state-of-decay
Undead Labs confirmou que haberá unha versión para PC do xogo State of Decay neste mesmo 2013.

O xogo foi todo un éxito dende o seu lanzamento o pasado 5 de xuño a través de Xbox Live Arcade, onde xa acadou a cifra das 500.000 descargas, convertíndose no xogo orixinal que máis rápido acadou esa cifra.

Esta nova versión para PC terá mellora nos gráficos, maior resolución e maior taxa de imaxes, pero non terá diferente contido nin características.

“O que non terá a versión de PC serán ferramentas de modificación (por cuestións de tempo e probas), pero non temos ningunha obxección cos mods e estaremos moi atentos a ver con que nos sorprenden os xogarores de PC.”

O estudio tamén ten a intención de participar no programa “Steam’s Early Access”, no que os xogadores poderán ter acceso ás versións beta do xogo antes do lanzamento ao mercado da versión final do xogo.

Co éxito acadado, non é de estrañar que Phil Spencer, vicepresidente de Microsoft Studios, amosara o seu interés en levar o título á nova videoconsola Xbox One, facendo notar que o estudo ten grandes plans para a franquía.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

Deixar un comentario