swtor

 O MMO de Bioware engade hoxe unha importante cantidade de novos contidos. Entre eles chéganos unha nova área de misións diarias para xogadores de nivel 55 na misteriosa paisaxe de Oricon, onde deberemos enfrontarnos a un inimigo común a república e imperio; os Dread Masters.

Chégannos tamén duas novas operacións e novas areas PvP, unha nova organización na que gañar reputación e premios para cada bando, novas armaduras, monturas e vehículos, etc. Ligadas a esta actualización hai tamén unha grande cantidade de pequenas modificacións e engadidos a cada clase que poden ser consultadas íngramente na páxina oficial.

“The Dread War” preséntanos pois novos retos e áreas cos que alongar o interese dun título que volveu achegarse aos dous millóns de xogadores dende o seu paso á formula Free to Play, e que ofrece o interesante sistema de diálogos e inclinacións morais de Bioware. Iso si, en perfecto inglés.

37994-1-1373839280

Alexander J. Velicky, de 19 anos, valeuse da colaboración de 100 persoas, (incluíndo 30 actores de dobraxe), para dar vida a Falskaar, un novo territorio insular de grandes dimensións con 26 novas misións, incluíndo unha trama principal dunhas nove horas de duración. Para crear este mod, o autor adicou unhas 2.000 horas ao longo dun ano de duro traballo, coa intención de dar un paso adiante entre a comunidade de Modders de Skyrim e atraer a atención da compañía na procura dun utópico emprego na industria.

As dimensións de Falskaar son en torno a unha terceira parte da superfície de Skyrim, nas que o seu creador despregou novas armas e armaduras, dous novoxs conxuros e até un novo berro. Por se fora pouco Falskaar conta coa sua propia banda sonora e novas cancións de bardos. O autor asegura que testou concienzudamente o mod para evitar incompatibilidades e bugs antes de publicalo, e de feito atópase xa entre os mais valorados polos usuarios do Nexus de Skyrim.

O froito do traballo de Velicky e os seus colaboradores pódese descargar en Nexus aqui.

Final Fantasy VII chega a Steam

Por: Xoves, 4 de Xullo de 2013, 16:20 COMENTAR

FF7logo

 O mítico xogo de Squaresoft (hoxe Square-Enix) púxose hoxe á venta en Steam con algúnhas novidades sobre o que puidemos ver no maravilloso orixinal de PlayStation.

 Como non podía ser doutro xeito os logros chegan a esta nova edición do clásico; son 36 logros en total que testemuñan até onde se ten chegado e o que se ten logrado da man de Cloud e compañía. O gardado na nube é tamén unha nova posibilidade desta versión, posibilitándonos o desfrutar dos nosos avances en mais dun PC. O xogo chéganos tamén optimizado para poderse xogar nos novos sistemas operativos sen ningún problema.

 A novidade mais polémica é sen dúbida o “editor” que nos permitirá “trampear” para obter mais gil, HP ou PM con so darlle a un botón, o que pode eliminar parte importante do reto que plantea o xogo e fai que poda superarse sen ningún esforzo.

 O xogo pódese adquirir por 10´99 euros. Estes son os requisitos:

Minimo:

OS:Microsoft Windows XP/Vista/7 (32/64bits)

Processor:2GHZ

Memory:1 GB RAM

Graphics:DirectX 9.0c-compatible graphic card

DirectX®:9.0cHard Drive:3 GB HD space

nintendo-wii

 Varios canais das aplicacións on line da consola de Nintendo atópanse xa borrados da súa oferta de servizos. Os afectados son a canle Nintendo, a de novas, a do tempo, a canle opinións e a de concursos Mii. A medida foi comunicada aos usuarios por un correo electrónico de Nintendo. A compañía xaponesa non deu moitas explicacións sobre o sentido destas medidas, pero están a ser vistas como unha maneira de ir “baixando a persiana” de Wii a fin de estimular as ventas da súa nova máquina, Wii U, que non remata de despegar.

 Mantense polo momento a tenda on-line, na que calqura xogo descargado pódese pasar de balde a Wii U. A medida non parece ter causado moita sorpresa, xa que Nintendo non está apoiando xa á  Wii mediante o desenrolo de xogos, e parece decidida a dar por finiquitada a andadura da que foi unha das súas consolas mais exitosas.

Os piratas chegan a Guild Wars 2

Por: Mércores, 26 de Xuño de 2013, 15:35 COMENTAR

92006New-Aetherblade-Armor-Skins

Os usuarios do xenial MMO gratuito de ArenaNet están de noraboa pola nova actualización do xogo, que trae da man varias novidades.

En primeiro lugar hai unha nova mazmorra de historia. Trátase dun reto moi esixente que nos medirá aos piratas filoetéreos e á súa lexendaria capitana. Nesta e nas demais localizacións atópanse agora maior variedade de premios e trofeos.

O xogo tamén benefíciase agora dun importante reaxuste de habilidades, que pretende equilibralas e redeseñar aquelas que eran mais impopulares para os usuarios. Outro dato importante é que as areas PvP persoalizadas e mais o modo espectador deixan de ser beta.

A actualización chega ademais acompañada dunha nova novela sobre o universo do xogo; “Guild Wars: Sea of sorrows”, terceira novela orixinal de GW, escrita por Ree Soesbee, deseñador narrativo do xogo.

David-Gaider

David Gaider, veterano guionista de Bioware que participou na creación de Baldur’s Gate 2, Star Wars; KOTOR, e a saga Dragon Age, entre outros, deu unha charla sobre sexualidade e sexismo nos videoxogos na que reparou nalgúns aspectos disfuncionais do tratamento que este importante aspecto recibe nun medio en constante crecemento.

Gaider considerou que a medida que asoman representacións máis realistas das relacións humanas nos videoxogos, é doado que consciente ou inconscientemente os creadores reproduzan condutas sexistas e ideas preconcibidas sobre que modelos de relacións son aceptábeis. Tamén considerou que a industria tende a nadar e gardar a roupa para non afrontar con seriedade certas materias. Neste sentido declarou;

A nosa industria disputa un conflito entre o desexo de ser tomados en serio como forma de arte, e o desexo de evitar o problema de abordar temas sociais porque o que facemos son “só xogos”

Alén da obvia sobreexplotación da sexualidade feminina que abunda en multitude de franquías con fins comerciais, Gaider opinou que ás personaxes femininas se lles esixe sempre a necesidade de probarse a si mesmas para xustificar o seu rol protagonista, como tamén que no tratamento dos grupos humanos considerados “minorías” non acostuman nin participar nin ser consultados estes colectivos sobre as visións que deles se transmiten nos xogos. Todo isto, opinou, debe dar pé a reflexións para avanzar a un reflexo serio e positivo das relacións sociais e sexuais nos videoxogos.

Lembremos que Bioware, e particularmente a saga Dragon Age, vén desenvolvendo unha tarefa pioneira na representación das relacións afectivas e sexuais, incluíndo as relacións homosexuais como unha libre escolla do xogador.

Final_Fantasy_XV_Logo

Segundo revela a revista líder do sector no Xapón, Famitsu, está fora de toda dúbida que non haberá versión Wii U da nova entrega de Final Fantasy. A versión de PC estudaríase de darse unha serie de circunstacias, e o motivo é o mesmo en ambos casos; os altos requisitos técnicos.

Final Fantasy XV require sistemas que soporten DirectX 11, o que descarta automáticamente a máquina de Nintendo, pero ademais, os seus desenroladores consideran que os requisitos en PC serían moi elevados, de xeito que so resultaría xogábel en PC de gama alta. Partindo desta valoración previa, Square Enix quere coñecer se a demanda do xogo en PC sería suficiente para arriscarse a lanzalo nesta plataforma.

Hai que sinalar que tradicionalmente a relación do rol xaponés, (ou J-RPG), nunca foi moi estreita co PC, xusto ao contrario que a do Rol occidental. Baseándonos nos antecedentes é moi probábel que o xogo si remate vendo a luz na súa versión para Windows, aínda que seguramente con bastante restraso sobre as versións para consolas de nova xeración.

