Transforma unha Game Boy nun gamepad para Android

Por: Venres, 11 de Xaneiro de 2013

Moitas de vós teredes pola casa unha Game Boy Classic (tamén coñecida como Game Boy Tixolo ou Game Boy Tocha). E probabelmente non funcione, ou simplemente xa estea obsoleta e non a queirades para nada. Pois… por que non transformala nun gamepad para poder xogar co teu Android?

Esa foi a idea de Chad Boughton, quen deu en facelo e describir o proceso no web Instructables. Que se precisa? Pois unha Game Boy, un Wii Mote, unha carcasa ríxida para soster o teu móbil con Android e o aplicativo Wii Controller IME ou outro semellante. Ah! E un pouco de xeitiño!

Podes ler as instrucións do proceso todo nesta ligazón: http://www.instructables.com/id/Game-Boy-Android-Gamepad/

Sobre o autor:

@AmilGZ | Ver as entradas publicadas por AmilGZ »

«Cando tiña 8 anos regaláronme a miña primeira consola, unha Mega Drive noviña do trinque. No momento en que a conectei á televisión e vin un ourizo azul a rodar pola pantalla, notei un bolboretear no meu estómago. Resultaron ser gases, mais aínda así gostei bastante dos videoxogos en xeral e de Sonic the Hedgehog en particular. Comezou así unha bonita historia chea de amor, sangue e bolachas de dinosauro que se estende até a actualidade.»

Deixar un comentario