A multiconsola RetroN 5 chegará en decembro

Por: Martes, 24 de Setembro de 2013

36506.retron-5-xl

Se pensabamos que o Retrode era a útima opción para xogar cos nosos cartuchos de 16 bits, a compañía Hyperkin quere demostrarnos que estabamos equivocados, e rizan o rizo sacando ao mercado a multiconsola RetroN 5, unha nova consola que fusionará os sistemas de catro plataformas clásicas: Nes, Super Nes, Mega Drive e Game Boy Advance (tamén Game Boy e Game Boy Color) e engadindo ao software o adaptador Sega Power Base Converter tamén se poderá facer uso dos cartuchos de Master System. RetroN 5 é a sucesora de RetroN 3, que saía en 2010 sendo compatible cos tres primeiros sistemas antes indicados.

retron5

As distintas ranuras para xogos do RetroN 5

A saída de RetroN 5 está prevista para o 10 de decembro e o seu prezo rondará os 90€. O sistema incluirá un mando reconfigurable, ademais de ser compatible con máximo de dous mandos orixinais. Outras caracterísicas importantes son unha saída HDMI (720P), unha ranura para tarxetas SD, e a posibilidade de gardar a partida en calquera momento.

En definitiva, un sistema similar ao Retrode, do que falamos hai unhas semanas, pero co encanto de poder xogarmos no nosos televisores e non na pantalla do ordenador.

Sobre o autor:

@ssendon | Ver as entradas publicadas por ssendon »

«Entrei nesto da man de Alex Kidd, e desde aquel intre comprendín que parte da gracia é escoller o teu bando e criticar o dos outros. Declarome logo de Sega, da Xbox e do Fifa. No futuro apocalíptico que nos agarda enrolareime coma Gears ao servizo da COG, mentres tanto emulo, malamente, a ídolos musicais co guitar hero»

Deixar un comentario