thumb1280x1280_3302693914_413b530272_o

“O mais importante nun xogo de Rol é a historia e a narrativa”.

Jakub Rokosz (CDprojekt)

Cúmplese un ano do lanzamento de Mas Effect 3, e con el, da maior polémica que poda recordar en torno a un xogo. O interese desta polémica con ampla repercusión mediática foi aínda mais aló do da propia industria, saltando aos medios xeneralistas e xerando debates en torno ao concepto de propiedade artística e os dereitos dos consumidores.

Este é o primeiro artigo dunha serie de dous nos que analizamos todos estes aspectos. Nestas primeiras letras intentei evitar no posíbel os spoilers maiores, centrándome na repercusión social e mediática, e facéndo unha reflexión crítica das prácticas (tanto narrativas, como estrictamente comerciais) que puideron motivar a polémica. Contodo, o artigo contén algúns spoilers que considerei necesarios para perfilar este “racconto”… preveño antes de sufrir agresións físicas ou que alguén decida facerme vudú.

Que se abra o telón…

Ler o resto da entrada »

tgs-2012-sea-of-humanity-720.0_cinema_640.0

 O grande referente da industria nipona do videoxogo ven de anunciar as datas nas que se celebrará neste 2013. Será concretamente do 19 ao 22 de setembro, e nesta ocasión fará mais doado o seguimento dende occidente, ao habilitar unha canle de vídeos dende as que se transmitirán presentacións e eventos. O lema desta edición vai ser; “GAMES: Limitless Evolution” (XOGOS: evolución sen límites), e de feito, a evolución do medio será o tema central do evento.

Despois duns anos nos que veu perdendo forza fronte a outras convocatorias, e particularmente fronte ao E3, o TGS 2013 quere ser de novo referencia a nivel mundial, para o que introducirá numerosos cambios de formato e tentará aproveitar o filón PS4 a poucas semanas do seu lanzamento.

A pesar de debutar o día 20, o de PS4 foi o anuncio mais visto do mes de febreiro a nivel global. Nestes momentos achégase xa a 27 millóns de reproducións.

1271069546CRTVG

 Mañá, martes día 12, estaremos no programa “A Tarde” da Radio Galega. Nesta entrevista presentaremos no medio público a recente rexeneración da nosa páxina, que nesta versión 3.0 foi totalmente renovada e ampliada para achegarvos máis e mellores contidos coa mesma ilusión de sempre.

A entrevista terá lugar por volta das 16:40, e poderedes seguila sintonizando os diais da RTVG  ou vía internet pola emisión en directo da web da RTVG. Convidámosvos a seguirnos nesta nova aventura no camiño de levar un pouquiño máis a nosa língua propia á nosa paixón común.

O popular xogo de estratexia bélica en tempo real xa ten data de lanzamento oficial. Aínda que fora anunciado para princípios deste 2013, SEGA concretou o 25 de Xuño como a data na que rematará a longa espera dos afecionados.

“Citadel”, o último DLC que sairá para ME3, xa se pode descargar dende hoxe, día 5. Hai que sinalar que para os usuarios de Xbox foi dividido en dúas partes polo seu enorme peso (4 GB).

Os 10 mellores xogos de XBOX

Por: Martes, 5 de Marzo de 2013, 14:12 COMENTAR

Original_Xbox  A primeira consola de Microsoft foi unha máquina de grande importancia histórica, e non so pola irrupción neste mercado do xigante americano, senón polas pontes que tendeu entre as consolas e o PC, contribuíndo de xeito importante a que de aí en diante fose cada vez mais normal que sagas nacidas nun formato desen o salto “ao outro lado”. Un fenómeno que ademais iría moito mais aló de Xbox e da propria Microsoft, ao achegar progresivamente dous mundos que en tempos pareceran discurrir en realidades alternativas.

 Pois ben, hoxe a lista dos 10 xogos mais destacados céntrase naquela consola, que sen acadar un grande éxito comercial no mercado europeo, sentou as bases para que a súa sucesora chegase a  ser a némese da todopoderosa PlayStation.

Déixovos coa selección deste redactor. (Non sen antes repetir o recoñecemento da subxectividade implícita en toda lista destas características.)
Ler o resto da entrada »

Beyond:Two Souls sairá en Outubro

Por: Venres, 1 de Marzo de 2013, 19:14 COMENTAR

beyond-two-souls

A nova e agardada xoia de David Cage, responsábel dos brillantes “Farenheit” e “Heavy Rain” (e manifesto defensor da evolución dos xogos á madurez mediante unha maior complexidade e profundidade narrativa), chegará ás nosas mans no próximo mes de Outubro.  A data exacta nos EEUU será o día 8, no caso do mercado europeo só hai confirmación de que será no mesmo mes, mais sen fixar un día concreto.

Ao tempo que anunciaba este dato, Sony (lembremos que será unha nova exclusiva de PS3), deixou saber que un dos actores que acompañarán a Ellen Page na interpretación vía motion-capture será nada menos que o mítico Willem Dafoe, a quen nos permiten ver en acción no universo do xogo mediante un trailer que xa fixeron público. Confírmase tamén que neste caso a xogabilidade será mais convencional que en Heavy Rain, e polo tanto xa non estará baseada en QTE, senón que buscará un control mais intuitivo polo xogador.

 Haberá que agardar, pois, ao outono, para vivir a que sen dúbida será outra complexa, adulta, e inmersiva historia asinada por Quantic Dream.

