo para PS4 dos creadores de Demon’s Souls. Ao igual que pasa con The Order: 1886 nesta aventura viaxaremos ao oscuro Londres da época victoriana onde, como pasaba na saga Souls, atoparemos un mapa que explorar, un online con toques que o fan distinto a maioría e uns enfrentamentos a vida ou morte que será onde se vexa o gran cambio deste xogo respecto aos predecesores. Bloodborne orientase a un enfrentamento máis ofensivo obligándonos a usar as novas armas e movementos. Unha sempre interesante volta a coñecida saga Souls.

 

Metal Gear Solid V: The Phantom Pain

Era inevitable que Hideo Kojima estivera nesta lista e, pese a que nos tentara despistar con ese teaser xogable de Silent Hills, obra que dirixe xunto con Guillermo del Toro, chamado P.T., estaba claro que a obra que chamaría a nosa atención sería esta quinta entrega de Metar Gear Solid. Pensar nun xogo de acción e infiltración sumado a Kojima Productions debe ser suficiente para que a maioría saiba que canto menos quere probar o que saia de aí pero se por riba vos digo que é o primeiro achegamento de este formato ao mundo aberto, algo que pretende renovar as bases da espionaxe en videoxogos, a espera vaise facer aínda máis longa.

 

Final Fantasy XV

Quizás o menos esperado para min por un simple motivo, nunca fun un fan de Final Fanatasy, pero ao mesmo tempo esto é o que fai que teña máis ganas que nunca de darlle unha oportunidade a este renacer desta serie de xogos. Esta nova entrega é un punto e a parte con novos deseños, mundo aberto, centrado nunha viaxe por estrada e con combates estilo Kingdom Hearts. Sen dúbida o momento de volver a darlle unha oportunidade.

Dead Island 2, Xenoblade Chronicles X, Star Citizen ou The Division, seguro que hai moitos que ti vas xogar este ano e que non mencionei, deixanos a túa lista de 10 xogos nos comentarios ou en calquera das nosas redes sociais e contribúe a esta lista.

Poucos dos que lean este título imaxinarán que me refiro a videoxogos mainstream para ordenadores. Alá polos afastados 80, cando as creacións videoxoguís se baseaban no cine, e non ó revés; cando esta industria era algo embrionario e as ideas frescas e algo inxenuas duns poucos (post) adolescentes, brillantes pero sen medios (factores hoxe en día etiquetados no Credo dos indies), os videoxogos se vendían en cintas de cassette.

Dinamic_anuncio_entebras

Certo é que en países coma o Xapón e os EUA xa había outros formatos e niveis de Industria substancialmente maiores, pero no Reino Unido (e un pouco máis ó Sur de Europa) máis do 80% do ocio electrónico se xestaba nas casas, con programadores e grafistas que tomaban bocatas de chourizo en vez de café, grafistas que usaban cadernos de papel cuadriculado en vez de complexos entornos GUI, xoves que intuían e evoluían as súas obras conforme avanzaba o seu desenvolvemento (ás veces sen apenas información técnica).

Sen plans de mercadotecnia ou de complexos plans de mercado. Case sempre ó amparo da economía paterna. Ata que algún selo de distribución se fixaba neles.

Algúns “puntas de lanza” chegaron a establecerse como membros do cadro de persoal asalariados e nun local físico, nalgunha das 4 grandes: Dinamic (dos irmáns Víctor e Snatcho Ruíz, e que despois de diversas crises posteriores e adaptacións ós saltos tecnolóxicos perdura ata hoxe en día como FX Interactive), Erbe/Topo Soft (creada e impulsada polo excantante de Fórmula V, e para min unha sorte de Steve Jobs hispano-perdoádeme o hype-, Paco Pastor), Ópera Soft (no que se atopaban mentes tan brillantes coma Gonzo Suárez, activo na industria ata hai “4 días”), Zigurat/Made in Spain (con fundadores totalmente autodidactas, e posteriormente recrutadora de freelances ata o colapso dos 8 Bits).

Opera_Soft_entebras

Outros traballaron para outros selos menores (a espectacular Dro, Zafiro, Proein, Mind Games España), pero en calquera caso e a pesar de que na moi frutífera produción había producións claramente amateurs e con graves carencias (aínda que non sempre por falta de responsabilidade ou gana, lembremos que as obras de animación e de ocio electrónico se consideraban infantís e insolventes); houbo xogos que destacaron pola súa validez ou pola orixinalidade (ceibes de filtros de censura, corsés de clasificación por idades ou do dirixismo dos “Briefings” doutros Sectores).

Foi unha época na que os xogos e o cómic se daban a man (incluso nos Packaging, contratando a ilustradores de tanto prestixio coma Carlos Giménez, Ciruelo Cabral, Alfonso Azpiri, Luis Royo -estes dous últimos con multitude de encargos no sector-). Era unha época na que a memoria RAM era un recurso a conservar, non había formatos gráficos estándar nin algoritmos de compresión de son coma o .MP3.

¿Onde foron todo eses pioneiros? Algúns non pasaron de programar uns poucos xogos, ata que marcharon á Universidade ou foron chamados a filas (sí, daquela había un Servizo Militar Obrigatorio); outros, traballaron nos florecentes novos sectores da Informática (que tanto creceu e se diversificou na década dos 90, xente coma Roberto Potenciano), e tamén houbo programadores que engrosaron as filas dos programas de Xestión.

E os menos, permaneceron nesta Industria, xa cunha presenza minúscula e batallando contra tódolos obstáculos da actualidade (a Globalización dos Mercados, a Piratería, as políticas restrictivas dalgunhas plataformas de xogo). Incluso houbo oco para entrar nos sector das Máquinas Recreativas antes do seu colapso definitivo (Gaelco).