TheLastofUsPoster

Hai xogos que non podo desfrutar axeitadamente con prexuízos, que son incapaces de vencelos e confirman cada un deles. Mais hai outros, (xogos moi especiais), que teñen o potencial para sobrepoñerse ao escepticismo, de sacudilo até que se renda.

Ese é o caso de The Last of Us.
Ler o resto da entrada »

Peter-Moore-EA-Battlefield-Conferencia-E3-teamplayers.jpg-600x369

Peter Moore, director de operacións de Electronic Arts, ven facer unhas declaracións á revista Polygon que contradín o argumentario de Microsoft de escudarse nas third parties para xustificar o seu ataque á liberdade dos usuarios. Lembremos que, precisamente, a implicación de EA de xeito moi especial no desenrolo de xogos para Xbox One foi un dos eixos centrais da conferencia de presentación da nova máquina de Microsoft.

Moore, sen embargo, sitúa o mercado da segunda man moi lonxe das preocupacións da súa compañía; “Como son o tipo que dirixe as operacións de electronic Arts, pódovos dicir que EA non será agresiva cos titulares das plataformas nin para poñer unha porta que permita ou non os xogos usados. Son un defensor dos xogos usados. Encántame o seu ecosistema”.

Tendo en conta que EA ven de eliminar os pases on line, parece que o xigante da industria quere cambiar a súa imaxe tras dous anos sendo escollida como “peor compañía de América”. Será Microsoft a sucesora en tan dubidoso honor?.

consolas2

 Tomando como referencia as medidas oficiais facilitadas polas compañías no E3 que se está celebrando en Los Angeles, unha usuaria de Twitter publicou a primeira simulación que se pode atopar sobre as dimensións do novo hardware posto en perspectiva.

 Na simulación podemos ver o tamaño das novas consolas en relación á competencia e ás súas predecesoras.

Lords-of-the-Fallen-4

 A nova franquícia de rol, que chega co aval de Tomasz Gop, productor exectutivo dos dous primeiros “The Witcher”, deixanos ver por vez primeira a estética que lucirá cando chegue a nós ben entrado o 2014. Trátase dun RPG de ambientación escura, pero que segundo imos vendo apostará menos polo realismo adulto que o xigante do rol polaco.

 Argumentalmente os paralelismos con “The Witcher” parecen estar no punto de partida, ao meternos na pel dun antiheróe masculino rexeitado pola súa sociedade pero no que esta ten que depositar as súas esperanzas. Ese noso protagonista, que responderá ao nome de Harkyn, será personalizábel, e poderémolo conducir por un mundo aberto a través de moi duros combates a fin de deter a guerra dos crentes do deus caído.

 Haberá que seguir agardando polo momento a ver imaxes do xogo en movemento e poder coñecer detalles da súa xogabilidade.

e3_screen_03 (1)

e3_screen_01

images

Con certa incredulidade vemos algúns os últimos movementos en comunicación e márketing da compañía estadounidense, que parece empeñada en gañarse a enemizade de boa parte da comunidade gamer.

Despois das reaccións producidas pola confirmación de Sony de que PS4 non encadeará ao usuario a internet (o que disparou as expectativas comerciais da compañía xaponesa a respecto do seu rival máis directo), a reacción de Microsoft chega en forma de declaracións claramente desafortunadas.

Foi nada menos que Don Mattrick, directivo da compañía e mestre de cerimonias nas últimas conferencias, quen ven de declarar; “temos un producto para xogadores que non teñen ningún tipo de conexión (á rede), chámase Xbox 360”.

Mattrick amosouse totalmente convencido de que os xogadores acabarán por aceptar as restricións de Xbox One cando vexan as súas vantaxes, ao tempo que reiterou que para aqueles e aquelas xogadores/as que non dispoñen dunha conexión a internet boa e estábel a solución de Microsoft é non dar o salto xeracional; “Ese, (Xbox 360), é un dispositivo offline”, insistíu o directivo da compañía americana.