734765_10151293602899331_1302707356_n

  Dende que se anunciou oficialmente a saída do título que pechará a triloxía de xogos baseada na personaxe e universo de Andrej Sapkowski, CDprojekt non deixa de xenerar expectación con novas de impacto. Se nun primeiro momento anunciaban que o xogo transcorrería sen capítulos e nun mundo totalmente aberto que superaría nun 20% o tamaño de Skyrim, agora sorpéndennos anunciando que tan só a trama principal ocupará nada menos que unhas 50 horas de xogo, algo inédito nun xogo de mundo aberto. (A trama principal de Skyrim pódese completar en catro ou cinco horas).

 Os estudos polacos engaden ademais outras boas novas para os seguidores das aventuras de Geralt de Rivia, confirmando que as personaxes do xogo variarán en función das decisións tomadas nas anteriores entregas. As decisións terán nesta terceira e última entrega da triloxía un peso fundamental, puidendo conducirnos a un dos tres epílogos diferentes en función dos 36 posíbeis escenarios nos que deixemos o mundo tras o paso de Geralt.

 Entre as novidades tamén estarán saltar e escalar, domar cabalos, novos minixogos, ou a caza de monstros de dificultade elevada para gañarnos o xornal, no xeito no que é presentada na saga literaria. A todo isto haberá que engadir as melloras gráficas xa anunciadas, que espertan grande interese nunha saga que xa destacou enormemente neste aspecto na anterior entrega.

 Todo isto envolto, por descontado, na complexa narrativa e no ton claramente adulto que xa vimos no seu precursor. Seguiremos atentos ás novas que vai deixando caer o estudo, porque se a segunda entrega foi un dos mellores RPG da historia, todos os datos que manexamos apuntan a algo que fará historia no mundo dos videoxogos.

Os DLC de Skyrim chegan por fin a PS3

Por: Xoves, 28 de Febreiro de 2013, 13:14 COMENTAR

Elder Scrolls 5, Skyrim

 Despois dun calvario de retrasos non sempre debidamente xustificados, os tres DLC do exitoso RPG de Bethesda dos que usuarios de PC e Xbox 360 levan meses disfrutando chegan por fin a PlayStation Store. Os contidos recibidos son “Dawnguard”, “Hearthfire”, e o mais recente “Dragonborn”. Para compensar aos usuarios da máquina de Sony polo retraso, (moi considerábel no caso dos dous primeiros) saen á venda cun desconto do 50% na primeira semana.

 Lembremos que “Dawnguard” pónnos sobre a pista duns misteriosos ataques de vampiros, engadindo un número considerábel de horas de xogo. “hearthfire” permítenos construírnos a nosa propia casa en Skyrim dende os cimentos, mentres que “Dragonborn”, pola súa banda, permítenos volver a Morrowind explorando libremente a illa de Solstheim.

deus-ex-human-revolution-hd-fond-d-cran-468008

  Square Enix, a través da súa división en Europa, rexistrou onte un novo título da veterana saga Deus Ex. Aínda que algúnhas das primeiras análises apuntaban a que podería referirse á versión cinematográfica que xa está en marcha, posteriormente confirmouse que os todas as pistas apuntan ao desenrolo dun novo xogo que podería anunciarse proximamente. Despois do éxito colleitado con “Human Revolution”, que devolveu a franquícia a un posto privilexiado na atención de público e crítica, era mais que probábel a edición de novas entregas.

  Os numerosos seguidores da saga terán que agardar agora un anuncio oficial que podería producirse nalgún dos numerosos eventos que aínda quedan no almanaque deste ano, nomeadamente o E3. Non será até entón cando coñezamos se o lanzamento se proxecta para as actuais consolas ou se o están a programar coa vista posta na inminente nova xeneración.

psxconsole

Celebro que polo maduro e xornalístico método do “me-lo-pido” teña recaído en min a tarefa de facer este racconto dunha máquina tan especial como foi a gris de Sony. Con independencia das preferencias individuais, tan sacrosantas e incuestionábeis para cada un, non cabe dúbida de que PSX marcou un antes e un despois na industria que para moitos aconteceu tamén no persoal. O salto aos 32 bits trouxo consigo unha apertura temática, a irrupción de novos e interesantes prantexamentos, así coma o nacemento de sagas que aínda hoxe figuran entre os titáns do mundo dos videoxogos.

Antes de comezar coa lista, (e en previsión de que alguén leve as mans á cabeza e/ou decida facerme vudú), quero lembrar que para Playstation saíron miles de xogos, moitos deles dun nivel asombroso, e que a pesar do lapidario título de este artigo non existe maneira obxectiva algúnha de catalogar todo iso segundo criterios cualitativos. Quero especificar tamén que algúns dos mellores xogos de Playstation non chegaron a ver a luz en Europa, polo que considerei que debía excluílos a propósitos desta lista (penso, por exemplo, no brillante “Chrono Cross”, que inexplicablemente nunca chegou ás nosas tendas). Por último, e antes de que cambiedes de emisora, dicer que precisamente por ese nutridísimo catálogo de xogos e pola dificuldade de selecionar só 10 títulos, hai unha vontade consciente de non repetir títulos das mesmas sagas. O porqué aparece logo unha entrega que algúns poidades considerar inferior a outras cae no antes enunciado terreo da subxectividade de todo artigo.

Esta é, logo, a selección deste redactor.

Ler o resto da entrada »