After_the_War_entebras

Todo o proceso se facía de forma artesanal, pero aquel espírito e cariño deses pioneiros impregnaba as súas obras de singularidade, e permitiu prende-la chama creativa para nenos coma min.

De tódalas formas, a industria dos 8 bits foi inspiración, e os novos futuros creadores se empaparon das novas tendencias (como anos atrás fixeron aqueles que tiñan diante un Spectrum, Amstrad ou MSX): a demoscene (os que alimentaron o staff da Saga Commandos), as páxinas web. En fin, outra historia.

Lectores/as, se esta época significa algo na vosa vida (ou se ledes esta reseña porque vos picou a curiosidade), a vós e só a vós vai adicado este artigo.

Por que Nintendo fai ben

Por: Venres, 19 de Decembro de 2014, 19:00 4 COMENTARIOS

Hai moita xente que rexeita as consolas actuais de Nintendo, que non son para xogadores de verdade, que se están a equivocar moito e van acabar na ruína… mais eu aquí vos vou demostrar que non é así.

iwata-mostrando-wiimote

Satoru Iwata, presidente de Nintendo, mostrando ao público o WiiMote.

Na diferenza está a cuestión

familia-xogando-wii

Típica familia estadounidense.

Para comezar, dedicarse aos grupos de xente que normalmente non xogan aos videoxogos é unha estratexia comercial moi boa. Mentres que Sony e Microsoft compiten polo nicho limitado dos hardcore gamers, Nintendo prefire ir polos nenos, as nais, os pais e os avós. E funciona. Poucas nais se sentirían atraídas polo GTA, se cadra algún pai si, porque o mundo dos videoxogos aínda está bastante marcado por estereotipos de xénero, mais non vou entrar niso. O caso é que esas nais e pais desfrutan como tolos xogando ao Wii Sports, ou botando unha partida ao New Super Mario Bros. cos nenos. Aí hai mercado, e Nintendo sábeo ben.

Mais fóra de intereses comerciais, Nintendo ten unha cousa que o resto non teñen: innovación. Pensádeo, do punto de vista actual, cal é a diferenza entre a Super Nintendo e a Sega Mega Drive? Ou entre a Playstation e a Sega Saturn? Os xogos. Nada máis. E os xogos non dependen da plataforma, calquera deles funcionaría igual de ben, ou mellor, no computador. E non digades que non, que aquí todos temos usado emuladores.

Que pasa na época actual?

Viaxemos entón á época actual. Temos claramente 4 plataformas de mesa e 3 portátiles. Nas consolas de mesa temos a Xbox One, a PS4, a Wii U e o PC. Cal é delas destaca, sobresae, marca a diferenza? A Xbox One e a PS4, a nivel de experiencia de xogador, son iguais, e non ofrecen ningunha experiencia que non poida ofrecer un computador. Os principais xogos de ambas as plataformas tamén están dispoñíbeis en Steam, ou en menor medida en Origin, coa vantaxe de que no computador podes ter un mellor rendemento se o tes actualizado. E o seu valor como centro de entretemento, con videoclub, reprodución de DVD… telo tamén nun computador, e con menos problemas de compatibilidade. Mais a Wii U, ai amigos, esa é diferente. Si, se cadra non foi ben en vendas por problemas de márketing (e a lea dos controladores, entre gamepad, wiimote, e demais), mais é a que dá unha experiencia diferente. E unha aposta decidida, non experimentos con gasosa como o EyeToy ou o Playstation Move.

amigos-xogando-3ds

Amigos xogando á 3DS no típico espazo en branco fóra do espazo-tempo.

No campo portátil, temos Nintendo 3DS, PS Vita e toda unha chea de trebellos con Android. Cal gaña? Android. Sobradamente. A xente prefire un xoguiño simple no móbil para matar o tempo mentres agarda polo bus, aí está o mercado. O problema da PS Vita é que acaba por ser unha consola igual que as de mesa, só que portátil. Podes xogar onde queiras, con bos gráficos, e mesmo con engadidos interesantes como o Near, mais esas funcións están a ser engadidas aos móbiles, que cada vez teñen máis potencia. Ou podes simplemente xogar na túa consola de mesa habitual, trocando portabilidade por comodidade e mellores gráficos. Non ten nada que a faga imprescindíbel. Pola súa banda, a 3DS opta por ofrecer cousas novas, con diferente éxito. A tecnoloxía 3D ten moitos seguidores e moitos detractores, mais é algo que o resto non dan. E cando está ben implementado no xogo, realmente paga a pena. Tamén o feito das dúas pantallas dá moito xogo. Aínda que xa pasou a febre da época da DS, onde todo xogo era manexado coa pantalla táctil (ás veces pasándose un pouco), ter unha pantalla inferior para mapas e menús mellora moito a experiencia. E o StreetPass, con recompensas como o Tícket Eon nos novos Pokémon, dá alicientes para sacar a consola a pasear. En definitiva, diferénciase.

Que ensinanza podemos tirar de todo isto? Que nos videoxogos, como na vida, o que importa non é ser o mellor, senón ser diferente, orixinal e innovador.

Comeza o I Torneo ALSA de “Enumerados”

Por: Xoves, 18 de Decembro de 2014, 17:17 COMENTAR
enumerados

Enumerados é un xogo de intelixencia e axilidade mental, baseado en operacións matemáticas.

Se non o coñecedes, o Enumerados é un xogo gratuíto de operacións matemáticas para smartphones e tablets, que se pode descargar de balde para Android e iOS. Pois ben, está en marcha un torneo que finaliza nesta segunda feira, 22 de decembro de 2014, ás 23h59 (hora galega).

A inscrición ao torneo é tamén gratuíta, e haberá 5 persoas gañadoras diarias (as 5 persoas que estean no topo do ránking cada día) e unha gañadora final (a que estea primeira no ránking ao concluír o torneo). Como condición, para non abusar, unha mesma persoa non poderá obter máis dun premio diario.

