Está ben, os datos financeiros da Nintendo a respecto do hardware non son o que chamariamos óptimos. Mais non debemos ollar só para isto, xa que o seu software xoga noutra liga diferente.

Como exemplo, dicir que o Zelda: Ocarina of Time 3DS vendeu máis de un millón de unidades en menos de dúas semanas. Con todo, os reis da casa son o Pokemon: Black & White e o Mario Kart Wii. O primeiro leva vendidas máis de 12 millóns de unidades, aínda que esta cifra queda a un lado coas máis de 28 millóns de unidades vendidas que leva o todo-poderoso Mario Kart Wii. Unha cifra que vai acorde á súa cualidade.

Como vedes, a situación da Nintendo tamén non é tan alarmante como nos parecen vender nos medios. É certo que se topan nun “pequeno” buraco, mais supoño que acabarán por saír conforme vaian chegando novos xogos para a nova portátil.

Ou estarei a ser optimista de máis?

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario