Análise de Pokémon Shuffle (3DS)

Por: Martes, 24 de Marzo de 2015, 19:00 COMENTAR

Logo_Pokémon_Shuffle

Se unha palabra resume o Pokémon Shuffle é vicio. Nos tempos dos xogos casuais para móbil e do free to play, era cuestión de tempo que Nintendo dese o paso. E que mellor maneira de xuntar unha das franquías de maior fama e a mecánica dun dos maiores éxitos nos xogos para móbil? Non, ollo, non estou a insinuar que o Pokémon Shuffle se pareza en nada ao Candy Crush, mais… ben…

Vaiamos por partes. A historia de Pokémon e os xogos de quebracabezas non é de novo. Os primeiros deles foron o Pokémon Puzzle Challenge (GBC) e o Pokémon Puzzle League (N64), e máis tarde o Pokémon Link (NDS) e o Pokémon Link: Battle! (3DS). E é con este último con quen ten máis que ver. Porque veredes, o Pokémon Link Battle foi lanzado apenas na eshop, a tenda virtual, por 7,99€. É un xogo bo para amantes de Pokémon e/ou dos quebracabezas, sen dúbida, mais non deu os resultados en vendas esperados. Deste modo, a grande N tomou a decisión de simplificar a mecánica, inserir un modo de compra de vidas e potenciar os eventos online. E creou o Pokémon Shuffle.

O Pokémon Shuffle pode descargarse de balde na eshop da Nintendo 3DS. O obxectivo é ir pasando fases onde nos enfrontamos a un Pokémon facendo combinacións con 4 dos Pokémons que teñamos connosco, coa posibilidade de capturar o Pokémon ao que nos enfrontamos ao rematar. A diferenza do Candy Crush e semellantes aquí é onde entra en xogo a idiosincrasia pokemónica, xa que cada Pokémon ten un tipo, e debemos usar os Pokémons máis efectivos contra o rival en cada momento. E onde está o truco entón? Pois en que cada vez que te enfrontas a un Pokémon perdes unha vida. As vidas teñen un tope de 5, e conforme as gastas vanse rexenerando, unha vida a cada media hora. Alén disto, podes obter moedas e xemas para conseguir máis vidas ou melloras para o xogo. E se ben o xogo che vai dando de esmola algunhas moedas e xemas, a galiña dos ovos de ouro é que mediante microtransaccións podes comprar moedas e xemas con diñeiro real. E con esas moedas e xemas poder esquecer o límite de vidas e pasar o xogo rápido e fácil.

Porén, se vos son sincero, o xogo gústame máis sen gastar diñeiro. As 5 vidas gástalas en 10-15 min, e tes que agardar 2h30 para ter as 5 vidas de volta. Entón, é perfecto para partidas rápidas, como descansos do estudo, visitas ao cuarto de baño ou momentos mortos despois de comer. E o feito de ter que agardar realmente fai que teñas máis gana de xogar, viciándote máis.

Mais a xoia da coroa, na miña opinión, son os eventos online. Cada día podes facer check online, e a Nintendo vai de cando en vez sacando fases especiais para conseguir Pokémons que non se poden conseguir no xogo normal (consigue Mew, Kyogre e as formas de Rotom xa, antes de que acabe o prazo!), ou fases para conseguir moedas (co Pay Day de Meowth) e mesmo competicións online con ránking mundial para conseguir megapedras especiais (Lucarita!!).

En conclusión, se tendes unha 3DS e sodes fans de Pokémon ou dos quebracabezas, descargádeo e dádelle unha oportunidade. E se non… pois facédeo tamén. Non perdedes nada. It’s free!

[puntuacion]ESTILO=Sonic|GRÁFICOS=60|SON=50|XOGABILIDADE=95|DIVERSIÓN=85[/puntuacion]

Xa está dispoñible para descargar en Rubí Omega e Zafiro Alfa o Pokémon de evento Emboar. Para obtelo, deberemos introducir o código POKEMON500  na sección de “Regalo Misterioso” no menú inicial do xogo.

Este Pokémon conta coa habilidade “audaz”, que aumenta lixeiramente a potencia dos ataques que tamén fan dano ao usuario, como “paxaro ousado”. Tamén dispón dos movementos  “testarazo”, “envite ígneo”, “derribo” “clemencia”.

Emboar poderá descargarse ata o 30 de novembro deste mesmo ano.

 

 

B7BkYuuCYAIZ06S

Na conta de Twitter de Nintendo España anunciouse hai unhas horas que a demo de Pokémon Rubí Omega e Zafiro Alfa está dispoñible para descargar sen código na eShop.

 

demopkmn

A demo consta de dez misións principais e dúas secretas. Os premios conseguidos poderán transfirirse á versión completa do xogo.

 

DemoROZA

 

Anuncios Nintendo Direct 14/01/2015

Por: Xoves, 15 de Xaneiro de 2015, 15:15 COMENTAR

Como xa saberedes onte tivemos o primeiro Nintendo Directo do ano, un evento que como sempre vén cargado de novidades e anuncios que nos manteñen actualizados respecto ao que vai ser o futuro a corto plazo da compañía nipona. Por se non tivestedes a oportunidade de velo en directo velaquí tedes un pequeno resumo de tódalas novidades e actualizacións que se presentaron onte.

Iwata-Mario-Luigi

-Fire Emblem 3DS (nome provisional): Nova entrega deste xogo de rol estrátexico. Producido polo equipo de Intelligent Systems, cun argumento escrito por Shin Kibayashi e con Kozaki Yusuke ao mando do deseño dos novos personaxes, nesta edición tomaremos decisións e enferentarémonos a novos desafíos que farán que o mundo de fantasía vaia cambiando ao longo da historia. Aínda non hai data de lanzamento oficial.

 

-Puzzle & Dragons Z + Super Mario Bros: De gran popularidade en Xapón, ambos xogos chegarán en pack para a 3DS a Europa en maio.

 

-Pokémon Shuffle: Novo free-to-play para descargar na eShop da Nintendo 3DS a partir de febreiro. O obxectivo do xogo é unir en grupos unhas xemas ata facelas desaparecer. Contará cun sistema de vidas que se esgotarán con cada partida, e haberá que esperar a que se recarguen.

 

Os xogos de Wii poderán descargarse na Wii U: Custarán 19,99 € pero, despois  da primeira semana do seu lanzamento, terán un precio promocional de 9,99 €. En principio, estarán dispoñibles o Super Mario Galaxy 2 (14 xaneiro), Donkey Kong Country Returns (22 xaneiro) e Metroid Trilogy (29 xaneiro).

 

-Novos amiibos: Proximamente, estarán á venda Lucinda, Daraen, Wario,  Charizard e Pac-Man para o Super Smash Bros. Ademais, Nintendo desvelou unha nova colección de figuras basada nos personaxes de Mario, que contará con Mario, Luigi, Peach, Yoshi, Bowser e Toad. Serán compatibles co Mario Party 10, que chegará ao mercado o vindeiro 20 de marzo, e a figura de Toad poderá utilizarse ademais no xogo Captain Toad: Treasure Tracker a partir dese mesmo día.

 

-Splatoon: Este xogo de disparos de pintura sairá á venda en maio para Wii U. Haberá distintos tipos de armas, e as equipacións terán tamén diferentes efectos.

 

-Xenoblade Chronicles X para Wii U: Un dos RPG máis esperados no que se poderá descubrir un mundo aberto. En Xapón chegará ás tendas o 29 de abril. Nós teremos que esperar un pouco máis.

 

-Mario vs. Donkey Kong Tipping Stars: Este xogo de puzles e plataformas estará dispoñible o 20 de marzo para Wii U e 3DS na Eshop, ou a modo de códigos en tendas. Ademais, se mercas unha copia do xogo na Eshop, obterás un código para regalalo a un amigo.

