Resumo sobre a conferencia de Sony

Por: Xoves, 21 de Febreiro de 2013

PlayStation-Meeting-2013-550x300

Acaba de rematar a conferencia de Sony e para que non vos perdades ningún detalle farei un breve resumo sobre o que se anunciou oficialmente.

Como aínda non temos á nosa disposición demasiado material visual, iremos actualizando á medida que cheguen ás nsoas mans. Comecemos.

1- Sony anuncia oficialmente PS4, o segredo sabido por todos pero que se fai oficial, así como o seu novo pad, que incluirá pantalla táctil e cámara.

Parece que os rumores sobre o novo mando foron certas, mais da consola non amosaron absolutamente nada. Quedaremos coas ganas e verémola no E3.

Despois pasan longo tempo falando sobre o online, as posibilidades, a unión entre redes sociais e videoxogos, etc.

Aquí o novo mando da PS4

Aquí o novo mando da PS4

2-Anuncian Knack, o primeiro xogo oficial de PS4. Cun apartado técnico similar aos filmes de animación chéganos esta mistura entre plataformas e aventuras, na que nos poñen na pel dun protagonista capaz de transformarse para superar os diferentes retos.

3- Despois disto fai aparición Killzone: Shadow Fall, a nova entrega que aterrará en PS4 e na que parece que deixan o ambiente “suburvial” do anterior título para ofrecer máis claridade e efectos de luz, o que non significa que os tiros non sigan vixentes.

Aínda que cun apartado técnico bo, o salto gráfico non se aprecia tanto.

4- Drive Club foi o seguinte título en presentarse. Non podía faltar un título de conducción e desta volta non foi Gran Turismo, foi este xogo que nos permitirá crear as nosas propias carreiras e clubes para competir contra outros rivais reais. Aquí a presentación.

5- A primeira gran sorpresa da noite, xa que o crador daquel xenial Braid, apareceu anunciando a súa nova creación, The Witness, un fermoso videoxogo cheo de puzzles.

the-witness

6- InFamous foi o seguinte en chegar, baixo o sobre nome de Second Son, volven os super poderes.

7-Media Molecule tamén estivo presente nunha presentación moi na súa liña, pretender que os usuarios creen as súas propias “cousiñas”.

8- Para min a sorpresa que máis recalco é a presentación da nova tecnoloxía gráfica creada por Quantic Dreams. Aquí é onde se comeza a ver o que pode ofrecer a PS4, aquí é onde realmente falamos dun salto significativo.

9- Outra gran sorpresa foi a intervención de Capcom, tamén presentando un novo motor gráfico, pero desta volta con demostración incluída, Deep Down.

10- Diablo 3 chegará á PS3 e PS4

11- Outro punto de inflexión no evento, Watch Dogs que xa nos sorprendera anteriormente volve facelo. E de que maneira.

12- Bungie fixo aparición amosando o seu primeiro título multiplataforma. Trae o nome de Destiny

E isto foi o máis destacado desta conferencia que tivo atento a medio mundo, na que polo menos non aburríu, como xa é máis habitual nos E3.

Despois da conferencia os medios de comunicación que están presentes onde se realizou o acto confirman outras dúas novas que van gustar a máis dun, a PS4 sairá este ano, supostamente cara o final, e tamén será capaz de executar xogos de pasadas xeracións mediante streaming.

Iremos ampliando as novas a medida que Sony vaia quitando prendas.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario