A compañía nipona Nintendo ven de anunciar a data de saída da súa nova videoconsola Wii U tanto no mercado xaponés, como o americano e europeo. A primeiro mercado onde estará dispoñible será nos Estados Unidos, a partir do 18 de novembro. O 30 de novembro debutará en Europa, mentres que no país asiático estará dispoñible a partires do vindeiro 8 de decembro.

Haberá dispoñibles dúas versións da consola: a versión Basic en cor branca, cunha memoria interna de 8 GB e un GamePad e a versión Premium en cor negra, cunha memoria interna de 32 GB, unha barra de sensores e o aceso á Nintendo Network Premium, entre outras cousas.

Versión Premium da Wii U



O prezo nos Estados Unidos será de 299,99 $ na versión Basic e 349,99 $ na versión Premium. En canto ao prezo en Europa, non se fixo oficial, pero seguramente (como ven sendo habitual) rondarán as mesmas cifras en Euros.

Versión Basic da Wii U



Entre os títulos que anunciaron durante a Nintendo Direct destacan: Bayonetta 2 (exclusivo para a Wii U), Mass Effect 3: Special Edition, Darksiders II, Rayman Legends, FIFA 13, Call Of Duty: Black Ops II, New Super Mario Bros. U, Zombi U, entre outros.

Así que os máis fans de Nintendo aínda teredes que agardar mes e medio para probala na vosa casa.

Máis información na páxina oficial.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

2 Comentarios a “Nintendo anuncia a data de saída e prezo de lanzamento da Wii U”

  1. Skaltum di:

    Bayonetta 2 exclusivo de Wii U?, doeume máis isto que se me deran un golpe na entreperna.

  2. eros di:

    O do prezo en Europa é normal, aquí temos os impostos máis altos que en América e Xapón.

Deixar un comentario