Curioso erro de Zavvi regalando PS Vitas

Por: Mércores, 11 de Decembro de 2013, 13:51 COMENTAR

Tearaway

Temos escoitado miles de casos sobre problemas de envíos das grandes compañías, que se o paquete está incompleto, que se está roto, etc, etc, mais é a primeira vez que escoito que unha compañía se trabuca para beneficio do cliente.

Este feito aconteceulle a Zavvi, empresa de ventas de produtos no que a todas aquelas persoas que mercaban unha copia do xogo Tearaway (19,99 libras) recibían o pack que contiña o propio videoxogo e a propia PS Vita (169,99 libras).

Zavvi, ao percatarse deste feito non dubidou en soliciatar aos clientes agraciados que devolvesen o pack para ser susbstituído pola copia orixinal do xogo.

Mais os clientes dixeron que nada de nada, que segundo as leis, se un envío trae máis cousas das requeridas, o receptor pode quedarse con elas se este fose o seu desexo.

A pregunta é, vós que fariades neste caso? Non fai falta que respondades, porque ben sabemos a resposta.

Moito ía cambiar no Assassin´s Creed

Por: Xoves, 5 de Decembro de 2013, 13:48 COMENTAR

assassin picoro

A historia ía cambiar bastante…

Vía | Verbas Infinitas

capcom

Cando me falan de Capcom a miña mente aínda asocia directamente á época de PS2, cando falar desta desenvolvedora era falar de calidad, mais dende aquelas moitas cousas cambiaron, e xa van aló dúas xeracións.

Moitos erros, moitos xogos de calidade baixa…e Capcom sabe moi ben destes tropezos.

O productor de Dead Rising 3 falou deste tema:

Capcom tropezou, mais está aprendendo. E tratamos sen dúbida de facer un contido de calidade. Polo menos podo asegurar que Capcom sempre valorou a calidade. Unha mensaxe que non sempre pode parecer obvio, pero sen dúbida, dende o interior, garantizo que as nosas decisións baséanse en conseguir o mellor contido posíbel.

Se nos fixamos na súa traxectoria durante os últimos anos, houbo algúns éxitos, mais tamén erros, e un montón de leccións por aprender. A xente está escoitando e aprendendo, e penso que veredes os resultados nun par de anos.

GTA-San-Andreas

GTA: San Andreas, para min o mellor GTA até a data (si, si, por enriba desta quinta entrega) chegará a dispositivos móbiles o mes que vén igual que xa o fixera Vice City.

Rockstar aínda non anuciou prezo desta nova versión, aínda que sairá para plataformas iOS, Android, Kindle e Windows Mobile e con melloras visuais (sombras máis dinámicas, mellores modelos de personaxes…) e cun control adaptado a estes dispositivos.

Cando consigan facer fronte ao problema da xogabilidade nestas plataformas, son títulos obrigados para calquera xogador habitual, e aínda que xa fai dúas xeracións atrás que se converteu nun imprescindíbel, aínda segue dando que falar.

2-Crash-Bandicoot1

Naughty Dog, antes de que se fixese tan famosa grazas a Nathan Drake e a súa serie Uncharted, xa fixera unha triloxía dunha calidade enorme na PS2 con Jak e Daxter, mais temos que retrocedernos aínda máis para chegar a Crash, un título exclusivo de Playstation que tivo gran éxito aló polo 1996.

Pois ben, a nova sae de Activision, posuidor dos dereitos desta saga e a que se mostra interesada en resucitar a esta mascota:

Activision posúe Crash Bandicoot e seguimos explorando formas de devolver a vida á querida serie.

Con esta noticia non é que me amose negativo, mais penso que Naughty Dog debía seguir facendo o que fixo até o momento, cada nova xeración, nova triloxía que deseña, e mirando o camiño recorrido, todas dunha enorme calidade, aínda que xa anunciado un novo Uncharted e con este rumor en pé de guerra, pretenderá vivr nesta xeración de nomes xa coñecidos?

pack-ps4-vita-580

O rumor que todos dabamos xa por feito acaba de confirmarse por parte de Sony, así, neste decembro (sen data nin prezo concreto) chegará ás tendas un pack que incluirá a nova Playstation 4 xunto a súa portábel PS Vita.

Como sabedes Sony sempre vendeu a PS Vita como unha consola xa de próxima xeración e cunha cantidade de opcións vinculadas coa PS4 enormes.

Con este paso a compañía quere facer despegar as ventas dunha consolas que parece que non remata de vir arriba. Poderían ir máis aló e sacar os packs coa saída da consola, pero prefiren agardar un chisco.

Hoxe ás 22:00 sairá a Xbox One

Por: Xoves, 21 de Novembro de 2013, 14:51 COMENTAR

xbox one disco duro

O nova xeración xa está, xa é unha realidade, porque a consola de Microsoft está previsto que saia mañá, 22 de novembro.

Pero como vos queda a cara se vos digo que o momento de lanzamento de Xbox One se adianta unhas horas?

Así o farán diversas empresas dedicadas a este mundo como GAME ou Gamestop, que hoxe mesmo a partires das 22:00 terán a súa consola a disposición de todos os usuarios.

Así que se non tedes pacencia para agardar até mañá xa sabedes, tedes unha opción para ser os primeiros en entrar na “next gen”.

star wars battle

Electronic Arts confirmou que os próximos videoxogos de Star Wars non van estar relacionados cos filmes, polo que aqueles que agardedes un guión sacado das películas esquecédeo.

Aseguran que o universo de Star Wars é tan amplo que teñen moitas vías por onde tirar.

Tomb Raider tamén chegará á Xbox One e PS4

Por: Mércores, 20 de Novembro de 2013, 18:05 COMENTAR

tomb raider 2

O xenial videoxogo Tomb Raider, non vos perdades a análise que fixemos meses atrás, chegará tamén ás consolas de nova xeración.

Todo comezou un rumor, mais este chegou a facerse realidade, despois de que Square Enix afirmase que esta nova entrega chegará á Xbox One e PS4 este mesmo 7 de decembro.

Isto baixo o nome de Definitive Edition, é dicir, con todos os DLCs e descargas que foron saíndo.

E aínda que do prezo aínda non dixeron nada, Amazon Italia arriscouse a poñelo a 59.99€.

Serei honesto, non me gusta nadiña que a nova xeración comece a valerse de “ports” de consolas anteriores, porque ben vimos o que aconteceu nesta xeración cando comezaron a sacar “ports” en HD da PS2, que nun breve período de tempo estabamos inundados destas reedicións.

Espero que quede nun caso illado e que nesta nova xeración que entre nos sorprendan con novas propostas e que non se alimenten do xa feito.

Menos do 1% das PS4 terán problemas de hardware

Por: Mércores, 20 de Novembro de 2013, 17:47 COMENTAR

ps4 dual

Non só coas videoconsolas, senón en calquera tipo de dispositivo cando se lanza ao mercado un novo produto hai unha porcentaxe de unidades que se erguen con erros.

Pois na Playstation 4 acontece o mesmiño, e dende o lanzamento en norteamérica desta consola, algúns usuarios están tendo certo tipos de problemas.

Fai uns días Sony xa fixo un comunicado no cal mencionaba que ao redor dun 0,4% das consolas que se venderon poderían ter algún tipo de problema.

A medida que pasan os días, Sony vai tomando nota de como evoluciona a distribución e as queixas , e un representante de Sony América saíu a palestra a falar do tema:

Varios problemas foron reportados polos usuarios, o que nos leva a pensar que non é un problema singular que poida afectar a un alto porcentaxe de PS4. Tamén entendemos que algunha das unidades, presuntamente, danáronse durante a distribución. O número de sistemas afectados é menos dun 1%, o que representa unha porcentaxe moi pequena do total de unidades distribuídas até a data, e atópase dentro do rango esperado por un novo produto.

Obviamente Sony ofrécese a substituír todas as PS4 afectadas, polo que xa informou a todos os puntos de distribución.

O día 29 xa a teremos nas nosas tendas.

Análise de Call of Duty: Ghosts

Por: Martes, 19 de Novembro de 2013, 16:50 COMENTAR

COD Ghosts 3

Hai dous xogos que nunca faltan nunha campaña de Nadal, un é o FIFA e outro é o Call of Duty e baixo o sobrenome de Ghosts, Infinity Ward volve poñerse detrás dun título bélico que pretende seguir sorprendendo, mais que queda nunha posición moi pouco cómoda para seguir explotando a unha saga que aínda mantendo a dose de diversión, as sorpresas son mínimas ou nulas.

