Ultimate Game Sale 2015

Pois si, ao igual que como vimos pola mañá no caso de Playstation, Xbox tamén está realizando esta semana, en concreto do 17 ao 24 de febreiro, unha época de rebaixas para as súas dúas plataformas Xbox One e Xbox 360 na que podemos atopar todo tipo de xogos con descontos de ata o 85% e que, ao igual que como pasaba na PS Store, veranse aumentados para aqueles que sexan membros Gold de Xbox Live. Unha ocasión perfecta para facerse con aqueles títulos que sempre desexamos e que non puidemos xogar polo seu elevado prezo.

Deixovos por aquí o enlace ao blog de Xbox onde ver todas as ofertas da Ultimate Game Sale e tamén botarlle un ollo as ofertas semanais.

PS Store Rebaixas Febreiro

Unha vez máis chegan as nosas consolas os descontos semanais e mensuais de Playstation Store para PS3, PS4 e PS Vita, só que nesta ocasión veñen máis cargados que nunca de ofertas debido ao terceiro aniversario da PS Vita que se fai patente cunha selección máis ampla que nunca de títulos. As ofertas en concreto están dispoñibles ata o 25 de febreiro na oferta semanal e ata o 4 de marzo nos descontos polo aniversario da PS Vita, nos  de febreiro e nos dixitais onde se engloban PS3 e PS4. Outro factor a ter en conta antes de tirarse por un título é que se sodes membros de PS Plus poderedes disfrutar de un 10% de desconto adicional nalgún dos títulos, algo que pode facer aínda máis interesante a oferta.

Entre os títulos que destacan están o Battlefield 4 Premium Edition, La Tierra Media: Sombras de Mordor, Destiny ou The Evil Within entre os máis recentes e polo tanto tamén máis caros, podedes atopar a lista completa no Blog Oficial de Playstation.

Deixovos a lista das ofertas de PS Vita para que vos fagades unha idea do que ides atopar.

Assassin’s Creed III Liberation
Antes 19,99 €, agora 9,99 €
Desconto adicional do 10% para os membros de PS Plus

Batman: Arkham Origins Blackgate
Antes 39,99 €, agora 14,99 €
Desconto adicional do 10% para os membros de PS Plus

Child of Light – Complete Edition
Antes 24,99 €, agora 8,99 €

Child of Light
Antes 14,99 €, agora 6,99 €

Danganronpa 2: Goodbye Despair
Antes 39,99 €, agora 19,99 €

Danganronpa: Trigger Happy Havoc
Antes 39,99 €, agora 19,99 €

Disgaea 4: A Promise Revisited
Antes 39,99 €, agora 19,99 €

Dragon’s Crown
Antes 39,99 €, agora 19,99 €

Dustforce
Antes 9,99 €, agora 1,99 €

God of War Collection
Antes 24,99 €, agora 12,99 €
Desconto adicional do 10% para os membros de PS Plus

Gravity Rush
Antes 14,99 €, agora 6,99 €
Desconto adicional do 10% para os membros de PS Plus

Hatsune Miku: Project DIVA f
Antes 29,99 €, agora 19,99 €

Killzone Mercenary
Antes 19,99 €, agora 9,99 €
Desconto adicional do 10% para os membros de PS Plus

LEGO Batman 3: Beyond Gotham
Antes 39,99 €, agora 29,99 €
Descuento adicional del 10% para los miembros de PS Plus

LEGO Marvel Super Heroes
Antes 39,99 €, agora 19,99 €
Desconto adicional do 10% para os membros de PS Plus

Metal Gear Solid 2: Sons of Liberty – HD Edition
Antes 14,99 €, agora 7,99 €

Metal Gear Solid 3: Snake Eater – HD Edition
Antes 14,99 €, agora 7,99 €

Metal Gear Solid HD Collection
Antes 29,99 €, agora 14,99 €
Desconto adicional do 10% para os membros de PS Plus

Mortal Kombat
Antes 24,99 €, agora 9,99 €
Desconto adicional do 10% para os membros de PS Plus

MotoGP14
Antes 29,99 €, agora 14,99 €
Desconto adicional do 10% para os membros de PS Plus

MotoGP14 Compact
Antes 9,99 €, agora 4,99 €

MotoGP14 Compact to full game upgrade
Antes 19,99 €, agora 9,99 €
Desconto adicional do 10% para os membros de PS Plus

MotorStorm RC Complete Edition
Antes 8,99 €, agora 3,99 €
Desconto adicional do 10% para os membros de PS Plus

Need for Speed Most Wanted
Antes 49,99 €, agora 14,99 €

Persona 4 Golden
Antes 39,99 €, agora 19,99 €

Rayman Origins
Antes 19,99 €, agora 9,99 €
Desconto adicional do 10% para os membros de PS Plus

Resistance: Burning Skies
Antes 14,99 €, agora 9,99 €
Desconto adicional do 10% para os membros de PS Plus

Ridge Racer – Ultimate Edition
Antes 24,99 €, agora 6,99 €

Ridge Racer
Antes 9,99 €, agora 4,99 €

Sly Cooper: Thieves in Time
Antes 14,99 €, agora 6,99 €
Desconto adicional do 10% para os membros de PS Plus

Sonic & SEGA All Stars Racing Transformed
Antes 39,99 €, agora 9,99 €

Soul Sacrifice Delta
Antes 29,99 €, agora 14,99 €
Desconto adicional do 10% para os membros de PS Plus

Street Fighter X Tekken
Antes 44,99 €, agora 9,99 €
Desconto adicional do 10% para os membros de PS Plus

Super Stardust Delta
Antes 7,99 €, agora 3,99 €
Desconto adicional do 10% para os membros de PS Plus

Tearaway
Antes 14,99 €, agora 9,99 €
Desconto adicional do 10% para os membros de PS Plus

The Jak and Daxter Trilogy
Antes 19,99 €, agora 9,99 €
Desconto adicional do 10% para os membros de PS Plus

The Ratchet & Clank Trilogy
Antes 24,99 €, agora 12,99 €
Desconto adicional do 10% para os membros de PS Plus

The Sly Trilogy
Antes 24,99 €, agora 12,99 €
Desconto adicional do 10% para os membros de PS Plus

The Walking Dead: Season Two – SEASON PASS
Antes 19,99 €, agora 9,99 €
Desconto adicional do 10% para os membros de PS Plus

The Walking Dead: The Complete First Season
Antes 19,99 €, agora 9,99 €
Desconto adicional do 10% para os membros de PS Plus

The Wolf Among Us – The Complete First Season
Antes 24,99 €, agora 12,99 €
Desconto adicional do 10% para os membros de PS Plus

Uncharted: Golden Abyss
Antes 24,99 €, agora 12,99 €
Desconto adicional do 10% para os membros de PS Plus

WipEout 2048 
Antes 14,99 €, agora 6,99 €
Desconto adicional do 10% para os membros de PS Plus

Ys: Memories of Celceta
Antes 39,99 €, agora 19,99 €

Os videoxogos SON cultura

Por: Mércores, 21 de Xaneiro de 2015, 13:25 2 COMENTARIOS

GTA V Foto

Son dos que considera que antes de lanzarse a dicir nada o primeiro que hai que facer é pensar e reflexionar sobre aquelo que imos dicir en voz alta, pode que iso fose o que lle fallou a Forges o 10 de setembro do ano pasado cando publicaba esta viñeta xa coñecida por todos, aínda que a xulgar polas declaración que lle puiden escoitar días máis tarde en ‘Fallo de sistema’, un programa de Radio 3 moi recomendable sobre videoxogos, ciencia ficción, etc, parece que simplemente escribir nun xornal ou ter unha opinión non significa que esta teña que ser a correcta. Deixando a Forges a parte, que xa bastante tivo co que tivo no seu momento, e centrándonos un pouco máis no tema deste artigo, son os videoxogos cultura? e porque?

 

Comecemos polo máis obvio, responden os videoxogos á definición de cultura que podemos atopar no diccionario, segundo a RAG teríamos dous significados para a palabra cultura.

 

1. “Conxunto de coñecementos xerais que posúe unha persoa, adquiridos mediante a instrución ou a experiencia.”