Os premios? Pois as gañadoras diarias obterán como premio un billete de isa en buses ALSA (que oes, é algo), e a gañadora final recibirá un Cartón Club ALSA Plus con 7.500 puntos, ou o que é o mesmo, 150€ en viaxes de bus.

Como participar?

É un torneo aberto, sen código de acceso, no modo de partida Xpress (os movementos caducan ás 24 horas e as partidas compóñense de 4 quendas por xogadora). Para xogar é preciso ter a app do Enumerados (obviamente), ben para Android, ben para iOS. É preciso, iso si, ter instalada a última versión do xogo.

Unha vez no xogo, só é preciso premer na icona Torneos para facer a inscrición. A partir de aí considérase inscrita a calquera persoa que completase ao menos unha partida, sen se render el nin o rival. E aínda que o xogo permite escoller rivais, só contarán os rivais aleatorios. E non se poderán rexeitar partidas, ou será contabilizado como derrota!

As gañadoras irán sendo anunciadas a través do seu Twitter (@enumerados) e do seu Facebook (facebook.com/MasEnumerados).

Con este artigo iniciamos a serie que mostrará os diferentes xogos que van ser mostrados ou anunciados durante o E3 que terá lugar nas próximas datas. En primeiro lugar falaremos acerca dos xogos da distribuidora 2K Games.

A compañía Californiana en teoría presenta 3 xogos, cada un cun tema bastante diferente:

Borderlands: the pre-sequel (PC, Xbox 360, PS3)

bl_prsql10581026_ss_04

Como ben indica o seu nome, esta nova entrega da saga sitúase entre o primeiro e o segundo xogo, de modo que cubrirá os 5 anos de diferenza argumental entre os 2 xogos xa existentes. Promete o mesmo que fixeron realidade os seus predecesores, isto é, acción sen freno, personaxes carismáticos e o estilo visual característico da saga.

Inicialmente o xogo non sairá en sistemas de nova xeración, polo que é posíbel que o seu prezo non sexa tan alto como sería en caso de ir a ocupar espazo nos catálogos das consolas de nova xeración. Descoñécense moitos datos acerca desta entrega, pero o tamaño do seu escenario parece estar situado entre os tamaños das dúas entregas anteriores da saga.

 

Civilization: Beyond Earth (PC)

civilization_beyond_earth-2508497

Unha gran nova para os amantes da estratexia. Firaxis anunciou recentemente o desenvolvemento dun novo xogo da lexendaria saga de estratexia por turnos Civilization. Nesta ocasión tomaremos o mando dunha colonia espacial creada nun remoto planeta no que intentar salvar á humanidade da desaparición total. Con estes antecedentes e tendo en conta o estudo que encárgase do desenvolvemento, é imposíbel non pensar naquela obra maestra chamada Alpha Centauri, aínda que os encargados declararon unha e outra vez que os dous xogos non teñen nada en común máis aló do espazo interestelar.

 

Evolve (PC, Xbox One, PS4)

Evolve-From-The-Darkness-0013_1280x720

 

Atopámonos sen dúbida ante un dos xogos máis esperados deste ano 2014. Os creadores da coñecida saga Left 4 Dead asumiron o reto de desenvolver un multixogador online para 5 xogadores no que 4 conformarán un equipo para tentar acabar co 5º. Tendo en conta a revolución que supuxo Left 4 Dead e a súa influenza en xogos posteriores e o modo no que trocou o mundo multixogador para sempre, un únicamente pode esperar con toda a calma posíbel ata o vindeiro 21 de Outubro, data na que, en teoría, Evolve verá a luz.

21 anos dunha carreira mítica

Por: Venres, 11 de Abril de 2014, 9:00 COMENTAR

Hoxe, 11 de abril, cúmprense 21 anos da mítica carreira de Ayrton Senna baixo a choiva no trazado británico de Donington Park no Gran Premio de Europa de 1993.

E que ten isto que ver co mundo dos videoxogos, preguntarédesvos algúns. Pois ben, aquela carreira foi patrocinada pola compañía xaponesa Sega e o trofeo para o campión era unha figura do personaxe máis popular dos seus videoxogos, Sonic, tal e como podedes ver na seguinte imaxe.

Un mito sostendo a outro.

Un mito sostendo a outro.

O nome oficial desta carreira é XXXVIII Sega European Grand Prix e foi a única carreira de Fórmula 1 disputada nese circuíto.Unha das moitas curiosidades desta carreira foi que Ayrton Senna marcou a volta rápida cun tempo de 1:18.029s na volta 57 entrando en boxes (posiblemente a única da historia marcada así), debido á configuración do trazado británico, pois a entrada dos boxes antes da última curva supón un aforro de moitos metros.

Por carreiras como esta e outras como o Gran Premio de Mónado de 1984, o piloto brasileiro é considerado por moitos un dos mellores (senón o mellor) piloto da historia do automobilismo.

Alain Prost

O vindeiro 1 de maio cumpriranse 20 anos do falecemento de Ayrton Senna no fatídico Gran Premio de San Marino de 1994, onde o tamén brasileiro Rubens Barrichello sufríu un grave accidente na sesión de clasificación do venres e o austríaco Roland Ratzenberger faleceu nun accidente durante a sesión de clasificación do sábado.

[1º de abril] Facebook compra SEGA

Por: Martes, 1 de Abril de 2014, 13:44 1 COMENTARIO

«No 1º de abril van os burros onde non deben ir»

Este artigo foi unha brincadeira do Día dos Enganos. Todo o que di é inventado.

Se por algo destacou Facebook nos seus primeiros anos foi polos xogos. Eran simples aplicacións en flash, mais o feito de poder xogar de modo social deulle unha nova volta ao concepto. Moitos outros foron detrás, como Nintendo co seu Wiiverso, mais sen a enorme base de usuarios que ten a rede de Zuckerberg é difícil chegar a callar no mercado.