O guión de Call of Duty Ghosts sitúanos nun futuro no que despois do emprego de armas nucleares lanzadas dende o propio espazo a terra non é máis que un lugar lúgubre no que os únicos superviventes do bando perdedor son considerados como pantasmas (de aí o nome) os cales conseguiron manterse con vida grazas o seu adestramento e camuflaxe en todo tipo de terreos.

O resto xa case o podedes intuír verdade? Nós encarnaremos a un destes Ghost, aínda que pouco experimentado e teremos que facer fronte ao bando inimigo en diversas situacións.

COD Ghosts 1

Un guión bastante simple e sen sorpresas argumentais no que nos intenta facer superar misións das máis variadas, e quizais o consiga, mais o que non logra é que nos metamos na pel do protagonista.
Si, dende aquel impresionante Modern Warfare a saga quixo facernos vivir momentos espectaculares nos máis recógnitos lugares, e en Call of Duty: Ghosts lévanos a localizacións bastante dispares entre si, misións baixo o mar, cidades asolagadas, control de helicópteros e incluso nos leva ao propio espazo exterior, mais o que non sabe facer é emocionarnos en cada unha desas misións.

Será porque xa non sorprende e contamos co que imos atopar? Será porque Infinity Ward non pon o empeño que debería nestas sagas porque saben que van vender exactamente o mesmo? Sexa polo que sexa non logra que o xogador se emocione avanzando no xogo.
E penso eu, será tan complexo involucrar ao xogador no título? Por que o conseguiron no Modern Warfare?

Se somos honestos teñen moito camiño andado, porque xa teñen unha xogabilidade perfecta, repite exactamente a mesma que en títulos anteriores, pero se algo funciona para que o queren cambiar. Parécenme sublimes os controis desta saga, e esta última entrega non ía ser menos, incluso en misións nas que pilotamos un helicóptero ou un tanque, o control adáptase perfectamente ao pad da consola permitíndonos reaccionar en milésimas de segundos ante calquera ataque sorpresa.

Tamén teñen a un nivel moi alto o apartado técnico, que tamén volven repetir e non destaca máis que capítulos anteriores, é máis, iso de querer plasmar un mundo destruído case por completo fai que predominen as cores escuras e contando mínimas excepcións, as paisaxes son bastante feas a verdade.

Aínda así, isto non inflúe na definición das texturas, que continúa estando a un nivel moi alto.

Así que rememoremos, teñen o control dominado, o apartado técnico tamén, só deben crear unha historia á altura cun guión medianamente traballado e unhas misións que nos adentre de verdade na historia con protagonistas máis carismáticos. É tanto pedir?

COD Ghosts 2

Pero para que van facer isto se facendo o que fixeron conseguen un xogo decente e para que enganarnos, divertido para aqueles amantes dos FPS. E para aqueles que non sexan moi amantes dos shooters en primeira persoa tampouco teñen moito problema, porque o xogo ten unha duración da historia principal case ridícula dunhas cinco ou seis horas, co único afán de rexogalo para conseguir atopar todos os ordenadores que hai escondidos polos escenarios, ou para superar o título nunha dificultade maior (se sodes veteranos da saga podédelo comezar no nivel difícil sen problema ningún).

CONCLUSIÓN

Que é Call of Duty: Ghosts?

Call of Duty: Ghosts é máis do mesmo pero un chisco peor do esperado. Intenta meternos en situacións espectaculares sen conseguir emocionarnos a través dunha historia pouco traballada. De todos os xeitos non sexamos hipócritas, persoalmente, como fan dos FPS non me aburrín durante as escasas seis horas que dura o xogo, pero tampouco me emociona en ningún punto concreto, o que deixa a Ghosts non correcto pero pouco ambicioso proxecto.

Será o momento de volver a darlle un lavado de cara a Call of Duty? Pode ser.

[puntuacion]ESTILO=Sonic|GRÁFICOS=93|SON=94|XOGABILIDADE=98|DIVERSIÓN=80|DURACIÓN=50[/puntuacion]

O niño de Yoshi

Por: Martes, 19 de Novembro de 2013, 15:40 COMENTAR

niño yoshi

Estes ovos son máis complicados de atopar que os do carrizo

Vía | It8Bit