2. “Conxunto de coñecementos, crenzas e costumes que caracterizan as sociedades humanas organizadas, particularmente as máis avanzadas.”

 

O primeiro moito máis persoal, pero aínda así a considerar, xa que unha sociedade non deixa de estar definida pola súa cultura, e esta polo conxunto de culturas persoais de cada un de nós, que pese a poder ser diferentes nos detalles son moi similares a grandes rasgos. Son os videoxogos parte destos coñecementos, crenzas e costumes que nos caracterizan? Podo dicir sen medo que si, que na nosa sociedade todo o mundo coñece a Mario Bros, o Tetris, os Pokemos e incluso se me apurades ata coñecen o GTA e o Call of Duty como os referentes culturais e de diversas xeracións que son merecidamente. É complicado pensar na nosa sociedade sen a parte de consumidores de videoxogos, sen as constantes referencias que se fan a estos na nosa vida cotiá, cando se encaixan ben as cousas como se foramos un maestros do Tetris, por poñer un exemplo. Así que si, se atendemos a definición os videoxogos son cultura, son parte da nosa cultura.

 

Fez PS4

Pero evidentemente unha definición non deixa de ser iso, e máis se temos en conta as últimas inclusión da RAE que nos deixaron a máis de un coa boca aberta. Quizás para entender porque os videoxogos son cultura temos que comezar a pensar neles como na suma de múltiples factores que de por si son cultura dende fai moito tempo, pois pese a que detrás de un videoxogo hai moitas cousas, hai tres que podemos destacar e das que ninguén negará que son cultura. Estes tres aspectos son a música, a imaxe/deseño e a historia. Un libro é cultura, unha canción é cultura, e unha pintura é cultura, porque unha obra na que se misturan unha historia cun deseño e unha banda sonora deixa de ser cultura? Son a suma de estos factores as que nos fan ser protagonistas de esta historia, tomar as decisións e avanzar a través dela dunha forma ultra-inmersiva, dunha forma similar a como ocorre no cine, outra forma cultural, pero podendo tomar nós as decisións. Como todo isto non vai ser cultura?

 

Pode que os videoxogos non sexan unha forma cultural centenaria como o poden ser a pintura ou os libros, pode que non todas as sociedades teñan unha cultura do videoxogo como si a teñen do baile e da música, e pode que non todos os videoxogos sexan obras maestras que deban ser parte da nosa memoria para sempre, e é o normal, estamos acostumados a que a cultura se ensine nas escolas pero non sempre vai ser así, os videoxogos son cultura,  saber que é o Tetris, Atari ou quen é Shigueru Miyamoto é parte da cultura xeral da nosa sociedade, xogues ou non a videoxogos, debes saber quen son.

É o momento da old-gen

Por: Venres, 16 de Xaneiro de 2015, 12:29 COMENTAR

old-gen

2015 xa está aquí, o terceiro ano natural da next-gen, o ano no que deberían surxir os títulos para estas consolas por todas partes, e seguramente sexa así, pero se botamos un ollo á lista dos dez xogos que eu máis espero deste ano hai algo que queda patente, os grandes títulos deste ano son, na súa maioría secuelas, por iso , e aínda que poida parecer absurdo, eu vos digo, este é o momento de disfrutar da PS3, da Xbox, da Wii e dos seus xogos.

Comecemos polo que pode ser máis obvio para todos, o prezo. Non vou dicir que mercar unha consola nova da next-gen sexa cousa de ricos pero o que está claro é que non está ao alcance de todos, polo menos non ao meu como humilde estudante, e se por riba a este prezo lle temos que sumar unha cuota mensual para poder disfrutar do online e que os prezos dos xogos, incluso de segunda man, non baixan do rango dos 45€, está quedando claro que se queres a túa consola para algo máis que ser un pisapapeis o investimento a realizar é elevado. Agora botade contas, mercar unha consola old-gen de segunda man e un bo feixe de xogos e aínda vos quedará para ir ao cine, como se fóramos millonarios! Se este é o primeiro achegamento ao mundo das consolas e non che sobran os cartos a old-gen é sen dúbida a túa xeración.

