Luigi volve á carga

Por: Venres, 29 de Marzo de 2013, 15:40 COMENTAR

Case 12 anos pasaron dende que se estreou Luigi’s Mansion na Gamecube. No E3 2011, Nintendo anunciou unha nova entrega da saga, pero non foi até esta semana cando o Luigi’s Mansion 2 chegou ás tendas de todo o mundo.

PS_3DS_LuigisMansion2_PEGI

O proxecto foi supervisado dende o principio polo lendario Shigeru Miyamoto, quen optou polos gráficos en tres dimensións da 3DS fronte á Wii. O modo de xogo e a historia é similar á da primeira entrega, pero Nintendo exprimiu a 3DS ao máximo para disfrutar dunha innovadora secuela do Luigi’s Mansion.

Luigi’s Mansion 2, tamén coñecido como Dark Moon, leva vendidas en Xapón máis de 280.000 unidades dende o 20 de marzo, o día oficial da estrea. Do mesmo xeito, Nintendo reafirmou a súa supremacía no campo das consolas, pois só esta semana vendeu case 70.000 unidades da 3DS. A empresa nipona posúe o xogo e a consola máis vendidas de toda a semana, que máis pode pedir?

luigis-mansion-2-dark-moon-wallpaper-artwork

Nintendo 3DS
O ex-empregado de Sony, Seijiro Tomita demandou o mes pasado á compañía nipona Nintendo por infrinxir a súa patente da tecnoloxía 3D sen gafas que empregan na súa videoconsola portátil, a 3DS.

Segundo o seu avogado, Tomita amosou en 2003 un prototipo da tecnoloxía a 7 empregados de Nintendo e algún deles participou no deseño da 3DS.

Un xurado federal de New York acaba de declarar culpable a Nintendo de infrinxir a patente de Tomita e obriga á compañía a pagar algo máis de 30 millóns de dólares a Tomita polo danos causados.

Yasuhiro Wada anunciou hoxe que está a traballar nun novo xogo para a consola Nintendo 3DS: o Hometown Story. Normalmente, os títulos exclusivos para as videoconsolas portátiles non adoitan acadar moita atención da comunidade, pero este é un caso excepcional, xa que o equipo de desenvolvemento o forman algunhas celebridades do mundo dos videoxogos. Imos velo a fondo.

Para comezar, Wada, o director deste proxecto, xa é coñecido no mercado por crear a famosa saga de Harvest Moon. Dende 1996 coa estrea do Harvest Moon na SNES, o xaponés leva tras de seu unha morea de secuelas para todas as consolas de Nintendo: Game Boy, Gamecube, NDS, Nintendo 64, Wii…

wadaharvestmoon03242010

No apartado gráfico temos a Atsuko Nishida, o deseñador artístico da saga Pokémon. Leva deseñando todos os bosquexos da serie dende o primeiro xogo de 1996 ata os últimos títulos destes anos.

Pero probablemente o que máis destaque neste equipo é o lendario Nobuo Uematsu, compositor de música e creador das mellores bandas sonoras de videoxogos da historia, incluídos moitos xogos de Final Fantasy.

nobuo_uematsu

Hometown Story tratará sobre un rapaz e a súa tenda. O obxectivo é aumentar as vendas e expandir o negocio, e de paso coñecer aos clientes, facer amigos, solucionar os seus problemas…

Non dispomos de moitas imaxes do xogo, pero si que temos o primeiro tráiler do Hometown Story.

O título xa o di todo e despois dos numerosos rumores que predecían que Majora´s Mask tamén recibiría un remake para 3DS (despois do éxito de Ocarina of Time) un enigmático tweet de Nintendo América pon a toda a comunidade alerta.

“¡Fans de Zelda! ¡Ao atardecer do día final un xogo que vos resultará familiar será presentado para Nintendo 3DS! ¡Permanecede atentos o venres!”

En verdade será esta nova reedición?, por primeira vez despois dun rumor desta índole, só teremos que esperar un par de días para saber se é certo.

Xa era un rumor que corría polas redes meses atrás, Nintendo relanzará na plataforma dixital da súa 3DS gran parte dos videoxogos que xa están en formato físico nas tendas.

