images

Con certa incredulidade vemos algúns os últimos movementos en comunicación e márketing da compañía estadounidense, que parece empeñada en gañarse a enemizade de boa parte da comunidade gamer.

Despois das reaccións producidas pola confirmación de Sony de que PS4 non encadeará ao usuario a internet (o que disparou as expectativas comerciais da compañía xaponesa a respecto do seu rival máis directo), a reacción de Microsoft chega en forma de declaracións claramente desafortunadas.

Foi nada menos que Don Mattrick, directivo da compañía e mestre de cerimonias nas últimas conferencias, quen ven de declarar; “temos un producto para xogadores que non teñen ningún tipo de conexión (á rede), chámase Xbox 360”.

Mattrick amosouse totalmente convencido de que os xogadores acabarán por aceptar as restricións de Xbox One cando vexan as súas vantaxes, ao tempo que reiterou que para aqueles e aquelas xogadores/as que non dispoñen dunha conexión a internet boa e estábel a solución de Microsoft é non dar o salto xeracional; “Ese, (Xbox 360), é un dispositivo offline”, insistíu o directivo da compañía americana.

Sobre o autor:

@Moucho Branco | Ver as entradas publicadas por Moucho Branco »

«Houbo dous comezos entre os videoxogos e mais eu. O primeiro remóntase a mediados-finais dos 80 e a un Amstrad, un monitor monocromo, e unhas cintas que tardaban o tempo xusto en cargar os xogos para facer a modiño un bocadillo de nocilla. Eran os tempos das quests deseperadas por moedas de 5 pesos co fin de rebentar algún arcade. Logo chegou a NES e a primeira era das consolas, que deixaría momentos gloriosos nos 8 e 16 bits. O segundo comezo foi coa era das tres dimensións e a chegada ás casas dos 32 bits. Foi entón cando comprendín que ao madurar non esquecería os videoxogos, senón que terían o bonito detalle de madurar comigo. E até hoxe seguimos madurando xuntos, (van gañando eles).»

4 Comentarios a “Microsoft convida aos xogadores sen conexión a internet a non dar o salto xeracional.”

  1. Skaltum di:

    Eu teño a sensación de que Microsoft se está a rir directamente na cara de todos os xogadores.

    Ou iso, ou todo é unha broma da empresa norteamericana.

  2. Nero di:

    A verdade é que o Sr. Mattrick ten máis cara que espalda para decir semexante barbaridade e quedarse tan pancho.

Deixar un comentario