Se o prezo non é para vós un factor a ter en conta, afortunados, pode que o sexa o feito de xogar as sagas completas. Porque sexamos sinceros, máis aló de se o xogo está a 720p ou a 1080p, de se ten modo online ou deixa de ter, o que fai a un xogo relevante é a súa historia, a forma na que este transcurre e como nós somos capaces de meternos dentro de cada personaxe, e por iso mesmo é este o momento de disfrutar de todo aquelo que non puidestedes xogar no seu momento a un prezo asequible, é o momento de xogar a saga Assessin’s Creed, Far Cry ou os Uncharted, tal vez de probar clásicos como Heavy Rain, L.A. Noire, Bayonetta ou Mirror’s Edge por mencionar os máis coñecidos, ou incluso de tirarse aos grandes éxitos como o GTA V ou The Last of Us, grandes xogos que se polo que fora non xogastedes no seu momento estades a tempo de probar e disfrutar como se do día do seu lanzamento se tratase sen o gran desembolso que suporía iso, unha gran selección de títulos para todos os gustos.

Poucas razóns se me ocorren para non xogar a todo aquelo que non se puido no seu momento, gran variedade de títulos e prezos que ata certo punto fan xustiza ao contido. Por iso, porque a democratización do videoxogo é esta, para min este e non outro é o momento da Old-Gen, este é o momento dos grandes xogos.

 

Imaxe | Flickr

dota 2

O mundo dos eSport está en auxe en todo o mundo, é algo que incluso podemos ver no noso país coa LVP e a multitude de torneos que alí se celebran de títulos tan dispares como o League of Legends, Dota 2, Smash Bros ou Hearthstone sen esquecer os clásicos Starcraft, Fifa ou Call of Duty; a cuestión é que o que antes se tomaba como un divertimento de nenos hoxe é considerado en moitos sitios un deporte. Tan só temos que fixarnos na final mundial do ano pasado do League of Legends para darnos conta que algo está cambiando.

Volvendo ao Dota 2, xogo que se non coñecedes podedes atopar de balde en Steam, o ano pasado repartiu nada menos que 10 millóns de dólares nas finais, sendo o equipo Chino ‘Newbee’ o campión do torneo premiado con 5 millón de dólares, este ano agárdase que esta cifra sexa aínda maior. The International 2015 celebrarase en Seattle entre o 3 e o 8 de agosto e de seguro que o poderedes seguir polos canais oficiais do torneo en Twitch e Youtube, como xa vén sendo costume.

Un paso máis para o mundo dos eSport que en países como China ou Corea xa ten máis seguidores que moitos dos deportes tradicionais e cuxos xogadores reciben becas deportivas, incluso, en Estados Unidos, conta con visados para estos deportistas para que poidan viaxar a outros lugares do mundo para competir en torneos.

Se aínda non te animaches a probar algún destes xogos anímate , dálles unha oportunidade e cóntanos que tal a experiencia.

10 títulos aos que xogar este 2015

Por: Mércores, 7 de Xaneiro de 2015, 12:17 5 COMENTARIOS

Todos os anos por esta data miro o calendario de lanzamentos e decido cales serán os xogos de precio elevado, deixando en certa medida Steam a un lado, nos que gastarei os meus cartos, está claro que non vai haber nin tempo nin cartos para todos os que quixera así que aquí están os meus 10 do 2015.

 

The order: 1886

Comezamos esta recopilación 100% persoal do máis agardado para este 2015 que acaba de comezar falando de un dos dous xogos exclusivos que chegaran a PS4 este ano, en concreto este chegará o 20 de febreiro. The Order: 1886 é unha aventura de acción con ambientación steampunk onde as criaturas e monstruos están á orde do día. Un apartado gráfico á altura da nova xeración e o Londres da época victoriana sumado ao esforzo de Sony porque este sexa un dos xogos do ano entrante non parecen poucos alicientes para darlle canto menos unha oportunidade a esta obra.

