Square Enix fracasa en vendas

Por: Mércores, 27 de Marzo de 2013

square-enix-LA

Parece que Square Enix non está pasando polo seu mellor momento, e despois de que o seu presidente abandonase o barco, as cifras dos seus xogos máis “exitosos” tampouco confirman unha mellora da compañía nipona.

Títulos como Tomb Raider, Sleeping Dogs e Hitman: Absolution non acadan as vendas que se estimaban para a súa rentabilidade e aínda que a primeira vista parece que a recaudación foi “decente” (Tomb Raider, 3.4 millóns de copias vendidas; Sleeping Dogs,1.75 millóns e Hitman: Absolution, 3.6 millóns), as perdas totais da compañía foron de 108 millóns de euros.

Estaremos ante a degradación final de Square Enix, unha das máis importantes da industria?

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

1 Comentario a “Square Enix fracasa en vendas”

  1. Moucho Branco di:

    A política de lanzamentos de Square Enix é lamentábel, queimando as súas mellores referencias con lanzamentos constantes de baixa calidade para tropecentasmil plataformas, excluíndo ou maltratando moitos dos seus mellores lanzamentos xaponeses en occidente, e facendo declaracións públicas moi pouco afortunadas sobre “o traballo que dan” determinadas cousas. Igual isto confirma que esta compañía precisa pensarse un pouco algúnhas cousas.

Deixar un comentario