Vénse de lanzar o pack The Humble Indie Bundle #3, ou o que é o mesmo, un pack de xogos indies, en que o xogador paga o que estime oportuno, compra varios xogos e reparte os beneficios entre un par de asociacións benéficas e os programadores como el estime oportuno.

Os xogos ofrecidos nesta edición (a cuarta, xa que houbo unha edición especial non numerada) son 5 grandes xoias indies, feitas con agarimo, en que se acumulan horas de xogo e diversión. Estamos a falar de Crayon Physics Deluxe, Cogs, VVVVVV, Hammerfight e And Yet it Moves.

Como xa comentei, os cartos podedes escoller como repartilos entre os programadores e dúas asociacións benéficas que neste caso son a fundación Child’s Play e a Electronic Frontier Foundation. Unha iniciativa que a min polo menos me fai continuar tendo esperanza na humanidade.

Déixovos o vídeo de presentación e tras este toda a información do pack.

Web The Humble Indie Bundle || Web Child’s Play || Web Electronic Frontier Foundation

Edito: Esquecía comentar que son xogos para Linux, Mac e Windows, non hai escusa!

Sobre o autor:

@aPeleteiro | Ver as entradas publicadas por aPeleteiro »

«Practicamente coma todos os da miña xeración, a miña relación cos videoxogos comezou cando me regalaron a NES, o que fixo que dende entón non puidese abandonar nunca máis este marabilloso mundo. A partir daquela pasaron pola miña man case que toda as consolas, Super NES, Nintendo 64, PlayStation 1 e 2, XBOX 360, sen esquecer as portátiles de todas as cores. Actualmente adico maioritariamente o meu tempo a xogos indies e sobre todo ó inigualable League of Legends

3 Comentarios a “The Humble Indie Bundle #3 – Paga o que queiras e xoga!”

  1. Skaltum di:

    A verdade é que o resto de videoxogos non os probei, pero teño que dicir que o VVVVVV é unha auténtica viciada. Engancha cousa mala, avísovos.

  2. aPeleteiro di:

    E que esta iniciativa é xenial, eu teño tódolos Bundles, encántame mercar xogos así.

    PD: É escusa, ou excusa? xDD

Deixar un comentaio a AmilGZ