 

The Legend of Zelda Wii U

Co nome aínda por confirmar The Legend of Zelda para Wii U será, cando saia, o primeiro achegamento de Link como parte de The Legend of Zelda para Wii U, xa que como sabedes este xa apareceu en Hyrule Warriors. Pouco se sabe de este xogo máis aló do que puidemos ver en trailers, sabemos que saerá este ano, que será compatible cos Amiibo e que conta cun coidado no detalle nunca antes visto por parte de Nintendo, esta será sen ningunha dúbida unha das grandes apostas da gran N, se non a máis importante. O digno sucesor das aventuras de Zelda para Wii U que todos agardamos.

 

Halo 5: Guardians

O segundo xogo da Saga do Reclamador e o décimo primeiro da franquicia chegará en outono para facer as delicias dos fieis seguidores de Microsoft que de seguro levan agardando por el dende a saída da Halo The Master Chief Collection. Nesta nova entrega descubriremos a Agent Locke, un novo protagonista que será acompañado por Arbiter de Halo 2, xuntos terán que darlle sentido á desaparición de Master Chief sendo Locke a persoa asignada coa tarefa de atopalo. Unha nova etapa da saga Halo exclusiva para Xbox One e case un obligado para calquer usuario desta plataforma.

 

Uncharted 4: A thief’s end

Si, pode que o teaser que tivemos a oportunidade de ver non fora todo o realista respecto ao resultado final do xogo que veremos en PS4, pero se por iso alguén ten dúbidas de que Naughty Dog, creadores de toda a saga Uncharted e The Last of Us, non vai estar a altura nesta despedida da saga é que aínda acaba de chegar ou non sabe moi ben como funciona a escena dos videoxogos actuais. E se ás enormes espectativas que temos lle sumamos o potencial que suma esta nova xeración, da que sabemos por The Last of Us Remastered que controlan bastante ben, non podemos senón pensar nun posible goty dende xa.

 

The Witcher 3: The wild hunt

Un dos xogos que puiden ver na pasada Gamergy, e digo ver porque tan só nos puxeron un gameplay, é esta terceira entrega de The Witcher que chega cargada de novidades. Este punto final as aventuras de Geralt of Rivia será a maior de todas as aventuras, grandes áreas abertas, nada de historia lineal, combates en tempo real e un impacto tanxible das nosas decisións no transcurso do xogo. Se sodes seguidores da saga saberedes de sobra que non son poucos cambios, se nunca escoitastedes falar dela tan só botádelle un ollo e deixadevos namorar por un dos videoxogos con mellor apariencia deste 2015.

 

Batman: Arkham Knight

De novo outra serie que non pode senón mellorar coa chegada da nova xeración. Batman Arkham Knight, obra de Rocksteady como toda a serie, será máis do mesmo que tanto gustou ata agora mellorando en todos os aspectos posibles, comezando por Gotham, que será máis amplo e datallado, e seguindo pola inclusión do sempre desexado Batmobile. Máis acción coa fluidez coa que esta saga nos ten acostumados ata o momento e sumando o amplo abanico de posibilidades que o Batmobile nos dará en batalla fai deste un xogo a desexar na nosa estantería este ano.

 

No man’s sky

Se tivera que destacar un sobre o resto nesta lista chea de secuelas e segundas partes é sen dúbida No man’s sky, en primeiro lugar por non ser nada do anteriormente citado e aínda así ser capaz de captar a nosa antención dende o pasado E3. E segundo porque é complicado imaxinar un xogo onde a transición entre estar explorando en primeira persoa ou disparando no espacio sexa tan natural que custe decatarse dela. Un universo enorme onde poder atoparse con outros xugadores, explorar e descubrir novos planetas e incluso poder nomealos. Tan grande vai ser o universo que dende Hello Games aseguran que vai ser imposible exploralo todo, xusto as palabras máxicas para querer pasar horas e días ata conseguilo.

 

Bloodborne

Bloodborne é outro exclusivo para PS4 dos creadores de Demon’s Souls. Ao igual que pasa con The Order: 1886 nesta aventura viaxaremos ao oscuro Londres da época victoriana onde, como pasaba na saga Souls, atoparemos un mapa que explorar, un online con toques que o fan distinto a maioría e uns enfrentamentos a vida ou morte que será onde se vexa o gran cambio deste xogo respecto aos predecesores. Bloodborne orientase a un enfrentamento máis ofensivo obligándonos a usar as novas armas e movementos. Unha sempre interesante volta a coñecida saga Souls.

 

Metal Gear Solid V: The Phantom Pain

Era inevitable que Hideo Kojima estivera nesta lista e, pese a que nos tentara despistar con ese teaser xogable de Silent Hills, obra que dirixe xunto con Guillermo del Toro, chamado P.T., estaba claro que a obra que chamaría a nosa atención sería esta quinta entrega de Metar Gear Solid. Pensar nun xogo de acción e infiltración sumado a Kojima Productions debe ser suficiente para que a maioría saiba que canto menos quere probar o que saia de aí pero se por riba vos digo que é o primeiro achegamento de este formato ao mundo aberto, algo que pretende renovar as bases da espionaxe en videoxogos, a espera vaise facer aínda máis longa.

 

Final Fantasy XV

Quizás o menos esperado para min por un simple motivo, nunca fun un fan de Final Fanatasy, pero ao mesmo tempo esto é o que fai que teña máis ganas que nunca de darlle unha oportunidade a este renacer desta serie de xogos. Esta nova entrega é un punto e a parte con novos deseños, mundo aberto, centrado nunha viaxe por estrada e con combates estilo Kingdom Hearts. Sen dúbida o momento de volver a darlle unha oportunidade.

Dead Island 2, Xenoblade Chronicles X, Star Citizen ou The Division, seguro que hai moitos que ti vas xogar este ano e que non mencionei, deixanos a túa lista de 10 xogos nos comentarios ou en calquera das nosas redes sociais e contribúe a esta lista.

Open Broadcaster Software, gameplays para todos

Por: Luns, 22 de Decembro de 2014, 12:02 COMENTAR

OBS logo

As rede sociais, internet e en xeral o gran mundo das comunidades e os usuarios fixeron de nós, consumidores, unha parte fundamental do mundo de circulación das obras pola transformación, que sen querelo ou querendoo, todo sufrimos pasando de simples e meros consumidores a prosumers. Prosumers? Si, non é unha palabra da miña invención, un prosumer é aquel que produce e consume contidos, non necesariamente ao mesmo tempo. Como vos dicía as redes sociais teñen unha gran parte de culpa nisto, xa non nos contentamos con consumir o que nos dan agora nós tamén queremos aportar o noso gran de area xa sexa con fotos, textos, novas que nos parecen relevantes e así.

A gran pregunta que vos estaredes facendo é que ten que ver todo isto co mundo dos videoxogos? Pois que o claro paso do só xogador ao xogador e creador de contidos viu da man directamente do mundo dos gameplays, os directos, Twitch, Youtube e un número interminable de plataformas, sen excluír as redes anteriormente citadas, onde podemos compartir as nosas partidas, vídeos e imaxes dos xogos. Está claro que temos as opcións así que hoxe o que vos traigo, e co que me estreno neste blog, é con Open Broadcaster Software (OBS).

OBS

OBS é un software gratuíto, multiplataforma e de código aberto que nos permite con poucos recursos gravar ou facer streaming das nosas partidas en todo tipos de servizos, como son Twitch e Youtube, sen grandes complicacións e sen consumir demasiados recursos do noso ordenador permitindo unha personalización bastante ampla. Unha das mellores cousas que ten este programa, por se as mencionadas non vos parecen suficiente, é que permite unha configuración total por escenas, cousa moi importante se pensades en facer streaming en directo, deixando engadir multiples cámaras, como pode ser a pantalla do ordenador e unha webcam, e imaxes ou capas para poder personalizar cada unha das pantallas. Por exemplo, no meu caso utilizoo para facer streaming de partidas de League of Legends en Twitch, para o que configuro tres escenas, unha cunha imaxe do xogo a toda pantalla especialmente deseñada para mentres preparo todo, outra cunha capa onde se ve o logo, a webcam, as redes sociais e nun recadro a precarga da partida, e finalmente a pantalla completa onde visualizar a partida.

Se as redes socias fixeron que as opinións de todo o mundo foron un pouco máis accesible OBS fai que as nosas partidas dean ese paso tamén.

Descarga | OBS