Polo de momento esta nova só foi anunciada para territorio nipón a partires do 1 de novembro, mais todo apunta que mañá no próximo Nintendo Direct (ás 20:00 hora peninsular) se dará a coñecer a todo Europa.

Entre os xogos que serán relanzados atópanse títulos como Ocarina of Time 3D, Super Mario 3D Land ou Mario Kart 7 e na maioría dos casos a un prezo de 4800 yenes (uns 48 euros).

O debate está servido.


Segundo informa a compañía Electronic Arts, a demo do simulador de fútbol FIFA 13, dispoñible dende esta mesma semana, alcanzou os 2 millóns de descargas, cifra un 29 por cento superior á do seu predecesor FIFA 12.

Por outra banda tamén informou do número de reservas, que acadaron as 900.000 reservas, que supón un incremento do 37 por cento en Europa e do 62 por cento nos Estados Unidos.

O videoxogo completo estará dispoñible a partires do 27 de setembro para PC, PlayStation 3 (compatible con PlayStation Move), Xbox 360 (compatible con Kinect), Wii, ayStation 2, PlayStation Vita, PSP, Nintendo 3DS, iPhone, iPad e iPod Touch.

Novo tráiler de New Super Mario Bros 2

Por: Venres, 13 de Xullo de 2012, 13:49 COMENTAR

Abondan uns segundos para saber de como será esta segunda entrega de New Super Mario Bros, mellor dito, non se precisaría ver absolutamente nada deste novo título sabendo como foi o seu predecesor porque dende logo será un título idéntico en canto ao desenrolo.

Percorreremos escenarios en 2D collendo as tres moedas de ouro e sorteando todos os obstáculos que nos aparezan polo camiño.

Pero aínda así, abonda con saber que teremos novos escenarios e novas situacións para controlar ao fontaneiro máis famoso e así meternos as ganas no corpo.

Un xogo fermoso de ver e fermoso de xogar, como nos ten acostumado Mario.

Novos ‘remakes’ de Nintendo

Por: Venres, 22 de Xuño de 2012, 16:12 COMENTAR

Se algo caracteriza a Nintendo son as súas varias e exitosas franquías de xogos, como Mario, Zelda, Pokémon, Donkey Kong, Metroid e moitos máis. E se outra cousa caracteriza a Nintendo son os remakes de xogos clásicos. Os Pokémon Verde e Vermello da Game Boy viron de novo a luz na Game Boy Advance, os Pokémon Ouro e Prata fixérono na Nintendo DS, os Zelda: Ocarina of Time e Lylat Wars da Nintendo 64 voltaron renovados na 3DS.

Por iso, os rumores de novos remakes son constantes, e ultimamente véñense escoitando voces a falar dun Zelda: A Link to the past en HD para a 3DS e dun novo F-Zero para a Wii U. Cales son os planos da Nintendo neste aspecto? Aquí están as declaracións do mestre Shigeru Miyamoto:

Particularmente, encontro moito máis interesante crear algo novo baseado no título orixinal: Unha experiencia nova e que sexa diferente do que os xogadores viron anteriormente, mais tendo como punto de partida e base ‘A Link to the past’. Na miña opinión é importante presentar algo novo ao título. Para ser completamente honesto e franco, todos os lanzamentos dese estilo dependen dalgúns elementos, como a dispoñibilidade dos directores no momento adecuado. Algúns directores farían un excelente traballo, outros non teño 100% de confianza. Destes últimos preferiría que fixesen un ‘remake’, é algo que tamén debe ser tomado en conta.”

Eu penso que cando foi lanzado orixinalmente, F-Zero foi unha grande sorpresa para os xogadores, sendo algo novo e completamente diferente de todo que viran. Era un produto sólido, o cal tiña o lanzamento plenamente xustificado. Porén, non vexo ese mesmo escenario coas consolas actuais, esa sorpresa non sería xerada hoxe. Se cadra co futuro das consolas e a chegada da Wii U poderemos ser capaces de crear algo así, mesmo que sexa a través dun xogo un pouco menor e diferente do habitual.

Xogo ZombiU, adiviñades de que vai? (Fonte: http://www.ultimocontinue.com)

Ben sei que todos vós vistes a conferencia de Nintendo desde a nosa web e que seguistes ferventemente os nosos tweets, mais mesmo así vouvos facer aquí un resumo do que foi a conferencia da Nintendo.

Sorpresas, novidades, dispositivos revolucionarios e unha mudanza no futuro dos videoxogos. Iso é, basicamente, o que non vimos nesta conferencia de Nintendo. Non vamos negar que a Wii U está ben e pode ser moi interesante, mais Nintendo non mostrou nada que non esperásemos dela. E máis aínda despois do Nintendo Direct, onde vimos xa todo o que esta nova consola tiña a mostrarnos.

Todo comezou co carismático Shigeru Miyamoto presentando un xogo co que se vía francamente ilusionado, o Pikmin 3. 4 líderes para manexar, o novo tipo de Pikmin, Rock Pikmin(Pikmin Rocha) e un sistema de xogo misturando WiiMote e WiiU GamePad.

A Wii U, como tal, pretende revolucionar o noso salón. Nintendo dixo que a consola era baseada en tres piares: Xogos, social e entretemento. No apartado xogos mostrou 23 novos xogos da Wii U, no apartado social temos o seu xa coñecido Miiverse (que significa Mii Universe) e no apartado entretemento temos Netflix, Youtube, Amazon… servizos de vídeo baixo demanda, vaia. Nada que non esperásemos dela, e realmente nada que non teñan en maior ou menos medida as súas actuais competidoras. Ah! E cada WiiU poderá soportar 2 WiiU GamePads simultaneamente, aínda que non mostraron ningún xogo onde se xogase deste xeito.

Ler o resto da entrada »

Nintendo xa anunciara anteriormente que comezaría a vender os xogos retail (os que se venden nas tendas para que nos entendamos todos) a través de eShop, pero as peores sospeitas acaban de ser confirmadas, é dicir, custarán exactamente o mesmo os videoxogos en formato físico que en formato dixital.

Isto abre un amplo debate. Debemos pagar o mesmo por algo que en verdade non temos? Debemos pagar o mesmo a pesar que Nintendo aforra formato,impreso,transporte..? Debemos pagar o mesmo por un arquivo que podemos perder se a tarxeta sofre algún desperfecto?

Moito se ten debatido sobre este tema e o presidente de Nintendo,Satura Iwata pronunciouse ao respecto para defender este tema:

Moita xente valora diferentes cousas. Se dixésemos que esta é a única proposta que ofrecemos, sería un problema, porque non habería opcións para os consumidores. Pola contra, estamos ofrecendo os dous formatos de mecanismos de venta para que o consumidor escolla.

Algunhas distribuidoras pensan que as versións dixitais deberían ser máis baratas, mentres que outras insisten en que as dúas versións deben ter exactamente o mesmo prezo. Deste xeito non é só idea de Nintendo, cada distribuidora ten diferentes ideas sobre este tema, e entre elas, Nintendo ofrecerá ambas versións ao mesmo prezo.

Análise de “Super Mario 3D Land”

Por: Luns, 16 de Xaneiro de 2012, 19:03 COMENTAR

Podo dicir sen moito medo a trabucarme que a primeira gran aventura da nova consola portábel de Nintendo volve da man do fontaneiro máis famoso. Deste xeito creo que o cen por cen dos xogadores habituais xa sabe a que tipo de xogo nos imos enfrontar, pero claro, ten os seus contras.

Ler o resto da entrada »

Comparación de pantallas entre 3DS e PSVita

Por: Martes, 27 de Decembro de 2011, 14:38 COMENTAR

Sigo dicindo que as comparacións son odiosas xa que cada consola ten o seu propio encanto, mais a xente segue querendo ver cal das dúas novas portábeis a ten máis grande e nun afán de solucionar isto aquí temos un vídeo no que se compara perfectamente a calidade entre unha consola e outra.

O resultado creo que non debería sorprender a ninguén, porque se á 3DS non se lle da tan mal reproducir vídeos, a PS Vita é bastante máis superior neste aspecto cunha nitidez e color que sobrepasa sen dúbida á portábel de Nintendo.

Nintendo, desfruta este Nadal tranquilamente,porque dentro dun par de meses o teu rival sae á luz.