Seguir a presentación europea de 3DS

Por: Mércores, 19 de Xaneiro de 2011

Hoxe foi o día escollido para que a nova portábel de Nintendo se presente a Europa. Os que seguimos esta consola de cerca (máis por curiosidade que por outra cousa) estaremos atentos a Amsterdam, porque hoxe ás 15:00 poderemos seguir este esperado lanzamento.

Se vós tamén queredes ver o seu prezo final, día concreto de lanzamento e os títulos que acompañarán a consola en directo, mergulládevos nesta ligazón:

http://live.nintendo3ds.nintendo-europe.com

Persoalmente creo que este evento non vai sorprender ninguén, xa que o prezo case é seguro que sexa de 250 euros, os títulos de lanzamento serán similares aos anunciados no Xapón e a consola sairá sobre marzo.

Pero sempre hai que deixar un oco para a esperanza… sobre todo no referente ao prezo. Hai que saber soñar.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

1 Comentario a “Seguir a presentación europea de 3DS”

  1. AmilGZ di:

    Pois eu estou a valorar comprá-la, mas o bloqueio regional bota-me atrás. E haverá que ver como é em termos de reproduçom de áudio, vídeo e e-books, o navegador, a tenda virtual…

    E sim, também a possibilidade de lhe meter homebrew com cartuchos tipo os da DS ou GBA. Nom por pirataria, senom por aplicações de usuários (nomeadamente emuladores).

Deixar un comentario