 

-New Nintendo 3DS/ 3DS XL: Chegarán a Europa o 13 de febreiro. A primeira estará dispoñible en branco e negro, mentres que a versión XL será negra ou azul metálica. Contarán cun rendemento mellorado, polo que os xogos cargarán máis rápido. Dispoñerán de novos controles: ZR, ZL e panca C, que facilitarán a xogabilidade. As pantallas serán 1,2 veces máis grandes. Sairán á venda tamén bases de recarga de cor branca ou negra, e haberá 12 sets de cubertas.

 

-Nintendo Anime Channel: Unha nova boa para os amantes do anime. Con este servizo, poderemos ver en streaming Kirby, Inazuma Eleven e Pokémon. Tan só hai que descargar a aplicación gratuita na Nintendo Eshop, que estará dispoñible o 13 de febreiro.

 

-CODE NAME S.T.E.A.M.: Este xogo de estratexia sairá á venda a partir do 15 de maio. Contará con personaxes do Fire Emblem como invitados, que loitarán contra os aliens.

 

-Ace Combat Assault Horizon Legacy +: Esta edición contará con novidades, como gráficos en 3D estereotópico, controles compatibles coa New 3DS e avións inspirados na saga de Mario. Tamén será compatible cos Amiibo, que desbloquearán novos cazas como Link ou Fox. Estará dispoñible en febreiro.

 

-Monster Hunter 4: Chegará o 13 de febreiro ás tendas. Ademais, contará con edición especial da New Nintendo 3DS e a New Nintendo 3DS XL, que terá o xogo preinstalado. A demo está dispoñible para descarga dende onte, e o código necesario para xogala poderase obter a través de correo electrónico.

 

-Xenoblade Chronicles: Este remake sairá ao mercado o 2 de abril para a New Nintendo 3DS e a New Nintendo 3DS XL.

 

-Legend of Zelda: Majora’s Mask A partir do 13 de febreiro, estará dispoñible este remake da Nintendo 64. Haberá tamén unha edición especial da New Nintendo 3DS e a New Nintendo 3DS XL co xogo preinstalado.

 

-Ironfall Invasion: Este xogo de disparos está anunciado para febreiro.

 

Deixamosvos a continuación o evento por se queredes ver polo miúdo todo o falado neste artigo.

Presentación oficial de Hoopa para Pokémon ROZA

Por: Mércores, 14 de Xaneiro de 2015, 19:31 COMENTAR

Os fans de Pokémon estamos de noraboa: hoxe Nintendo presentou oficialmente a Hoopa, o Pokémon travesura. Caracterízase por ser o primeiro de dobre tipo que combina o psíquico e o fantasma. A súa habilidade é «prestidixitador», que permite robar o obxecto do opoñente ao atacar. No vídeo, podemos ver que posuirá, polo momento, estes movementos : testarazo zen, bóla sombra e mesmo destino.

 

Na web oficial de Pokémon especifícase que non se pode encontrar de maneira normal na partida de Rubí Omega e Zafiro Alfa, pero non indican cómo conseguilo, así que teremos que esperar a que publiquen máis información.

 

Zelda

A edición para a portátil de Nintendo da aventura de Link que xa poidemos desfrutar en Nintendo 64, de acordo co mostrado por Amazon, chegaría ás tendas o vindeiro 19 de Xuño.

A data mostrada pola web encaixaría ca agardada, que estaría dentro dos primeiros 6 meses de 2015, ainda que Nintendo non fixo pública a data oficial.

 

Nintendo deixa de fabricar a 3DS

Por: Mércores, 7 de Xaneiro de 2015, 11:00 COMENTAR

Nintendo non publicou unha nova oficial ou unha declaración, pero as tendas que preguntan por ela obteñen unha tras outra a mesas resposta: non se repón o stock existente, polo cal a consola irá paseniñamente desaparecendo das tendas a medida que se esgoten as unidades que teñen nos almacéns.

Deste modo, as alternativas para aqueles que desexen mercar unha portátil de Nintendo redúcense á 3DS XL e á 2DS.

WiiU_SmashBros_scrnC01_01_E3

Nintendo anunciou que o seu xogo de loita, Super Smash Bros, non recibirá actualizacións nun futuro próximo, para balancear o xogo nas versións de Wii U e 3DS. Isto, obviamente, sen contar o DLC que incluirá a Mewtwo como personaxe xogábel, que polo visto será a primeira e única proba de Nintendo coas actualizacións para o Smash Bros.

Nunha entrevista para Videogamer, Masahiro Sakurai, director do xogo, declarou:

“Entendo que os DLC poden engadir moito ao atractivo do Smash Bros., e son consciente de que a maior parte da excitación por estes xogos vén polas personaxes que aparecen nel, polo que penso que os fans poden desfrutar moito con novos DLC que manteñan a súa excitación. Porén, penso que podería haber moitas críticas dicindo que estamos a cortar o xogo para ir vendendo personaxes un por un, ou que estamos a engadr cousas que deberan estar desde o comezo.

O que podo dicir que DLC pagos é que non estamos a traballar en ningún no momento. Puxemos todos os nosos esforzos en crear o xogo real. Crear DLC implicaría un custo adicional elevado e require o envolvemento de moita xente”.

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

rising-star-games
Ata o vindeiro 6 de marzo, algúns dos xogos do estudo Rising Star Games, como Bit.Trip.Saga ou Zero Escpae: Virtue’s Last Reward, terán rebaixas de ata o 50% na eShop da Nintendo 3DS.

Título: Prezo orixinal: Prezo rebaixado Desconto:
· Bayblade Evolution 29,99 € 14,99 € (-50%)
· Bit.Trip.Saga 19,99 € 9,99 € (-50%)
· Girl´s Fashion Shoot 29,99 € 14,99 € (-50%)
· Hakuoki: Memories of the Shinsegumi 29,99 € 14,99 € (-50%)
· Jewel Master Cradle of Rome 2 3D 19,99 € 9,99 € (-50%)
· Jewel Master Cradle of Egypt 2 3D 19,99 € 9,99 € (-50%)
· Shifting Worlds 19,99 € 9,99 € (-50%)
· Super Black Bass 3D 19,99 € 9,99 € (-50%)
· Zero Escape: Virtua´s Last Reward 24,99 € 12,49 € (-50%)

zelda between worlds 2

Se a Nintendo non lle saen as contas coa perda incesante de seguidores, é o suficientemente intelixente para saber que os que quedan debe darlle algo que xustifique este feito, e faino da forma que mellor sabe facer, seguindo lanzando títulos das súas sagas máis emblemáticas, pero isto, hai que recoñecelo, fáino de maneira insuperábel.

Baixo unha continuación de A Link to the Past (outro dos Zeldas obrigatorios) chéganos A Link Between Worlds, no que volven a secuestrar á princesa Zelda e que deberemos rescatar. Mais non é un secuestro habitual, senón que desta volta téñena cautiva nun cadro despois de convertela en pintura mediante un feitizo.

Así deberemos botar man da Triforza e dos poderes que Link irá conseguindo para superar todas as mazmorras que atoparemos ao noso paso. O xogo en si non é unha segunda parte de A Link to the Past, mais si que colle moitísimas influenzas, dende o mapa até a xogabilidade, pero como manter a calidade dos Zelda e ao mesmo tempo ser orixinal?

Aquí Nintendo fixo os deberes e aprobou con sobresaínte, porque ofrecen unha nova habilidade ao xogador, a posibilidade de converterse en pintura e así percorrer calquera superficie plana dentro da propia parede.

zelda between worlds 3

Este feito abre un enormísimo feixe de posibilidades, mais onde máis se nota é á hora de superar cada mazmorra. As mazmorras neste xogo son sublimes (quizais non ten complexas como noutros títulos, xa que raramente te trabas), mais a súa resolución é unha gozada. Cambio de planos verticais, posibilidade de camiñar dentro das paredes, enorme cantidade de obxectos que empregar e sempre cuns monstros finais, tamén moi doados, mais que debemos buscar o seu punto feble para derrotalos.

SUBLIME este apartado.

Mais se isto non vos parece suficiente, tamén temos a posibilidade de cambiar de dimensión, é dicir, a través dunhas aberturas que atoparemos en Hyrule chegaremos a un mundo paralelo denominado Lorule, no que habitan monstros de todo tipo e a perigosidade aumenta de maneira proporcionada. Tan ben implementada está esta opción, que incluso hai puzles nos que deberemos xogar coas dúas e cambiarnos entrando pola abertura correcta para chegar a solucionalo.

E todo isto coa liberdade absoluta, xa que por primeira vez teremos todos os nosos obxectos dende case o inicio da aventura, grazas a un peculiar personaxe que nos alquila e posteriormente nos vende tales obxectos como martillo, arco, bombas, etc.

Así, temos dous enormes mapas que investigar e con todos os nosos ítems case dende o inicio da aventura.

Se sodes dos que non vos gusta a linealidade e preferides avanzar superando misión secundarias, tamén estades de noraboa. Falando cos habitantes pedirannos que lles axudemos a realizar algunha fazaña, outros retarante a unha carreira, esquivar “galiñas”… e nunca sen esquecernos que por todo o mapeado están escondidos partes de corazóns, que se as atopamos alongamos a nosa barra de vida.

E por se fose pouco todo isto, coñeceremos a unha estraña criatura que nos perdirá se podemos atopar a todos os seus fillos denominados “mai-mais”, un total de cen criaturas escondidos nos lugares máis insospeitados entre Hyrule e Lorule.

Como podedes comprobar, o xogo ofrece moitas posibilidades que aumenta a súa duración considerablemente.

No referente nao apartado técnico Nintendo vove estar á altura, cuns efectos do 3D moi logrados (nótase como xa van collendo práctica) que incluso nos axuda a solucionar algunha mazmorra e cuns gráficos moi bos para a portábel de Nintendo. O colorido non falta, as texturas moi ben recreadas e aínda que a vista é cenital, a cámara ofrécenos sempre o que debemos ver, e o que non, xa está feito a posta para que o atopes pola túa conta.

Zelda Between Worlds 4

O son volve namorar, non só pola xa clásica musiquiña de Zelda, senón por toda a banda sonora que nos axuda a introducirnos no título.

Así, The Legend of Zelda: A Link Between Worlds é un xogo redondo, absolutamente obrigatorio para todos que teñan unha Nintendo 3DS. O único punto feble pode ser a dificultade que queda por debaixo que outros títulos, certo que para atopar algún ítem secundario quizais tardes, mais no referente á resolución de mazmorras é bastante sinxelo, unha forma máis de seguir namorando aos casual gamers.

De todos os xeitos só hai unha afirmación que sacar desta análise:

Tes unha Nintendo 3DS? Entón tes que ter este xogo.

[puntuacion]ESTILO=Sonic|GRÁFICOS=91|SON=95|XOGABILIDADE=95|DIVERSIÓN=99|DURACIÓN=93[/puntuacion]

Novo tráiler de «Yoshi’s New Island»

Por: Luns, 27 de Xaneiro de 2014, 10:00 COMENTAR

A compañía Nintendo ven de publicar un novo tráiler do vindeiro lanzamento de «Yoshi’s New Island», onde o dinosauro nos demostra as numerosas habilidades que posúe:

O lanzamento está previsto para o vindeiro 14 de marzo para a Nintendo 3DS.