E así chegamos aos novos movementos de Facebook. Hai menos dunha semana anunciaban a compra da empresa de realidade virtual Oculus VR por 2.000 millóns de dólares, no que os medios cualificaron como primeiro paso dunha incursión no ámbito dos videoxogos. Hoxe, para sorpresa de moitos, foi anunciada a compra da compañía nipona SEGA, coñecida por desenvolver sagas tan famosas como as do ourizo Sonic ou Crazy Taxi.

Mark Zuckerberg (CEO de Facebook) e John Cheng (Presidente de SEGA of America) na rolda de prensa desta mañá.

Mais o prezo que pagou Mark non foi barato. A compra realizouse por 23.000 millóns de dólares, superando así os 16.000 que pagou por Whatsapp e situándose como a compra máis cuantiosa realizada pola rede social até a data.

Debemos entón preocuparnos? Para nada. Desde SEGA enviaron un comunicado anunciando que nada vai mudar. Continuará a desenvolver xogos para as principais plataformas e o seu acordo con Nintendo acerca da saga de Sonic seguirá vixente polo momento. Da parte de Facebook dixeron que se trataba dunha adquisición estratéxica que non mudará nada, mais non deixan de crecer os rumores dun novo centro de xogos dentro da rede social, a medio camiño entre Steam e Google Play Games.

Estará Facebook a abranxer demasiados ámbitos? Suporá isto un paso sen retorno aos xogos sociais? Voltará SEGA á primeira liña de combate no mundo dos videoxogos? Quen sabe…

Videoxogos na Educación

Por: Domingo, 2 de Marzo de 2014, 18:30 COMENTAR

Xogos na Educación

Moito se ten falado sobre a negatividade que implican os videoxogos sobre os nenos e nenas, moitas novas “engordadas” saíron nos medios por casos illados de rapaces con problemas que remataron delinquindo e incluso asasinando a familiares, e os medios de comunicación din que os responsábeis destes feitos son… os videoxogos.

O primeiro que debemos ter claro é que os videoxogos son outro medio para transmitir información, igual cun libro ou filme, e que está remarcado cada título para que idades son recomendados, resumindo na contraportada que temáticas tratará (para que os pais estean informados), polo tanto xamais podemos culpar a un medio, por moi inmersivo que sexa, de actos levados a cabo por rapaces con problemas psicolóxicos.

Partindo desta idea tan negativa que ten a maior parte da sociedade, podemos falar de videoxogos como apoio na educación dos rapaces? Pois eu penso que si.

Existen diferentes estudos que falan na positividade dos videoxogos nos nenos, e un destes aspectos é a capacidade para tomar decisións e rapidez nestas. Aqueles que son consumidores de videoxogos ao longo da súa vida toman mellores e máis rápidas decisións, así como están acostumados a preseleccionar mellor entre un grupo de “ítems”, o que favorece a unha análise máis crítica. A parte deste feito, os videoxogos (e máis na actualidade co seu online) forman unha comunidade virtual no que relacionarse entre eles fomentando a colaboración entre os mesmos e creando un vínculo que deben manter ao longo das súas andainas pola rede empregando videoxogos.

Tamén debemos eliminar os prexuíxos que existen neste ámbito no relacionado a, “xogos = a violencia”. Existen innumerábeis videoxogos que abarcan temas relacionados coa aprendizaxe, así de primeiras véñenme á mente títulos como Brain Trainning (no que nos propoñen asumir retos matemáticos, de memoria, de percepción…) ou mesmo a saga de Layton, na que encarnamos a un detective que terá que resolver os máis enxeñosos problemas para rematar a aventura.

Son simplemente unha pequena mostra dos xogos educativos máis famosos e que nos dan unha idea do que nos podemos atopar, estamos falando só da punta do iceberg, sumerxámonos e démoslle unha oportunidade, porque os videoxogos poden ser un perfecto apoio no ámbito educativo, empregando estes como suxeito motivador, incitar á cooperación, sinxeleza á hora de empregar… e tantas outras vantaxes que se deixan a un lado.

Outro dos factores importantes e que se mellora grazas aos videoxogos é a memoria. Os xogadores habituais teñen que memorizar en cada videoxogo unhas pautas que empregar ao longo da aventura, e indirectamente tamén teñen que memorizar o emprego de cada botón, polo que automaticamente implica un adestramento do propio cerebro.

Non menos importante é a mellora da capacidade dactilar e motricidade fina dos xogadores habituais, que son capaces de manipular mellor os obxectos coas mans. Aínda que nun primeiro momento non parece isto moi evidente, o movemento dos dedos mentres xogamos incrementa a nosa dixitalización, polo que á hora de coller obxectos pequenos, escribir no teclado e actividades similares, a eficacia dos videoxogadores vai estar por enriba do resto.

Pero entón, todo é positivo nun videoxogo?

Sempre temos que ter moi en conta que os videoxogos son actividades inmersivas para o xogador, polo tanto debemos ter moito coidado, sobre todo os pais á hora de deixar que os fillos inicien calquera videoxogo, mais o mesmo acontece cos filmes ou cos libros, os nenos e nenas van asumir o que vivan, e se lles permiten ver a filmes máis terroríficos, van interiorizar esas sensacións, e se lle permiten xogar a títulos violentos, pois pasará o mesmo.

Con isto debemos ter moi en conta e explicar aos rapaces que xogar con videoconsolas non é un acto malo, violento ou terrorífico como pretenden dar a entender algún medios, senón un medio máis e de igual importancia que ver un filme ou escoitar un disco, que como todo non se pode abusar, e que antes de que un rapaz vaia iniciar un videoxogo, hai que asegurarse que é apropiado para a súa idade.

Unha verdadeira pena que existan tantos prexuízos neste ámbito.

Player.me, o perfil dos xogadores

Por: Mércores, 19 de Febreiro de 2014, 15:50 COMENTAR

playerme

Vivimos nunha época dominada polas redes sociais. A maioría da xente que nos estades a ler tendes perfil en Facebook, Twitter, Google+ (pode que non o saibades, mais tendes), Youtube, Instagram… e mesmo alguén conservará o do Tuenti. E foi esta diversidade de redes a que levou á aparición de servizos de perfís simples onde reunir toda a información e ligazóns ás túas redes sociais, unha sorte de cartóns de visita da era cibernética. Deste modo xurdiron iniciativas con bastante éxito como about.me.

E agora, meu querido lector, estarás a pensar: Moi ben, moi interesante todo, pero que carallo ten isto que ver cos videoxogos?. Acouga un pouco, queres? Non vaia ser que me quente, saque a Nintendo 64 e che dea unha malleira no Smash Bros.

Neste escenario nace player.me, o servizo de perfís para gamers. Aínda está en beta pechada e só se pode acceder mediante convite, mais podedes ver xa algúns perfís para vos facer unha idea de como vai. Tes a túa páxina coa túa foto, os teus perfís nas redes sociais e plataformas de xogo online, unha colección dos teus vídeos (para os teus gameplays ou reviews), unha listaxe dos teus xogos favoritos e unha bio para falares un pouco de ti. Tamén inclúe a opción de seguir aqueles perfís que che interesen, para estar atento ás novidades.

Poida que non vaia revolucionar a internet, mais é un servizo ben interesante para os que fan dos videoxogos a súa forma de vida.

Temén che pode interesar… | As redes sociais para videoxogadores

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

Este ano que recén comeza virá, coma sempre, cheo a reventar de videoxogos, tanto para as máquinas de nova xeración coma para as da antiga, coma para PC, ou, polo que todo parece indicar, xa neste mesmo ano, Steam Machines. Neste artigo vou recoller, dun modo totalmente persoal, cales son os 15 xogos que eu máis agardo deste ano 2014, ordeados alfabéticamente.

 

1 – Alien Isolation (PC, PS3, PS4, Xbox 360, Xbox One)

Data de lanzamento: 4º trimestre de 2014.

Alien-Isolation-screen

Tralo sonado fracaso acadado por Aliens: Colonial Marines, SEGA tentará recuperar o prestixio perdido con esta nova entrega da franquicia Alien, nesta ocasión realizado por un dos estudos máis importantes da actualidade, Creative Assembly, creadores da famosa saga Total War.

Polo mostrado ata agora e polo comentado polos creadores, productores e responsábeis, o xogo virará da acción da saga Alien vs. Predator e Aliens: Colonial Marines cara o xénero do survival horror, achegándose deste modo ó filme orixinal. Para rematar esta volta atrás, a protagonista do xogo será Amanda Ripley, a filla da protagonista da saga cinematográfica, Ellen Ripley.

 

2 – Among the sleep (PC)

Data de lanzamento: Primaveira de 2014.

ats_wallpaper1440_900

Aló polo 2012 un xogo comezou a chamar a atención a nivel internacional polo seu protagonista principal: un neno de dous anos. Aínda que fíxose coñecido internacionalmente a partires de ahi, xa lograra premios e financiación por parte do goberno de Noruega, o país de orixe do estudo detrás deste xogo: Krillbite. Tralo nome que acadaron, lanzaron unha campaña en Kickstarter, que logrou acadar o seu obxectivo e que garante que sexa levado a bo porto.

Como xa se indicou, o xogo ponnos no corpo dun meniño de dous anos nunha casa na que comezan a ocorrer cousas e que, debido á curta idade do protagonista, a liña que diferenza sono de realidade vai diminuíndo o seu grosor. A maiores disto, o xogo terá compatibilidade co sistema de realidade virtual Oculus Rift, o que, trala fichaxe estrela de John Carmack, garante que o seu nivel (que calquera dos que o puidemos probar no seu momento opinamos que xa era alto) acadará un nivel superior.

 

3 – AR-K: Episodio 2 (PC, iOS, Android)

Data de lanzamento: Indeterminada

AR-K_02

Non tódolos días un videoxogo galego acada o seu obxectivo nunha prataforma coma Kickstarter, pero nesta ocasión así foi. A saga AR-K, desenvolta polo estudo coruñés Gato Salvaje, acadou a cantidade que pediran para ser quen de rematar os capítulos 3 e 4 da sua aventura gráfica episódica. Para levar a bo porto o seu proxecto, subíronse a bordo o escritor Greg Rucka, un recoñecido escritor de cómic norteamericano, e tamén incorporan a Ash Sroka, a muller que puxo a voz na triloxía Mass Effect a Tali’Zorah, para converterse na de Alicia, a protagonista da saga, na versión inglesa, xa que na versión en castelán, é interpretada por unha actriz galega, María Castro. Por certo, onte acadaron os votos necesarios para entrar en Steam a través da prataforma Greenlight.

 

 4 – Day Z (PC)

Data de lanzamento: Indeterminada

NoxHw

Si, o xogo xa está dispoñible en Steam. Si, en Memoria Pixelada xa falamos acerca do acceso a dita prataforma do xogo. Si, xa leva vendidas máis de 875.000 copias. Pero segue sendo un xogo en desenvolvemento. Agora mesmo accedeu a Steam (e logrou ser o xogo máis vendido nas ofertas, pese a non estar rebaixado) a través do su sistema Early Access, que permite que xogos en desenvolvemento sexan vendidos e logren o diñeiro necesario para acadar finalizarse. Actualmente o xogo está en versión alpha e espérase que entre en beta a finales de ano.

Non hai moito que dicir acerca del que non sexa xa coñecido: iniciou a moda actual dos xogos multixogador survival en primeira persoa (Infestation: survivor stories, Rust) baseados nun escenario postapocalíptico no que teremos que estar tan atentos ós enemigos do xogo coma, sobre todo, ó resto de persoas que se atopen xogando, xa que na meirande parte das veces, convértense na verdadeira amenaza. E todo iso o lograron simplemente cun mod do Arma II, agora prometen un xogo moito máis profundo ó tratarse dun título partindo de cero. A confianza de moita xente xa a teñen, e a miña entre ela.

 

5 – Diablo 3: Reaper of souls (PC, PS4)

Data de lanzamento: 25/03/2014

diablo-iii-reaper-of-souls-logo

Trala polémica e a decepción que supuxo, en parte, Diablo III no seu lanzamento, Blizzard trae esta primeira expansión do xogo, a cal inclúe un novo tipo de personaxe, o cruzado, aparte de, como é habitual, un acto a maiores dos que trae o xogo orixinal, para continuar a historia. Moitos somos os que recordamos a diferenza entre Diablo II e Diablo II máis a expansión, dun modo que non se pode concebir o xogo sen o contido adicional, debido ós profundos trocos que provocou na xogabilidade, de modo que Blizzard merécese un pouco de confianza de cara a mellorar a experiencia xogábel de Diablo III.

 

 6 – Evolve (PC, Xbox One, PS4)

Data de lanzamento: Outono de 2014

evolve

Probablemente se digo Tutle Rock Studios non acade a vosa atención, pero se troco esas verbas por Left 4 Dead pode que xa a teña. Evolve é o novo xogo deste estudo, que será publicado por 2K Games. Ata o de agora coñécense poucos datos acerca do xogo, aparte de ser un xogo multixogador. Pero o máis significativo do coñecido ata o momento é, sen dúbida, a sua proposta de xogo, na cal un equipo de 4 xogadores ten como obxectivo cazar ó monstruo que manexa o carto xogador.

 

7 – Game of Thrones

Data de lanzamento: indeterminada

article_post_width_news-game-of-thrones-telltale-rumor

Todos aquelas persoas que probaran The Walking Dead, o xogo de Telltale, entenderán a seguinte operación: Telltale +George  RR Martin + Game of Thrones. Non fai falla decir nada máis.

 

8 – Mario Kart 8 (Wii U)

Data de lanzamento: Primavera de 2014

TM_WiiU_MarioKart8

¿Qué podemos decir de Mario Kart que non sexa coñecido? Velocidade, risas, pasar un bo rato cos amigos e manexar ós teus personaxes favoritos unha vez máis subidos en karts, todo elo aderezado polos xa coñecidos powerups da saga. Teñen a fórmula do éxito, e saben aproveitala. Ó igual que todas as anteriores entregas, un must have.

 

9 – Mirror’s Edge 2 (PC, PS4, Xbox One)

Data de lanzamento: Indeterminada.

news_photo_29555_1370371972

Corría o ano 2008 cando en Xbox 360 e PS3 apareceu un xogo moi luminoso, rápido, cun mundo colorido, baseado en correr, saltar e empregar a axilidade da protagonista para chegar ata o seguinte edificio, saltando de tellado en tellado. O seu argumento, baseado en parte na novela de George Orwell 1984, era simple, ainda que adictivo, e o escenario, moi lineal, chamaba á exploración e a tentar escalar ata onde puidéramos para poder botar un ollo á cidade dende o punto máis alto do edificio máis alto. Mirror’s Edge 2 promete precisamente o que lle faltaba ó seu predecesor: un mundo aberto. Simplemente mantendo as cualidades da primeira entrega e engadindo este novo mundo aberto, o xogo dará un salto de calidade e convertirase nun dos máis rechamantes do ano sen dúbida de ningún tipo.

 

10- Rambo: The videogame (PC, PS3, Xbox 360)

Data de lanzamento: 21/02/2014

rambo2

Moita xente non estará dacordo co feito de que elixira este xogo por diante doutros para aparecer nesta lista dos máis agardados do ano, sendo un xogo que estou seguro de que non marcará un antes e un despois en ningún aspecto, e que seguramente estea cheo de erros. Pero pensade en que é de esperar que podamos facer cousas como estas. ¿Seguides pensando que o xogo non vai ser entretido? Eu non teño dúbida de ningún tipo, máis ainda tendo en conta que o xogo consistirá en superar esceas dos 3 primeiros filmes da saga.

 

11 – South Park: the stick of truth (PC, PS3, Xbox 360)

Data de lanzamento: 06/03/2014

South-Park-The-Stick-of-Truth-sí-será-lanzado-en-2013

Moitos medramos vendo na televisión ós polémicos debuxos South Park. Agora chegan cun dos xogos máis agardados do ano 2013, que tivo que ser desprazado a 2014 debido ós problemas económicos do seu distribuidor THQ. O xogo prometía no seu momento, e continúa prometendo agora mesmo, un xogo de rol no cal os creadores da serie teñen responsabilidade na elaboración do guión, cos personaxes míticos da serie (agardamos, coma non podía ser doutro modo, a morte de Kenny), será algo que moitos non queremos deixar pasar.

O xogo comeza xa antes do seu lanzamento a xerar a polémica esperada, xa que a Australia chegará unha versión censurada do mesmo. E seguramente non sexa o derradeiro mercado no que sofran recortes.

 

12 – Star Citizen (PC)

Data de lanzamento: Indeterminada

ObitalStation01

 

Atopámonos ante o xogo que ten o record de financiación a través de crowdfunding: ata o momento acadou un total de 37 millóns de dólares. A financiación arrancou coma un foguete en canto fíxose público que Chris Roberts, o creador da lexendaria saga Wing Commander, retornaba ó mundo dos videoxogos. E como era de esperar, retorna co que mellor sabe facer: un simulador de combate espacial. Ainda que nesta ocasión, o xogo vai moito máis alá dun xogo de simulación de combate, xa que trátase dun MMO cun mundo persistente e ca posibilidade de incluir mods. Como exemplo do interese que está a provocar, recentemente abriuse o sistema para crear clans, e en 12 horas creáronse máis de 4900 asociacións para xogar xuntos. O xogo ten toda a pinta de ser un dos máis importantes do próximo lustro, e apunta a ser unha dura competencia para o actual líder deste tipo de xogos, o World of Warcraft.

 

13 – The Walking Dead: Season Two (PC, PS3, Xbox 360, Vita, iOS)

Data de lanzamento: 17/12/2013

WDS2_KeyArt_1920x1080_NoLogo_large_verge_medium_landscape

Estamos ante a secuela dun dos xogos máis sorprendentes dos derradeiros anos, e que supuso a consagración do seu estudo creador, Telltale, e que confirma o troco da aventura gráfica clásica, con puzles cunha dificultade elevada a un novo modelo de aventura gráfica, centrada ó 100% na historia e nos personaxes. Precisamente un dos personaxes desta primeira entrega da saga é a protagonista desta segunda parte, a nena Clementine, seguramente a personaxe favorita da meirande parte dos que xogaron esa primeira parte.

O xogo é certo que foi publicado en Decembro de 2013, pero é unha aventura episódica que terá todos os seus episodios excepto ese primeiro publicados en 2014. E se continúa ca calidade do seu predecesor, non descarto para nada que estea pelexando de novo polo GOTY.

 

14 – The Witcher 3: Wild Hunt (PC, PS4, Xbox One)

Data de publicación: Indeterminada.

420

Máximo favorito ó GOTY 2014, e ainda non se viron máis que unhas poucas imaxes e algún vídeo. Non fai falla máis. Se The Witcher 2 foi un dos mellores xogos da xeración pasada, esta terceira parte da saga apunta a mellorar ó seu predecesor, incluindo a principal carenza do xogo anterior, a falta dun mundo totalmente aberto no que poder perderse.

É de esperar que, do mesmo modo que o seu predecesor, marque un hito no tocante ó aspecto técnico (CD Projekt Red descartou realizar o xogo para PS3 e Xbox 360 pola imposibilidade de que funcionara neses sistemas), a nivel historia é de supor tamén que será tan sobresaínte como o Assassins of Kings e, sobre todo, contará cun dos, se non o mellor, personaxe da xeración anterior, o lobo branco, Geralt de Rivia.

Agardaremos impacientes a publicación da data definitiva de saída ó mercado, porque de seguro valerá a pena a espera e ata o derradeiro céntimo que custe.

 

15 – Uncharted 4 (PS4)

Data de publicación: Indeterminada

2498622-nathan_drake

 

Se na posición 14 falábamos dun dos mellores personaxes da xeración, neste derradeiro xogo estamos a falar doutro dos grandes, Nathan Drake, o protagonista da saga Uncharted.

O desenvolvemento desta cuarta entrega da saga, a primeira nas consolas de nova xeración leva rumoreándose dende inicios de 2013, pero leve un ano en desenvolvemento o xogo ou non, unha cousa está clara: será, ó igual que todos os anteriores xogos da saga e o derradeiro xogo dos seus creadores, Naughty Dog, técnicamente rompedor no momento da sua saída. O fixeron co Uncharted 2, superando todo o visto ata entonces en PS3, o melloraron un pouquiño máis en Uncharted 3 (ainda que como xogo é peor que o 2, técnicamente é lixeiramente superior) e remataron de romper con todo co The Last of Us, marcando un tope técnico en PS3 que seguramente non sexa superado. Esta cuarta entrega será peliculeira, palomiteira totalmente, de consumo lixeiro, ó igual cas 3 anteriores, pero seguro que igual de entretida e adictiva.

O troco xeracional

Por: Martes, 17 de Decembro de 2013, 12:00 1 COMENTARIO

the-last-of-us-03

Nestes intres atopámonos nos albores da chamada “nova xeración” de consolas, dividida en 3 máquinas: Nintendo Wii U, Microsoft Xbox One e Sony Playstation 4. Este troco xeracional está en boca de todo o mundo, a xente bótase a comprar estas novas consolas nas tendas especializadas ou non tan especializadas, as distribuidoras anuncian os novos xogos que sairán no próximo ano 2014, os estudos de desenvolvemento están traballando para habituarse ao funcionamento destas consolas e exprimirlles ata a derradeira gota de rendemento e estamos no principio dun proceso de saturación publicitaria nos medios maioritarios de comunicación de cara a convencernos a todos das bondades da nova xeración e as melloras que traerá en contraste ca anterior.

Sen dúbida entre estas melloras atoparémonos cun novo surtido de filtros, texturas de alta resolución, escenarios moito máis grandes que na actual e un sinfín de novos efectos, reflexos en cristais e a auga máis realista vista xamáis nunha consola de sobremesa. Pero o meirande troco, o troco que marca realmente un cambio de xeración, xa tivo lugar. E tivo lugar sen que nos déramos conta.

Neste troco temos 3 puntos de vital importancia, que compoñen súa particular trinidade. Un tuvo lugar no ano 2010, o outro no 2011 e o derradeiro neste mesmo 2013, a mediados de ano, para ser máis precisos.

Os trocos típicos na industria do videoxogo tiñan lugar por motivos total ou case totalmente técnicos, do modo que o fixo Doom no lonxano 1993, ou do modo no que as diferentes xeracións de consolas van aparecendo co paso do tempo e proporcionan novas posibilidades para os programadores de facer mellores e máis impresionantes xogos. O troco do que vou falar non ten nada que ver cun apartado técnico, senón que é moito máis sutil, pero que ten a mesma ou incluso máis importancia que calquera mellora técnica.

Para poder entender o troco, hai que porse en situación e retroceder ata ese ano 2010. GTA 4 acumulaba críticas positivas alí onde fora analizado, pero non deixaba de ser un GTA, cas típicas cousas que facer nun xogo da saga. Uncharted e sobre todo Uncharted 2 levaran o escalón gráfico na PS3 ao seguinte nivel, Mass Effect acababa de presentar a súa segunda parte, os rumores acerca de Skyrim comenzaban a ser xa imparables e o boom dos xogos indies estaba iniciándose tralo lanzamento de Braid e a inminente chegada de Limbo.

heavy-rain-21

Nese contexto aparece a finales de Febreiro de 2010 o xogo que conforma o primeiro piar do troco, Heavy Rain.
5 anos despois do seu anterior xogo, o aclamado Fahrenheit, a empresa francesa Quantic Dream lanza este xogo, que borra dun plumazo a separación entre videoxogos e cine ao proporcionar unha experiencia prácticamente cinematográfica, cunha historia complexa, múltiples opcións ao longo da historia e pondo de moda o tan empregado actualmente recurso dos QTE para realizar a interacción entre persoa e xogo. Pero non é este o troco ao que nos ocupa, senón que este ven dado pola propia historia en si mesma, unha historia que Microsoft rechazou engadir ao catálogo da súa Xbox 360 e que provocou que Heavy Rain se convertira nun exclusivo de Playstation 3. Así pois, esta negativa de Microsoft a permitir a publicación na 360 dun xogo no que o argumento xira en torno ao asasinato de nenos e que ponlle en bandexa de prata á competencia un xogo que resultou ser un auténtico vendedor de consolas, xa forma, merecidamente, parte da historia dos videoxogos.

The-Witcher-2-Assassins-of-Kings-PC-2

Únicamente un ano despois de este xogo, aparece outro, o segundo dunha saga baseada nos libros de Geralt de Rivia, escritos por Andrzej Sapkowski e feito por un pequeno estudo polaco chamado CD Projekt RED. Este xogo, aclamado internacionalmente dende o momento do seu lanzamento pola súa combinación de historia, xogabilidade e apartado técnico, foi publicado baixo o nome The Witcher 2: Assassins of kings. A pesares de que técnicamente a súa calidade máxima co filtro hiperrealista activado é motivo máis que dabondo para marcar un hito técnico no momento (non en vano é seguramente un dos mellores xogos técnicamente falando da xeración xunto co Crysis e ainda hoxe en día non son poucos precisamente as computadoras capaces de movelo fluidamente con dito filtro activado), o punto máis destacado do xogo é, sen dúbida, a súa historia. Unha historia complexa e apaixoante, que atrapa ao xogador ate o mesmo final e que toca de modo bastante explícito un tema que non é moi común no mundillo, e menos tratado ca seriedade mostrada en The Witcher 2, coma é o tema do sexo. Si, todos xogamos a algún Larry e todos coñecemos os métodos de recuperar vida dos GTA, pero unha cousa é iso, e outra moi diferente é tratar o sexo do modo que se trata neste xogo, dun modo adulto e sen tapuxos. Non vou por aquí ningún vídeo, xa que sería spoilear a historia, pero unha busca rápida polo Internet permitiravos comprobalo.

The-Last-of-US-PC-game_1920x1080

De este modo, chegamos ao terceiro e derradeiro xogo, publicado neste mesmo 2013, trepou ao momento ate as posicións máis elevadas na maioría de rankings xa non só dos mellores xogos do ano, nen sequera nos dos mellores xogos da súa plataforma, senón que xa directamente entrou nos dos mellores xogos da xeración. Seguramente con estes datos xa saberedes de qué xogo estouvos a falar, pero se vos digo que os protagonistas son un home atormentado e unha nena, xa quedan disipadas as dudas. Falo, efectivamente, de The Last of Us.
Cando todo indicaba que a PS3 alcanzara o seu tope gráfico con Uncharted 2 e 3, o mesmo estudo de desenvolvemento, o xa histórico Naughty Dog, saca este xogo que, lonxe de ser un Uncharted máis, é moito máis, xa non polo seu formidable apartado técnico, apartado que está xa non entre os mellores de PS3, se non que seguramente sexa o tope técnico da presente xeración de consolas. O igual que no caso de The Witcher 2, a pesares deste formidable apartado técnico, o máis destacado non é iso, senón que é a historia, sendo máis concretos neste caso, o desenvolvemento dos persoaxes, que acadan unha simbiose que queda patente no seu final, que poderá ser máis ou menos criticado, pero que xa é parte da historia dos videoxogos.

Así pois, estes 3 piares conforman o troco xeracional ao que me refería anteriormente: o troco dunha época na que os videoxogos eran un elemento de divertimento, pero nada máis a unha época na que os videoxogos son un modo de entretemento adulto, maduro, complexo, e no que cada vez vai haber menos temas tabús.

Non é casualidade que estes 3 xogos foran considerados entre os mellores da presente xeración, e non é casualidade que foran os elexidos para este artigo. O salto dado por Heavy Rain involucrando ao xogador nunha película interactiva, cunha historia moi dura, cun tema que fai 10 anos sería imposible de tratar nun videoxogo sen que se che botaran ao pescozo, e un xiro final do guión espectacular, que converte os últimos intres de xogo nunha contrarreloxo na que chegas a sentirte realmente agobiado pola situación e a complexidade argumental de The Witcher 2, teñen o seu cumio na historia de The Last of Us. Un xogo violentísimo, escuro como o que máis, no que daste conta de que as accións que cres axeitadas no momento provocan un dano no que non repararas e no que os persoaxes evolucionan ante os teus ollos ao máis puro estilo dunha película, e que ademáis ese xogo teña as críticas tan positivas que ten, deixan de manifesto que algo trocou no mundo dos videoxogos.

Os videoxogos xa saltaron á seguinte xeración, o troco empezou fai xa casi 4 anos e pasou inadvertido para a meirande parte da xente, pero xa non vai ir a ningún lado.